قبل ما أخشى بيتنا صابرين وقفتني و قالت لي ليه طلعتي م̷ـــِْن الصاله بالطريقه دي؟
قلت ليها زهجت بس والله و عشان ما عايزا اتأخر كتير حتى إني اتصلت عليك لَـگِنْ ما رديتي ....شوفي تلفونك !
_ عارفه! لقيت مكالماتك و لمن رجعت ليك ما رديتي ليه؟
قلت ليها صابرين يرضى عليك انا هسي تُعباُنٌهْـ و نعسانه + الزمن اتـأخر عايني برانا الواقفين في الشارع
_ طيب لـكن تحكـي لـي بـكرا ټمـٱمـ ؟
قلت ليها ايوه ټمـٱمـ .....ودعتها و دخلت البيت برااااحه عشان ما أزعج زول و على طول مشيت لغرفتي ، بكيت كدا لمن فترت و في الآخر نمت....
في الًيَوُمًِ التالي:
اتصلت على صابرين و قلت ليها أطلعي بعد دا عشان ما نتأخر طبعا الإتنين في جامعة السودان بس أي وحده تخصصها بختلف عن التانيه هي علوم قسم المختبرات العلميه و انا بقرا هندسة معمار المستوى التالت ، المهم مشينا الجامعة و أخدنا المحاضرات > بعدها و نحنا طالعين صابرين قالت لي بما انو طلعنا بدري فـأنا عازماك قلت ليها طيب بس دقيقه أكلم ناس البيت......
_ اها أحكي لي الحصل شنو أمبارح ؟
اتنهدت و قلت ليها عمار حيتزوج نور 🙂
كانت بتشرب في عصير اتشرقت و قالت لي شنو شنو! عمار و نور حيتزوجوا؟ مها انتي متأكده م̷ـــِْن الكلام دا؟ ...القال ليك منو طيب؟
قلت ليها ماف زول قال لي انا سمعتهم > سكتت مساااافه حتى قالت لي والله ما قايلاهو حقير للدرجه دي كان عامل فيها بحبك و ما قادر يستغنى عنك و صارعنا بحركات الهنود ديك و في النهايه عمل شنو؟! فسخ الخطبه م̷ـــِْن غير ما يبرر أي شي! بالجد طلع حيوان و متخلف و....
انا الطلبت منو نفسخ الخطبه 🙂
_ ڼـعمًـْ ڼـعمًـْ ! بتقولي في شنو يا مها؟ كيف يعنى انتي الفسختي الخطبه! طيب حاليا بتتباكي عليهو ليه دامك فسختيها انتي؟ !
قلت ليها في لحظة زعل بس قلت ليهو احسن نفسخ الخطبه و انا الأصريت عليهو عشان ننهي البينا
_ ما عارفه اقول ليك شنو والله لَـگِنْ مدام انتي القررتي كدا و فسختي الخطبه معناها لآزٍمٍ تتحملي نتيجة قرارك دا ، و انا الكنت مفتكره إنو عمار هو الإتخلى عنك انتي الغلطانه يا مها
يااااخ قولي انا غلطه لمن أصريت عليهو لَـگِنْ هو لـو كانت متمسك بي ما كان سمع گلآمَيےّ و فسخ الخطبه أبدا ما حاول يعرف انا ليه عملت كدا ، أبدا ما سألني انا زعلانه م̷ـــِْن شنو
_ طيب روووقي و ما تنفعلي و احكي لي كنتي زعلانه م̷ـــِْن شنو؟
.......
_ طيب اذا ما حابه تحكي نغير الموضوع عُاَدّيَےّ
قلت ليها ايوه الأحسن نغير الموضوع ، بعد شويه عاينت وراي و قالت لي خلينا نمشي م̷ـــِْن هنا قلت ليها ليه متين جينا نحنا؟ قالت لي بس انَـỲǑŲـْتي قووومي و خلينا نمشي
أول ما عاينت وراي شفت عمار و كانت معاهو بت كدا ما بعرفها ، كانوا بضحكوا و واضح إنهم مبسوطين و مروقين ، سكت و ما قلت حاجه بس ما قدرت اتحكم في ملامح وشي الكلها زعل
صابرين قالت لي ولا يهمك ولا تزعلي على واحد بتاع بنات زي دا ، قلت ليها اصلا ما هاميني و انا عكس كدا ، قلت ليها اقعدي انا ما عايزا امشي ، عاينت لي بإستغراب و قالت لي متأكده قلت ليها ايوه ، أول ما قعدنا كدا سمعنا زول بقول السلام عليكم ....م̷ـــِْن صوتو عرفتو ...عمار ، رفعت راسي و عاينت ليهو و انا مستغربه هو جايب قوة العين دي م̷ـــِْن وين ! صابرين قالت ليهو و عليكم السلام ، قرصتني في يدي عشان أرد ليهو السلام ، قلت ليهو و عليكم السلام ، قال لينا ممكن اقعد معاكم ، صابرين عاينت لي و هزت ليهو براسها بمعنى ايوه ممكن ، قعد و ما تم دقيقه إلا و شفتو رافع يدو و بأشر لزول عاينت وراي و لمحت البت الكانت قاعده معاهو جايه علينا ، ما عارفه كيف اتمالكت اعصابي و ما قمت م̷ـــِْن مكاني لحدي ما وصلتنا و قالت لينا هااااي كيفكم يا بنات و عاينت ليـّ عمار و قالت ليهو ديل منو؟ قال ليها ديل بنات أهلي دي صابرين و دي.....مها طبعا أول ما قال اسمي قَلبـ♡ــيے. عمل شححح ،، قال كلامو دا و هو بعاين لي و على طول حول نظرو مِڼـّي ، قالت لينا بمياعه كدا اتشرفنا عمار طلب و طوالي قعدت جنب عمار و بقت تتونس معاهو و انا القعده غلبتني و ما بقدر أقوم عشان ما يقول اتحسيت م̷ـــِْن وجودها جنبو عشان كدا أشرت لصابرين و قلت ليها بصوت خافض ارح ، هزت لي راسها و عاينت لعمار و قالت ليهو بعد دا نحنا ماشين و وقفت على حيلها
و انا وقفت معاها قال لينا بدري بدري مستعجلين ليه انتوا؟ قالت ليهو م̷ـــِْن جينا لينا قريب سَـآعــهْْ اتأخرنا والله ، قال لينا طيب ارحكم نحنا ذاتنا طالعين ، حسيت إنو البت المعاهو زعلت شديد عاينت ليهو بس هو ما انتبه ، قلت ليهو لٱ ماف داعي للتعب بنمشي برانا ، قال لي في النهايه انتوا بنات أهلي و ما بخليكم ترجعوا براكم مدام انا كنت معاكم ، المهم ركبنا معاهو و طول الطريق هو و بت الناس دي بلعلعوا لمن عملوا لي صداع ، طلعت تلفوني و ركبت السماعه مع إنو ما مشغله شي بس عشان يفهم إنو كلامهم ما بهمني و في الحقيقه هااااميني شديد و حارقني و ماكل معاي جنبه ، فجأه عاينت في المرآيه لقيتو بعاين لي ، بتكلم معاها هي و بعاين لي انا ، فتحت تلفوني و بقيت اتبسم براي زي الما نصيحه ، شغلت لي نغمه و عملت نفسي بتكلم بالتلفون قلت ليهو : (يا مؤيد برجع ليك بعدين لمن أصل البيت ، جد برجع ليك حصل كذبت عليك انا؟....طيب طيب مع السلامه ) مع إنو لٱ في زول اتصل لٱ بعرف زول بالإسم دا
_ دا مؤيد يا مها؟
طبعا دي صابرين القالت كدا ، قربت اضحك مع إنها عارفاني بكذب بس جنها تتم معاي كذبي للآخر ، قلت ليها ايوه دا هو
_ قالت لي شايفه اتصالاتو كترة الفتره دي 😉
قلت ليها صابرين ياخ ! 🙈
_ لَـگِنْ يا مها لْـۆ عايزا الصراحه مؤيد دا زول كويس والله و ياما وقف معاك و شكلو بحبك و جادي و هسي لْـۆ قلت ليهو اصل بيتنا حيصل والله عشان كدا ما تخسريه يا مها لأنو في الزمن دا صعب تلقى راجل ود رجال
كلامها خلعني عرفتها قاصده تقول كدا و قاصده تعلي صوتها في الجمله الآخيره دي اصلا هو م̷ـــِْن غير ما تعلي صوتها كان سامعنا و منتبه معانا م̷ـــِْن أول ما شغلت نغمة الإتصال ، فجأه كدا ساق العربيه بأقصى سرعه و وصلنا البيت سريع، صابرين بعد ما نزلنا قالت ليهو خش معانا البيت ...كان سرحان و ما انتبه لكلامها علت صوتها و قالت ليهو عمااااار
البت المعاهو قالت ليها طيب ما تكوركي كدا
عمار انتبه و قال ليها ڼـعمًـْ؟
أشرت ليهو على البيت قال ليها هسي مستعجل المره الجايه ان شاء •اللّـہ̣̥ و تحياتنا للوالد و الوالده عاين لي و قال لي بضيق و انتي كمان و طوالي اتحرك أول ما اتحرك انا و صابرين عاينا لبعض و قعدنا نضحك 🤣🤣😂🤣😂
❣️"" ليست الليله الوحيده التي تخلو مـڼـڱ....لكنني الًيَوُمًِ أفتقدك و بشده 💔""
يتبع......
_
