عن ظلمهم سيسألني الله ولن أغفر

رحيل

البارت الرابع

صباح الخيرات💗💗
❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️

رماد الذكرى لم يزل دافئا
كل يوم اغمس فيه اصابعي
فتعود متشحة بغبار الأماسي
وبرائحة احتراق القلب
حيث اللحظات تتنفس برئة موهنة
والصور تخفي ملامحها
شيئا فشيئا
مابقي غير النبض الذي لم يكتمل
تلك الهوة التي لم تردم
والنجوى التي انكسرت بعنف
مخلفة شظاياها في الرماد
وفي بؤبؤ الليل..❤️بقلم الاستاذ

وكفنه قريب للباب امي ويانه لان خايفين
تالي سمعنه ابوي صاح ..

-جيتكم على العين والراس بس ماعدي مره الكم ..
بنتي لابن عمها

الكلمات سمعتها واعيوني بعين حنان
بلعت ريكي بصعوبه
ورجع صوت ابوي صاح
-تفضلو برا

وصارت اصوات ضجيج ..
تسحبت ورحت للغرفة

برا الغرفه سمعت صوت ابوي وياسر..

-مايصير هيج تطردهم بويه ذول ساده
-ماشفته اكله ماعدي مره يكلي عمي انا شاريها
ولج ام حسن وينج بتج بعد الباب ماطلعه
لحد مايجي اخويه وياخذها
-بويه والله مصطفى ماكو منه انا ضامنه..

-ولي من وجهي ياسر ..تريد تعلمني ولك
اختك من خطوبه سناء مطي حجايه لعمك
بس ماحجينه لخد ماتخلص..
هيه وحنان طلبهن ..

طاحت دموعي مثل الشلال
راح حبي مني
انجبر بشخص مااريده..
حتى ماشايفته ابن عمي..
تغطيت ويه ماسمعت صوت يم الباب
انفتح وسكوت شوي سمعت صوت بجي مكتوم
وفعت راسي حنان
باوعتلي وباوعتلها وبجيت هم
ماحجينه بس ادموع تكدر توصف حالنا..

شوي وصاحت امي مسحت ادموعي وكمت
دخلت المطبخ
ظهرها اليه وحاجتني
-يله يمه نحظر العشا وين حنان وايمان شوي ويجي ابوج واخوانج..
كمت اشتغل بس اعيوني حمر مورمات
كل تعابير وجهي تبين الي بداخلي شنو..

شوي وامي كضتني من ايدي حيل
-شبيه وجهج
بلعت عبرتي
-مابيه
-لا بيج شي
هزيت راسي لا ودرت وجهي لان طاحت دموعي
بداخلي حجي هواي
ليش هيج وياي تطوني بدون ماتاخذون رأيي..
تقربت امي
-عرفتي الي اجو منو
هزيت راسي ب أي
تاشر بتهديد وحجت
-ولج بس لا عدج شي وياه والله ابوج ينهيج من الدنيا
التفتت عليها
-يمه انا تربايتكم ومااطلع وما عدنه تلفون
انتو قبل كم شهر من خليتو التلفون وهمه ماعدهم اصلاً ..بعد شلون عدي شي وياه
وبتول من تخرجنه ماشفتها مو كدامج..
وانتي تعرفين اخلاق بيت الساده
سكتت
جرت حسرة كملت
-ابن عمج يمه احسن الج من الغريب..
وهم ماخذين اختج ..
ذيج المره من أجن رجعنالهم خبر ماموافقين
بس هوه جاب ابوه وعمامه واجه

تقربت منها
-يمه حبوبه ابوس ايديج .
دنكت عليهن بستهن
ورجعت كملت بعبره
-مااريده ..والله يمه خلوني يمكم
وما اريد ازوج
باوعتلي بغضب
-تردين السيد
عصرت اعيوني بداخلي حجيت
هوه بعد الي سواه ابوي بيهم لازم انساه
مسحت ادموعي وعبرتي بعدها ماتروح
-لا يمه بس مااريد
طبطبت على ايدي
روحي غسلي وجهج لو يشوفوج هيج مايرحموج ..