عن ظلمهم سيسألني الله ولن أغفر

أنفصال

البارت الثامن

❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️

اشكر الاخت زهراء وكروب مريم السعدي الي متابعين القصة ويدعمونها ويشجعوني كل الحب

والتقدير ❤️

وشلك من نداك
غير دمعة
وغير نبعة
بوكت المناجل
تحز حته الحلم
وشلك بروحك ترافة
تبدي بيها
وترد بجروحك تلم
وياعلم ظنيته يكفي
يضوي سجة
ليل غيرك
وانت عمرك بالدروب
داسته جدام الظلم. 💐منقول

غسلت أيدي من خلصت الريوك
التفتت عليه قبل مايطلع
-عمار فدوه اليوم لازم اروح للمستشفى
اسوي تقرير يثبت وضعي
وبعدين اروح للمحامي بيت عمي ماناوين يخلوني ارتاح..

باوعلي بقله حيله
-يله أمشي ابوي زعل عليه وعمي ثكل وجهه وياي..
-تقربت وعيوني تتوسله
الله يخليك بس انت واكفلي تعبت..
جر نفس ودار وجه ورجع باوعلي

-ابوي حاجاني كال شتستفاد غير الحجي اذا على الجهال جهال اخوتها يمها..
باوعتله بقهر
وطاحت دمعه حاره
-هوه بس الاطفال والعيشه المره عدهم وياريت بعد التعب الكه الكتف الي ارتاح وانسند عليه
شو حتى فلوس يريد مني ..

فرك وجهه

-أستغفر الله هوه انا وياج بس راح تعبين أكثر وماتخلصين سكت وباوع لوجهي ولشعري..
-بعد لازم تلبسين حجاب

هزيت راسي بقبول

كملت اوراق المستشفى بس عمار راح لشغلة
رجعت للبيت وكلت بعدين من يجي انروح..

كاعده وحاطه علي بحظني ..
وأندك الباب
شويوأشوف حنان شايله بتها ..
باوعتلها بأبتسامه
-هلاووو
باوعتلي بأسف
ايه تريد تشمر نفسها عليه
كعدت بصفي وتباوعلي

-ها شبيج احجي
نفخت بضوجه
-عمي هواي مقهور ومنا عمتي تحجي عليج وعلينه اشكال اسمعنا ووو سكتت

-اي كملي شنو
اليوم رعد أخذ أمه واخته وراح حتى يخطبوله

ابتسمت
-شنو عبالج أنقهر والله بالعافيه على الي تاخذه وكون تسلك وياه .. حتى تنطبق مقوله  اهلنا جدر ولكه غطاه

اريد راحتي مااريد احس مقيده بس اسمي مزوجه و
عمي مهتم بيه وهوه ولا يمه
بس عمي قهرني من طبك ويه ابنه

-يحاول مايخليج تطلكين متمسك بيج
ضحكت
-ههههههه يعني انا اولي وحجي الناس اهم

-بس والله عذرينه هم اذا ضجنه منج والله
وثكلنه عليج عمتي تكوم وتكعد تحجي علينه

-خايبه وهيه يمتى سكتت على اساس من جنت يمها تمدح..

للمغرب أخذني عمار للمحامي
دخلنه للمكتب أبتسملنه
قدمنله الضيافه وهوه ظل يكلب بالاوراق
الجلسه بعد اسبوعين