عن ظلمهم سيسألني الله ولن أغفر

فخر

البارت ال ١٦

صباح الخير🌸

اعتذر لكثره التاخير الي سبب لي خساره متابعين
بس والله ظروف تطلعلي من اكتب
مرض جودي من الخميس
واليوم ايوته صبحت بيهاا طفح جلدي
اسم الله عليكم

الجو محمل بامراض كثيره عد الطبببه كاعده واسمع اشكال ربي يلطف بينه

اجيت اسويه الاخير
بس معناه اتاخر اكثر وخفت اختصر شغلات وماتتقبلوها

لكم مني كل الحب❤️ لتفهمكم ودعواتكم الجميله اليه❤️..

قوقعة الظلم احاطتني
لم اعلم باني سأستمر في السير وحدي
احمل أعباء من الأنكسارات والخذلان
اتنفس في عزله
وأفكر في التخطي وعبور كل نكبه
واجد أخرى
لتجعلني أشعر بالخنقة...
وحين ظهرت في حياتي

كانت قاحله  وأرتوت
بفيض من كلماتك العذبه... بقلمي🌸

-الي صار صفيت أنا وأمي
بعد ماتعبت عليهم وساعدتهم بكلشي
بعت ذهبي وراتبي وسهرت ويه اطفالهم وراعيتهم
تكلي زوجه ياسر مالج حق تحجين ويه بنتي زينب وتعلميها  انا امها واعرف الصح
ويجي حسن يريد الورث حتى يعزل بيت اكبر وياسر ايده

-ليش هيج همه وياج هالوكت مال يدورون ورث واستقلال
شو هوه بس انتي وامج

جرت حسره خلت ايدها على كتفي
-تهون هدوء تهون
بلكي الحل من الاستاذ يتحرك ويتقدم خطوه ويخطب
رفعت عيني الها

-تتوقعين القدر يجمعنه ياسرى

-اي ليش لا
جاوبتها بقله خلك
-احنه مو بقصه والنهايه لازم تكون سعيده

ابتسمت نصف ابتسامه جانبيه

-ترى نهايه قصه هيه مو نهايه بس الكاتب اختار ان يتوقف بهاي النقطه الي وصلته لفكرته ومبتغاة من كتب القصة
نهايه قصه من ينجمعون ابطالها
هيه بدايه حياتهم سوا وتقلباتهم ومحاوله تعايشهم
ونهايه افتراق ابطال قصه
هيه بدايه لمشوار كل شخص بيهم

جاوبتها بغصة

-اي صح بس انا ليش نهايه كل محطه بحياتي ان اكون وحدي

شربت شوي من كوب النسكافيه الورقي
وكملت
-ليش احنه نربط انفسنه باشخاص
انتي سولفتيلي مره عن امنيتج ان تفتحين روضه ومدرسه اهليه
وتكون من النموذجيات الي الهن اسم رنان بالبصرة
تخرج براعم قدوه لغيرهم علمياً واخلاقياً
مو صح؟؟

جاوبتها بابتسامه
-اي صح هاي امنيتي
-اشتغلي على  هالشي
انا وياج ونشوف نطرح الفكره على اكثر من معلم ومعلمه والمديره ونشوف

-اي صح نبدي نتحرك بالفكره تالي العمل

دنكت لحظات تقلب بالسجل

-اليوم يمكن مرة عمي تخطبني لابن اخوها
ابتسمت بفرح وحبيت اشاقيها
- اي واخيراً راح  نفتك منج
ظلت تضحك
هزت ايدها
-مزوج ماكو اقل الشهر ومطلك مرته
يكولون السبب بيها بس انا اكول خاف غير اسباب
-شايفته انتي
-اي  مره صار ثواب بيت اهلها وشفته سلم على امي
دنكت خجلانه
رفعت حاجبي الها
-ها لج جنه عاجبج
-اي حلو هسه يكولون كل زركه تاخذ حلو هههه