#خُلِقَتْ_حُرّة
#الحلقه9
هـــــــاجـــر .......
نظرات الكل غريبه لياا و باين ان في فم كل واحد فيهم كلام بس ساكت ، ماقدرتش اني انتفادا نظراتهم من كثر مايشوفولي ، تجاهلت نظراتهم و ابتسمت لملك الي خشت مع الباب
تحولن نظراتهم من ليا لملك ضحكت بهزوه عليهم و على همسهم بس يبو شي يحكو فيه ، دورت بعيوني على جنان كانت مش قاعده مانعرفش في اي مصيبه قاعده دير
ملك : سلمت ع هاجر و قمعزت جنبها ، كيف حال
هاجر : ابتسمت الحمدلله كيف حالك انتي
ملك : ابتسمت ، الحمدلله
هاجر : حست في شي بس سكتت و رفعت ندى في كترها و باستها ، شن صار معاكم
ملك : بعد العرس بنطلعو بيها لمصر ان شاءالله
هاجر : ان شاءالله ربي يشفيها ، وين حتحطو فارس
ملك : تنهدت ، عند حنه ممكن
هاجر : شافتلها ب استغراب ، باهي احسن
ملك : تغيرن ملامحها ، لولا مدرسته را خذيته
هاجر : ليش في شي
ملك : خذت ندى الي بدت تبكي ، كل ما يمشي لحنه يروح كارهني تعبي في راسه و تفهم في طفل صغير حاجات غريبه و حركات خبيثه
هاجر : مصحها فوق ما انك ماسكه ضنا بنتها و..
ملك : قاطعتها ، مانبيش منها و لا من غيرها يشكروني عويل رغد الله يرحمها عويلي
هاجر : رفعت حاجبها من دفاع ملك الهجومي ، اسفه ماكنش قصدي هكي بس الي كيفها ماتحكيش
ملك : تنهدت ، اهو شن تقوليلها
______________________________
جنـــــــــــان .....
لبست جاكه فوق البدي و حطيت وشاح ع راسي عشان نطمن قلب مستر سلطه و مايشكش فيا اني قاعده نخططله في مصيبه
طلعت من باب الكوجينه الي لاوره و مشيت جهت حوش المتخلف متاعي ، صبيت ع ماده الحوش
كان حوش بسيط و صغير جنب حوش هله و كان خاطري نعرف ليش سيب الشقه الي فوق هله لكن لما سألته قالي ادهم بيوسع فيها وقتها ما اهتميتش واجد ، صبيت عند الباب و ابتسمت بخبث لما شفت ربيع
جنان : بصوت عالي شويا ، ربيييع ربيييع
ربيع : عقد حواجبه و قرب منها ، شن ديري هنا
جنان : ربعت يديها لصدرها و ابتسمت ، نبي ولد سيدك تقدر تكلمه ليا
ربيع : رفع حاجبه ، مافيش حشم عندك بكل انتي امشي خشي جوا
جنان : قلبت عيونها بملل ، خفت شوف كيف نرعش كذا عدي كلمه و لا خلاص وجك اهو سعيد ، سعييييد كلملي مصعب
ربيع : عض ع فمه التحتي ، لو كنت مكاانهم كنت عادمك من زماان لكن اخ بس ماجيتش اختي
جنان : شيرت بصبعها عليه ، باتك عنده بناات واجد مش ناقصه تجيه وحده اخرى
ربيع جا بيرد قاطعه صوت مصعب
مصعب : عقد حواجبه ، جناان
جنان : ابتسمت ب برائه ، زوزي الغالي
مصعب : رفع حاجبه و شاف لربيع ، شن دير انت هنا
ربيع : ماتجيش تصبي معاها بروحك و..
مصعب : قرب فتح الباب و دف جنان بيده جوا و شاف لربيع ، محد خذا رايك و رد بالك نلقاك مصبي عليها مره ثانيه مش حنكون هادي هكي و خش للحوش و سكر الباب في وجه ربيع الي سكت و مشى كيف الشاطر
