عن ظلمهم سيسألني الله ولن أغفر

عرض

البارت التاسع
❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️
صباح الخيرات احبتي

روح لتعودت هواكم
صعبة تتجرع هجركم
شما تمر سنين غربة
وتبتعد بيهن صوركم
تبقى تحلم بالمحنة
وتايها وتتبع أثركم..

وصلنه للسيارات وباوعلنه ابو يقين
بتعب حجه

-باجر ابو علي لا تنسى الاوراق هذا الاستاذ تعبنه..
فتح الباب عمار
-والله مااعرف ذول اكثر الوقت يردون فلوس حتى يمشون الامور..
بس شلون نعرف باجر نحاول نفهم..

كعدت بالسياره وبضوجه خليت الجنطه بحظني
وباوعت لعمار من حركت السيارة

-شنو هذا يعني يكدر ياذي شغلنه
-اي كلشي بيدهم
احنه ماعدنه شي نخاف منه بس هم نخاف من يحاولون يوكعونه..

ثاني يوم رحت للمدرسة داومنه..
طلعت من المدرسة
لمحت جد الطالبه جنه باوعلي ابتسم وأخذ جنه وراحو للمحل..

وكفت شوي اجه عمار عليه لان اتفقنه نروح من وكت عدنه شغل هواي..

وكفنه بالطريق اشترالي لفتين خليتهم بحظني بس من الجوع واشتم ريحة الامل بطني ظلت تمغصني..

عمار يباوعلي ويضحك
-ههههه اكليها
-لا ويه الجاي ..بس اليوم الله يخليك رجعني من وكت تعبانه

-انشالله
وصلنه وبسرعه صعدت للمكتب
وابو يقين دائماً يجيب ترمز الجاي
صبيتلي وأكلت عاى السريع..

وبديت ارتب الاوراق واسوي جرد بالمواد..
لحد ما احس اعيوني كامت تغوش..

نزلت جوا صار كبالي عمار

ها توديني اي يله نمشي
رفع ايده لابو يقين اشرله رايح انا
وطلعنه..
واحنه وصلنه لباب المعمل
سالته
-اليوم المراقب ماكو
-اي كال ابو يقين رافعين تقرير مبدأي فد شهر او أكثر ويرجعون ..
-اي فكة
رجعنه كبل غسلت ايديه وكلت اكعد وانظف..

مشت ايامي نفس الروتين..

انتبهت لغياب جنه لمده لمده يومين
رحت للاداره اتاكد من سبب غياب
دكيت الباب
مثل كل مره الابتسامة الي تنرسم بوجهه
استاذ محمود
-تفضلي
-استاذ محتاج اساعدك بشي
-اي والله مابقى شي لامتحان الفصل الاخير واخيرًالسنه
لازم نبدي نحظر السجلات
-انشالله استاذ
-استاذ ردت اسالك على الطالبه جنه نادر حتى اليوم ماجايه

ياوعلي بحيره
-ما اعرف ننتظر ولي امرها ونشوف..

ثاني يوم اول ماوصلت للمدرسه
وجهي عابس لان وداد سمعتها تحجي
من كمت باليل للحمام
ويه عمار البارحه
ان هيه تتعب وماتاخذ راحتها..
رغم انا مامقصره بشي ..
طبيت للغرفه شوي واجت العاملة
بالباب
-ست هدوء يريدج المدير
جريت نفس ونفخت بضجر
وراي سجلات ودرجات وامتحن كم صف..