دي مآب قالت لي خلي مها تجينا في البيت عشان ترتب معانا تجهيزات العرس قلت ليها ما بتقدر والله هي م̷ـــِْن طلعت م̷ـــِْن المستشفى ما تمت ال10 أيام كيف حتقدر تمشي ليهم و تساعدهم؟!
_ والله هم يا أمي وقفوا معانا وقفه جد لمن مها كانت في المستشفى ما مشڱلھِ بمشي ليهم انا يا أمي.
= لَـگِنْ هي ما قالت عايزا تغريد تجيهم قالت عايزا مها 🤣 بالإسم كمان فشنو ما تتعبي نفسك ساي
و مها عاينه و •اللّـہ̣̥ ما بخليهم تمشي ليهم و هي لسه ما بقت كويسه ، بري والله ما بتقدر تشتغل ليهم
= القصه ما قصة شغل يا أمي مآب و مها ديل شايفاهم صحبااااتي شديد و هي لما قالت ليك خليها تجي و تجهز معانا ترتيبات العرس دي كانت حجه ساي هي بس عايزا مها تجيها بأي طريقه شايفاهم كلهم بريدوها حتى خالتو نوال
ما اختلفنا لَـگِنْ هي في الحاله دي ما بتقدر تمشي ليهم عشان كدا احسن تمشي ليهم تغريد و تساعدهم
ديل أمي و أخواتي كانوا بتكلموا و سمعت كلامهم م̷ـــِْن البدايه للنهايه ،، مشيت ليهم و أول حاجه قلتها ليهم انا بقيت كويسه و عايزا امشي بيت خالتو نوال 🙂
كلهم بقوا يعاينوا لي أمي قالت لي ڼـعمًـْ ڼـعمًـْ؟ مشيه وحده ماف ليك > جريت قعدت جنبها و قلت ليها يمه عليك •اللّـہ̣̥ خليني امشي انا مليت م̷ـــِْن قعاد البيت دا و كفايه انو كان لي شهر و حاجه في المستشفى > قالت لي كلامي واحد و انتي لسه ما بقيتي كويسه ،، وقفت على حيلي و قلت ليها اهااا شوفيني و بقيت اتحرك يمين و شمال و ألف و أدور > قلت ليها •اللّـہ̣̥ يحفظك يا يمه واااافقي بلييييز ،، ادخلوا أخواتي و قدروا يقنعوها قالت لي امشي لَـگِنْ ايااااك تجاملي و تهملي نفسك ،، قلت ليها طيييب يا عسل انتي بستها و قمت دخلت جوه.
في نفس الًيَوُمًِ دا جاتني صابرين و قعدت تتونس معاي و قلت ليها انا ماشه بيت خالتو نوال 🙂
عاينت لي بإندهاش و قالت لي مها ليه بتعملي في نفسك كدا؟ ليه بتأذيها أكتر؟
قلت ليها بقولوا الحار ما بداويهو إلا الحار مشيتي دي ح أمحي بيها كل تفصيل ليهو في حياتي قصاد كل ترتيبه أو تجهيزه لعرسو انا ح اعمل Dlate لذكرى جمعتني بيهو لحدي ما يجي يوم العرس و أشوفو بلبس العرس و احضر الجرتق ساعتها بس ح احذفو م̷ـــِْن حياتي كلها و ح أقدر اقنع نفسي ...
_ ما عارفه اقول شنو والله بالجد عمار دا صدمني ،، صدقي كنت مفتكراهو بحبك تصرفاتو و ردات فعلو و نظراتو كلها كانت بتدل إنو بحبك و لما جا شافني و اتكلم معاي بخصوص الموضوع داك و اضطريت احكي ليهو ما رضى يشوف الفيديوهات عمري ما حنسى الغضب الكان في عيونو لمن جبت سيرتك و حكيت ليهو بالعملو مصعب بصوركم > مِڼـّي عرف الشقه الساكن فيها مصعب مشى لحدي عندو و وقع فيهو ضرب يمكن لْـۆ ما الناس الجنبهم سمعوا الأصوات مصعب كان حيموت في الًيَوُمًِ داك على يدين عمار ،، و بعد ما شبعوا ضرب وداهو قسم الشرطه و فتح فيهو بلاغ و عشان عمار عندو معارف كتار هناك طوالي رموا مصعب في السجن بعديها جا و قال لي انا فتحت فيهو بلاغ بخصوص الصور و الفيديوهات المفبركه هسي جايك و عايزك تمشي معاي عشان نفتح فيهو بلاغ بخصوص الحصل ليك بس انا رفضت لأني عارفه لْـۆ مشيت و فتحت فيهو بلاغ الموضوع حينكشف و أهلي حيعرفو ،، عمار بقى يقنع فيني و يقول لي والله ح آخد ليك حقك منو و ح أدعمك و اقيف جنبك للآخر بس انا كنت رافضه رفض قاطع ، آخر مَـرّھٌ اتكلمنا في الموضوع دا طلبت منو طلب و هو ما اقتنع في الأول بعد محاولات كتيره قدرت اقنعو و وافق عليهو ....
عاينت ليها بإستغراب و قلت ليها طلبتي منو شنو؟
_ يطلع مصعب م̷ـــِْن السجن
قلت ليها بإنفعال شنو شنو؟ جنيتي انتي يا بت؟ بس ما تقولي لي سمع گلآمَگ. و طلعو طوالي و هسي هو سارح و مارح على كيفو غبيه انتي يا صابرين؟ أكيـ....
_ كان عِنـ.̷̷̸̷̐ـديّ هدف
عاينت ليها بغيظ و قلت ليها هدف شنو البخليك تطلعيهو م̷ـــِْن السجن؟
سكتت مساااافه و قالت لي كدي فكري معاي يا مها هو لْـۆ اتسجن انا ح استفيد شنو؟ ما تنسى اني بت و أكيد كان حيجي الًيَوُمًِ الحنكشف فيهو ساعتها سمعة أهلي حتكون في الأرض انا اصلا ما فارقه معاي كان مت كان حييت بس أهلي هم الحيتحملوا مسؤولية حاجه ما عندهم فيها ذنب انا الغلطه يا مها و مصعب كمان غلط و عاقبني على تعلقي بيهو و طلوعي و نزولي معاهو
قاطعتها و قلت ليها صابرين !!
واصلت و قالت لي كان ممكن يتسجن و يطلع بعد مده ما معروفه كم و كان ممكن ينعدم بسبب العملو فيني لأنو اسمعو اغتصاب و في الحالتين انا الخسارنه فـ حفاظا على سمعت أهلي عرست مصعب ...
الجمله دي بقت تتردد على مسامعي مَـرّھٌ و مرتين أخدت لي قريب الدقيقتين و انا بحاول استوعب في الكلام البتقول فيهو
قلت ليها دا الطلبتيهو م̷ـــِْن عمار و وافق عليهو؟ يعنى هو مهدت ليكم انتوا و مصعب؟
هجت فيها و قلت ليها كيف تعملي كدا كيف تذلي نفسك أكتر و أكتر و ترضى تعرسي واحد حيوان زي مصعب ، ياخ انتي ...ختيت يديني على راسي و بقيت أبكي و بقول ليها حييييا انا مـڼـڱ يا صابرين
قالت لي دا الحل الوحيد الكان قدامي و متأكده اني ما حندم عليهو لأنو كان خياري الوحيد
هجت زياده و بقيت اشاكل فيها كوركت فيها كدا لمن زهجت و براي سكته و بقيت اقول لٱ حول ولا قوة إلا بالله ، يومي داك قضيتو كلو بكى و حسره على حظ صابرين و المصيبه الوقعت فيها ...
