عن ظلمهم سيسألني الله ولن أغفر

موافقة

البارت ١٣
❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️

صباح الخير أحبتي❤️.

...................
رحنه كم مرة ورجعنه
والدرب نفس الدرب
واحنه نفس وجوهنا
ونفس الجدام
والتعب ذاك التعب
شنهو جاغير الملكة
وليش خانگنه العتب
والجفوف تمد اديها
وترد صفنه
بلا سلال ولارطب
والمرايا
الجنه بيها ارواحنا الخضره
نشوف
صارت رماد وحطب.. راقت❤️

ورا يومين دزت عليه المديرة
دكيت الباب ولكيت يمها شخص..

باوعت للمديرة
وحجيت بصوت ناصي
-السلام عليكم
هوه رفع راسه لحظه ونزله
-وعليكم السلام ثنينهم ردو
اشرتلي المديره اكعد بالكرسي الي كبالة
كعدت
وكتلها
-خير ست
باوعت للرجال
ست هدوء الاستاذ يصير أبو الاطفال التوم الي بالسادس يريد يحجي وياج بخصوصهم..
التفتت عليه عقدت حواجبي
هوه باوعلي
أبيض وجهه ضعيف واعيونه ناعسه يشبه الممثل محمود قابيل
تحمحم وكال
-ست مثل متعرفين الاولاد امهم توفت
والدتي واختي يحاولون يراعوهم..
بس همه ابد ما يقبلون ياخذون النصيحة
ويدرسون ..
بس حسب حجيهم كله ست هدوء هيج كالت ..
ست هدوء تساعدنه وتحبنه..
أحمد ومحمد سادس ومستواهم يقل ..
ومهدي بس وحده وأخاف عليه..
اتمنى تنصحيهم ..
ابتسمت خفيف
أنشالله ادير بالي عليهم وفاه امهم اثرت عليهم وتترك اثر
هز راسه بحزن
-اكيد .. شكراً الج ست

التفت للمديره وتشكرها
ترخص وطلع
باوعت للمديرة حجت بأبتسامه
-الله يجعلها بميزان حسناتج
امين رب العالمين
طلعت منها ومن بده الدرس
رحت للصف الثالث درستهم
ورحت كعدت يم محسن
باوعتله يباوعلي بابتسامه وفرح
وين كتبك
طلع كتبه
شنو عدك تحظير
بده يحجيلي ابتسمت لان يحفظ سريع من المعلمات..
-عفيه بالشاطر اذا مافهمت شي تعالي ..

طلعت ورحت لصف السادس
مديت راسي واباوع الهم هوسه وصياح ..
دكيت الباب حيل سكتو
باوعو للباب اشرت لاحمد ومحمد بايدي
تعالو
اتقربو مني
ابتسمت
-شلونكم
-الحمد لله ست
-إذا شي ماتعرفوه بالدراسه تعالو اشرحلكم
تمام
حجه محمد بتردد
-الأجتماعيات ست ماافهمها
ابتسمت بوجهه
-اخير درس افهمك
تركتهم وطلعت رحت للغرفة ..

رجعت للبيت ولكيت أيمان مخبوصة ترتب
لان الخميس المهر مالتها
بس بدون حفله ولا شي عقد سيد وياخذها
يسوون تحليل واجراءات عقد المحكمة..

العصر نطلع انا وياها اشتريلها فستان بسيط..
واودي الخياط الي عدي لابو المحل..

جريت نفس بتعب

وانا اتغدة اسمع ياسر يداهر ويه ايمان
وهيه تضحك
وهوه صاح
يوم الالي انشالله..

بعدها اخذت ايمان وطلعنه
وديت الخياط واستلمت فلوس
و ما خليتها تشتري انا اشتريتلها..
حظنتني بفرح يارب يوم انا اشتريلج فستان زواجج
بضوجه جاوبتها
-هيه مره وتعقدت بعدها من كل الزلم عدي رهاب صار من ورا ابن عمج الشفيه ..