بنطلون بيج ، قميص كبدي، جزمه سوداء ، عطر مميز و حلاقه مخففه ، شكلو ما اتغير شديد كل الحصل إنو زاد وسامه ، شوفتو دي خلت ضربات قلبي تزيد و حسيت برعشه سرت في جسمي ، دي أول مَـرّھٌ اشوفو فيها بعد 3 شهور تلقائيا لقيت دمعتي نازله، مسحتها سرعه قبل ما يشوفني زول ، وسط الزحمه دي كلها و الضجيج كنت بنتبه معاهو بحواسي كلها ، افتكرت إني و بعد ال3 شهور دي كلها اتجاوزتو و طويت صفحتو بس اكتشفت إني أبدا ما نسيتو ، مرت زي دقيقتين و انا لسه واقفه بتأمل فيهو ما عارفه كيف ابتسمت في نص الألم دا كلو ، شويه شويه ابتسامتي بدا تتلاشى لمن شفت نور جات و ختت يدها على كتفو و بقت تاخد و تدي معاهو في الكلام و هو ما حاول يمنعها اتجاوب معاها طوالي و صوت ضحكهم كان واصلني في مكاني 💔
خليت العرسان و بقيت مركزه معاهم هم الإتنين ما انتبهت إلا لمن صابرين بت خالتي لكزتني و قالت لي سرحانه وين؟
ما رديت
_ لسه ما نسيتيه يا مها؟ لمتين حتظلمي نفسك كدا؟ هو اتجاوزك و كمل بعديك و ما حاول يعرف الحصل ليك شنو بعد ما إفترقتو حتى لمن فسخ الخطبه ما احترمك و راعى لمشاعرك !.
قلت ليها بصوت مبحوح : ما نسيتو يا صابرين و ما أظن اقدر انساهو
_ لٱ حتقدري و زي ما اتجاوزك و طوى صفحتك انَـỲǑŲـْتي كمان اعمل كدا و أوووعك تضعفي قدامو و تحسسيهو إنك لسه بتحبيهو....يلا تعالي معاي
قلت ليها سايقاني وين يا صابرين؟ ...ما ردت علي بس كانت ماشه بإتجاهو ...حاولت أفك يدي م̷ـــِْنها م̷ـــِْن غير ما ألفت الأنظار بس ما قدرت ...أول ما وصلناهم عيني وقعت في عينو ....أبدا ما أبدى أي ردة فعل حتى البسمه الكانت على وشو ما اتمسحت و قال لينا و هو لسه مبتسم أهلا ببنات الأهل ...قال كدا كأنو ما كان بيناتنا شي ، كأننا ما كنا مخطوبين يوم لبعض ، كأنو دي ما أول مَـرّھٌ نتلاقى فيها بعد 3 شهور ، صابرين قالت ليهو كيفك يا مفترى؟
ضحك و قال ليها انا مفترى؟ كيف و كيف
_ بقيت رافع قزاز و بقينا ما بنشوفك إلا في الأعراس لٱ بتجي لٱ بتسأل عن الناس دا كما افترى اسمو شنو طيب؟
قال ليها مضغوط بس مع الشغل و عارف إني مقصر مع الأهل لَـگِنْ أعمل شنو
قاطعتهم نور و قالت ليها و انا ما بسلموا علي ولا شنو؟ 😒
سلمت عليها و بعديني طوالي صابرين سلمت و قالت ليها العفو ياخ بس انشغلت مع المفترى دا
نور قالت ليها ما بلومك والله عمار دا أي زول بتعاطى معاهو بتلصق فيهو و بنسى كل الحوليه
طبعا قالت كلامها دا و هي بتعاين لي
صابرين قالت ليها هسي دا علاقتو شنو بكلامي؟
= نسَيتيَےّ تسلمي علي عشان انشغلتي معاهو! دا ما نفس گلآمَيےّ؟ !
ادخل عمار و قال ليهم مصرين تتناقروا في كل مَـرّھٌ بتتلاقوا فيها؟ صغار انتوا؟
الإتنين سكتوا و نور غيرت السيره.....
طول وقفتي معاهم دي ما حاول يعايني لي و لْـۆ بالغلط ، كأن ما واقفه معاهم حسيت بوخزه في قلبي و شويه كدا كنت ح أبكي لْـۆ ما اتمالكت نفسي و استأذنت منهم كمية الألم الحسيتو في الوقفه دي ما حسيتو في ال3 شهور المضت، الوجع الشاعره بيهو هسي بكفيني مية سنه لقدام ....
مشيت منهم و قعدت في آخر الصاله و بسرعه طلعت منديل و مسحت دموعي ، قدامي كان في كرستالة مويه شربت منـِْهـ♡̨̐ـِْا عشان أهدي نفسي ، صابرين جات لاحقاني عاينت لي مساااافه و قالت لي انا آسفه ، بس عملت كدا عشان أثبت ليك انو ما بستاهلك والله و انو هو ما شغال بيك و ما مدي أهميه للكان بينكم يعنى في الوقت الإنتي مكسوره فِيَھ بسببو هو مبسوط و ولا على بالو شي كمل بعدك عُاَدّيَےّ و نسى كل شي ف ليه انتي لسه ما قادره تتجاوزيه؟ ليه انت براك تتعذبي و توقفي حياتك بسببو؟
ما قلت شي بقيت أبكي بس ، قعدت جنبي و قالت لي لْـۆ البكى بريحك أبكي طيب و طلعي الجواك كلو ...دي كانت فرصه لي عشان أبكي بكى ال3 شهور داك كلو ، ما كنت بقدر ابكي قدام أهلي و احكي ليهم الحاسه بيهو ، دايما قدامهم بعمل نفسي قويه و ما متأثره حتى يوم فسخ الخطبه ما أبديت أي ردة فعل و قلت ليهم ما لينا قسمه مع بعض و هم ظنوا انو كل شي انتهى مع جملتي دي بس أبدا ماف شي انتهى أو اتغير بالنسبه لي حبي ليهو لسه هو هو ، في الوقت الهو اعتبرني مجرد فتره في حياتو و انتهت انا اعتبرتو حياتي كلها و ما حتنتهى إلا لمن أموت ، بعد مساااافه مسحت دموعي > صابرين قالت لي مدام انتهيتي خلينا نمشي للعرسان و نرقص معاهم قلت ليها لٱ ما عايزا أمشي انتي ، ما حبت تصر علي كتير و طوالي مشت ، بعد ما مشت عيوني تلقائيا اتجهت عليهو ، لسه كان واقف مع نور و بضحك معاها ما قدرت أشوفهم مع بعض و حولت نظري منهم بس محل ما أعاين بشوفهم صورهم كانت مثبته على الشاشات كلها و حتى لْـۆ ما عاينت ليهم بسمع الوراي و القدامي بتكلموا عنهم و بقولوا إنهم حلوين مع بعض ، جملة "حلوين مع بعض" دي قطعت قلبي حته حته بعدها ما عرفت طعم للحفله قاعده كأني صنم بس بسمع و بشوف ، لمن غلبني القعاد و قلبي وجعني قررت إني ارجع البيت ، فتشت على صابرين بس ما لقيتا ، اتصلت عليها كتير بس ما ردت ، مشيت على العرسان باركت ليهم و جيت جنب ياسمين يلي هي العروس و بت أهلي كمان قلت ليها شفتي لي صابرين هسي كانت واقفه معاك ، قالت لي آيي كانت معاي لَـگِنْ ما عارفه مشت وين تاني ....مشيت منـِْهـ♡̨̐ـِْا و انا متجه على باب الصاله جيت ماره بجوز اللوز سمعت نور قالت لعمار خلينا نحدد موعد العرس بعد دا ، كلامها نزلت فيني زي الصاعقه حتى المشى غلبني لمن وصلت باب الصاله ما كنت شايفه شي عِنۋۋۋ♡̷̴̬̩̃̊نيّے إتملت بالدموع كلامها دا بقى يتردد على مسامعي ، في اللحظه ديك ما كنت عايزا شي غير الطريقه الحتوصلني البيت لٱ فكرت في صابرين لٱ جربت اتصل عليها تاني ، الدنيا كانت ليل طلعت م̷ـــِْن الصاله و على طول للموقف كان شبه فاضي لأنو الوقت متأخر ، بكيت واقفه و ببكي بحرقه حتى خوفي م̷ـــِْن الضلام و الأماكن الخاليه ما حسيت بيهو، بكيت كدا لمن صدعة و للحظه ما جات عربيه ، قلت احسن أمشي لقدام شويه، قبل ما اتحرك م̷ـــِْن مكاني في عربيه وقفت لي عيوني طوالي اتجهت لسيد العربيه الكان هو عمار ! بدون ما يعاين لي قال لي اركبي ، قلت ليهو ماف داعي هسي بتج.....
_ اسمعي الكلام و اركبي يا مها
قال كلامو دا بنبره حاده ، ركبت معاهو عن سكات ، اتحرك بالعربيه لحدي ما وصل الصاله نزل و قال لي خليك هنا ، دخل و جا راجع مع نور و صابرين ، وصلتني صابرين أول و بقت تكورك فيني مشيت وين انَـتي و ليه ما بتردي على مكالماتي ووو.....الخ
سكت و ما قلت ليها حاجه لأني عارفه نفسي غلطانه > جات نور و قالت لي ممكن تنزلي م̷ـــِْن المقعد دا؟
صابرين قالت ليها بغيظ كدا و تنزل ليه يعنى داك مش مقعد برضو؟
_ عارفاهو مقعد بس انا بحب أركب قدام م̷ـــِْن زماااان و عمار عارف الحاجه دي ، مش يا عمار؟
عمار ما رد و اظنوا اتحرج م̷ـــِْن تصرف بت عمو
قلت ليها عُاَدّيَےّ ما مشڱلھِ و نزلت ليها و ركبت ورا ، أول ما قعدت صابرين همست لي براحه و قالت لي غبيه انتي عشان تنزلي ليها؟ العربيه دي بتاعة أبوها
قلت ليها اسكتي بس > انتبهت إنو عمار كان بعاين لينا بالمرآيه عشان كدا قلت ليها هس
طول الطريق كنا ساكتين ما عدا نور خالص ما سكتت و كلامها كلو مع عمار و مَـرّھٌ مَـرّھٌ مع صابرين و ما بتكلم بتشاكلوا بس ، أما انا فكنت ساكته لحدي ما وصلنا بيوتنا طبعا صابرين بيتهم جنبنا ، نزلنا و قلنا ليهو شكرا و اتحركنا...
#ثم_ماذا1
بقلم : مها حولي الزاكي
ثم..
"" كل وداعٍ يأخذ م̷ـــِْن الروح قطعة ،، إلا وداعك أخذ الروح كلها ....💔❣️ ""
يتبع.....
رمضان كريم ❣️
تصوموا و تفطروا على خير و عسااااه ينعاد عليكم باليمن و البركات 💛🌙
