ဟိုးအမြင့်တစ်နေရာကထိုလူသားအား
သူဘယ်သောအခါမှပိုင်ဆိုင်နိုင်လိမ့်မည်မဟုတ်။
•••••••••••••••°Broken°•••••••••••••
လေပြေပြေလေးတိုက်နေသည်။ ဖျော့တော့တော့နေရောင်ခြည်လေးသည် စာသင်ခန်းပြတင်းပေါက်မှတစ်ဆင့် chanyeol၏မျက်ဝန်းအိမ်ထဲသို့ ထိုးဖောက်ဝင်ရောက်လာသည်။ပထမအချိန်ဖြစ်သောကြောင့်အတန်းထဲတွင် ဆရာရှိမနေ။ နေပူနေသည်ကို ဂရုမပြုပဲထိုင်မြဲအတိုင်းဆက်ထိုင်နေသော သူ့အား အတန်းခေါင်းဆောင်မှအစတစ်ပါးသောကျောင်းသားများ ဝင်နှောက်ယှက်ခြင်းမပြု။
ထိုသို့မနက်တိုင်း(အများအားဖြင့်ဆရာ မဝင်သည့်အချိန်တိုင်း) တွင် သူသည် ပြတင်းပေါက်အားငေး၍ ရော်ရွက်ကြွေခြင်း၊ မိုးပေါက်ကျခြင်း နှင့် ဆီးနှင်းကျခြင်းတို့အား အကြောင်းပြချက်မဲ့စွာထိုင်ကြည့်နေတတ်သည်ကို တစ်ခန်းလုံးသိသည်။
"ချောလိုက်တာ~~"
သူသည် ပြတင်းပေါက်အပြင်ဘက်၏ တစ်ဖက်ကျောင်းဆောင်မှ အရပ်ရှည်ရှည် အသားဖြူ ဖြူ
ဆံပင်အညိုရောင်နှင့်ကျောင်းသားလေးအားမြင်မြင်ခြင်း မရည်ရွယ်ပါဘဲနဲ့ သူ၏နှုတ်မှ ချောလိုက်တာဟု ထွက်နှင့်ပြီးဖြစ်သွားသည်။
ထိုလူသားသည် အဖြူ ရောင်ရှပ်အကျင်္ ီအားနက်ပြာရောင်စတိုင်လ်ဘောင်းဘီရှည်နှင့်ဝတ်ဆင်ထားပြီး တစ်မျိုးတစ်ဖုံကြည့်ကောင်းနေသည်။
လေတစ်ချက်အဝှေ့တွင် ထိုလူသား၏ပတ်လည်၌
မေပယ်လ်ရွက်များလွင့်သွားသည်။
သူ့အချစ်က ပန်းသီးမှမစတင်ပါဘဲ
လေလွင့်နေသောမေပယ်လ်အရွက်တစ်ချို့မှစတင်ခဲ့သည်။
°°°°°°°°°°°°°°°°°'°'°°°°°°°°°°°°°°°°°°
ရက်သတ်တစ်ပတ်ကြာပြီးသည့်နောက်တွင်
သူသည် ထိုလူသားအကြောင်းအားအနည်းနှင့်အများဆိုသလိုသိလာသည်။( လိုက်လံစုံစမ်းထား၍)
တစ်စုံတစ်ယောက်အကြောင်းသိရဖို့ လူချစ်လူခင်ပေါလှသည့်သူ့အတွက်တော့မခက်ခဲ။ social အားကောင်းသော Baek hyun အားမေးကြည့်ယုံဖြင့် တစ်ကျောင်းလုံးမှကျောင်းသားအားလုံး၏
နေရပ်၊ အမည်၊ အဖေအမေ၊မွေးချင်းမှအစ ခွေးဘယ်နှစ်ကောင် ကြောင်ဘယ်နှစ်ကောင်မွေးထားသည်ကိုပင်သိနိုင်သည်။
