أول ما دخلت بيتنا سلمت على ناس البيت و طوالي دخلت غرفتي و انا بضحك براي زي المجنونه.......بليل كدا سمعت صوت تلفوني برن حسيت إنو دا عمار ، كنت خجلانه منو شديد بقيت بين بينين بين احساس إني عايزا أرد عليهو و اسمع صوتو مَـرّھٌ تاني و بين احساس إني ما أرد بس الإحساس الأول هو الكان مسيطر علي، أول ما فتحت الخط جاني صوتو و هو بضحك و بقول لي: (عمار بطل ياخ ) قلت ليهو غيااااظ هسي اتصلت بس عشان تضحك فيني و تسمعني الجمله دي؟!
قال لي أبداََ اتصلت عشان اقول ليك كلمت أهلي بموضوع عرسنا و ماف زول عندو مانع و بكرا ح أجيب أهلي و نجي لـ أبوك و انتي ما عليك إلا تهزي راسك بالإيجاب 🙂
أول ما قال كدا قلبي عمل شححح و ضرباتو زادت بقيت ساكته ساي ببتسم و بسمع في كلامو.....فجأه اتذكرت أمي و تلقائيا بسمتي اتلاشت ،، قلت ليهو بصوت مكسور عمار أمي ما حترضى بالعرس دا 💔
قال لي ڼـعمًـْ؟ و ليه ما حترضى ؟
أخدت نفس و قلت ليهو عشان ما اتوفقنا في خطوبتنا الأولى و فسخنها و عشان عرسك انت و نور إتلغى فهي مفتكره إنو الإشكاليه فْيَگ انت عشان كدا انا و نور ما قدرنا نكمل معاك ....
سكت مسااااافه حتى قال لي بسيطه خلي الموضوع دا علي و أهم شي بعدين ما تعملي لي حركاااات و تتقلي ما بقدر اصبر انا أكتر م̷ـــِْن كدا
قلبي اشتغل دلوكه سكته و ما رديت
ضحك و قال لي عارفك حتفصلي بسرعه المهم تصبحي على خير و لحدي بكرا كدا...
قفلت منو و انا عايزا أطير م̷ـــِْن الفرح رميت نفسي على السرير و بقيت اعاين للسقف و اضحك ....
_________________________________________
في اليوم التالي :
م̷ـــِْن صحيت لملمت عدة البيت كلها و غسلتها حتى الملابس غسلتها و مسحت الأرضيه خليت بيتنا يلمع عديل خوفه و توتر ساي قلقت بي و خلتني م̷ـــِْن صباح الرحمن ما اقعد في حته وحده ...أمي لمن بقت مستغربه فيني قالت لي انت الليله كلو كلو ما طبيعيه قبل الشغل دا بنحنسك ليهو تحنيس هسي الجد شنو؟
قلت ليها يعنى الزول ما يحاول يصلح نفسو يا أمي؟ قلت اساعدك شويه +بر الوالدين دا مهم شديد > قالت لي سمح يدينك ديل برجفوا لشنو ؟
قلت ليها دي انا البحركهم شوفي كدا ..و بقيت أهز ليها في يديني قالت لي غيتو الحمدلله بس ....بعد شويه جاها اتصال شالت تلفونها و قامت قلت أكيد دا عمار و قلقي زاد زياده لدرجة إنو بطني وجعتني 🤦♀️
أمي بعد ما انتهت جات راجعه أول ما قعدت قالت لي بر الوالدين قلتي لي مش؟
بلعت ريقي و بقيت اتمتم في الكلام قلت ليها م مم ما فهمت ...قبل ما تتكلم معاي الجرس رن مشيت فتحت الباب كانت دي جارتنا قالت لي أمك قاعده؟ قلت ليها ايوه اتفضلي و خشي ليها جوه في البرنده ،، هي دخلت لأمي و انا مشيت غرفتي شلت التلفون و اتصلت على عمار أول ما فتح الخط قلت ليهو ما وافقت صّـْْ(☑)ـْْحّ ؟ اصلا كنت حاسه إنها ما حتوافق ...صوتي كان اقرب للبكى ...عمار أخد نفس و قال لي ما مشڱلھِ بحاول مَـرّھٌ تانيه 😔
أول ما قال لي كدا ما قدرت اتكلم تاني قفلت الخط و بقيت أبكي بكيت كدا لمن صدعت و عيوني حمرو طول الًيَوُمًِ بقيت بتجنب أمي ، لٱ فطرت لٱ اتغديت و في كل مَـرّھٌ ينادوني فيها للأكل بقول ليها شبعانه صليت العصر و نمت ما صحيت إلا مع المغرب ، جيت ماره بالمطبخ شايفه أمي و أخواتي داخلات و طالعات قلت بسم •اللّـہ̣̥ ديل مالم هسي ...ما ركزت شديد و طلعت برا للوضايه ، فجأه اشوف ليك عمار قدامي لٱ عرفت ادخل جوه لأني لابسه بجامه وفاكه شعري لٱ عرفت اقيف عشان اتأكد م̷ـــِْن الشايفاهو قدامي للحظات حصل لي جمود في المخ عقلي وقف عن التفكير و خلى باقي جسمي ثابت و ما اتحرك لي ساكن ....طبعا هو أول ما شافني أشر لي عشان أخش جوه بقيت أعاين ليهو بس و انا ما فاهمه حاجه.....طق! ياداب استوعبت و فهمت اشاراتو عاينت لروحي و طوالي جريت دخلت جوه و اثناء ما انا جاريه بسرعه اصطدمت مع إمي كانت شايله كبابي عصير و كلهم وقعوا و اتكسروا م̷ـــِْن اللبشه الفيني بقيت اتكلم بسرعه قلت ليها معليش معليش والله ما قاصده ما قاصده انا والله .....قالت لي بسم •اللّـہ̣̥ يا بتي مالك ؟ بقيت أعاين ليها و أعاين برا .....ضحكت و قالت لي كدي خشي جوه هسي بحصلك ....دخلت غرفتي و بقيت متوتره و بهز في رجليني و بطق في أصابعيني لحدي ما أمي جات قعدت جنبي و قالت لي متين كبرتي عشان تبقى عروس ....بقيت أعاين ليها و انا ما فاهمه شي يا رَبّـ❤ـيٌ انا لسه نايمه و دا حلم أمي مش رفضت عمار؟
قلت ليها گ گ گيف انا ما فاهمه حاجه
قالت لي والله عبدالله دا و أسرتو هديلك ليهم جوا لأبوك و قعدوا معاهو و قالوا عايزنك لولدهم عمار و أبوك قال ليهم الراي راي البت
طبعا بقيت ساكته و عامله نفسي ما عارفه حاجه......قلت لـ أمي انتي مش كان قلتي لي ما عندي بت أديها لـ عمار؟ ما راضيه بالعرس دا؟
قالت لي أبدا والله راضيه كل الرضى قبيل عمار اتصل علي و اتكلم معاي كلام زول عاقل و واعي و قدر يقنعني و خت لي النقاط على الحروف والله لمن خجلت منو و م̷ـــِْن كلامي القلتو ليك داك و ذاتو نلقى ليك احسن م̷ـــِْن عمار دا وين؟
نزلت راسي بخجل كدا و ابتسمت أمي قالت لي عامله نفسك ما عارفه حاجه 😏
قلت ليها جد جد انا ما عارفه حاجه يا أمي اعرف من وين؟ +البتشوفوا انتي و أبوي انا موافقه عليهو > قالت لي سمح عمار عرف م̷ـــِْن وين إني في البدايه قلت لْـۆ جا ما عِنـ.̷̷̸̷̐ـديّ ليهو بت للعرس و مخصوص اتصل علي انا ؟!
بقيت اتمتم و اطق في أصابعي ضحكت و قالت لي خلاص خليتك و ربنا يتم ليك على خير يا بتي كدي النمش عشان اكلم أبوك انك موافقه ، هي طلعت و انا مشيت اتوضيت م̷ـــِْن المطبخ و صليت المغرب و رجعت غرفتي شويه كدا و أخواتي تغريد و يقين جوا داخلين و بقوا يحضنوا فيني تغريد قالت لي معقوله تعرسي و اختك الكبيره لسه ما عرست؟
يقين قالت ليها يسوا ليك شنو اذا انتي هبله و ما بتعرفي تصطادي؟ تغريد عاينت ليها بغيييظ كدا و قالت ليها محسساني إنو العرسان واقفين ليك صف 😏
_ فعلا واقفين لي بس انا لما أجي اختار بختار راجل ود رجال سمح و نضيف و ملتحي زي عمار
أول ما قالت زي عمار بقيت احمر ليها ،،وعاينوا لبعض و قعدوا يضحكوا علي ... شويه كدا و جات أمي و معاها خالتو نوال و مآب و بدوا يزغردوا لي ، مآب حضنتني و قالت لي أخيرا حتبقى مرة أخوي و بقت تبوس فيني أمي و خالتو نوال حضنوني و باركوا لي و طلعوا برا .....بعد شويه أمي جات راجعه قالت لي جهزي نفسك و تعالي سلمي عليهم حسيت قلبي حيطلع م̷ـــِْن مكانو و •اللّـہ̣̥ ما بقدر أطلع ليهم برا و اسلم عليهم لٱ و كمان عمار موجود معاهم🙈
المهم استحميت سريع و لبست لي توب ظريف كدا بطريقه حلـِۈۋوھّ قويت قلبي و طلعت ليهم برا طبعا ما رفعت راسي جيت وقفت جنب العم عبدالله سلمت عليهو و بارك لي بعديها سلمت على أخوان عمار عمر و عامر لما جا دورو يدي بقت ترجف و حسيت أطرافي اتجمدت طبعا هو كان مبسوط يشيل و يغمز لي عاجباهو الحاله الأنا فيها ،، بقوة قلب بس سلمت عليهو و فكيت يدي منو سريع خالتو نوال قالت لي تعالي اقعدي جنبي ، قعدت جنبها بخجل و هم طوالي بدوا يتكلموا عن العرس و حددوا الموعد حيتم خلال شهر بس ، بعديها بدوا يتكلموا في شتى المواضيع و انا في كل مَـرّھٌ ارفع فيها عيوني بلمح عمار و هو بعاين لي وترني زياده و خلى القعاد يغلبني ....ما صدقت متين مشوا مننا و متين دخلت غرفتي و متين رقدت على سرير و انا ما قادره اتحكم في ضربات قلبي ...تلفوني رن بديهياََ عرفت المتصل ما رديت عليهو لما كتر الإتصالات فتحت الخط و سكت قال لي عامله فيها تقيله صّـْْ(☑)ـْْحّ ؟ 🤣 ....المهم كنت عايزا اقول ليك كنتي حلـِۈۋوھّ و انتي خجلانه و ما قادره ترفعي عــيونك و تعايني لي منظرك كان بضحك ...قلت ليهو بغيظ اصلا دا الفالح فيهو ...قال آسف آسف طيب ....اتنهد و قال لي ما قادر انتظر عايز متين نكون تحت سقف واحد و كل يوم أكحل عيوني بشوفتك انا كان علي بعقد طوالي بدون قومه و قعده والله حتى الشهر دا انا شايفو كتير بس •اللّـہ̣̥ غالب زي ما صبرت شهور حصبر الشهر دا و انا كالعاده مستمعه جيده اتكلم معاي كدا و قفلنا م̷ـــِْن بعض .....
_____________________________
