#خُلِقتْ_حُرّة
#الحلقه 26
" مِن المؤلم أن ترى الأشياء حولك تتلوّث .. وتتألم بصمت .. أن يداخلك إحساس مقلق بأنّك قد تسبّبت في ظلم إنسان ما .. أن تجد نفسك مع الوقت قد بدأت تتنازل عن أحلامك واحداً تلو الآخر.. أن تضحك بصوت مرتفع كي تخفي بكائك.. أن ترتدي قناع الفرح كي تخفي ملامح حزن وجهك الحقيقي. "
تنهدت بتوتر و قمعزت و مشبكه اصابعي بعضهن ، قمعزت و نهز في كراعي بتوتر و الدمعه في عيني
" رهف "
رفعت راسي ع طول في بابا و هزيته ب لالا و دموعي طاحن ، و حكيت بسرعه و خوف
رهف : بابا مستحيل انردله يابابا مستحيل حيقتلني والله ، بكيت بخوف و انا انهز في راسي ب لا و رفض
بابا : تنهد و صبى قمعز جنبي و حط يده ع كتفي و خذاني لحضنه ، مش حتردي له اهدي بس
رهف : مسحت دموعي وهنا ينزلن و يديا يرعشن ، بابا خش عليا سكران كان منظره يخوف ضربني بلا رحمه لو نقعد عنده حيقتلني
مسح ع راس بنته و تنهد و هوا يشوف في حاله بنته بسبب ولد خوه ، مش هذينا عاداتهم ! مش هما يعطو في بناتهم لبعضهم عشان يحافظو عليهن ! ، ليش ماحافظ ع بنته ، ليش حالة بنته هكي ، مسح دموعها و شافلها
خليفه : اهدي ياباتي مش حتردي له ، لكن انا مانبش نظلمك متأكده انك تبي تطلقي
رهف : مسحت دموعي و شفت لبابا و انا نحاول نستوعب كلامه هل انا متاكده اني نبي نطلق ؟ اكيده بدون تفكير ، هزيت راسي ب اها ، انا معش نبيه يابابا
خليفه : ابتسم بشويه عشان ايطمنها ، صبي اغسلي وجك و تو ياخذكم ايوب يطلعكن لما يجو عمامك مانبيكش هنا باهي
رهف : هزت راسها به ، حاضر
__________________________
هـــــــــــاجر .......
فتحت عيوني و لقيت روحي قريبه منه و راقده ع يده ، تنهدت بشويا و شفت لملامحه هوا كل حد يرقد يقعد ملاك هكي ؟ ، عضيت ع فمي و قرصت كراعي بشويه ياغبيه من شوي كان ضاربك
مانعرفش اذا وحمي جايه عليه بس في شي مش مخليني انبعد ، حطيت ايدي تحت خدي و قعدت نشوفله بهدوء بس لو يتغير شويا و يغير طبع مدت ايده و عصبيته الزايده ، و نفخت ذيل الكلب عمره ماينعدل
ماحسيتش الا ع كفخه ع راسي ،
ادهم : انا ذيل كلب ياحيوانه
بسم الله هذا امتى سمعني ، كنت انفكر بصوت عالي و لا شنو ، شفتله يشوفلي و مبتسم قلبت وجي عليه و حولت يده و صبيت سمعته يعيط ورايا
ادهم : بضحكه و صوت عالي ، تعالي كملي تأمل عيب تخليها في خاطر ولدي
سيبته و خشيت للحمام سكرته بقوه ، ياربي هذا شن يخلصني منه توا ، شفت لوجي فالمرايا احمر من ضربه الغجري و توا جاي بيصالح ، تصالح عينك رفعت شعري و فتحت الميه غسلت وجي و نشفته وطلعت
طلعت للدار لقيته مش قاعد ، فتحت الدولاب و طلعت بيجامه طرف واحد قصيره لنص الفخض لبستها و مشطت شعري و درت مرطب لجسمي و وجي ، و طلعت لصاله لقيته مقمعز ع الصالون و قاعد ع تلفونه ، فتحت التلفزون و حطيت ع مسلسل و قمعزت انتفرج عليه ، و حاسه بعيونه بتاكلني
