مها مها
صحيت على صوت عمار و هو بردد اسمي ، فتحت عيوني بس ما كنت شايفه كويس شويه شويه وضحت لي الرؤيه ، قعدت و بقيت أعاين حوالي ورا عمار طوالي في البت الجابتني و معاها أمها ياداب اتذكرت إني في بيتهم ، مسحت وشي بيدي و اتحسست راسي ، الطرحه ما كانت فيهو عاينت يميني و لقيتها جنبي ختيتها على راسي و قلت لـ عمار جيت متين؟
قال لي بقيتي كيف؟ و مدام حسيتي نفسك تُعباُنٌهْـ ليه ما اتصلتي علي؟ على الأقل كان تتصل على مآب طيب .
قال كلامو دا بإنفعال و نبرة صوتو كانت حاده ،، البت الجابتني قالت ليهو بكون ما اتذكرت تتصل على زول لأنو الحاله الكانت فيها صعبه شديد .
عمار قومني و قال ليها شكرا ليك و كتر خيرك ياخ > قالت ليهو {العفو و أي زول كان مكاني حيعمل كدا > أمها قالت لينا الناس بالناس والله و ربنا يكتب عافيتك يا بتي
عمار قومني و قال لي يلا نمشي ،، البت سندتني معاهو لحدي ما وصلنا باب الشارع قلت ليها شكرا ليك ما عارفه كان حيحصل لي شنو لولاك > قالت لي {العفو ياخ و أبقي زورينا هدا بيتنا و عرفتيهو > قلت ليها ان شاء •اللّـہ̣̥.
عمار كان جاي بعربيتو أول شي ركبني و جا ركبو هو > قلت ليهو عرفت كيف إني في البيت دا؟
قال لي اتصلت عليك كتير بس ما رديت و في آخر اتصال ردة علي البت دي و گلمتِنيےّ.
قلت ليهو اهاااا و سكته و بقيت سرحانه بعيد لمن انتبهت لقيتو مر بطريق بيتهم و ما وقف > قلت ليهو ماش وين انت هداك بيتكم؟
_ ماشين المسُتشًفيےّ
عاينت ليهو و قلت ليهو لٱ ما عايزه انا كويسه > قال لي ما على كيفك >
كيف ما على كيفي؟ عمار انا ما عايزا معاك نقاش طويل الفيني مكفيني رجعني البيت عليك •اللّـہ̣̥
_ لٱ ماف حاجه اسمها البيت لآزٍمٍ نمشي للدكتور أول
قلت ليهو بإنفعال ياخ ما تكرهني ما عايـ.......ما تميت گلآمَيےّ....بقيت أبكي بحرقه لمن هو ذاتو انخلع > وقف العربيه و قال لي بصوت حنين في شنو يا مها ليه بتبكي؟
ما رديت عليهو و إكتفيت بالبكى بكيت و بكيت لمن صدعت و هو لسه شغال يسأل فيني .
بعد مساااافه مسحت دموعي و قلت ليهو بصوت رايح رجعني البيت > قال لي ما عايزا تحكي لي؟
_ رجعني بس
سكت و ما اتكلم معاي تاني و رجعنا البيت عن سكات
---------------------------------------------------------------------------
كنت حاسس إنها ما كويسه اتصلت عليها كذا مَـرّھٌ م̷ـــِْن قلقي عليها و لما ردت علي البت و حكت لي خفت شديد عليها مساااافة الطريق كلو بالي كان معاها.....أول ما وصلت وشفتها نايمه على السرير و اثار التعب و الإرهاق باين عليها سألت نفسي الحصل ليها شنو خلاها تصل للحاله دي.
شوووفتها و هي بتبكي بالطريقه دي ضايقتني شديد احساس إني ما قادر أساعدها و اخفف عنها حتى ما قادر اعرف المبكيها شنو دا احساس قاتل جدا ، دموعها دي بتعمل فيني عمايل بما بعلم بيها إلا رب العالمين ، بقيت اسأل فيها الحصل شنو حاولت أتكلم معاها برقه و لطافه عساها تطمن و تحكي لي بس أبدا ما حكت لي و الحاجه دي ضاعفت على الوجع أضعاف > حسستني إنها ما عندها ذرة ثقه فيني أو حاسه إني ما حقدر أساعدها أو يمكن شايفه إني ما الزول الصّـْْ(☑)ـْْحّ
اللازم تحكي ليهو ....أول حاجه خطرت على بالي إنها تكون زعلانه م̷ـــِْن مؤيد
لَا مستحيل زول يكون في الحاله دي عشان زعل بس ،، حالتها الكانت فيها أصعب م̷ـــِْن إنها تكون زعل و بس 💔
