أول ما دخلت جوه لقيت تلفوني ضاااارب المتصله كانت صابرين في البدايه اترددت و ما قدرت أرد جمعت شجاعتي و فتحت الخط و قبل ما أقول أي كلمه هي سبقتني و قالت لي:
انا ما قلت ليك تساعديني كسر رقبه و انتي وقت ما قادره على الحاجه دي ما كان ترتجلي و تقولي لي بحل الموضوع دا و سرك في بير ، انا ما زعلانه لأنك ما قدرتي تحلي لي مصيبتي دي لأنها غلطتي و ما كنت ح ألومك أو ازعل مـڼـڱ لْـۆ م̷ـــِْن البدايه قلت ليـّۓ ما بقدر اساعدك كنت اتفهمت و لوكت الغرضه براي المزعلني شديد اني أفشيتي السر دا معقوله تقولي موضوع حساس زي دا و خاص بي انا لـ عمار؟ انا لْـۆ كنت عايزاهو يعرف ليه اجي أكلمك انتي براك؟ كنت عميانه منو يعنى؟ جيتك عشان تخففي عني و احس معاك انو في زول ساندني بس عملتي شنو انتي؟ قمتي و خليتيني في مكان و ما عاينتي لي تاني برضو اتجاوزت حركتك دي و قلت بتكوني مصدومه و ما قادره تستوعب بس كونك تمشي تحكي لـ عمار دي ما بعتبرها إلا شماته مـڼـڱ بس ما أكتر، نسيتي وقفاتي معاك و دعمي ليك و جيتي طعنتيني في ضهري انتي عارفه انا ما كلمت زول غيرك انتي الوحيده الوثقت فيها و حكيت ليها و في الآخر شنو؟ خذلتيني زي الباقين حسبي •اللّـہ̣̥ و ڼـعمًـْ الوكيل فْيَگ يا مها جبتك فزع بقيتي لي وجع عمري ما بسامحك و تاني لْـۆ لقيتيني في الشارع ما تسلمي علي و خلقتك دي انا ما عايزه اشوفا تاني و عمار المشيتي حكيتي ليهو موضوع زي دا عشان تقربي منو و تحسسيه انك واثقه فيهو ان شاء •اللّـہ̣̥ يضوي ليك و انا ما عافيه ليك 💔..
قالت كلامها دا و طوالي قفلت الخط بقيت ماسكه التلفون و بحاول استوعب في الكلام القالتو لي ، عمار؟! مشى و قال ليها انا حكيت ليهو ، كل يوم بسقط م̷ـــِْن نظري و كل يوم بثبت لي إنو اسوأ م̷ـــِْن الًيَوُمًِ القبليه
ختيت التلفون و بقيت أبكي بحرقه و انا ندمانه لأني حكيت ليهو في مسامعي كانت بتتردد الجمل دي "انتي الوحيده الوثقت فيها " ، "جبتك فزع بقيتي لي وجع" ،"ما عافيه ليك " 💔
قمت م̷ـــِْن مكاني و مشيت برا لناس مآب لقيتهم كلهم دخلوا المظله م̷ـــِْن مكاني داك مشيت الحوش البهناك لمحت عمار في الوضايه بتوضى مشيت عليهو و وقفت قدامو و انا غضب الدنيا دي كلو فيني بقى يعاين لي بإستغراب بس ما قال لي حاجه وقف على حيلو و كان داخل جوه أول ما اتحرك م̷ـــِْن جنبي قلت ليهو:
ما كنت قايلاك انسان واطي للدرجه دي استفدت شنو هسي لمن مشيت لـ صابرين و قلت ليها اني حكيت ليك؟ هدفك كان شنو؟ مش سألتني ليه ما جيت و حكيت ليك م̷ـــِْن البدايه؟ ببساطه لأني ما بثق فْيَگ ما عندي فْيَگ ولا ذرة ثقه قدرت تستعطفني و تخليني احكي ليك على الأقل لْـۆ ما قدرت تساعدنا كان تعمل نفسك ما عرفت شي بدل القواله و حركات النسوان دي كلها، عارف لحدي أمبارح انا كنت ندمانه لأني في يوم فسخت الخطبه بس هسي انا بحمد ربي اني ما اتورط بواحد باطل زيك ما عارفه الكان عاجبني فْيَگ شنو لدرجة ما اقدر انساك و اتجاوزك بس كويس حاليا حقدر اتجاوزك بكل قناعه عمري ما حندم على الحاجه دي أكتر حاجه ندمانه عليها هي اني حكيت ليك موضوع حساس زي دا و.......
قبل ما أتم كلامي هو اتحرك مني جنبي ملامح وشو اتغيرت و عيونو بقت حمرا برضو ما خليتو و بقيت ماشه وراهو و بسمعو في كلام زي السم > دخل جوه و قفل الباب > بقيت واقفه برا و لسه بتكلم لمن فترت رجعت بهناك و قعدت أبكي فجأه اتذكرت اني مفروض ارجع البيت بعد يومين زي ما قلت ليهم و اليومين ديل مروا و بقوا اربعه انا كيف نسيت الحاجه دي ....طبعا ملابس جاااهزات في الشنطه مشيت لخالتو نوال في غرفتها قعدت اتونست معاها مساااافه في الآخر قلت ليها أمي عيانه الفتره دي و تغريد و يقين كل وحده بـ همها عارفاهم ما حيهتموا بيها بالطريقه الصحيحه عشان كدا و بعد إذنك حابه ارجع البيت > قالت لي سلامتها عندها شنو و م̷ـــِْن متين؟ قلت ليها ياهو الصداع و الإلتهاب الدايما بقوم عليها سكتت مساااافه حتى قالت لي في زول زعلك؟ قلت ليها أبدا والله +هسي قلت ليك السبب ، اتنهدت و قالت لي ما عايزاك تمشي والله لَـگِنْ مدام أمك عيانه فـ امشي يا بتي بس أول ما تبقى كويسه تعاليني راجعه قلت ليها طيييب > ما صدقت خالتو نوال رضت لي مشيت استحميت و سرحت شعري و لبست لي اسكيرتي > مشيت لميساء لقيت معاها نور و مآب طبعا أول ما شافوني ميساء قالت لي ماشه وين يا بت؟ قلت ليها البيت > كلهم قعدوا يعاينوا لبعض قلت ليهم بالمختصر أمي عيانه و ماشه ليها و بعد ما تبقى كويسه ح أجي راجعه ليكم ميساء قالت لي يخسي عليك والله يعنى ما حتحضري حفلة حنتي؟ قلت ليها لٱ ح اجي يوم الحنه > قالت لي تغريد و يقين بعملوا في شنو ليه ما يهتموا بيها هم قلت ليها مشغولات و مضغوطات والله المهم انا ماشه عشان ما اتأخر مآب قامت حضنتني و قالت لي كما جيت راجعه بجيك لحدي بيتكم و بجرك معاي جر قلت ليها طيب ودعتهم و طلعت م̷ـــِْن الغرفه و معاي مآب خالتو نوال قالت لي دقيقه أنادي ليك عمار عشان يوصلك قلت ليها عمار طلع يا خالتو > قالت لي متين كدا هسي كان قاعد طيب بتصل عليه هسي بجيك قلت ليها ماف داعي يا خالتو نوال المواصلات الًيَوُمًِ متوفره و احسن امشي م̷ـــِْن بدري، طبعا عمار كان قاعد و انا كذبت عليها و لحسن الحظ انو دخل عربيتو بالباب التاني و ماف زول شافها المهم ودعتهم و طلعت مشيت أول ما وصلت الموقف جاني اتصال م̷ـــِْن عمار ما عارفه لي رديت المهم رديت قال لي بغض النظر عن القلتيهو قبيل و عن العملتيهو هسي انتي وين؟ قلت ليهو ما عندك بي شغله و تاني ما تتصل علي و طق قفلت الخط و التلفون ركبت و نزلت في الكلاكله اللفه منـِْهـ♡̨̐ـِْا ركبت للجبل ، فتحت تلفوني و لقيت مكالمات م̷ـــِْن عمار بس ما رديت عليهم زعلي م̷ـــِْن لسه ما خف و مستحيل يخف اثناء ما انا منزله راسي في التلفون سمعت الركاب بدو يصرخوااا يااااازول ياااازول اعمل حسابك لف لف أول ما رفعت راسي شفت شاحنه داخله فينا ....بعديها بقيت ما سامعه شي و حسيت راسي بقى تقيل و الدنيا اتقلبت حتى جسمي حسيتو مخدر ما قادره احرك أطرافي و شويه شويه الرؤيه إنعدمت ........
---------------------------------------------------------
الدكاتره بقوا يدخلوا و يطلعوا م̷ـــِْن غير ما يفيدونا بأي حاجه و انا بقيت قاعد على أعصابي و خايف تحصل ليها حاجه أمي و أمها كانوا ماسكين بعض و ببكوا ما عارف بس شوفتهم بالحاله دي للحظه حسيتني إني ح أفقدها > في سري بقيت اقول يا رب انا ولا هي يا رب اشفيها و عافيه يا رب قومها سالمه > طلعت م̷ـــِْن المستشفى و مشيت لأقرب مسجد صليت لي ركعات و بقيت ادعي ليها فكرة إنها ممكن تموت و تخليني بقت تراودني شديد احساس اني ح أفقدهَـا دا اصعب احساس ما عارف حيحصل لي شنو لْـۆ هي لٱ قدر •اللّـہ̣̥ حصل ليها حاجه 💔
رجعت المستشفى و بقيت مقلق و الدكاتره لسه ما طلعوا م̷ـــِْن غرفة العمليات بعد ساعتين بالضبط الدكتور طلع و وشو ما كان ببشر بالخير و قال لينا دخلت في غيبوبه > ما قادر أوصف احساسي في اللحظه ديك كان شنو بين فرحان و زعلان زعلان لأنها بس في غيبوبه و إلا ما يجي يوم و تقوم فيهو و فرحان لأنها ما ماتت بعد ما شفتها في موقع الحادث ما اتخيلت إنها حتوصل المستشفى اصلا 💔
------------------------------------------------------------------------
علينا أن نودّع بعضنا باستمرار ، أن نتبادل الوَداع كُل حين ، بكثِير منَ الصّمت و النّظرات الطّويلة ، أن نألَف الوَداعات كَما نألف أسرّة نومِنا ، كُل مَن يخرُج وَ يغلِق الباب قَد لا يَعود ، كَل من يذهَب فِي الصّباح الباكِر مُبتهجاً بيومٍ جديد قد لا يعود ، كُل من يذهب إلى المَطبخ فِي عُمق الليل ، فقط لِيشرب قد لا يعود أبداً إلى أحلامه مرة أخرى ...💔
يتبع......
عارفاهو قصير شديد كل القصه انو حصل معاي ظرف و دا القدرت أكتبو ابدا ما كنت في وضع يسمح لي أكتب بس عشان وعدتكم جازفت الجزء دا + رجااااء دسوني في دعواتكم محتاجه ليها شديد 😔و اعفوا لي على البارت القصير شديد دا 😴💔
