#خُلِقتْ_حُرّة
#تكميل_الحلقه 29
أول يــــــــوم في رمضاان....
.
.
يـــاقـــــــوت ......
كل يوم ننصدم بشي غريب فالعيله هذي ، بعد الي صار امس كملو عادي و لا كأن شي صار ، و انا لـ لحظـهہ هذي مزال صورت الدم عالقه في راسي و اطرافي كلهن مسقعات و يديا ماوقفوش رعشه
اليوم اول يوم رمضان كنت حاسه بتعب و اثر المرض مزال عليا لكن صمت ، ابتسمت بهدوء و زادت رعشة يديا لما شفته خش بطوله و هيبته لصاله ، قرب من باته و باسه ع راسه و هناه ع رمضان و نفس الشي مع امه ، لا إراديا كانت ابتسامتي اتوسع اكثر و اكثر و عيوني يلمعوو ، قمعز يهدرز مع باته و امه و ما انتبهليش حتى
لكن مع هكي سعادتي بشوفته ماخلتنيش انفكر في اي شي ثاني ، شفت للحديده الي في يدي و ابتسمت بشويا و انا نلمس فيها كنت حاسه اني نحيا من جديد ع ابسط شي منه
اذن الظهر و صبى باته يصلي فيه اما امه خشت للكوجينه بدير شي و هوا التفت عليا و ابتسم بشويا و طبطب ع الفراش جنبه بمعنى تعالي هنا ، صبيت بفرحه و سرعه و جيت قمعزت جنبه
ادهم : بهدوء ، كل سنه و انتي طيبه
ياقوت : هزيت راسي بشويا و ابتسمت
ادهم : شنو توا كويسه ماتحسش في شي
ياقوت : هزيت راسي ب اها
ادهم : رفع حاجبه ، و شنو يعني ماتبيش تحكي
ياقوت : ضحكت بشويا و هزيت راسي ب لالا و حطيت ايدي ع فمي ببصاره
ادهم : ابتسم و مد يده مسك يدها و مزال رافع حاجبه ، كنها ايدك ترعش هكي
زادت رجفت ايدي بين يديه و كانها ع الهزاز محطوطه ، ابتسمت بتوتر و مش بس يدي الي رجفت قلبي و كل حواسي رجفن مع لمساته ، طبطب ع يدي بشويه و مسح عليها
ادهم : ناقصك اي شي
ياقوت : هزيت راسي بلالا
هز راسه و خلا يدي و خذا حاجته و صبى طلع ، حسيت بفراغ لما حول ايدي من ايديه ، الدفو و الامان الي حسيتهن حسيت ان مشن ، شبكت يديا في بعضهن و تنهدت بعبوس ، و كنت متمنيه ان يقعد معايا و مانعرفش ليش الانجذاب هذا كلا
____________________________
هـــــــــــاجــــر .........
فتحت عيوني بثقل و انا حاسه و كان تراب فيهن او ابر ، الشهقات مزالن في صدري ، حطيت ايدي ع بطني موجوعه و انا خايفه يكون صار شي لطفلي بسبب حقارت باته
رفعت يديا و شفت اثر مسكته ليا من يديا ازرق ع اخضر ع احمر حاله صايرات ، سحبت روحي بشويا و اتكيت ع ظهر السرير و رفعت عيوني لساعه كانت 6ونص يعني قريب المغرب ، تنهدت بآلم و الدمعه تلألأت ع طرف عيني
غضبه الي جمعه ليا كلا حطه فيا امس بشي حقير و نذل كيفه ، من كثر بكايا ماقدرتش نرقد الا ع الظهر ، رن في وذني كلامه قبل مايطلع مني " عليش لبكاء هذا كلا انا خذيت حقي وبس "
مسحت دموعي بهدوء و انا نشوف لفراغ ، سمعت صوت مفاتيحه و خطواته لحد ماوصل لدار ، ماشفتلش و لا تكلمت و لا تحركت ، حسيت بيه قمعز قدامي و مسك خصله من شعري
ادهم : بصوت هادي ، ليش رقدتي و شعرك مبلول ،
مارديتش عليه تنهد و قرب باس خدي بهدوء عساس بوسة اعتذار ، دفيته من صدره و شفتله
هاجر : بحده ، صيااام
ادهم : ابتسم بشويا ، امم معناها نخليها بعد الفطره
هاجر : خزرته بدون مانرد عليه
