عن ظلمهم سيسألني الله ولن أغفر

أحترام

البارت ١٣ تكملة
❤️اللهم صل على محمد وال بيت محمد كما صليت على أبراهيم وال أبراهيم انك حميد مجيد❤️

هذه اللحظات التي مرت هيه أجمل الذكريات ربما..
الذي معك هوه يجعلها جميله
او
يخذلك فتصبح مُرّه
خوف يمتلكني..
ومهما قدمت من الوعود
لا يكفي
لان داخلي أنقاض من الأوجاع ..

كتبلي بسرعة
-بعدج خايفة مني ليش

-لا تلومني مريت بهواي شغلات الي هسه تشوفها أمرأه قويه ..
ماأجت من لا شيء اجت من تراكمات
كل عثره وراها أقوي نفسي وأستمر يموت شي بداخلي..
مات الحب وأنهزيت بنفسي أنخذلت ..
وأخر شي حلم الامومه تخليت عنه وحق تعبي وتربيتي للي اعتبرتهم اولادي ماحصلته..

-شلون يعني !؟ انتي سولفتيلي عن ارتباطج بزوج عده اطفال..

-اي صح

رجعتني ذكرياتي لهذاك اليوم..

باوعت لساعتي ودك الجرس
طلعت برا الصف وامشي بأتجاه الادارة..
اليوم كلش دايخة ..
لان فاتت الايام ركضة بركضه لعرس ياسر اوووف فرحتي بيه ماتنوصف ..
والحمد لله صارله خمس ايام من خلص العرس والخطار والتبريكات مستمرة..

عمار وعمي وحنان وسناء رجعو لبغداد البارحة بعد ماحظرو العرس..

بس أنا أحس تعبت وخلصت طاقتي..

رغم فرحتي تنغصت من بعض الحجي ليش ماتقبلين اذا اجاج احد زين
وخلوني افكر اكثر بقراري ان اوافق..

هم تعلقت بالاطفال وأخلص من زن الناس..
شفت أحمد ومحمد ابتسموا الي
ورفعوا يديهم يسوولي هلو..

تقربت عليهم وابتسمت واعيوني الشمس بيهم..
-شلونكم وشلون مهدي
رد كالعاده أحمد قبل محمد
-زينين ست
ومحمد حجه بعده
-ست مهدي يكول يمتى تجين يمنه

خجلت وضحكت
-ههه عن قريب كرصت خده ومشيت..

وصلت لغرفه المعلمين كعدت وسحبت السجل وبديت اسجل
وانا بيدي عصير أشرب وقطعه كيكه..

شوي صاحتلي العامله ست هدوء
رفعت راسي نعم
-المديره تريدج

طبكت الدفتر وخليته على الميز
وباكيت العصير خلص وذبيته بسله النفايات..
وكمت، أمشي واكرمش اعيوني حيل..
شو احس راسي يزيد الوجع بيه..

بقى درس واطلع بلكي من ارجع واشرب بارستول وانام ارتاح..

وصلت غرفة المديرة الباب الصاجي مسدود على النص دكيت الباب
صاحت تفضلي
دفعت الباب ابتسمت المديره بوجهي وباوعت تجاة الشخص الي كاعد
الي وكف من دخلت
شفته ابو الاولاد
تحمحم بصوت ناصي ورحب
-أهلاً ست
-اهلاً استاذ

المديرة حجت
-أستاذ فراس يريد يحجي وياج..
تحجي وهيه مبتسمه بفرح
اشرت بيدها
-تفضل أستاذ انا اترخص عدي شغله
وكفت المديرة
ومشت وصلت يمي حطت ايدها على جتفي
وانا رفعت راسي اباوعلها
-تستاهلين كل الخير
الاستاذ وكف احترام الها
وطلعت المديرة
كعد هوه
انا اباوعلة
شبك ايديه وبصوت هادي
حجه
-انا راح اروح لخالج بس قبلها
ارجع اسألج عن قرارج..