عن ظلمهم سيسألني الله ولن أغفر

أمل

البارت السابع
صباح الخيرات

❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️

انا مللت كوني أنا
أمرأة لا اهميه لها
راضخة
وداخلها هش..
أحاول أن أنهض
لكن صفعات متتاليه
تعيدني
الى حيث لا أنتمي..❤️

ويعتاد دمعي مجراه
وروحي ظلمتُها
واظل اصرخ
الى متى ..ابقى هكذا...

كضني من ايدي يحاول يهديني
وانا اتنفس سريع وابجي وبشهكات احجي
-عمار ابوس ايدك مااريدة
-ماتكليلي شبيج شمسويلج وجايه بهاليل بهدوم البيت

شوي واسمع دكه الباب
جلبت بهدومه حيل
واتوسله بدموعي
-الله يخليك مااريده دخيلك عمار
باوع لوداد
-اخذيها لجوه رحمه لاهلج
اخذتني وانا حيل مابيه الوجع منا ومنا انهاريت
دخلتني للغرفه ..اشرت على بطني
-فدوه بطني تأذيني موتتني
باوعتلي بقلق راحت للجرار بصف الجربايه
وطلعت شيت حبوب
-هج هذا مسكن كتبوه الي بعد الولادة
تقربت مدت ايدها وراحت جابتلي كلاص مي..
شربت الدوا
خلت ايد على جتفي
-هدو على كيفج شرفي شصاير بيج
تعبت والله تعبت

شوي وطب عمار
يباوعلى بقلق
-راحو عمي ورعد..كتلهم خلوها تبقى ترتاح لحد مايجي ابوي وامي..
اشرلي بيدة
-تعالي فهميني شنو الي صار
سكتت امسح بدموعي
وطلعت وراهم
كعدت وجريت نفس وحجيت
اباوع بعيونه
-تعبت عمار تعبت وهوه مو يمي شكد صبرت ..
حتى مااكسر كلمه ابوي ولخاطر عمي وخواتي ..
اشرت على صدري
-بس انا مره انا مره احتاج اهتمام
ليش اعيش مهمشه شناقصني
ويكلي مالي نفس بيج هوه اتفاق بين ابوي وابوج ..
سكتت وبلعتها وماحجيت بس مااكدر والله صعبه
حتى شايل ايده من مصرفي..
رجعت جريت نفس
طلعاتي ويه مسلم وياكم انا اظل اباوعلكم مو حسد لا الله الشاهد
بس ليش شبيه بيه عيب..
يريد يزوج ويعيش حياته وانا انا اظل وقف شنو ترضاها عمار اليه ترضاها..

ظليت ابجي وعمار يستغفر
-وداد اخذيها تنام..
كومتني وداد
خليت راسي على المخده وحسيت تعبت ودخت وانا اغفي اناجي ربي الخلاص ونمت..

مرت كم يوم وأبوي وامي اجوي ..
عمار دخل ويه ابوي ..
ورا شوي اجه عمي ومسلم وكرار ورعد..
شوي وصار حجي عالي
امي وسناء يباوعولي بعتب
عمتي دخلت تباوعلي بأحتقار
انتي شنو من وحده صلفه طلعين باليل وتصيحين مااريده واشكال حجت..

سكتت عنها بلكي اخلص
صاح ابوي بعلو صوته
-هدوووووووءء
كمزت وكفت امي وعمتي وياي راحو قبلي وانا رجلي مايعينني كوه امشي

دخلت العيون اتوجهت عليه
تقرب ابوي معصب
-شبيج ويه رجلج
باوعتله بعيون مدمعه
الكلام يطلع مقطع
-مما مااريده
ماحسيت الا وجهي افتر للصفحه الثانيه
خليت ايدي على خدي واعيوني صب
-لج ماعدي مره تطلك فهمتي..
حتى لو ازوج عليج ماتطلكين فهمتي..