#خُلِقتْ_حُرّة
#تكميل_الحلقه 37
مــــــــــلـــك ..........
رقدت عند عيت جدي بعد أصرار كبير على معتصم لان كلنا بتنا غادي عشان حوسه امس و لان عيت عيت سيد بابا مزالو قاعدين و بناتهم قاعدات و معزمات اليوم ع الفطور
و أنا ربي الفتره هذي مطيح عليا النوم ، إذا رقدت مانوضش الا بعد وين ، فتحت عيوني و سمعت صوت الأذان سألت رهف
ملك : الظهر
رهف : لا ياحبيبه العصر
ملك : مانعرفش رقدت هذا كلا ، حطيت إيدي ع فمي و ثاوبت ، أكيد حاطيني ع ال16
رهف : و انتي الصادقه 160
هزيت راسي و ضحكت ، شفتلها تحط في كريم اساس على آثار ، حسيت ان هيا و محمد علاقتهم تحسنت غريبه كيف قدرت تسامحه يلا شن دخلني بيهم ، قعدت مكاني و فاشله مش قادره نصبي ، و ماحسيتش الا ع فارس خاش يبكي عقد حواجبي و فتحتله يديا
ملك : حبيبي تعال كنك تبكي
جاء خش معايا و يبكي و خدوده حمر و انا ركبني مية عفريت و نسأل من ضاربه ، عاد آخرتها طلعت صبيتي صفاء عشان ولدها ، صبيت لميت شعري و لبست وشاحي و مسكت فارس و طلعت بهمه و دم يفور لراسي ، لقيته تلبس لبنتها
ملك : ليش ضاربه فارس
صفاء : عمته و ضربته
ملك : عمته بعد تضربيه ع غلط مش تضربيه عشان ضناك و بعدين حركه مش حلوه هذي عويل صغار في بعضهم الكبير ياخذ القريضه بس
صفاء : فارس قليل ادب و مش متربي و بعدين يضرب في اي حد قدامه ، قليل ادب و يستاهل
ملك : بعصبيه ، مش حنحكي معاك عند اب يجي يتفاهم معاك ،
صفاء : هزت إيدها ، عدي عدي
نرفزتني خذيت فارس الي وجه ملطع من كفوفتها ضربه في يدها ، خشيت غسلت وجي و غسلتله و دزيته يكلم معتصم ، لان معتصم كل شي الا فارس انا بروحي مايخلينش انت فيه حتى ، شويا و جاء شايله و فارس يشكي لباته
معتصم : عاقد حواجبه ، كنها ضرباته
ملك : تقول قليل ادب و مش متربي ، و اصلا ضرباته عشان ضرب ولدها
شفته دخنت عنده و هوا اصلا من غادي صايم ، عاد خش لسقيفه و قعد ينادي بصوت عالي " صفاااااء صفاااااااء " ، شويا و طلعتله
معتصم : عاقد حواجبه و يحكي بصوت عالي ، قسمًا بالله لو تمدي يدك عليه مره ثانيه نكسرها و نحملها لكي ، انا باته مانضربش فيه و بعدين دار غلط اتجي تحكيلي نا مش تمدي يدك عليه ، هيا تبي تحكي معطاهاش فرصه صوته عالي يشرط الوذن ، و دمااغك هذا كبرييه ليا و بطلي تخلف عويل صغار في يعضهم تمدي مكسورتك انتي ليش ، و الكلام مش لكي انتي بس ، للكل فارس خط حمر اي غلط يديره نحاسبه نااا حتى ملك هذي ماتدخلش بيه
هيا قعدت تبكبك عشان هزبها و كلهم قاعدين ، و هوا خذا فارس و طلع و امه طلعت تحكي عليه على عيب و ماعيب ، آخر مافيها هدن عليااا
صفاء : مسموومه مشيتي على طول وصلتيها له ، عمته و إذا ضربته حقيره فتااانه
ولعن امه و خواته ، و خوات رغد يفتنن " يومتها قتلاته ضرب و امي ضربتها هوا مدار حاجه " ، " خوكن ياحنه حطاته خاتم في اصبعها " ، " الله يرحم رغد الي قلبها عليكن "
