عن ظلمهم سيسألني الله ولن أغفر

روتين

صباح الخير
❤️
اللهم صل على محمد وال محمد كما صليت على ❤️ابراهيم وال ابراهيم انك حميدٌ مجيد

البارت الخامس

فلتعد لي..
بعد كل تلك الاعوام التي مرت
أتمنى أن تعود..
كيف تظن بأني سأنسى
أنت كنت أول حب وأمنية ..
لم تتحقق..
ورثائي لك ليوم موتي سيبقى..
وأن تعود لي..
كم  هذه الامنيه مستحيله...❤️

جاوبت ايمان وبجت
-سيد مصطفى جابوه شهيد ..

شكد قاسية الكلمه لا والله هيه وكفت قلبي بعدها عن النبض..
الي رجعني لواقعي عصرة ايد حنان على كف ايدي بقوة..
كأنها اشارة منها كوني قوية انا وياج..

رجعت لواقعي واسمعها
-الحمد لله ..اصابته مو قوية
والله يرحمه اي صديقه مو شوي..
اي اي هايه خافت وظلت مصفنه
لا يظل بالج ومن تجي امي خابريلنه..

اباوعلها شوكت أخذت السماعه من ايدي وحجت ويه ايمان..
بلعت ريكي واحس بوجع قلبي
واعيوني اخخخخخ شكد محتاجات بجي..

عمي باوعلها خير بنتي وكفتن قلبي
-كعدت وظلت تبجي
عمو ياسر اتصوب همزين مامات صديقه وياه استشهد .. وهوه كلش متأذي..
وهسه بالمستشفى الله ستر
انا ظليت ابجي
وعمي يسكت بينه
-الله ستر عليه يابه لاسون هيج هذا حال اكثر الشباب
بعد هاي الحرب شنتوقع..
كومن ياعمي صلن وأندعن اله واندعو للبقية وربي يخلص هالحرب..
عمتي هم انقهرت علينه..
وصاحت
بلاءبوش  يمتى يخلص..
يارب احفظ ابني رعد ..

نعم ان الحرب بلاء تصيب الابرياء
كم حلم قتلت..
وكم ام ثكلى خلفت بعدها..

بس انا فصلت ظلت نظراته وصوته طوله شعره ..
كلشي استرجعه وارجع اكرره..
كضتني حنان وصعدتني بغرفتي
شكد حجت بس انا بالي مو وياها ..
حاظنه رجلي لصدري وراسي على رجلي..
خلت وطلعت..

كمت بجسد بلا روح ..وقلبي أخذني لكتابي الي ارسم بيه واكتب ..
مديت ايدي لجلاد الدفتر
وطلعت الرسالة
اباوع لكل حرف ..
ودي أصرخ مثل أمه الثكلى ..
راح وماتهنى ..
راح مكسور قلبه ..
ضميتها لصدري..

وأحاجيه
انا عفتك مجبوره ..
بس صدك الي صار ويه رعد توقعت هاي دعوتك وانت سيد
وتولد عندي امل ارجعلك يمكن..
رحت انت وراح حتى كل امل بداخلي ..

فزيت من ذكرياتي بوجع جان غافي..

عوده للحاظر...

كمت من المرجوحه وأخذتني رجليه للصالة
ورحت على المعرض الخشبي بلونه الصاجي ..طولة مترتين ونص تقريباً كله جام ..
وخانات على الجوانب و التلفزيون القديم المربع القيثاره بالنص باقي كمنظر ..

رحت للخانه الثانيه وسحبت الصوره الي مأطرة بأطار  ذهبي
باوعتلها واتاملها..
شلون واكف هوه وياسر  ومبتسم
قميص أبيض وبنطلون رصاصي..
مشيت أيدي على اعيونه
وقلبي يذكر كلمات ايهاب المالكي
سمعتهن قبل مده وظليت اعيد بيهن لحد ماحفظتهن..