#خُلِقتْ_حُرّة
#الحلقه35
رفعت عيوني في عيونه ، أبتسم بهدوء بأبتسامه واسعه صغرو فيها عيونه و رفع إيده مسح بيها على شعره ، كنت من كثر حُبي له نحفظ فـ أدق تفاصيله ، لما يكون فرحان تكون أبتسامته بصدق أبتسامه تبان على عيونه و توتر يمسح بأيده على شعره ، لكن نظراتي كانن عباره عن خوف من المستقبل الي معاه
أنا ضعيفه لدرجه ماقدرتش أنواجهه هوا مش أنواجهه عيله كامله ، رجف قلبي خوفًا من أن يكون تحت رحمته مره ثانيه من بعد ماتعود على بعده و حاط روحه بأسوار كرهه له ، رفعت أناملي بخفه دقيت بيهن جهت قلبي ، و كأن كان التحذير من يلي حيصير
تهت و انا نذكر في تفاصيل الي صار من شوي
"
مسكت إيدها و مشيت وراهاا و هيا تمشي بيا وراء الحوش
_ لولي وقفي وقفي دهشت ، وين ماما
_ شويه بس
تنهدت بقوه عليها من بدري و تمشي بيا و تقول شويه بس ،
_ حبيبتي شنو شويا بس المغرب قريب يذن ، و بعدين ماما شن تبي هناا
_ ماما ماتبيش هنا ، انا الي نبي هناا
التفت ع صوته و وقفت مكاني ، غمز لـ لولي و شيرلها بيده بحركه تمام 👍 ، و هيا ضحكت و مشت تجري اااخ يامعاذ حتى عويلك حقاره زيك ، قعدت مصبيه مكاني و هوا يمشي اتجاهي
حاط طربوش التوته ع راسه و يديه في جيبه ، وصل لعندي طلع إيده و حك خشمه و ضحك ، وخرت خطوتين لاوره لكن ماحملنيش كرعيا نمشي كنت عارفه ان مصمم يحكي معايا يحكي لذلك مش حيخليني نمشي ، لذلك بدل الخوف و الهروب تصنمت بمكاني
رغم ان رجفت جسمي و يديا بالخصوص ، نفسي السريع و عيوني فاضحين الخوف الي فيا ، لكن إذا بس فكر يديرلي شي مش حنسكت زي الي قبلها وبعيطه وحده بس حنلم الدنياا ،
محمد : رفع حواجبه بأبتسامه و مد يده لجيبه طلع طرف شكلاطه كبير بالفرواله رفع قدامها و غمز ، تحبيها
رهف : حضنت يديا لصدري بخوف و رفعت عيوني لشكلاطه و رديت نشوف لجهه الثانيه ، صايمه
محمد : كمل بأبتسامه ، مش اليوم كلا أكيد
عقدت حواجبي و نفسي زاد يعلا ، عيوني غرقن دموع ، حاضنه يديا لصدري وكراعي نهز فيه بقوه ، نشوف لأي مكان الا عيونه
محمد : بصوت هادي ، رهف
رهف : التفت عليه بعصبيه و رفعت صبعي في وجه ، مااتت رهف مااتت من اليوم الي تزوجتك بيه و هيااا ماتت انسااها و ياريت تبطل حركااتك و تفكنا من دور الحبيب الي مش قادر يعيش بدوني ، لانك لو تحبني ماكنتش درت فياا هذا كلاا ، أفهم مانبييكش والله ماانبييك ، نكررهك نكررهك
برمت و انا نرجف من العصبيه دموعي انفتحو مطر و بس بنمشي من جنبه مانبيش مكان يجمعني بيه ، سبقني بخطوتين و مسك إيدي بقوه و لفني لاه ، عقدت حواجبي وشفت لإيدي الي يضغط عليها
