عن ظلمهم سيسألني الله ولن أغفر

محبه

البارت ١٢
❤️اللهم صل على محمد وال محمد كما صليت على ابراهيم وال ابراهيم انك حميدٌ مجيد❤️

اعمى من يحاول اكتشاف الضوء في النفوس
وغريب من يبحث عن مدن تفيه
حق خطاه
حين وقفنا على انقاض غفلتنا
رأينا كثرا من الحطام
لم نفكر في حمل شيء
وتركناها للأيام
لكن اصواتهم ظلت تذكرنا
خذوا ماتبقى من الحبر
خذوا أقلام الرصاص واحلامكم
وماتركتم من الأغنيات
فغدا لن تجدوا الشارع ها هنا
لن تجدوا الليل
لن تجدوا العثرات ...
وعند هطول البنفسج
في الفجر
لن تجدوا الكلمات. راق لي💐❤️

نزلت من سيارة التكسي
بعد مادفعت الكروة للسايق..
سله السفرة الوردية بيدي وبيها الاكل والمفرش بالعلاكة..
افتريت من ورا السياره وامي نزلت وسندتها توكف وعدلت عبايتها..
حاجتني وهيه جر النفس كوة
يمه جان خليتيني بالبيت واجيتي انتي
لا يمه اريدج تتونسين شوي..
كضيت ايدها ومشيت وصلنة لكشك الدخوليه دفعت ٥٠٠٠ ورجعلي الف..
مشينه شوي لحد ماوصلنه يم طاوله ويمها كراسي
امي تباوع
وينهم جماعتج
-تعالي يمه كعدي ..
جريت الكرسي
طلعت النقال وخابرت لسرى
الو هلو ولج وين انتو
صوت هوسه السياره وصاحت
شوي ونوصل
سديته وكعدت يم امي
شوي ويجون
اليوم سفرة مدرسيه سوينه لمتنزه البصرة
اباوع للشجر والطاولات الجو حلو
شفت مدرسة استاذ بدر بدو يدخلون
الطلاب والمدرسين..
شوي ودكتلي سرى تحجي بصوت عالي
-ها ولج وين انتي ؟!..
-انا دخلت بالمتنزة
تعالي
تمشيت وصلت للبوابه شفته صار كبالي بس هوه قبل البوابه
ميل راسه ابتسم
ابتسمت بخجل ..بس التفتت للطلاب مااريد احد ينتبه ..
وتقربت سرى والمديره منه حجه وياهم
والطلاب يدخلون
بدو يبتسمون الي
هلو ست
فرحانين
صف اول والثاني والثالث اهلهم لازم وياهم ..
طبت سرى المديرة هيه شوي سمينه وكوه تمشي
حجت وعبالك جاي تركض
-شلونج هدوء راح ادور مكان نكعدهم بيه..

دخلو كلهم وراهم سرى والاستاذ
غمزتلي
-هلا بالحب
ابتسمت
-هههه هلا بالجفاف
مشينه سوااا
-اووف اي والله جفاف وبظل هالجو الحلو والهوا اويلي يابه
كون هسه انا ويه ختيبي وكاضته من ايده حيل خاف يتير ههههههه
ظليت اضحك
جاوبتني وهيه تلوي حلكها
-اي ضحكي يالفطيره
وصلنه يم امي
واكلت امي اكل بالسلام وكومناها ومشينه لحد ماكاعده المديره وبقية المعلمات
خلينه الاكل على الميز
وامي اشرتلي على الكاع
- فرشيلي بالكاع اريح الي

يمه راح نفتر انشوفهم
اباوعلهم كلهم انطلقو بالالعاب
اكو اهلهم اجو وياهم كعدو شوي عنه

سرى صعدت وياهم بسيارات التصادم وشبعت ضحك عليها
وتعيب عليه لان ماصعدت وياها..
تعبو وصاحو راح نتغدا
كتلهم الكل تغسل الايدين قبل الاكل
وكعدنه طلعنه الاكل
وبدينه ناكل ونسولف وسرى
شالت ماعون وتشاورني
-هذا أوديه للاستاذ خطيه خل يذوق اكلج ..
ضحكت
-ههههه ولج سرى راح تفضحينه تالي ويه سوالفج