عن ظلمهم سيسألني الله ولن أغفر

خوف مقلق

البارت العاشر
❤️اللهم صل على محمد وال محمد كما صليت على ابراهيم وال ابراهيم انك حميد مجيد❤️

صباح الخيرات

الف رحمه ونور تنزل على قبر والده صديقتي حور💔ربي يصبرها على الفراك💔

أحبكم❤️❤️❤️

اعرفُ كيف تكون نظرات الحب
تمتلىء ببريق خاص
كيف تستجدي العشق
كمستطرق ضاق به ِ الحال
ولكني اعلم بأن حظي
لا يسعفني
لأضفر بما اتمنى
فيخذلني واصبح في ضياع..

"الارواح التي في حياتها اعتادت على القلق تعتقد بأن الطمئنينة فخ"💔

عفت الخاشوكه على صفحة ..ورفعت راسي بطىء قطبت حواجبي ..
القهر تسلل لداخلي أنفاسي صارت تتصاعد..
رصيت على اسناني وحجيت بغضب
-عيدي الحجي الي كلتيه

بنظرات مستفزه وابتسامه صفره حجت
-ترا مابيها شي عمي لمحج من أجيتي تتباركين الي بيت اهلي..
وانعجب بيج ورادج على سنه الله ورسوله..
ومن سائل وسمع انتي ماتخلفين
هم كال ميخالف عادي انا عدي جهال مكتفي

قاطعتها
-ومنو كال انا مااخلف ..سدي الموضوع وداد وحتى يم عمار لا تفتحيه

باوعتلي ولوت بوزها حجت

-وحبوبه شنو تردين كامل المواصفات هوه ترا كل الي راح يجوج لو يردوج ثانيه او زوجاتهم متوفيه او كبار بالعمر
قبلي بعمي ترا خوش رجال
نفخت بقهر
-وانا مااريد ازوج لاعمج ولا غيره بس اريد تركوني بحالي

عفت الاكل ودخلت للغرفه اغلي
حسبي الله ونعم الوكيل على مرت عمي وابن عمي الي كسرو بختي وهم ياريت تاركيني..
استغفر الله واذا مطلقه شنو مانعيش انظل تحت الانظار مريبه ..
نظل نقبل بأرخص الحلول
مانكدر نعيش مثل مانريد ونختار الي مناسب النه
مو مناسب لكلمه مطلقه
ظليت استغفر ورحت ذبيت نفسي بالشغل

ظليت اكتب بالسجلات الدوام بدايته واسجل الطلاب الجدد..

داومت ثاني يوم الدوام موحش بلا شهد اتلفت واكول شكد تركت فراغ بداخلي..

كل شوي من تخطف وحده من المعلمات اكول هيه ..
بس وين وهيه سافرت من شهر..
شكد صعب الفراك

طلعت من الصف الثالث وبيدي السجل
اريد اوديه لغرفه المدير
وانصدمت وكفت ماتحركت

هوه لا مو هوه هوه ركزت بعيوني اي هوه
مشيت لحد مالمحته طلع

اي هوه شيسوي جاي اهنا
قشعر بدني خوف ورهبه
شنو جاي يستفسر عنه اهنا
دخيلك ربي الطف بيه

رجعت لغرفه استاذ محمود دكيت الباب
دخلت بعد ماكلي تفضلي
وانا بذهن شارد قدمت السجل
هوه باوعلي بقلق
-شبيج بنتي شو مو على بعضج
-ها استاذ ماكو شي بس تعبانة
رفعت ايدي وادلك كصتي برجفه