خالتو نوال قالت ما ماشه معانا بس بقت توصي فينا المهم بعد مواااال طويل عريض م̷ـــِْن النصايح طلعنا برا و ركبنا في الحافله > ميساء كانت راكبه مع راجلها و صابرين مع مصعب و مآب مع عمار و نحنا كنا راكبين في الحافله و هم ماشين قدامنا .
وصلنا المنتزه و فرشنا فرشتين جنب بعض و قعدنا على شكل دائره ، و بدينا نتونس عمار و مصعب و راجل ميساء يلي اسمو منير كانوا قاعدين جنب بعض و بتكلموا عن الشغل ،، بعد شويه نور قامت مننا و مشت قعدت معاهم....ما عارفه اذا عمار اضايق م̷ـــِْن وجودها ولا لٱ بس كان بتكلم معاها عادي كأنو ما كان في شي حاصل💔
مآب قالت لينا رايكم شنو نمشي نلعب؟ 🤣
قلت ليها هسي الشمس حااااره خليها لمن تبرد شويه طبعا الزمن داك الساعه كانت 2 اصلاََ صلينا الضهر في البيت و طلعنا.....
اثناء ما نحنا قاعدينا بمزاج كدا، ميساء كانت عايزا تشيل صحن و الصحن كان بعيد منـِْهـ♡̨̐ـِْا فـ مدت يدها عشان تشيلو و ختت اليد التانيه على بطنها عاينت ليها و رفعت ليها حاجبي و عملت ليها حركه كدا بيديني هزيتهم يمين و شمال (نفس الحركه البعملها الزول البكون شايل طفل و عايز يسكتو ) ابتسمت و هزت لي راسها طوالي حمرت ليها و عاينت لـ مآب طبعا هي م̷ـــِْن قبيل مراقبانا، قالت لي نـًسّْيـت ما گلّمّتگُ والله كلهم عارفين إلا انتي قلت ليها كويس اصبري لي يا معفنه، بست ميساء و باركت ليها، فجأه انتبهت إنو عمار بعاين لي و وااااضح إنو متابع معانا م̷ـــِْن قبيل لأنو كان مبتسم ،، لويت ليهو خشمي و رجعت مكاني و كملت الونسه عادي ......عُاَدّيَےّ؟!! لٱ أبدا ما عادي انا الكنت بتظاهر إني عاديه في حين إنو انا م̷ـــِْن جوه مقهوووره و محروووقه م̷ـــِْن قعدت نور جنب عمار ...
مآب و باقي البنات رصوا الأكل في الصحاني ، طبعا عمار و مصعب و منير براهم و نحنا البنات برانا، لاحظت إنو عمار بعاين لي كتير يعنى في كل مَـرّھٌ برفع فيها راسي بلقاهو سرحان فيني لمن عقدني و الأكل غلبني......ما قدرت أكمل و قمت منهم ، مآب قالت لي متين كدا أكلي يا بت! !
نور قالت ليها بضحكه كدا الشين قنيييع قلت ليها السمح ما أكاااال 😌👋 عاينت لي م̷ـــِْن فوق و لـ تحت ،، الباقين ضحكوا لأنهم مفتكرين إنو دا كان هظار، عمار رفع لي حاجب واحد و بقى يضحك.....
__________________________________
_ و اخيرا بقينا برانا......مشتاق ليك شديد
ضحكت و قلت ليهو بسم الله يا مصعب هسي نحنا مش كنا سوا؟ و جينا م̷ـــِْن البيت سوا؟ 🤣
_ ياخ حتى و انتي جنبي بكون مشتاق ليك لو علي اشيلك و أدسك بين ضلوعي عشان نكون واحد بحق و حقيقه
قلت ليهو شايفاك الأيام دي بقيت رووومانسي شديد
_ كيف ما أكون رومانسي و الرومانسيه بذات نفسها ماشه معاي
كنا بنقول في الكلام دا كلو و نحنا ماشين على النجيله فجأه و م̷ـــِْن غير ما انتبه دخلت في الطين قلت لـ مصعب وااااي شوف شبشبي و التوب اتوسخوا كيف 😭كان في خرطوش مرمي علـّۓ. الأرض و كابي مويه عشان يسقي بيها النجيله ، قال لي ما مشڱلھِ تعالي كدي مشينا ناحية الخرطوش شالو و نزل تحت و بدا يغسل لي في رجلي و طرف التوب و انا بس كنت سرحانه فيهو و في تفاصيلو بحب طريقتو البعاملني بيها و بحب دلعو لي ....
أول ما انتهى و قام على حيلو قلت ليهو بحبك
عاين لي بدهشه كدا و حبه حبه الدهشه زالت ابتسم و قال لي و انا بعشقك شااااديد يا بت الحلال ♥️
بقينا سرحانين في عيون بعض و نسينا كل الناس الحولينا ،، فجأه مها جات عاينت لي و قالت لي بنادوكم هناك ، أبدا ما حاولت تعاين لـ مصعب كأنو ما موجود الحركه دي ضايقتني شديد عاينت لـ مصعب و حسيتو هو ذاتو اتحسس بس ما أظهر ليها، قلت ليها طيب أمشي هسي بنلحقك.....أول ما اتحركت م̷ـــِْن جنبنا مسكت يد مصعب و قلت ليهو عشان خاطري ما تزعل منـِْهـ♡̨̐ـِْا عارفه حركتها غياظه و ما ظريفه بس دا كلو م̷ـــِْن خوفها علي فـ ما تشيـ.....
قاطعني و قال لي ولا يهمك ما تشيلي هم ما زعلان انا و عاذرها و ليها كل الحق تتعامل معاي بالطريقه دي أبدا ما بلومها....
عاينت ليهو بعيون مليانه دموع و شويه كدا دمعتي كانت حتنزل لولا إنو مصعب خت يديهو على خدودي و مسحهم لي ♥️
مها جات راجعه تاني و قالت لي هاك البارد و الحاجات ديل وصليهم معاك انا ماشه الحمام و جايه
قبل ما تتحرك مصعب وقفها ،، قالت ليهو بضيق قول في شنو؟
قال ليها عارفك ما طايقاني و ليك حق تكرهيني ما ح أقول ليك آسف على العملتو في بت خالتك لأنو الكلمه دي ما حتعمل ليك شي انا ذنبي كبير و عشمي فْيَگ م̷ـــِْن بعد ربنا انك تتجاوزي عن ذنبي قدر ما •اللّـہ̣̥ أداك قوه و طاقه سامحيني بيها ، ياريت لْـۆ بقدر أرجع الزمن علـّۓ الأقل لليوم داك كان قتلت نفسي قبل ما أفكر اعمل فيها كدا حاليا الندم بقطع فيني حته حته م̷ـــِْن جوه ،، كل يوم انا بحتقر نفسي و بكرهها زياده ما ح اقول ليك دي غلطه و ماف زول معصوم م̷ـــِْن الغلط لأنو غلطتي و جرمي أكبر و ما بيغتفر بالساهل كدا، لْـۆ في حاجه انا ممكن أقدمها عشان انتي تسامحيني و تكوني مرتاحه صدقيني ما ح اتردد ثانيه وحده حتى لْـۆ طلبتي روحي في اللحظه دي و كان موتي هو البشفى غليلك مني ما عندي مانع......
عاينت ليهو بعين مكسوره و بقيت ببكي قلت لـ مها نحنا قررنا نبدا صفحه جديده الإتنين غلطنا و أذنبنا و ربنا أدانا فرصه تانيه عايزين نصلح بيها حالنا و نسعى عشان ربنا يغفر لينا بعد شهر تحديدا حنخلي السودان و نسافر للسعوديه و نبدا حياه جديده قدام ربنا و جنب الكعبه الشريفه > قلت كلامي دا و انا بشهق م̷ـــِْن البكى و هي كانت ساكته و واضح إنو كلامنا أثر عليها بس ما قالت حاجه و دا طبعها مستحيل تتنازل بسهوله أو تعترف ليك بغلطها، بس هزت راسها و اتحركت م̷ـــِْن جنبنا.
__________________________________
