حيييا انا اتغظت شديد م̷ـــِْن برودو دا ،، اصلا انا الغلطانه و ما كان اتصل عليهو م̷ـــِْن الأساس اخخخ انا مـڼـڱ يا نفسي 🤦♀️
طبعا الًيَوُمًِ كان آخر امتحان ،، يشهد الله كان صعب صعب لمن قال للصعوبه اقيفي بالجنبه و مع إني قريت و ساهرت لحدي آخر الليل بس برضو غلبني انا بكره الماده دي ،، بسبب الإمتحان دا قربت أبكي ....أبكي شنو؟ انا بكيت عديل و زهجت و قرفت م̷ـــِْن القرايه دي كلها و بعد ما طلعت م̷ـــِْن الإمتحان ما لقيت نفسي إلا و انا ماسكه التلفون و بتصل على عمار ما عارفه ليهو اتصلت عليهو هو تحديدا بس حسيت إني عايزا اتصل و أبدا ما اترددت ،، لما فتح الخط ما عرفت اقول ليهو شنو تلقائيا لساني قال ليهو : (على فكره ما كان في لزوم تقفل الخط في وشي الًيَوُمًِ داك ببساطه كان تقول لي تاني ما تتصلي علي و ماف داعي لقفلة التلفون ديك) هو جد جد انا كنت زعلانه م̷ـــِْن حركتو ديك و كانت حارقاني شديد بس ما اتصلت عشان كدا ،، غاظني شديد لما اعتذر لي ببرود و قال لي طيب هسي حقفل ټمـٱمـ ،، حسيت نفسي قدر السمسمه و لمت نفسي على اتصالي طوالي قفلت الخط و هو ما حاول يتصل علي مَـرّھٌ تانيه زهجي م̷ـــِْن عمار و الإمتحان خلوني انفسن زياده و مزاج اتقلب و اتغير 180 درجه حسيت نفسي عايزا أبكي ...قعدت في أقرب بنش و كملت البكى كلو هناك .......
أول ما طلعت م̷ـــِْن الجامعه لقيت عمار واقف برا لما شافني أشر علي عشان أجيهو مشيت وقفت قدامي و ربعت يديني و قلت ليهو خير في شنو؟
كان واقف قصادي و مدخل يدينو جو جيبو ولابس نظاره شكلو كان جذاااب شديد بس مع ذلك كانت عليهو آثار التعب و الإرهاق ، قال لي جيت اشوفك عشان صوتك كان ما كويس لما كنتي بتتكلمي معاي +ليه قفلتي الخط بالطريقه ديك؟
قلت ليهو تلفوني فجأه قفل لأنو ما كان شاحن 😏
قال لي طيب حصل خير .....سكت مساااافه حتى قال لي مها انتي كويسه ؟
قلت ليهو شايف شنو قدامك؟
حسيتو اضايق أخد نفس عميق و قال لي طيب خليني أوصلك > قلت ليهو ماف داعي بمشي براي
مسح وشو بيدينو و رجع لعربيتو و نزل منـِْهـ♡̨̐ـِْا بوكس متوسط الحجم و أكياس هدايا ، مداهم لي قلت ليهو ديل شنو؟
قال لي انتي شايفه شنو؟
المهم مسكني ليهم و رجع خطوتين لورا اتحرك م̷ـــِْن جنبي و رجع تاني و قال لي اسمعي الكلام و خليني أوصلك يا مها بطلي عناد ،، قلت ليهو شكرا بمشي براي 🙂 حمر لي شديد اضايق و طوالي ركب قفل الباب بقوه و اتحرك م̷ـــِْن قدامي حتى ما كلف نفسو يصر علي عشان أركب معاهو ،، اتغظت شديد و حسيت نفسي ح أبكي تاني بس مسكت اعصابي و هديت نفسي و مشيت على الموقف وقفت كدا لما جات حافله و ركبت فيها.
_________________________________________
مها اكتر انسانه عنيده و بتحب المكابره ،، بحاول قدر الإمكان ما أزعلها بس هي دايما بتزعل روحها و بترفع كثافتي 🤦♀️
المشكله اني فاهمها و حافظها حفظ و عارف هي عايزا شنو ،، ما منتظر منـِْهـ♡̨̐ـِْا تقول لي بحبك أو وجودك بهمني ما عايز منـِْهـ♡̨̐ـِْا شي يمكن يكون صعب عليها و يكون مناقض لشخصيتها ما عِنـ.̷̷̸̷̐ـديّ مانع لْـۆ اعيش عمري كلو م̷ـــِْن غير ما اسمعمنـِْهـ♡̨̐ـِْا كلمة الجملتين ديل( بحبك أو انت بتهمني ) أو أي كلمه أو جمله بالمعنى دا المهم إنو عمري دا كلو يكون معاها هي و بس ♥️.
بس كيف تقتنع و توافق؟!
ما أبدا ما بتتنازل و تخلي عنادها دا ، يا ريتها تفهم انو الحب ما فيهو مكابره أو كرامه و إلا ما كنت خليت كل شي قدامي و اتناسيت تعبي و إرهاقي و جيت لحدي عندها و فوقها مشتري ليها هدايا عشان أراضيها و عشان عارف إنها حتكون زهجانه و قرفانه م̷ـــِْن الإمتحانات فـ حبيت اخفف عنها ولو بحاجه شويه ♥️
بعد ما اتحركت منـِْهـ♡̨̐ـِْا وقفت بعيد و بقيت متابعها لحدي ما اتأكدت إنها لقت مواصلات ترجع بيها بيتهم لأنو أبدا ما كان حيهون علي أخليها براها و ارجع 💔
