ဟိုးအမြင့်တစ်နေရာကထိုလူသားအား
သူဘယ်သောအခါမှပိုင်ဆိုင်နိုင်လိမ့်မည်မဟုတ်။
--------------------------♥-----------------------------
ပထမဆုံးကြေမွပျက်စီးခဲ့သည့်
ထိုလူသား၏ အရှက်နှင့်သိက္ခာများသည်
သူ၏ နာကျင်မှုနှင့်တိုက်ရိုက်အချိုးကျသည်။
---------------------------♥----------------------------
"chanyeol မင်းနဲ့ yifan hyungနဲ့အဆင်
ပြေလား"
အဆင်ပြေလား ဟူသည့်baekhyun၏
မေးခွန်းအောက်တွင် သူ အော်ဟစ်ရယ်ပစ်လိုက်မိသည်။
ဘယ်လောက်တောင်ရီရတဲ့မေးခွန်းလဲ.
"Chanyeol မင်းရရဲ့လား"
အရူးနှင့်တူနေမည့်သူ၏ပုံစံအား
အထိတ်တလန့်နှင့်baekhyunကမေးလာသည်။
အဆင်ပြေပါတယ် နှလုံးနေရာက
တဆစ်ဆစ်နာကျင်သည်ကလွဲလို့။
"Baekhyun မင်းသိလား
အဲ့လူသားကိုစတွေ့တုန်းက အဆမတန်
ခုန်လှုပ်ခဲ့တဲ့ငါ့နှလုံးကိုငါထိုးဖောက်ပစ်ချင်တယ်"
မနေ့ကအထိ အကောင်းကြီးရှိနေသေးသည့် သူ၏အခြေအနေနှင့် ရုတ်ချည်းပြောင်းလဲသွားသော ယခုအခြေအနေအား baekhyun လုံးဝနားမလည်နိုင်။
"မင်းဘာဖြစ်နေတာလဲငါ့ကိုပြောစမ်း"
နှစ်ယောက်သားကျောမှီထိုင်နေသည့် မေပယ်လ်
ပင်ကြီးမှ ရော်ရွက်ဝါတစ်ရွက်ကြွေကျလာသည်။
သူ လက်နှင့်အသာဖမ်းရင်း ချေမွပစ်လိုက်သည်။
"တွေ့လား baekhyun အဲ့သည့် သစ်ရွက်ဝါလိုပဲ ငါနှလုံးသားလည်းကြေမွနေပြီ"
အစိတ်စိတ်အမွှာမွှာ ဖြစ်သွားပါသောရွက်ကြွေမှုန်များက လေနှင့်အတူတိမ်တိုက်တစ်ခုဆီသို့လွင့်သွားကြသည်။
"မနေ့ကညကလေ...ငါဘယ်လောက်ထိရူးနေလဲဆိုတာကိုအတိအကျသိခဲ့ရတယ်.."
-----------------------^^^-------------------------------
အိပ်မရ....ထိုလူသား၏အဆောင်မှပြန်လာပြီး
ညဆယ့်နှစ်နာရီထိုးသည်အထိသူအိပ်မရ။
စိတ်ပျက်သည်ဟုဆိုသော...ထိုလူသား၏
စကားအောက် အလူးအလိမ့်နာကျင်နေရသော
နှလုံးသားသည် ထပ်မံ၍ ထိုလူသားဆီသို့ပင်
ခြေလှမ်းများအားစေစားနေသည်။
