عن ظلمهم سيسألني الله ولن أغفر

نظرات حب

صباحكم مسك💐

البارت الثالث
❤️اللهم صل على محمد وال محمد❤️

حين أحببته..
كنت بمشاعري الطفولية
أتراقص فرحاً مع نبضات قلبي
الصافية
كنت أحبه ولم أضع توقعات
ولم أتخطى حدود النظرات
نظرات عاشق
التي تجعلني أشعر بأنه يحبني
وبتُ أغوص في قصص العشق الخيالية
لعل بين السطور
تكون كلماته لي
لي وحدي
تجملني..
وأكون تلك الفتاة الأستثنائية..
نسيت بأن هناك
من يقتل خيالي وأحلامي ..
ويجعلني ثكلا لتلك النبضة الجنونية..
واني سأظل طول سنين أرثيها...بقلمي❤️

كانت الكتابة أسهل من الحديث ..ففي محراب العيون تتلكأ الكلمات وتضييع المعاني ويحل الصمت..❤️

رفعت أعيوني ببطىء وخجل ..بعد ماسمعت صوتة وهوه يكول

-السلام عليكم ..شلونكم

مبتسم و حجه بنبرة مرتفعه

-ياجماعة الخير أجاني أتصال من التربية تثني على جهودنا بالمعرض..
أحسنتم جميعكم ..
ركز بيه لحظة ودار وجه حجه ويه ست وسن
وانا ابتسمت

طلع وسرى كعدت يمي
وضربتني بأيدها وشاورتني
-شنو الموضوع عيني
باوعتلها وانا أوكف بس نحجي همس
-موضوعيش
-امممم السلامه العامة غمزتلي كامت وطلعت
أبتسمت على خبالها

أخذت الاوراق وكعدت ارتب بس
أذكرت الي صار قبل يومين ..

من كتبت اله
جميل هوه مايخطة قلمك وكلمات تعبر عن وجع وحزن..راقت لي
كتبتها مثل ما اعلق على خاطره او شي يعجبني ..

رسلتها وأنا بشدة الارتباك والتوتر ان مااتعرض لاي احراج
بس الشي الي بداخلي متغلب على كلشي.

رد عليه بعد دقيقة

_أنني أحسد تلك الكلمات التي تروق لكِ
ونالت أعجابك
توقعت ماتبادرين بأي تعليق

مسحت جبيني من قريت
كتبت
-كل شي جميل يستحق الثناء والاعجاب لازم نعبر له هذا أقل تقدير ..

-صحيح ست
وانا احب اثني على جهودج اليوم بالمعرض

-انت هم ماقصرت استاذ كلش تعبت بالمعرض

-ست ممكن سؤال لان أنا كنت أنتظر هالوقت الي أحجي وياج

وخرت أطراف كذلتي الوكعت على عيني ورا أذني وبتوتر رهيب كتبت
-تفضل

-شنو رأيج بأنسان مثلي

-أنسان خلوق ومتزن ومثابر بالعمل
ورا دقايق وصلني

-يعني ممكن تقبلين ترتبطين بيه

حسيت خجلت خدودي أحمرت

طلعت من الماسنجر ورحت للمطبخ ترست كلاص مي بارد وشربته كله
ورحت غسلت وجهي..

أحتاجيت أطلع أشم هوا
من كد التوتر والخجل ..
يمكن فرحت لان احساسي صح وارتبكت وخجلت بهالعمر ويصيرلي هيج احساس ومشاعر
فتحت الباب بهدوء وطلعت للحديقة
على المرجوحه الحديد الي سوها أبوي الله يرحمه من كنا صغار..
ورجع جددها أخوي وصبغها من جديد..
كعدت وأنا أباوع للسما لسوادها القاتم اليوم وحيد بدون أي قمر أو نجمه..
اليوم ثواب ابوي هاجت عليه ذكرياتي وياه..
وهسه أكتملت بخوف وتوتر جديد..
وأفكاري تتلاطم
معقولة يحبني ويريد يرتبط بيه
لو مجرد أرتباط عادي..
رفعت ايدي باوعت لشاشة النقال فتحت للمحادثة
راسلي
راح أتركج تفكرين ..
وراسلي