عن ظلمهم سيسألني الله ولن أغفر

المعرض

صباح الخير أحبتي

البارت الثاني

مازلنا نحيا بالعكس:
‏بدل العيش بلا خوف نحيا في الخوف
‏بدل العيش لكي نبدع شيئاً حرّاً، طيباً، وجميلاً،
‏نحيا لندمر شيئاً مات
‏بدل أن نستدير كخاتم الحكمة
‏ننفتحُ كزنزانة،
‏ولما يمر قطار الحياة بالقرب منا
‏نعتقد بأننا نحن الذين نتحرك.
____ حسين البرغوثي
~~~~~~~~~~~~~~~~~
ما أنا الا حطام سنين من الظلم
ربما أنا نفسي ظلمت نفسي
حين لم أكسر قيودكم
ولم أجعل قلبي حجراً
لا يعطف على أحد منكم..

أخذت جنطتي من على الميز بعد ماكملت تبديل وترتيب نفسي..
فتت للمطبخ تقربت ودنكت راسي وبست راسها
ابتسمت بحنيه الها
-يله يمه أنا اروح تردين مني شي
نزلت استكان الشاي من ايدها وخلتها على ميز الطعام
-لا يمه بس من ترجعين مري بالصيدليه جيبيلي دوا الضغط
تحجي هيه وانا تقربت من المرايا
اباوع لنفسي اخر مره واعدل بحجابي البيج ويه جبتي الماروني غامق
أكثر لبسي ستر او جبب الوان غامقة
مثل حياتي ..
-انشالله يمه
طلعت وسديت الباب
السايق ابو عمر ينتظرني
رغم المدرسه قريبه بس اخوي حسن كال أمن الج
-شلونك عمي شخبارك سلمت عليه
وارتب الاوراق بالفايل..
-عمي نزلني كبال المكتبه محتاجه كم شغلة
مابقى بس يومين للمعرض رتبت أموري
بس محتاجه أقلام وكم شغلة

نزلت ودخلت للمكتبة
أخذت سله من مجموعه سلال محطوطه اول ماندخل
وبديت أفتر وأحط الشغلات الي محتاجتهم..

خليت السلة يم المحاسب
وبده يحسب
سمعت صوت وياها ايدي انجرت
-هاي شسوين خيانه
التفتت الها مبهوته وخليت ايدي على صدري اهدي انفاسي..
-خرب يومج سرى خرعتيني
ادري ماجوزين من سوالفج

-رفعت أكتافها لا ما أجوز يعني ترديني اصير نفسج..
كتله من الصمت والتعقيد والضجر
بربج من عرفتيني لهسه مو احلى شي بيومج انا شو مونستج وبلاش

باوعتلها رافعه حاجبي
-بربج شنو متريكه اليوم وهالكد حجيتي والج واهس..
لمت شفايفها
-كيمر واني العسل
هزيت ايدي
-يله عمي ست عسل فضيها شنو تردين حتى نروح

-اي نروح امشي ما لازم اشتري شي
تقربت من اذني
ولج هم يادوب نلحك على المدير..
قصدي الجرس وغمزتلي
-يامدير ولج حاجيتها بضوجه
-اهوووو شبيج هدو خلي عدج واهس للشقى والمزح مايصير والله
صارلي من بدايه السنه وياج وماتعودتي عليه..
بسرعه ضوجين ترا احنه صديقات ..

-ااي صح صديقات بس انا مااحب هيج شي الي يسمعج شيكول
ظلت تتلفت وهوه وينهم الي يسمعون

خويه سمعتني
ابو الكاشير وجهه تفاجىء وظل يطي الوان
شنو خويه شسمعت
ردتي شي؟؟

-اي ردت نسكافيه
ظل صافن بوجهها
جريتها
-ولج امشي حتى الولد ماسلم منج
اطيته الحساب
وطلعت انا وياها
وهيه كاتمه ضحكتها كوه
-والله هالمدير احس عده شي تجاهج مامنتبه هدو..