بقينا ساكتين الإتنين و بنعاين لبعض ....كسرت السكوت و قالت لي عمار انت ما طبيعي صّـْْ(☑)ـْْحّ ؟
الشغلانيه دي ما لعبه ياخ انت أول امبارح القريبه دي كنت على وشك الزواج بس فجأه غيرت رأيك و قلبت الطاوله ...و هسي جاييني انا كمان و طالب مني الزواج؟ عشان برضو تخذلني زي ما عملت قبل كدا و تحرق دمي ؟ ما مواااافقه انا ما موافقه يا عمار و شوف ليك بت غيري عشان تلعب بيها
كلامها نزل علي زي موية النار ....نفس أعرف نظرتها لي بقت كيف؟ شايفاني شنو قدامها؟ واحد نسونجي بتاع بنات؟
قلت ليها بضيق أخذلك؟
اذكرك يا بت الناس إنك الفسختي الخطبه دي و اتنازلت براك !! انا لحدي آخر لـحـظـــِھّ ; .. كنت متمسك فيها بيك و عمري ما فكرت اتنازل عنك
ثابت لي بإنفعال شديد ايوه انا الفسخت الخطبه بس انت ليه ما حاولت تمنعني ليه ما جيت و حاولت تراضيني كأنك كنت منتظر الفرصه دي و لقيتا
قلت ليها بنبره حاده ما حاولت اراضك لأنك الغلطانه و لأني كنت مضايق مـڼـڱ شديد كدي بالمنطق كدا منو الكان مفروض يزعل م̷ـــِْن التاني انا ولا انتي؟
قالت لي انا
قلت ليها أكيد حتقولي انتي عارفه ليه؟ لأنك متعوده اني اجي لحد عندك و أراضيك حتى و إن كنتي انتي الغلطانه لأنك عارفه انو زعلك ما بهون علي و مستحيل أخليك تنومي زعلانه مني
كنت بسايرك و براضيك و متحمل زعلك و تقلبات مزاجك لأني فاهم و عارف إنو طبيعة البنات كدا وحتى لْـۆ في حاجه ضايقتك ما كنتي بتقوليها لي بس بتلمحي لي و عايزاني أفهمها و هي طايره و لما ما أفهم قصدك بتقولي إني سافهك و ما شغال بيك ....برضو ما كنت بزعل مـڼـڱ و لْـۆ زعلت بروح زعلي مـڼـڱ في ساعتو و حجة الدايمه انو تصرفاتك كلها طبيعيه بالنسبه ليك گ أنثى حتى لْـۆ ما قدرنا نحنا الرجال نفهمكم ....مع ذلك يا مها و بالرغم م̷ـــِْن كل شي كنت متمسك بيك و مستعد اتحمل نكدك و اتقبل كل عيوبك ....بس انتي عمرك كلو ما حاولتي تفهميني حتى ثقه ساي ما بتثقي فيني و برضو بحبك و ح أحبك زياده و زياده
قالت لي بس اسألك سؤال و انت جاوب لْـۆ حصل العكس و انا و معاي زول كنا في مكانك انت و نور و بنعمل نفس تصرفاتكم شعورك حيكون شنو؟ ؟
قلت ليها كنت ح اضايق شديد و أكسر ليهو عضامو عضمه عضمه 🙂
قالت لي شفت؟!! باااااس دا الكنت حاساهو انا و أشد كمان
قلت ليها ليك حق تضايقي يا مها و انا ما بلومك بس مية مَـرّھٌ قلت ليك و شرحت ليك طبيعة العلاقه بيتي و بين نور > و خلي المعلومه دي في راسك نحنا الرجال عادي بنكون بنضحك و بنجامل في دي و بنهظر مع ديك و بنساعد ديك بس والله لْـۆ جينا للحب واااحده بس و ما بنشوف غيرها و لْـۆ تعددت العلاقات الأصل بكون ثابت و انا ما شايف غيرك يا بت الناس لٱ نور لٱ غيرها
قالت لي ما تكذبي علي يا عمار بتقول ما شايف غيري و انت كنت حتعرس نور؟؟!
أخدت نفس و قلت ليها دي قصه تانيه خالص
بقت تعاين لي و فهمت إنها عايزا تعرف القصه شنو ،، عاينت لساعة يدها و قالت لي انا ماشه بعد دا و اتحركت م̷ـــِْن جنبي .....لحقتها و قلت ليها ما عايزا تعرفي القصه شنو؟ ؟
قالت لي انا اتأخرت و أهلي حيقلقوا علي ،، قلت ليها طيب تعالي أوصلك و بحكي ليك في الطريق > في البدايه رفضت بس اقنعتها
أول ما ركبنا و اتحركنا قلت ليها القصه كالآتي بس خليها بينا: ........................الخ
بعد ما انتهيت عاينت ليها و لقيتا ساكته كنت متوقع إنها تكون مصدومه م̷ـــِْن الكلام السمعتو ....عاينت لي و قالت لي بغيظظ عشان كدا ما كنت بحبك أشوفكم مع بعض انت كنت بتعتبرها زي أختك بس هي عمرها ما كانت بتشوفك كدا و انا كنت فااااهمه و عارفه حركاتها دي كلها 😏👋
ضحكت و قلت ليها ي سلاااام و انتي عرفتي كيف؟ ؟
قالت لي في النهايه نحنا بناااات و بنفهم حركات بعض و بنعرف نوااايا بعض 🙂
بعديها سكتنا ، و كل ما أعاين ليها بلقاها بتعاين بالشباك كأنها بتهرب بعيونها مِڼـّي
الطريق كان فيهو زحمه مباااالغه و العربات بقت واقفه صف ورا بعض ،، بقينا واقفين و منتظرين العربات القدامنا يتحركوا .....مَـرّھٌ مَـرّھٌ كنت بعاين ليها و برجع تاني أعاين في الإتجاه المعاكس ....فجأه عيني وقعت على ولدين واحد منهم ماسك ليهو يد بت و هي بتحاول تتفك منو ....الغريبه انو الناس الحوليهم ما إدخلوا و ماف زول حاول يمنعو .....اضايقت منو شديد قلت لـ مها خليك هنا راجعك ليك هسي و طولي نزلت و مشيت عليهم، عاينت للبت و قلت ليها في شنو؟ بتعرفي الولدين ديل؟ هزت لي براسها بمعنى لٱ ،، عاينت للولد و قلت ليهو فك ليها يدها و كررت ليهو الجمله دي مرتين و كأني ما بتكلم معاهو و لسه ماسك في البت و بعاين ليها بخباثه، مسكت يدو و فكيت يد البت منو، دفرني و قال لي مالك يا......لفظ انا ذاتي ما بقدر اقولو ،، قلت ليهو احسن تحترم نفسك و أشرت للبت عشان تمشي بس تاني مسكها ...مسكتو بقوه م̷ـــِْن يدو و هو ما اتردد طوالي ضربني ....مسكت يدو و لويتها ليهو و صاحبو التاني جا عشان يفكوا مِڼـّي دفرتو لمن وقع و وقعت في التاني دا ضرب و الناس لسه واقفه و بتتفرج بقيت بضرب فيهو و بضرب ما وقفت إلا على صوت مها و هي بتقول ليها عماااار كفايه يا عمار
واحد م̷ـــِْن الولدين ديل قال ما هندا انت بمزتك مانعنا م̷ـــِْن الخيرات ليه و بقى يعاين ليها بخباثه رجعت تاني و ضربتو و المره دي بطريقه أعنف أول ما مها قالت لي عمار ما
قاطعتها و قلت ليها بزهج طيري م̷ـــِْن هنا مش قلت ليك ما تتحرك م̷ـــِْن مكانك؟
قلت كلامي دا بنبره حاده و عاليه لمن هي ذاتا ارتعبت مِڼـّي و م̷ـــِْن غير ما تتردد رجعت للعربيه و انا استمريت في ضربهم الإتنين لحدي ما الناس إدخلت و مسكوني منهم.
_____________________
