منو البصدق اني و برغم قعادي الكتير في المستشفى و طووول الشهر و حاجه دا ما شفتها إلا مرتين بس ايوه مرتين > الزياره م̷ـــِْن مسموح بيها دايما فلما يدونا الإذن نخش ليها الأولويه بتكون لأمها و أبوها و أخواتها ما بقدر اقول ليهم خلوني أشوفا اصلا بأي حق بقدر اشوفا؟
بسأل اخواتها عنها و أي زول دخل يشوفا يمكن لْـۆ كانوا منتبهين لي كان عرفوا مدى خوفي و قلقي عليها
-----------------------------------------------
؛
_ايوه يا خالتي
عمار يا ولدي وين انت تعال و ألحقني نور دي الأزمه قامت عليها تاني و ماف زول معانا في البيت و أخواتها ما بردوا علي
_ جدا يا خالتو نجوى هسي ح أكون معاكم
كنت في المستشفى لمن اتصلت علي خالتي نجوى ، مشيت على أهل مها و استأذنت منهم و برغم التعب و الإرهاق الكنت حاسي بيهو مشيت شلت رجليني و مشيت لخالتي في البيت فعلا نور حالتها كانت صعبه و ديناها لأقرب مسُتشًفيےّ جات في طريقنا ....
--------------------------------------------
بياض في بياض
طشاش طشاش
وضوح
دي المراحل المرت علي في ربع سَـآعــهْْ كنت فيها بحاول أفتح عيوني شويه شويه قدرت افتحهم تعبت شديد و انا بحاول افتحهم كأنو ليهم قرن كامل ما شافوا النور أول زول شفتو كانت الممرضه لمن انتبهت لي طلعت و جابت معاها ناس أمي > طبعا أمي أول ما شافتني جات حضنتني و بقت تبكي بكت كدا لمن بكتني معاها أبوي جا ورفعها مني قال ليها براحه عليها > مسح بيدو على راسي و هو ببكي و قال لي كيفك يا بتي ،، غمضت ليهو عيوني و فتحتهم بمعنى ايوه كويسه ،، تغريد و يقين جوا الإتنين و حضنوني و بقوا يبكوا ،، الدكتور جا و قال ليهم رجاء ما تتعبوها ،، زحوا مني و جا الدكتور و بقى يشوف في الأجهزه و قاس لي النبض ، سكت مساااافه وحتى قال لي الحمدلله ماشه في تحسن و دي خطوه كويسه كونك صحيتي م̷ـــِْن الغيبوبه لمن قال كدا بقيت أعاين لأهلي بإستغراب يعنى انا كنت في غيبوبه؟ كم يوم يعنى و لٱ بالشهور؟ كنت عايزا اسألهم اسئله كتيره بس ما قدرت اتكلم كنت حاسه بتعب و يادوبي قدرت احرك اطراف يدي أهلي بقوا واقفين و هم براقبوا في الدكتور و هو بتفقد الأجهزه و بقيس النبض و مَـرّھٌ مَـرّھٌ يسألني حاسه بشنو و انا بصعوبه حتى قدرت اتكلم شويه و سألتهم الحصل شنو؟ ابوي حكى لي كل الحصل ، معقوله انا كان لي شهر و حاجه خاشه في غيبوبه؟! سرحت بعيد و بالي كان في مكان تاني و عيوني على الباب كنت منتظره دخولو في أي لحظه متلهفه شديد لشوفتو
بعد ما الدكتور انتهى طلب م̷ـــِْن أهلي يطلعوا و يخلوني عشان ارتاح و فعلا دا الحصل بقيت راقده و بعاين في السقف و بكرر في اسم واحد "عمار " حيكون وين يا رَبّـ❤ـيٌ معقوله ما عارف بالحصل لي ؟ أكيد عشان انا ما بهمو و ما عندو لي حاجه فجأه اتذكرت آخر كلام قلتو ليهو بيني و بين نفسي قلت أكيد زعل م̷ـــِْن الكلام القلتو ليهو ....بس ما ندمانه لأنو يستاهل ....فجأه بقيت اتذكر في صابرين و الحصل معاها و عرس ميساء و و و ...الخ حكون اتغير شنو في الشهر دا؟ غمضت عيوني مساااافه و فتحتهم لمن سمعت صوت الباب احساسي قال لي إنو دا عمار بلهفه شديده كنت بعاين للباب و أول ما الزول دخل.....
صابرين
جات علي ضمتني و بقت تبكي > ضحكت و قلت ليها كفاااايه حتقتليني ياخ ما قادره اتنفس انا بقت تبوس فيني و بتقول لي اشتقت ليك ياخ و لصوتك الحلو دا
_ انا برضو اشتقت ليها
عاينت بإتجاه الصوت....كانت فاطمه خالتي يلي هي أم صابرين ، قلت ليها خاااالتو جاتني و حضنتني و باستني في راسي و قالت لي الحمدلله على سلامتك يا بتي
قلت ليها •اللّـہ̣̥ يسلمك قعدت معاي شويه و قالت لي طالعه برا هسي الدكتور لْـۆ شافني حيطردنا كلنا لأنو قال يخش ليها نفر واحد بس يلا يا بتي فتك بعافيه لحدي ما أجيك تاني....
يادااااب انتبهت على الحنه و الرسم الفي يدين و رجلعين صابرين انخلعت و بقيت أعاين ليها بإستغراب ، هي ذاتا بقت تعاين لي وفهمت انا بعاين ليها كدا لشنو
قلت ليها عرستي انتي؟ من متين طيب؟
ما ردت علي
قلت ليها المهم إنو تم على خير و ألف مبرووووك ليك ياخ و ربنا يسعدك و يهنيك
قلت ليها الكلام دا و انا في بالي في اسئله كتيره بس عشان ما اجرحها سكته
قالت لي بنبره حزينه •اللّـہ̣̥ يبارك فْيَگ و سكتنا على كدا لٱ انا كنت قادره اسئله اكتر م̷ـــِْن كدا لٱ هي عايزا الموضوع دا ينفتح تاني حسيتها اضايقت شديد لمن جبت سيرة العرس فعشان كدا سكت
للحـظـــِھّ ; .. عم الصمت و ما اتكسر إلا لما صابرين غيرت الموضوع و قالت لي عمار وين ما شايفاهو؟
قَلبـ♡ــيے. عمل شححح لمن جابت سيرة قلت ليها بإستغراب كدا و انا العرفني شنو ؟ ناسيه اني كنت في غيبوبه؟
قالت لٱ ما كدا بس عشان هو كان 24 سَـآعــهْْ في المستشفى طول الشهر دا كلو فـ لمن جيت ما شفتو مع إني كنت متوقعه ألقاهو أول واحد
لمن قالت كدا سكته و بقيت أعاين ليها ....عمار طول الفتره دي كان في المستشفى؟! تلقائيا لقيت نفسي ببتسم و ناسيه العملو كلو قبل كدا ،، صابرين قالت لي هييي هييي سرحتي وين؟ 😉
قلت ليها لٱ لٱ ماف حاجه و عشان ما تشغلها لي قلت ليها الحنه حلوووه في يدينك
حيييا انا م̷ـــِْن نفسي مشيت و جيت تاني لموضوع عرسها
مسكت يديني الإتنين و قالت لي فقدتك شديد والله و بالجد ندمت على كل حرف قلتو ليك في الًيَوُمًِ داك في لحظات غضب مني اتصلت عليك و سمعتك كلام فارغ و......قاطعتها و قلت ليها هسسس كفاااايه و انا ما زعلانه مـڼـڱ و مستحيل أزعل مـڼـڱ و هسي لْـۆ عاتبتيني و شاكلتيني ما حزعل مـڼـڱ لأنو ليك حق تعملي كدا و انا ما كان لآزٍمٍ أحكي لعمار موضوع حساس زي دا ما اتخيلتو.....
الممرضه جات داخله و قالت لصابرين تطلع بعد دا > باستني و قالت لي ح اجيك مَـرّھٌ تانيه ټمـٱمـ؟ قلت ليها ټمـٱمـ ♥️
مرا أسبوع و انا في المستشفى أهلنا كلهم جوا و شافوني إلا هو أبدا ما جا و ما حاول يتصل مجرد اتصال ،، اثناء ما انا قاعده و بفكر فيهو أمي جات داخله براحه لمن خلعتني قلت ليها يمه في شنو ليه داخله كدا؟ ثابت ليـّۓ حبت ليك أكل م̷ـــِْن البيت و هنا ممنوع يجيبوا أكل م̷ـــِْن بره عشان كدا جبتوا بالدس أكل المستشفيات دا ما نافع كلو كلو
طبعا بتتكلم و هي بتطلع في علب الأكل ،، قالت لي هاك اكلي ملاح الرجله دا بقولوا مفيد و غني بالنحاس ،، ضحكت شديد و قلت ليها نحاس شنو يا يمه قصدك حديد
قالت لي ما فرقت في النهايه معادن ولا ما معادن و افتحي لي خشمك دا عشان أأكلك خلي النضمي الكتير ، قلت ليها باكل براي انتي أكلي نفسك قالت لي انا هسي ما جعانه باكل بعدين ، قلت ليها لٱ ما ح آكل إلا لمن انتي تاكلي قالت لي حيييا انا مـڼـڱ سمح هاك اللقمه دي بقت مَـرّھٌ تأكلني و مَـرّھٌ تأكل نفسها لحدي ما شبعنا
لملمت الحاجات و طلعت و جات لي بمشط و بقت تسرح لي شعري و انا خلاااص نعست بحب حركة زول يقعد يسرح لي في شعري في شعور كدا حلو بجيني و بتمنى ما يخلص
بحب إهتمام أمي بكل صغيره و كبيره خاصه بي بحب طريقة تسريحها لي بحب خوفها و قلقها علي بحب هرشتها لمن أعمل حاجه غلط بحب حنيتها و صوتها الرزين و بسمتها السمحه ببساطه انها بحب كل شي فيها و بحب طريقة معاملتها لي ♥️
