أمي عاينت لي مسااااافه حتى قالت لي عمار دا داير أبوك في شنو يا بت؟
عاينت ليها بهجمه كدا و قلت ليها ما عارفه يا أمي اصلا ح أعرف م̷ـــِْن وين و الموضوع بينو هو و أبوي؟
قالت لي بس ما يكون كدا ولا كدا لأنو انا ما عندي بت أديها ليهو ،، ڼـعمًـْ هو وقف معانا وقفه جد و كان كويس لكن واضح انو زول لعب ساي كما كدا ما كان انتي فسختي خطبتك منو و ما كان بت خالتو عـ......
قاطعتها و قلت ليها كدا كدا شنو يا أمي عليك •اللّـہ̣̥ ما تملي راسك أوهام ساي
قالت لي سمح هسي مالك مضايقه؟ گلآمَيےّ دا بزعل عليك •اللّـہ̣̥؟
قلت ليها خلاص خلينا نقفل الموضوع دا .....
____________________________________
في الًيَوُمًِ التالي يلي هو يوم الجمعه م̷ـــِْن الصباح كنت مقلقه و القعاد غالبني بقيت امشي و اجي > امشي و أجي
أمي قالت لي انتي عاد الليله كلو كلو ما طبيعيه مالك يا بتي في شنو؟
قلت ليها ماف حاجه يمه ، و مشيت دخلت غرفتي شلت التلفون و رسلت لـ عمار: اوعك تجي يا عمار على الأقل احترم قراري.
برضو قرا الرساله و ما رد بعد شويه تلفوني رن و هو الكان متصل بقيت أعاين للتلفون مساااافه بين عايزا أرد و ما عايزا أرد مسكت التلفون و جاني صوتو و هو بقول لي اطمني ما جا لأبوك بخصوص الموضوع داك و قرارك على عيني و راسي و مستحيل أفرض عليك قراري و لْـۆ شايفه نفسك و سعادتك مع زول غيري ف ابشري والله ما ح أعترضك و اقيف في طريقك ....اتنهد و قال لي لْـۆ حتكوني مرتاحه بـ بعادنا عن بعض فأنا ما ح أمنعك عارفه ليه؟ شوفتك مبتسمه و مرتاحه نفسيا بتهمني شديد و سعادتك م̷ـــِْن سعادتي حتى و لْـۆ كانت مع زول غيري.... يلا مع السلامه .....
قفل الخط حتى م̷ـــِْن غير ما يسمع مِڼـّي كلمه ،، ما عارفه ليه بكيت ما عارفه ليه قلبي كان بوجعني مع كل حرف طالع منو، مش دا العايزاهو انا؟
اصلا هو ذاتو ما عايزني و إلا ما كان سمع كلامي للمره التانيه كان عايز ليهو فرصه و انا أديتا ليهو 😭💔
بعد ساعتين بالضبط الجرس ضرب مشى أبوي فتحو بعد شويه سمعتو بسلم على زول و بقول ليهو وين الغيبه دي يا ولدي سائلين مـڼـڱ والله رد عليهو الزول الما بغباني "عمار" و قال ليهو يسألك مـڼـڱ الخير يا رب ، مٍشًغوٍلً مع جري الدنيا دي والڵـهٍ ....بقى يسلم عليهو و يتكلموا سوا لحدي ما دخلوا الصالون و انا م̷ـــِْن شوووفت عمار قلبي بقى شغال زي الدلوكه دق دق ،، أمي و أخواتي مشوا و سلموا عليهو إلا انا و شكلهم قلبوها ونسه لأني ما شفتهم طلعوا تاني ،، تغريد جات و شالت ليهو مويه و عصير عاينت لي و قالت لي خاااااف انتي ما جايه تسلمي يا عزه؟ 😏
قلت ليها ما عندك بي شغله 🙂 ،، قالت لي فعلا مالي و مال الناس البتنفسن م̷ـــِْن غير سبب.......بالمناسبه يعنى عمار دا جا لشنو؟
قلت ليها و انا العرفني شنو؟ ؟
قالت لي عشان شايفاك بتعايني بالشباك م̷ـــِْن قبيل و م̷ـــِْن الصباح متوتره وما طبيعيه ، قلت احتمال عندك علم بسبب جية عمار دي
قلت ليها لٱ ما عِنـ.̷̷̸̷̐ـديّ علم🙂 👋
عاينت لي كدا و مشت > شويه كدا و الجرس تاني رن المره دي مشت تغريد و فتحتو ، و انا كنت بعاين بالشباك ،، كانوا صابرين و مصعب أول ما عيني وقعت على مصعب اضايقت شديد، تغريد استقبلتهم و فضلتهم جوه لـ ناس أمي، دخلوا سلموا عليهم و قعدوا هناك ....كنت عايزا امشي اسلم على صابرين بس اتذكرت إنو عمار هناك ما عارفه نفسي ليه متوتره و خايفه م̷ـــِْن شوفتو
