بقيت ماشه و مآب جاريه وراي و بتحنس فيني لمن قربنا للمظله وقفت و قلت ليها هس يا مآب ما كنت عايزا خالاتها يعرفوا اني ماشه بيتنا عشان زعلانه م̷ـــِْن الحصل هسي حيقولوا مستهبله و عايزا ليها سبب بس
بديت اضحك ضحكت لمن مآب اتحيرت و بقت تعاين لي بإستغراب قالت لي بسم •اللّـہ̣̥ جنيتي انتي يا مها؟
قلت ليها صدقتي؟
ما ماشه بيتنا يا بت كل القصه إني كنت عايزا أشوف ردة فعلك شنو > قالت لي كذابه
قلت ليها و أكذب عليك لشنو؟ اساسا لْـۆ كنت حرجع بيتنا كان رجع م̷ـــِْن يوم السوق داك
قالت لي هسي في داعي للدراما دي كلها؟ جيبي شنطتك دي طيب ، قلت ليها لٱ خليها في ملابس عايزا أغسلها
قالت لي طيييب جيبي أغسلهم ليك قلت ليها لٱ بغسلهم انا ،، في وقفتنا ديك خالتو نوال جات في البدايه كانت خاشه المظله لَـگِنْ لما شافتني شايله شنطتي جات و قالت لي على وين يا بتي؟
مآب قالت ليها ما ماشه حته قالت عايزا تغسل ملابسها ديل ،، قالت لي هجمتيني يا بتي قلت في زول شاكلك ولا سمعك فارغ
قلت ليها لٱ لٱ ماف كلام زي دا
بيني و بين نفسي قلت الأحسن اقعد و ألقى لي طريقه ظريفه اطلع بيها م̷ـــِْن بيتهم هسي لْـۆ طلعت خالتو نوال حتسأل ليه مشيت منهم و ما معروف يمكن تشاكل نور و حسب معرفتي بأم نور مستحيل تسكت لزول بسأل بتها حتى و لْـۆ كان أختها غير اني لمن ارجع البيت أهلي حيسألوني رجعتي ليه و و و ..الخ
_ خير في شنو يا جماعه؟
عمار قال كلامو دا و عيونو مَـرّھٌ علي و مَـرّھٌ على الشنطه ،، خالتو نوال قالت ليهو البت هجمتني قايلاها زعلت م̷ـــِْن زول فينا و ماشه بيتهم لَـگِنْ الحمدلله طلعت دايره تغسل ملابس بس
طبعا هو طوالي عاين لي و فهم انا كنت عايزا اعمل شنو > خالتو نوال مشت و خلتنا نحنا ال3 واقفين
_ في شنو يا مها؟
.......
_ بتكلم معاك انا
= شوووف يا عمار لْـۆ عايز الصراحه انت ظلمت مها و خليني اقولها ليك انا متأكده انو مها ما دفقت في نور الجبنه •اللّـہ̣̥ أعلم ليه نور كذبت علينا بس مها مستحيل تعمل حاجه زي دي
مآب قالت ليهو الكلام دا و هو لسه بعاين لي و انا ساكته بعاين للسسته بتاعة الشنطه 🤣🤣
قال لي طيب يا مها قولي لي الحصل شنو؟ قلت ليهو ما مضطره اوضح ليك و ما بهمني اذا صدقتني أو لٱ > عاينت لـ مآب و قلت ليها انا حقعد لمدة يومين بس عشان خاطر خالتو نوال لأني ما عايزاها تعرف إني حطلع زعلانه م̷ـــِْن بيتها و بعديها طوالي حرجع بيتنا و انا ما مجبوره اقعد في مكان بتذله فيهو و بتهان أي شي ولا كرامتي
قلت كلامي دا و دخلت جوه و خليتهم واقفين
------------------------
انتي عارفه و انا عارف إنها ما عملت كدا ....احكي سامعك انا ليه كذبت فيها؟
قالت لي و هي بتبكي كنت بعمل في مقلب يا عمار
قلت ليها مقلب؟
دا هسي مقلب ليك؟ خليتيني ارفع صوتي عليها و ما قلتي لي مقلب ،، بكيتي و مشيتي حكيت لخالاتي و طلعتيها غلطانه ....و تجي هسي تقولي لي مقلب؟ !
ما عايز اعرف ليه عملتي كدا بس خلي في بالك انو الحركه دي لْـۆ اتكررت تاني ما حيحصل خير يا نور و هسي دي تمشي تعتذري منـِْهـ♡̨̐ـِْا قدامهم كلهم و تقولي ليهم كان مقلب مع اني ما مقتنع بكلامك دا
عمري ما اتخيلتك بالخباثه دي يا نور ،، بالنسبه لي كنتي الأخت الفرفوشه و الطيبه الما بتشيل في قلبها على زول عشان كدا كان ليك مكانه خاصه عِنـ.̷̷̸̷̐ـديّ حركاتك العفويه و البريئه خلتني اقول عليك طفله و اعاملك على الأساس دا كنت بتجاوز تصرفاتك الساذجه و بقول لا أكيد هي ما قاصده حاجه ، فقدك لأبوك خلاني اتعاطف معاك زياده عن اللزوم و استثنيك في كل شي > م̷ـــِْن الًيَوُمًِ دا يا نور ح أخت ليك النقاط على الحروف و حرسم خطوط حمراء بينا .
