_ أمبارح اتصلت عليك كتير ليه ما رديتي يا جزمه و ليه ما قلتي لي إنك ماشه بيت خالتو نوال إلا أمك الكلمتني
قلت ليها والله نـًسّْيـت أكلمك يا صابرين + ما رديت عليك لأنو امبارح......الخ ضحكت بصوت عالي و قالت لي:
_ حيييييا انا ايووووه خليك مفتحه كدا غيظيهو و احرقي روووحو و لْـۆ عايزا مساعدتي ممكن اديك خطط ظاااابطه 😈
قلت ليها لا هو كان عُاَدّيَےّ و واضح إنو ما فارق معاهو فـ ليه اتعب نفسي و اعمل كدا؟ افهمي يا صابرين الراجل لْـۆ عايز وحده و نفسو فيها بعمل المستحيل ما محتاج ليهو حركات أو تلميحات منـِْهـ♡̨̐ـِْا + انا اساسا الحركه دي ما عجبتني لأني ما بحب افرض نفسي أو ارميه على زول
_ لَـگِنْ انتي مش لسه بتحبيه؟
اتنهدت و قلت ليها ما مهم ، و ما عايزا اعمل الحركه دي تاني احسن أي زول يكون في حالو
_ قالت لي حتقدري تتعاملي معاهو عُاَدّيَےّ في بيتهم؟
قلت ليها ايوه حقدر.....انتبهت إنو مآب بتأشر لي عشان أجيها....قلت لصابرين مآب بتناديني برجع ليك بعدين....قالت لي طيب يا زوله
مشيت لـ مآب قالت لي بتقدري تمشي معاي السوق العربي ؟
قلت ليها ايوه بقدر عايزا تشتري شنو؟
ميساء قالت عايزا كريمات زياده للحبسه + عايزا اشتري ملايات و ستاير جديده
قلت ليها طيب حنمشي متين؟
قالت لي بكرا ما عِنـ.̷̷̸̷̐ـديّ جامعه برضو انتي عندك؟ قلت ليها ايوه لكن ما مشڱلھِ بمشي معاك السوق
_ و حتفوتي يومك الجامعي؟ ...اممم رايك شنو نمشي الًيَوُمًِ؟ الساعه ياداب 9 نفطر و نمشي و لمن نكون راجعين نتصل على عمار عشان يغشانا معاه
قلت ليها طيب....
المهم فطرنا و طلعنا ...لفينا السوق دا كلو و ما خلينا كريم ما اشتريناهو لميساء آخر مكان دخلناهو اشترينا منو ملايات الزمن داك الساعه كانت 4 و خلااااص الشمس قربت تغيب و الناس ماشه في زياده ، مآب قالت لي خلينا نشوف لينا مكان بعيد م̷ـــِْن الزحمه دي عشان أقدر اتصل بعمار ....شفنا محل ببيع آكلات خفيفه مشينا قعدنا فيهو أكلنا سندوتشات و شربنا لينا عصير ... مآب طلعت تلفونها و اتصلت على عمار كذا مَـرّھٌ بس ما رد ....قعدنا قريب الربع سَـآعــهْْ و هي لسه بتحاول في تلفونو
شكلو في اجتماع يا مآب فـ الأحسن نرجع بالمواصلات قبل ما المغرب يدخل علينا و المواصلات تنعدم
قالت لي إلا كدا و عمار دا ذاتو ببالغ والله
مشينا الموقف ، انتظرنا و انتظرنا بس ماف مواصلات > جات حافله وحده بس و الناس ادافرت فيها و ركبت إلا نحنا طبعا الحاجات الشايلنها كتار و صعب علينا ندافر معاهم و المغرب خلاص أذن و الناس مشت تصلي
_ مها لْـۆ وقفنا كدا لبكرا ما نركب فالأحسن نأجر لينا ركشه أو عربيه
قلت ليها ركشه لٱ المساااافه بعيد و حيتمنى فينا منى دا لْـۆ ما طلب مننا أقل شي 2 ألف + ذاتو ركشات ماف
_ عايني بتاع الأمجاد داك ارح نتفاهم معاهو و نشوووفو بوصلنا ولا لٱ
و نحنا ماشين على بتاع الأمجاد تلفون مآب رن ، قالت لي دا عمار قالت ليهو :
_ وين انَـَت انا َ م̷ـــِْن قبيل بتصل عليك و ما بترد
_ مشينا السوق و كنا عايزنك ترجعنا معاك
_ لٱ ما براي مها معاي
_ ننتظرك يعنى؟ ما حتتأخر؟
_ طيب حنقيف ليك جنب......
وااااي تلفوني ....حرااااامي حرااااامي يا ناس ألحقوني سرق لي تلفوني
