م̷ـــِْن البدايه انا قصتك دي ما كانت راكبه لي في راسي، في اسئله كتيره كانت في بالي ، و في كل مَـرّھٌ بسألك فيها عن الحصل ليك بتسكتي بحجتك انك مصدومه م̷ـــِْن العملتيهو كنت حاسس إنو في حاجه غلط في القصه دي بس عشان ما لقيت سبب يخليك تكذبي علي ما قدرت أواجهك انتي و خالتي و أقول عليكم كذابين
و انتي يا خالتي معقوله تدعميها في الغلط؟ و في موضوع زي دا؟ سمعتك بتك ما هاماك؟ لْـۆ الكذبه القلتوها دي اتسربت و الناس كلها عرفت كنتي حتعمل شنو؟ حتقولي ليهم دي كذبه سااااي جبناها انا و بتي عشان نغش عمار و نخليهو يعرسها؟ مع احترامي ليك يا خالتي بس انتي و بتك كل يوم بتسقطوا عن نظر آخر ناس كنت بتوقع منهم حاجه زي دي لشنو طيب؟ لحدي الآن ما قادر استوعب و ما لاقى مبرر لكذبتكم دي ، يعنى نور ما حامل فـ ليه تكذبي في شرف بتك يا خالتي؟ أي نوع م̷ـــِْن الأمهات انتي؟
_ يا عمار يا ولدي عليك •اللّـہ̣̥ اسمعني
ما عايز اسمع حاجه مـڼـڱ .....اتصرفوا و انهوا موضوع الزواج دا لأنو لْـۆ إلغاء الزواج دا لْـۆ جا م̷ـــِْن طرفي حيكون في سين و جيم و انا ما عايز سمعتكم تتوسخ بين الناس مع إنو اساسا ما سمعة بتك ما هاماك
نور عاينت لي و قالت لي و هي بتبكي انا ما كذبت عليك يا عمار فعلا دي الحقيقه و انا حامـ
قاطعتها و عليت صوتي عليها و قلت ليها لسه يا نور؟ لسه مصره تكذبي؟ ....ټمـٱمـ قومي هسي دي و خلينا نمشي للدكتور ...قبل ما نمشي جاوبيني أبو الطفل دا منو؟ ساكن وين و عرفتيهو م̷ـــِْن وين و حصل كدا متين و وين؟
عاينت لأمها و الإتنين بقوا ساكتين
قلت ليها شفتي؟! ما عندك اجوبه على الأسئله دي كلها ليه؟ لأنك كذابه يا نور و اساسا لْـۆ اتكلمتي حتقولي شنو مثلا ؟
انا قبل كدا سألتك الأسئله دي بس خالتي في كل مَـرّھٌ كانت بتدخل و بتقول لي نفسية البت تُعباُنٌهْـ ما ترهقها بالأسئله الكتيره يا ولدي .... مع إنو كلامكم الإتنين ما مشى علي و الأثبت لي الحاجه دي انو خالتي جات لحدي عِنـ.̷̷̸̷̐ـديّ و قالت لي الحصل كدا و كدا و النصيحه نور غلطانه يا ولدي لَـگِنْ اعمل شنو في المصيبه دي عليك •اللّـہ̣̥ استر عليها يا ولدي و عشان > ..... و عشان تقنعني قلتي لي عرسها و طلقها لْـۆ عايز بس غطي ليها فضيحتها دي ....في الًيَوُمًِ داك انا ما أديتك جاوب يا خالتي ولا لمحتي ليك تلميح اني قبلان أو مصدق الحاجه دي كل القلتو ليك بشوف الموضوع دا و في اللحظات ديك انا أفكاري كانت مضاربه و الكلام القلتيهو لي نزل علي زي الصاعقه ما كنت قادر استوعب انو نور حصل ليها كدا لأني بعتبرها زي اختي و البمسها بمسني.....متذكره يا خالتي نجوى عملتي شنو؟ في الًيَوُمًِ البعديهو طوالي نشرتي الخبر بين أهلنا و قلتي عمار حيعرس نور عشان تختيني تحت الأمر الواقع حتى أمي ما سمعت بالكلام دا إلا م̷ـــِْن الأهل و جات كلمتني و لامتني شديد و في الحقيقه انا ذاتي كنت مصدوم و ما فاهم حاجه لأني أبدا ما قلت ليك موافق على العرس دا ....ما حبيت أفضحك يا نور قدام أمي و اكشف سرك عشان كدا كذبت عليها و قلت ليها هسي كنت جاي أكلمك ...برضو كانت زعلانه مِڼـّي و قاطعتني و أخدت اسبوع حتى رجعت تتكلم معاي عادي زي زمان.....في الأسبوع داك انا جيتك كم مَـرّھٌ يا خالتي عشان أفهم مـڼـڱ الحاصل؟ أول قعده لي معاك بكيتي فيها قدرتك و قلتي لي خايفه على سمعة بتي و خايفه انها ما تعرس تاني عارف الناس لْـۆ عرفت ما بتربحنا يا ولدي و ما حنخلص م̷ـــِْن ألسنتهم > قلت ليك خليني اتكلم مع نور بس ما سمحتي لي و قلتي انها تُعباُنٌهْـ و كم مَـرّھٌ فكرت في الإنتحار > سألتك انتي ذاتك و قلت ليك الزول دا منو و هي عرفتو م̷ـــِْن وين ، والله العظيم كنت مستعد أجيبو ليك لحدي باب بيتك و غصبا عنو كنت ح أخليهو يعقد عليها لْـۆ هي راضيه و ما عندها مانع > قلتي لي بالحرف: والله يا ولدي انا ذاتي ما عارفه عنو حاجه قعدت مع نور كم مَـرّھٌ و سألتها بس م̷ـــِْن الصدمه بقت ما بتتكلم مع زول > لحدي هنا كنت مصدقكم الإتنين ، و بسببكم دخلت في هموم و تعب نفسي و إرهاق ما بعلم بيهو إلا رب العالمين ،، و بعد الًيَوُمًِ دا طوالي جيتكم في الًيَوُمًِ البعديهو و المَـرّھٌ دي كنت مصر شديد اقابل نور حتى انتي ما قدرتي توقفيني ،، أول ما قعدت معاها كانت ساكته زي ما قلتي و ما اتكلمت بس ملامحها ما كانت بتوحي لي إنو حصلت معاها حاجه بالشكل دا حتى وضعها ما كان بالسوء الكنتي بتحكي لي عنو ، م̷ـــِْن هنا و الشكوك ما فارقتني و دخلت في دوامه م̷ـــِْن التفكير، و نور ذاتا شكلها حست إني بعد ما شفتها بقيت شاكي في مصداقية موضوع الحمل دا عشان كدا أول خلتك تتصلي علي لما كنت في المستشفى و قلتي لي نور الأزمه قامت عليها ....خليت كل شي وراي و جيتكم هو فعلا كان واضح انو الأزمه قامت عليها بس هي استقلت النقطه دي عشان تثبت لي إنها حامل .....لسه ما ناسي كلام الدكتوره لما قالت لي انتبه على مرتك في وضع حساس زي دا ...قلت ليها قصدك شنو؟ قالت لي بإستغراب ما عارف إنها حامل؟ ؟
ما اكذب بعد كلام الدكتوره دا صدقت القصه الألفتوها لي دي بنسبة 99% حتى إني ما طلبت منـِْهـ♡̨̐ـِْا تعمل تحاليل عشان تديني التقرير لأنو جد جد ما كنت لاقي سبب يخليكم تخلقوا القصه دي .....في الًيَوُمًِ البعديهو طوالي اتصلتي على أمي و اتفقتي معاها على ترتيبات و تجهيزات العرس و حددتي معاها موعد العرس حتى بدون ما ترجعي لي.......لحدي اللحظه ديك انا كنت داعيش و ما فاهم شي يعنى ما معقوله أطلع م̷ـــِْن البيت و لما ارجع يقولوا عرسك يوم كدا !! ،، اتختيت تحت الأمر الواقع و اتخليت عن كل شي و قدمت سعادة نور و سمعتها على سعادتها لأنها برضو بتهمني ....ما عارف كيف الأسبوعين ديل قدرتي تقنعي امي و رتبتوا لكل شي حتى اني ما لقيت فرصه اقعد بيها مع نفسي و احاول اركز و افهم الحصل وحده وحده عقلي في الإسبوعين ديلك كان مشوش و أموري كانت جايطه ، السؤال البطرح نفسو عملتوا كدا ليه؟ ليه القصه دي و التأليف دا كلو؟
برضو سكتوا و ما اتكلموا
ما عايز أكتر و كلامي واضح يا خالتي و يا نور زي ما اتفننتوا و ألفتوا القصه دي كلها اتصرفوا و ألفوا قصه غيرها عشان تنهوا بيها الزواج دا ....
قلت كلامي و طلعت منهم و انا ما شايف قدامي ، للحظه دي ما قادر استوعب إنو نور ممكن تعمل كدا 💔
رجعت تاني و اتذكرت التفاصيل دا كلها ما وقفت عن التفكير إلا في كلام الدكتوره بقيت.....سكته مساااافه حتى بقيت استجمع في شكل الدكتوره اصلا م̷ـــِْن شفتها حسيت إني شايفها قبل كدا لَـگِنْ وين ما معروف.....أخدت قريب للدقيقتين حتى اتذكرت
بثينه ؟!!
ايوه دي كانت بثينه ذاتا صاحبة نور ما شفتها غير مَـرّھٌ وحده في بيت ناس خالتي و عشان ما ركزت معاها كتير ما قدرت اتذكر شكلها في الًيَوُمًِ داك ، نور دايما كانت بتحكي لي عنها و بتكرر الإسم دا كتير .
