طلعت ملابسي الحمشي بيهم الجامعه و بديت أكوي فيهم كانت معاي نور و كنا بنتونس سوا ، جات نور داخله و قالت لـ مآب أخوك بجي متين؟
مآب قالت ليها مرات بجي 5 و مرات 6 كدا عايزه منو حاجه انتي؟ قالت ليها لٱ بس اشتقت لقعادنا مع بعض و انتي عارفاني متعوده عليهو و ما بقدر م̷ـــِْن دونو ، مآب قالت ليها كلام لَـگِنْ
المهم نور بقيت ترغي و ترغي و ونستها كلها عن عمار نظام عايزه تغيظني يعنى و انا اساسا ما عاينت ليها ولا شاركت في ونستها مع مآب ياريت تفهم اني شايلاها هي و الإسمو عمار داك م̷ـــِْن بالي ، فجأه كدا سمعنا صوت جرس الباب مآب مشت و فتحت الباب بعد شويه سمعت صوووت صاااابرين و هي بتكورك لي جات داخله و حضنتني و قالت لي كما الزول اتصل عليك و جا شافك ما بتسألي عن زول؟ قلت ليها ما فرقت كان اتصلتي انتي كان انا المهم اننا متواصلين ، بعد شويه جات خالتو نوال سلمت على صابرين و سألتها عن ناس بيتهم قعدت اتونست معانا حبه و طلعت برا لأخواتها ،، صابرين قعدت معانا لحدي العصر كدا عملنا لينا جبنه و عصير و كيك ، اثناء ما نحنا التلاته بنتونس صابرين قالت لينا رايكم شنو نتصور؟ قلت ليها طيب جيبي تلفونك قالت لي دقيقه دقيقه ما بخلقكم دي ، فتحت شنطتها و طلعت المكياج طبعا شنطتها دي فيها مصاااايب الدنيا دي كلها ، مكيجتنا و فكت لينا شعرنا و قعدنا نتهابل....غيتو الًيَوُمًِ دا اتهابلنا فيهو شديد و نور بتعاين لينا م̷ـــِْن بعيد بس و ما قادره تجي و تتونس معانا....المهم قريب للمغرب كدا صابرين قالت لينا بعد دا انا ماشه خالتو نوال قالت ليها انتظري عمار لحدي ما يجي عشان يوصلك ، قالت ليها لٱ لٱ لْـۆ انتظرتو حتأخر و هي طالعه كانت بتتغالط معاي في حاجه و انا بلبس في التوب عشان اقدمها ، طلعت و نحنا لسه بنتغالط في النهايه لمن گلآمَيےّ حرقها ضربتني و قامت جاريه على الباب جريت وراها و التوب وقع م̷ـــِْن راسي طلعت سفنجتي و جدعتها في اتجاهها هي طلعت و عمار جا داخل و السفنجه ضربتو حصلت لـحـظـــِھّ ; .. صمت كسرتها صابرين بضحكتها وقفت جنب عمار و قالت ليهو و هي بتضحك معليش معليش الضربه كانت لي انا 🤣🤣
طبعا انا اتلبشت لٱ عرفت اجرى و ادخل جوه لا عرفت اعرف التوب و أعطي شعري
عمار ضحك و قال ليها حتى لْـۆ كنت عارفها ليك كنت ح اخدها بدلك ، صابرين قالت ليهو قووول والله 🙈
انا رفعت التوب و غطيت شعري و قلت ليهو معليش ما كنت قاصده ، قال لي ما مشڱلھِ > صابرين قالت لي معليش لْـۆ الضربه وجعتك ، عمار قال ليها ان شاء •اللّـہ̣̥ كنتوا بتلعبوا؟ 🤣 قالت ليهو ما بنلعب بس اتغالطنا في حاجه و هي زعاااطه و معااااطه غاظتني عشان كدا ضربتها و الضربه حرقتها 🤣🤣 حمرتا ليها و قلت ليها اصبري لي بس > ضحكت و قالت لينا يلا بعد دا
عمار قال ليها وين وين؟
قالت ليهو ماشه البيت ، قال ليها متين جيتي يا زوله كدي خشي جوه ،، قالت ليهو اتأخرت والله و انا جيت م̷ـــِْن قبييييل ، قال ليها طيب انتظريني دقيقه بس و جا ماشي علي و كان بعاين لي جوه عِيو♡ني و انا ضربات قلبي كانت بتزيد مع كل خطوه منو ، حسيت نفسي ما قادره اتحرك م̷ـــِْن مكاني اطرافي اتجمدت و حيلي مات لمن وصلني و وقف قدامي حسيت صربات قَلبـ♡ــيے. بقت مسموعه وقلبي حيطلع م̷ـــِْن بين ضلوعي ، أول ما وصلني خت لي السفنجه و مد لي أكياس و هو لسه بعاين لي و انا ما قادره استوعب شي ، قال لي مها امسكي الأكياس دي ! انتبهت و مسكتهم منو ، قال لي بوصل صابرين و برجع و طلع معاها
دي شنو الهباله دي؟ ليه حسيت نفسي هبله هبله قدامو معقوله يمد لي الأكياس دي و انا أكون ما جايبه خبر 🤦♀️
----------------------------------------------------------------------------------------
مها
إتلفت عليهو و قلت ليهو ايوه
_ ماشه الجامعه صّـْْ(☑)ـْْحّ ؟
صّـْْ(☑)ـْْحّ
_ طيييب تعالي اوصلك اصلا طريقنا واحد
ما اعترضت و اساسا ما كان عِنـ.̷̷̸̷̐ـديّ قدره اتجادل بيها معاهو ، قبل ما اركب نور طلعت م̷ـــِْن البيت و قالت لينا وصلوني معاكم للجامعه ، عمار قال ليها طوالي يلا تعالي اركبي
هي ركبت قدام و انا قعدت ورا طبعا مآب الًيَوُمًِ قالت عيانه و ما قادره تمشي جامعتها ، طووول الطريق نور كانت بتتونس مع عمار و تتظارف معاهو و انا بعاين بالشباك بس بالي كلو معاهم قدر ما حاولت اتجاهلهم و ما اشتغل بكلامهم ما بلقى نفسي إلا و انا مركزه معاهم.....ما صدقت وصلناها جامعتها و نزلت طبعا هي بتقرا في أمدرمان الإسلاميه ، بعد ما نزلت عمار إتلفت علي و قال لي تعالي اركبي قدام قلت ليهو ببرود لٱ هنا مرتاحه
_ شكلك ما رايقه الًيَوُمًِ بس ما يكون مؤيد السبب
ما رديت عليهو
_ شكلو عرف انك كذبتي عليه لمن قلت ليها ماشه لقريبتنا مع أمي
قلت ليهو و انت ليه مركز معانا شديد كدا
_ كنتي في عربيتي و بتتكلمي بصوت فطبيعي اكون سمعتك و لْـۆ غصبا عني
سكته و ما اتكلمت تاني
_ بس عايز اعرف طبيعي انتوا البنات بتكذبوا في الصغيره و الكبيره؟!
برضو ما رديت عليهو
_ المهم يزوله بكرا حيرجع ليك ما تزعلي نفسك و حاولي ما تكذبي عليهو و تزعليهو تاني في النهايه دي مؤيد حبيب قِلًبُكً♥
قلت ليهو ما محتاج توصيني عليهو +صّـْْ(☑)ـْْحّ كذبت لمن قلت ليهو ماشه مع أمي لقريبتنا كلووو عشان ما يضايق لمن يعرف إني مع زول غيرو ما بلومو لأنو بغير علي شديد و انا بحترم شعورو دا عشان كدا ما جبت ليهو سيرتك 🙂😏
سكت و ما اتكلم تاني لحدي ما وصلنا الجامعه......
-----------------------------------------------------------------------
تاني مؤيد
نفسي اعرف العاجبها فيهو شنو و عرفتو م̷ـــِْن وين ماف زول م̷ـــِْن قرايبنا بالإسم دا ، في كل مَـرّھٌ بسمع فيها الإسم دا بضايق شديد خاصة لمن تقولو هي و تتكلم عنو ، ياخ بتمنى امسك مؤيد دا و أطلعو م̷ـــِْن بالها و انسيها اسمو، لقتو وين هي؟ معقوله تكون اتعرفت عليهو في الجامعه ؟! و معقوله يكون غاشي عليها و عايز يستغلها؟! ما بخليك يا مؤيد إلا اعرف انت منو و بتعرفها م̷ـــِْن وين .
