عن ظلمهم سيسألني الله ولن أغفر

تهديد

اابارت ١٥

الهم صل على محمد وال محمد كما. صليت على ابراهيم وال ابراهيم انك حميدٌ مجيد❤️

مساءكم ورد ياغوالي

كم هيّ مُرّ تلك الذكريات
حين أعود اليها
تثور أوجاع
تعبتُ جداً لتهدئتها
عدتُ لتلك الحظة
حيث شعرت بالشتات
لماذا أنا
نصيبي دوماً من الحياة
دمعات..بقلمي❤️

طلعت من المحادثة ويه بدر
وغلقت الفون
بس فتحت على نفسي
باب من الابواب الي اوهمت نفسي اغلقتها
كعدت على سريري
وظلت ادموعي تنعاد
شكد ياروحي تحملتي
جرعت المر وبعدني اتنفس
اوقات احب اهني نفسي لان اكدر امارس حياتي وانجح بشغلي وانا الي مريت بيه
شي يهلك النفس

مااعرف شلون اوصف الي صارلي
حاولت اشرح لبدر بالمختصر زواجي وفاه ابو الاولاد
بس مااطرقت الامور الخاصة  ولا الظلم الي مر بيه

كمت فتحت الباب وطلعت ورحت فتحت الباب الثاني وكعدت بالحديقه
اباوع وين راح تاخذني الدنيا
راح استمر ويه بدر لو حظي هم يبعده
اخخخ قلبي كل مايميل لاحد
ينجرح فوك ماهوه تعبان

رفت النقال وشفت الساعه ب١١
شوي انفتحت الباب الخارجي ودخل حسن
التفت اليه
-الله يساعدج
-ويساعدك
-شعدج اهنا كاعده وحدج
ضجت وطلعت
عافني  ودخل

غمضت اعيوني واذكرت
صور مخزونه  بذاكرتي من بعد مااجه خبر وفات فراس
صوره
لاحساسي وصدمتي وقواي الي خارت وكعت على ركبي
وركض احمد ومحمد ومهدي الي يهزوني وانا اباوعلهم
بس شي سد اذاناتي
صورة
اخته ملخت نفسها
صوره
اخوه يدك على راسه
مااعرف شكد نسوان دخلن
وكومني ودخلني للبيت
والاولاد مااعرف لحظات مرت بس اعيوني تباوع
صورة
لامي من حظنتني وهزتني
لحد ما ايمان جابتلي كلاص وشربتني شي
بعدها ماحسيت بشي
شوي اسمع صوت امي
كومي يمه جابو تابوت زوجج..

كمت بفزع وركضت وكعدت يمه من خلوه بالارض
وين عايفني انا واولادك مو كلت ترجع الي ليش رجعت باخشاب اختاريت تروح يمها وماتبقى
خليت راسي وابجي
اذكرت وصاني على الاولاد
رفت راسي شفت محمد واحمد من بعيد واكفين يبجون حاظنهم عمهم
لحظه وشالو التابوت
كمت رحت الهم حظنتهم وابجي
وهمه يبجون

مرت ايام العزا حاظنه مهدي
وابجي لو يجي واحد من عمامه ياخذه
باليل انام يمهم
واباوع الهم مااعوفكم
سمعت هواي كلام بالفاتحه بس ماحجيت شي
اهم شي همه

قبل ماادخل للغرفه وفاء وخواته الباقيات وكفن يمي وهم بجينه شوي عليه وعلى حال الاولاد
كالت وفاء لخواتها اجه ابو سيف وحده خطيه

شوي واجه ابنها صاحلها
-يمه خالي ابو سيف يريدج بالحديقة
طلعن اله وصوت بجيهم وصل اليه..

ودخلت يم الاولاد
الغرفه مالتي  بس طلعت ملابسي وقفلتها

مرت ايام بعدها اهتم بالاولاد
وعماهم يجون يشوفوهم وشنو يحتاجون يجيبولهم..
اكثر واحد يبقى يمهم بالحديقة عمهم ابو سيف
النسوان كلها كالت لازم تلزمين عده
بس انا اعرف ماعليه عده بس التزمت