_ شوف يا عمار والله انت زي أخوي و عمري ما ح أنسى جمايلك معانا و عشان مصلحتك بتهمني ح اقول ليك الكلام دا
قلت ليها بإستغراب كلام شنو يا نجمه و في الوقت دا شايفه الناس في شنو هسي؟ ؟
_ فعلا دا ما وقتو لأني اتأخرت شديد.......نور يا عمار بتكذب عليك هي لٱ حامل لٱ شي حتى أمي عارفاها بتكذب و مع ذلك وقفت معاها و ما حاولت تصدعها و تقول ليها البتعملي فيهو دا غلط دايما بتعمل ليها العايزاهو و بتدلعها شديد كأنها البت الوحيده في الدنيا دي و كلو كلو ما بترضى فيها و العايزاهو نور بحصل و أمي ما عندها مانع تجيب ليها طلبها بحجة إنها اصغر وحده و إنها اكتر وحده فاقده لحنان الأب و انا والله لْـۆ كان عرفت م̷ـــِْن بدري كان جيت لحدي عندك و گلّمّتگُ و اساسا م̷ـــِْن الًيَوُمًِ الأمي اتصلت علي فيهو و قالت لي عمار عايز يعرس اختك نور اتحيرت لأني عارفاك شايفها زي اختك الصغيره و اصلا انت الربيتها م̷ـــِْن بعد موت أبوي •اللّـہ̣̥ يرحمو ، انت أخوي و هي أختي و ما بفضل زول على التاني بس الفيصل في القصه دي انها اتبنت على الكذب و انت اساسا ما راضى و عمرك ما حتفكر يوم انك تعرس نور ، ما عارفه كلامي دا حيفيدك بشنو بعد ما جبتوا الشيله و كل الناس عرفت بس حسيت اني لآزٍمٍ احكي ليك و زي ما بقولوا أن تأتي متأخرا خير م̷ـــِْن ألا تأتي ".....
نجمه قالت لي الكلام دا و مشت بقيت واقف و مندهش م̷ـــِْن السمعتو ، في كل مَـرّھٌ نور بتثبت لي انها اسوأ و لسه ماشه في زياده م̷ـــِْن البتخيل انو الطفله الصغيره و البريئه الربيتها و الكان إسمعها نور ممكن تكون بالخباثه دي! في صغرها لمن كان تكذب علي بنظره وحده مني بعرفها و في الآخر بتعترف لي بس هسي ؟! كيف ما قدرت اعرف إنها بتكذب علي؟ هل عشان طولت منـِْهـ♡̨̐ـِْا ولا عشان ملامح الطفوله الكانت فيها كلها اتمحت؟!
ابشر ابشر يا عريس
انتبهت للناس البقوا حوليني ، رسمت ابتسامه مزيفه غصب عني و بقيت أبشر ليهم
-------------------------------
" ربيتك أسدا فلما اشتد عودك اثبت انك ثعلبا مكار يتوارى في الظلام و يطعن في الظهر " 💔
------------------------------
---------------------------------------------------------------------------------------
أول ما وصلنا بيت ناس نور طلعوا و استقبلونا بالدلوووكه و الزغاريد في وسط الزحمه دي كلها عيوني مشت لـ عمار الكان مبسوط و ببشر مع الرجال ،، بعد موال السلام دخلونا جوه و ضيفونا و انا العصير بالنسبه لي كان طعم زي الحنظل حتى المقبلات الضيفونا ليها ما عرفت ليها طعم ،، جزو مننا كان جوه في الصالون و الجزو التاني برا في الحوش و ديل الكانوا بدقوا في الدلوكه ،، وسط الضجيج و اللخمه الحاصله دي كلها لمحت عمار م̷ـــِْن بعيد واقف م̷ـــِْن نجمه أخت نور سرحت فيهو بعيد ، في الجلابيه اللابسها في هيبتو و حضورو في الحلاقه المخففه حرفيا تفاصيلو كلها جميله ، دا نفس الًيَوُمًِ الحلمت بيهو و دا نفس لون الجلابيه الإتخيلتو حيلبسها في الًيَوُمًِ دا ، فعلا حصل و لبسها بس ما عشاني عشان وحده غيري كل التفاصيل الحلمت بيها حلمت بيها حصلت لكن لوحده تانيه مع نفس الزول الحلمت بيهو انا 💔
ما عارفه كلامو مع نجمه كان عن شنو بس لاحظت ليهو اضايق شديد و ما كان على بعضو •اللّـہ̣̥ أعلم قالت ليهو شنو > بعد شويه إلتموا حولينو أهلو و اصحابوا و بقوا يرقصوا و يبشروا ليهو و انا لسه ما شلت عيوني منو كنت قاعده في السرير المقاصد ليهم و المسافه بيناتنا كبيره، نـًسّْيـت كل الناس الحوالي و سرحت معاهو، فجأه انتبه و لنا عاين لي لقاني مركزه معاهو شديد ، ما عارفه القوه جاتني م̷ـــِْن وين حتى بعد ما شافني بعاين ليهو ما حاولت أحول نظري منو بقينا نعاين لبعض بس ،، انتبهت على نفسي و قمت م̷ـــِْن مكاني خشيت جوه لخالتو نوال كانوا قاعدين مع نور دخلت و سلمت عليها طبعا كانت بتعاين لي بشماته كدا بس ما اشتغلت بيها ،، قعدت معاهم لمن زهجت و حسيت انو خلاص الدنيا ضاقت بي قمن م̷ـــِْن مكاني و طلعت برا لقيت نجمه في وشي سلمت عليها و قلت ليها حماماتكم وين؟ وصفتهم لي و طوالي مشيت هناك بكيت كدا لمن قلت بس في الآخر اتوضيت م̷ـــِْن الوضايه و كنت ماشه أصلي العشا فجأه ظهر عمار قدامي طبعا كان واضح اني كنت يبكي عاين لي مساااافه في عيوني و قال لي كنتي بتبكي؟
قلت ليهو لٱ و اصلا أبكي ليه؟
قال لي ما تكذبي علي واضح انك كنتي بتبكي في زول ضايقك ولا حاجه؟
<بيني و بين نفسي قلت ليهو ماف زول غيرك بضايقني > ردت عليهو و قلت ليهو لٱ ماف زول ضايقني
قال لي طيب مالك يا مها ما تجننيني !
قلت ليهو أجننك؟! كيف يعنى؟.....قلت ليك ماف حاجه و ماف زول ضايقني في شنو تاني؟
أخد نفس عميق و قال لي نور اتكلمت معاك؟
قلت ليهو لٱ و لْـۆ سمحت افتح لي الطريق ماشه أصلي انا
قال لي ما ح اتحرك م̷ـــِْن هنا و ما ح أخليك تمشي لْـۆ ما عرفت كنتي بتبكي ليه
قلت ليهو بضيق ياخ لْـۆ ما محترمني احترم الحتعرسها ديك هسي الناس حيقولوا عننا شنو لْـۆ شافونا هنا برانا؟
عاين لي بضيق و قال لي حيقولوا شنو؟
قلت ليهو عمار انا ما قادره اتكلم معاك اكتر م̷ـــِْن كدا لْـۆ سمحت زح م̷ـــِْن قدامي و خليني امشي
قال لي بحده كلامي واضح ما ح تمشي م̷ـــِْن هنا لْـۆ ما قلتي لي المبكيك شنو
للحظه كنت ح أقول ليهو انت بس قلت ليهو مصدعه عشان أخلص منو
قال لي طيب م̷ـــِْن قبيل غالبك تقولي لي مصدعه؟
قلت ليهو لأنو ما ضروري أي حاجه أحس بيها أجي احكيها ليك كفاااايه علي لمن حكيت ليك بموضوع صابرين و وعدتني انك ما تكلم زول و بكل بساطه مشيت و قلت ليها مها هي الكلمتني لٱ و كمان ما كدا و بس بعد دا كلو خليتا تعرس مصعب و مهدت ليهم الطريق مصنوع م̷ـــِْن شنو انت ياخ و كمـ..........قاطعني و قال لي مع إنو ما مجبور أوضح ليك و ما مجبور احسن صورتي قدامك بس دامك لسه ماسكه في الموضوع دا و كارهاني بسببو اسمعي طيب: صابرين انا ما قلت ليها إنك الكلمتيني ټمـٱمـ
قلت ليهو ايوه كذب لسه و لسه عليك •اللّـہ̣̥
واصل و قال لي:
لمن جبتها و قعدت معاها و اتكلمت معاها في الموضوع زعلت شديد و سألتني عرفت م̷ـــِْن وين و عشان ما أورطك معاها أو اسبب بينكم حساسيات قلت ليها شفت فيديو كدا عند واحد م̷ـــِْن أصحاب و عرفت منو انو حولو ليهو صحبو بيجاي بيجاي عرفت إنو صاحب صحبي ليهو علاقه بيك انتي و هم الحكوا لي الحصل في الًيَوُمًِ داك و انا جيت لحدي عندك عشان اتأكد مـڼـڱ م̷ـــِْن صحة الكلام دا ..بدت تبكي و تقول ليهو هو الغشاني يا عمار والله غشاني هديتها و قلت ليها عارف الحاجه دي و والله ما ح أخليهو سألتها عن شقتو وصفتها لي مشيت ليهو في شقتو و عملت ليهو اللازم و رميتو في السجن و كنت لسه ما فتحت لصاحبي و يلي هو شرطي في القسم داك موضوع صابرين لأني عارفو موضوع حساس و ما اتخذت أي إجراء إلا لمن رجعت و سألتها و كانت مصره شديد و ما عايزاني ارفع دعوه ضدو و ما عايزا الموضوع دا ينفتح تاني .....بعد فتره اتصلت علي و قالت لي عايزاك ضروري لما مشيت ليها طلبت مني أطلع مصعب الحيوان م̷ـــِْن السجن و أمهد ليهم في موضوع عرسهم برضو في البدايه رفضت و شديد كمان لَـگِنْ لْـۆ جينا للصح القرار قرارها هي و ما بقدر أفرض عليها رأيي أو اجبرها على حاجه هي ما عايزاها و حاسه إنو ممكن تضرها صابرين فكرت كويس حتى اتخذت قرار زي دا حفاظا على سمعت أهلها و بعد العرس انا ذاتي اقتنعت بقرارها دا لْـۆ في النهايه لْـۆ ما عملت كدا كانت حتكون هي الخسرانه 💔أما مصعب فأنا معذرو و قلتها ليهو قبل كدا صابرين لْـۆ نزلت منـِْهـ♡̨̐ـِْا دمعه وحده بسببو ما يلوم إلا نفسو و هو عارفني بقدر أعمل شنو.
قلت ليهو بضيق طيب ليه ما حكيت لي كدا لمن جيت سألتك؟
قال لي بغيظ كدا سألتيني؟ متين جيتي و سألتيني يا مها ؟ ناسيه الكلام القلتيهو لي في الًيَوُمًِ داك ولا أذكرك؟
سكته و ما رديت
واصل كلامو و قال لي والله لو جيتي و سألتيني و قلت ليها الحصل شنو كنت حكيت ليك م̷ـــِْن الألف للياء بس انتي جيتيني بطريقه هجوميه و گلآمَگ. كلو كان عباره عن استفزاز و اتهامات باطله عشان كدا ما حسيت نفسي عايز ابرر ليك 💔
بقيت ساكته بس و بشربك في أصابعي و انا على بالي قصة الفيديوهات معقوله شافنا انا و مآب في الفيديوهات المقرفه ديك؟ بقيت خجلانه و محرجه شديد و حسيت نفسي قدر السمسمه
قلت ليهو و انا بتمتم ط ط طيب شفت الفيديوهات؟
قال لي لٱ ما شفتهم بس صابرين حكت لي عن المحتوى الكان فيهم عشان كدا ما شفتهم
في سري قلت الحمدلله انو ما شافهم ،، بقيت اعاين في الأرض و اقول ما كان اسمعو الكلام الفارغ داك
رفعت راسي و لقيتو مركز معاي شديد كأنو بحاول يقرا أفكاري ،، اتوترت م̷ـــِْن نظراتو دي و ما قدرت اعاين ليهو مرتين فجأه ضربات قلبي بقت تزيد و حسيت بحبات عرق على جبيني و أفكاري بقت مجهجه و هو لسه بعاين لي و ما شال عيونو لـحـظـــِھّ ; .. مِڼـّي قلت ليهو مـ مـ ممكن تزح لي؟
كان ساكت لٱ اتكلم لٱ زح لي و لسه بعاين لي ،، زحيت منو و مشيت بسرعه و انا بطق في أصابعي أول ما وصلت لناس مآب ختيت يدي على قلبي عسى و لعل يهدى شويه مشيت جوه صليت العشا و جيتهم طالعه ....
عشان أخفي التوتر و الحاله الكنت فيها بقيت أصفق معاهم و اعمل نفسي مبسوطه بعد شويه جاتني شافعه صغنونه كدا جرتني م̷ـــِْن الفستان عاينت ليها و شلتها قلت ليها في شنو يا حلـِۈۋوھّ؟
مدت على دوا بتاع صداع و قالت لي عمو داك قال ليك أخدي الدوا دا طبعا كانت بتأشر على عمار لمن عاينت ليهو خت أصبعو على جنبة راسو و فهمت قصدوا يعنى الحبوب دي للصداع، هزيت ليهو براسي و بس و شلت الحبوب م̷ـــِْن الطفله و هي طوالي نزلت مِڼـّي > طبعا انا لٱ مصدعه لٱ حاجه و صداعي الحقيقي في قلبي ما في راسي عشان كدا دخلتها في شنطتي و كملت عادي مع الناس ....
بعد شويه جات مَـرّھٌ عجوز كدا و بقت تقول سرو سرو وين يا جماعه الشاف لي بت بتي منو؟
الناس كلهم قالوا ليها ماف زول شافها مشيت عليها و قلت ليها بت بتك دي كانت لابسه فستان وردي؟
قالت لي آيي و خاتين ليها طوق في شعرها لونو أسود شفتيها انتي يا بتي؟
قلت ليها ايوه هسي كانت هنا دقيقه اجيبا ليك
قالت لي سمح يا بتي
مشيت فتشت عليها و ما لقيتا قلت يمكن تكون طلعت الشارع طلعت بالباب بتاع النسوان طبعا الشارع كان ملياااان رجال بتونسوا سااااي و بضحكوا فجأه م̷ـــِْن بعييد لمحت الشافعه ماشه على دكان في نهاية الشارع بقيت ماشه وراها و بحاول أنده عليها > المساااافه بيني و بينها كانت طويله و انا ما بقدر أجري ليها بقيت امشي سريييع سريييع لحدي ما وصلتها جنب الدكان شلتها و قلت ليها الجابك هنا شنو يا حلـِۈۋوھّ؟ قالت لي ،، دالا اشري حلاوه (دايرا اشتري حلاوه ) بوستها و قلت ليها تعالي طيب دخلت بيها الدكان و اشتريت ليها حلويات ،، بقيت شايلاها و بشاغل فيها و هي بتضحك بأعلى صوت ضحكتها حلـِۈۋوھّ شااااديد ،، شويه شويه بقت تهظر معاي و تزح الطرحه و تنزلها لي م̷ـــِْن راسي و انا برفعها تاني لحدي ما جرتها لي كلها و رمتها على الأرض ،، نزلت بيها و رفعت الطرحه و كنت ح ألبسها بس فجأه اشوف ليك عمار قدامي و كان بحمر لي شديد و مضايق مني عاينت حوالي لقيت الرجال كلهم منتبهين معاي، اضايقت من نفسي شديد و صلحت طرحتي عمار قال لي بنبره حاده شعرك العاجبك دا اقسم بالله اقصو ليك و سبيبه طايره ساي ما أخليها ليك و تاني ما ألقاك طالعه برا الشارع ، شال مني البت و قال لي لفي الطرحه دي كويس صلحتها و شلت م̷ـــِْنو البت و دخلت جوه عن سكات طبعا ما ح أقدر اتجادل معاهو قدام الناس > وديت البت لحبوبتها و مشيت قعدت جنب مآب ما صدقت متين خلصنا و حنرجع طبعا كلهم قدمونا لحدي ما طلعنا برا ودعناهم و اتحركنا ، لمن وصلنا بيت ناس خالتو نوال الساعه كانت 12 و أكيد ما حقدر أرجع البيت تاني إلا بكرا الصباح ،، وصلنا تعبانين و في ناس رجعوا في ليلهم داك ،، و الكانوا بايتين مشينا انا و مآب و فرشنا ليهم جوه و كلهم دخلوا جوه و المكان جوه بقى شبه مليان عشان كدا انا و مآب و ميساء قررنا نرقد في الحوش طبعا ميساء جات مع راجلها و حيرجعوا بكرا الصباح ، قلت ليهم انا ماشه اشرب عطشاااانه شديد ، دخلت المطبخ و طلعت لي كرستاله و شلت كبايه كبيت فيها مويه ، كنت لابسه توب بس منزلاها م̷ـــِْن راسي لأنو الدنيا ليل و ماف زول حيجي تاني بس عمار دا زي القدر جا ناطي اتلشت لمن شفتو واقف قدامي رفعت التوب ختيتو على راسي و قلت ليهو بضيق اتعلم قبل ما تدخل تستأذن
قال لي آسف +دخلت ساي لأني ما اتوقعت يكون في زول في المطبخ زي الوقت دا
قلت ليهو ما شايف نور اللمبه؟ قال لي شايف لأني اساسا قلت لمآب خلي لي المطبخ فاتح 😊
سكته و ما اتكلمت تاني رجعت الكرستاله مكانها و الكبايه لمكانها لما جيت طالعه قال لي ليه ما أخدت الدوا القبيل ، إتلفت عليهو و قلت ليهو دوا شنو.....طق اتذكرت الحبوب الرسلها لي قبيل مع الشافعه، قلت ليها اااا بتوتر كدا انشغلت مع الناس و نـًسّْيـت +اصلا الصداع خف
عاين لي جوه عيوني و قال لي خف ولا اساسا ما كنتي مصدعه؟ مها ما تكذبي علي لْـۆ في شي ما تدسي مني ، ما تعملي زي ما عملتي في قصة صابرين > قلت ليهو جد جد ماف حاجه
قال لي في زول ببكي بدون سبب؟
سكته و ما رديت
فجأه ضحك بقيت أعاين ليهو بإستغراب و قلت ليهو جنيت خلاص؟
قال لي لٱ ما كدا بس كنت عايز أقول ليك مؤيد هو الزعلك بس اتذكرت انو اصلا ما بتعرفي زول اسمو مؤيد 🤣🤣🤣
بقيت ساكته و بعاين ليهو بغيظ 😒
قال لي بمنااااسبة الموضوع دا ليه كنتي بتكذبي علي و بتعملي نفسك بتتكلمي مع مؤيد و الزمن كلو شابكاني مؤيد مؤيد؟
قلت ليهو مزاااج بس +انت الكنت شابكني مؤيد مؤيد عشان كدا كنت بمشيك و بألف ليك م̷ـــِْن راسي عشان اشوف نهايتك وين 🙂
قرب مني خطوه و قال لي تشوفي نهايتي؟ لشنو طيب ؟
قال كلامو دا و هو مركز شديد مع عيوني لمن اتوترت و بقيت اسمع دقاق قلبي قلت ليهو م م معارفه و كنت ماشه
قال لي كنت عايزاني أغار و اتغاظ ؟
بلعت ريقي و قلت ليهو و انا بتمتم و لـ لـ شنو احاول اغيظك اصلا دا شنو البتقول فيهو دا انا ما فاهماك و ح أمشي
قال لي لْـۆ هدفك تغيظيني أبشرك اتغظت و شديد كمان في كل مَـرّھٌ كنتي فيها تجيبي سيرة مؤيد النار بتولع جواي، كنت بضايق شديد لمن تلفظي اسمو كنت لما اشوفك زعلانه أو فرحانه أول زول بخطر على بالي مؤيد كنت بغير عليك شديد منو و بحسدو عليك ، عارفه انو وصلت لدرجه بقيت كل ما اسمع اسم مؤيد دا تلقائيا بضايق حتى لْـۆ كان اللفظ الإسم دا زول غيرك حرفيا الإسم دا أكتر اسم انا بكرهو ، م̷ـــِْن شدة غيرتي عليك بقيت اراقبك و بحاول اعرف مؤيد دا منو و العجبك فيهو شنو؟ في يوم كنت واقف بعيد م̷ـــِْن جامعة السودان لأنو اول حاجه خطرت على بالي انو مؤيد يكون معاك في نفس الجامعه ،، في الًيَوُمًِ داك لما لمحتك واقفه مع واحد افتكرت انو دا مؤيد الكنتي بتتكلمي عنو اتمنيت في اللحظه ديك امشي ليكم و اضربو لمن انتهى منو بس اتمالكت نفسي و أول ما اتحرك م̷ـــِْن جنبك مشيت عليهو و قبل ما احصلو في زول نده عليهو و قال ليهو تعال يا ياسر > أول ما قال كدا اتراجعت و كويس اني ما تهورت و عملت حاجه لولد الناس ، اضايقت مـڼـڱ شديد لأنك لٱ مخليه مؤيد لٱ مخليه ياسر و •اللّـہ̣̥ اعلم غيرهم بتعرفي منو و أكيد دا حسب تفكيري في الًفتره الكنت فيها بتجيبي سيرة مؤيد و دا الخلاني ارفع صوتي عليك في الًيَوم داك ُ و في الأيام البعديها ....
قال كلامو دا و هو خاتي عيونو في عيوني حصلت لحظااات صمت كنت فيها ساكته و بعاين ليهو و بحاول استوعب في الكلام القالو لي كانت في اسئله كتيره بتضارب في راسي رجعت بالزمن لليوم داك و طق أول سؤال خطر على بالي:
يعنى كنت قاصدني انا لما قلت لي عندي زميلتي كويسه معانا و أي شي بس بتاعة أولاد و بتطلع و بتزل مَـرّھٌ مع دا و مَـرّھٌ مع داك ؟ انا بتاعة أولاد يا عمار ؟
قلت ليهو و العبره خانقاني على أي اساس تصنفني تصنيف قذر زي دا و اصلا بتعرف عني شنو لمن تتهمني اتهام باطل زي دا؟ قعدت لي متين عشان تعرف انا منو و بحب شنو و بكره شنو و بطلع و بنزل مع منو و اصحابي منو؟ حتى في فترة الخطوبه المفروض نكون فيها بنعرف على الأقل 60% عن بعض ما كنت فاضي ليـّۓ؟ م̷ـــِْن الأداك الحق انك تراقبني و تشك فيني؟ و جاي هسي بكل قوة عين عشان تقول لي كلامك دا؟ قايلاني ح اكون مبسوطه و طايره م̷ـــِْن الفرح عشان قلت لي بغير عليك؟ قايلني هبله و عويره و بتغشي ليك بكم كلمه كدا حلوين؟ عمار انت شايفني شنو قدامك ليه الإحتقار و عدم الإحترام دا كلو؟
فجأه بقيت ببكي و بتكلم قلت ليهو للمره التانيه انا بحمد •اللّـہ̣̥ إنو ما ورطني بـ انسان زيك ، رغم اني كنت بحبك و ميته عليك و ما أكذب للحظه دي بحبك و ما قدرت اتجاوزك.....اقول ليك كنت يبكي ليه؟ عشان حتعرس نور ايوه كنت مقهوره و مجروحه م̷ـــِْن العرس دا أبدا ما كنت مبسوطه و زعلت شديد لأنك حتعرس نور انَـت اكتر انسان انا حبيتو و ما قدرت اتجاوزو بالرغم م̷ـــِْن انك اكتر انسان مؤذى بالنسبه لي بس هسي اذا اتجاوزتك أو لٱ ما فارقه معاي انت طلعت من نفسي يا عمار و لمن الحاجه تطلع م̷ـــِْن نفسي بعااااف منـِْهـ♡̨̐ـِْا و بخليها بقنااااعه تامه ،، و دي آخر ليله لي في البيت دا و دي آخر ليله ليك في حياتي م̷ـــِْن بكرا يا عمار أي زول حيمشي في طريق ....قصدي انا الحمشي في طريق غيرك لأنك عمرك ما كنت مخلص لي و دايما بتسلك طريق غير البسلوكو انا كنت دايما بتخليني أجري وراك و اسلك نفس طريق بس هسي انا ما ح أذل نفسي و أهينها اكتر م̷ـــِْن كدا ،، م̷ـــِْن الليله دي ما عايزا أشوفك وشك تاني و بيتكم دا تاني لْـۆ حصل شنو داك رجلي ما بختها فيهو و انَـت كمان اياك تجي بيتنا شفت لْـۆ مته عديل جنازتي ما تجي تحضرها و الفاتحه ذاتا ما ترفعها لي 💔
لمن انتهيت م̷ـــِْن كلامي دا دموعي كلها خلصت و البكى دا انا ذاتي تعبت منو ...بقى يعاين لي و هو مصدوم و ما قادرت يقول أي كلمه خليتو في مكانو داك و طلعت منو برا ، مسحت دموعي و مسيت لـ مآب و ميساء لقيتهم ناموا رقعدت في السرير و شلت ليلي داك كلو بكى 💔
في الًيَوُمًِ البعديهو صحيت بدري عملت مع مآب الشاي و قدمناهو للضيوف الكانوا بايتين معاهم لحدي الساعه 11 كدا انا جهزت نفسي مشيت لخالتو نوال لقيت معاها مآب قلت ليهم انا راجعه البيت بعد دا ، خالتو نوال قالت لي مالك كان قعدتي معانا يا بتي؟ قلت ليها بجيكم لمن العرس يقرب ،، مآب قالت لي والله انتي كعبه يا مها فيهَـ (⊙﹏⊙) ــاآ شنو لْـۆ جيتي و قعدتي معانا لحدي يوم العرس؟ قلت ليها يا مآب نحنا مش اتفقنا اني اودي معاكم الشيله و ارجع البيت طوالي؟ قالت لي لكن ....قاطعتها و قلت ليها ما لَـگِنْ ولا حاجه بجيكم قريب للعرس ....المهم اقنعتهم و طلعوا معاي عشان يقدموني و اثناء ما نحنا واقفين في الحوش و خالتو نوال بتقول لي سلمي على أمك و ناس بيتكم كلهم عمار جا طالع ، و ملامح وشو كانت بتوحي لي إنو مرهق و تُعباُنٌ شكلو ما نام الليل كلو عاين لي و عرف إني راجعه البيت جا ماري بجنبنا و اتجاوزنا أمو قالت ليهو عليك •اللّـہ̣̥ يا عمار تعال و وصل مها دي ،، رديت عليها بسرعه و قلت ليها ماف داعي يا خالتو بمشي براي ....قبل ما ترد علي في مَـرّھٌ اسمها جمانه قريبتنا برضو و م̷ـــِْن الناس المشوا ودوا معانا الشيله قالت لي ما تمشي معانا يا مها مدام طريقنا واحد حسين ولدي واقف لينا برا لْـۆ ماشه معانا ارح....قلت ليها طيب ودعت خالتو نوال و مآب و طلعت مع خالتو جمانه و عمار لسه واقف و بعاين لي حسيتو اتغاظ شديد و كان بحمر لي 💔
لا قيمة لتلبية رغبة دهسها الوقت، ولا لإجابة مزَّقت عقارب الساعة سؤالها وهو معلق، ولا يد تحاول تنظيف الخد من دموع تجمَّدت بسطحه، لا قيمة لأحد يصل متأخرًا بعد نهاية كل شيء، ولا لمعطف يكسى به ميت بالعَراء، أهم ما في كل شيء هو توقيته، التوقيت الذي يضفي القيمة على الأشياء أو ينزعها 💔
كان عليكَ أن لا تدعني أرحل فوراً! وألا تختم قصتنا بالشمع الأحمر من أوّل وداع! كان علينا أن نستغرق ثلاث وداعات كحدّ أدنى لقصة ظنناها يوماً أسطورية...💔
يتبع.......
