ဟိုးအမြင့်တစ်နေရာကထိုလူသားအား
သူဘယ်သောအခါမှပိုင်ဆိုင်နိုင်လိမ့်မည်မဟုတ်။
--------------------------♥-----------------------------
"ကိုကို....အိုလံပစ်ဖြေဖို့ကျွန်တော့်ကိုသချာင်္တွေတွက်ပြဦး...chapter(5)လည်းမရသေးဘူး၊
အခန်း(၁၀)ကလည်းမတွက်တတ်ဘူး၊
ကျန်တဲ့ပုစ္ဆာတွေလည်းသေချာမရဘူး...
အဲ့တော့..ကိုကိုပြန်တွက်ပြနော်...နော်လို့..."
မနက်စောစောစီးစီး ဘေးနားလာ၍နားပူနားဆာလုပ်နေသောသူ့အား ထိုလူသားသိပ်ကြည့်မရတော့။ မနက်က စာလုပ်ရန်ဟု
အဆောင်မှစောစောထွက်လာခဲ့ခြင်းအား
မှားသည်ဟုပင်ထိုလူသားတွေးနေမိသည်။
တကယ့်ကို...ဘယ်လိုလေးမှန်းမသိ။
"အေးပါကွာ...တိုးတိုးပြော ဘေးကလူတွေဝိုင်းကြည့်ကုန်ပြီ"
မတတ်သာသည့်အဆုံးသူ၏တောင်းဆိုချက်အား
လိုက်လျောခြင်းဖြင့်သာအဆုံးသတ်ရသည်။
မဟုတ်လျှင် သူ စာသင်ခန်းထဲမှထွက်မည်မထင်။
ခဏကြာလျှင် ပထမအချိန်သင်မည့်
ဆရာဝင်လာတော့မည် ဒါကိုအခုထိသူက
အခန်းထဲမှထွက်မသွားသေး။
အခန်းထဲမှကျောင်းသားအချို့ကလည်း
(အချို့ဟုဆိုသော်လည်း အားလုံးလိုလို)
သူ့အားဝိုင်းကြည့်နေကြသည်။
အထက်တန်းပထမနှစ်ကျောင်းသားက
သူနှင်မဆိုင်သည့် စာသင်ခန်းထဲ၌ရောက်ရှိနေခြင်းသည် မထူးဆန်းသော်လည်း အတန်းထဲမှပြန်ထွက်မသွားရသေးသည့်အကြောင်းအရင်းသည် ထိုလူသားကြောင့်ဟူသည့်အချက်က
အားလုံးအတွက်စိတ်ဝင်စားစရာဖြစ်ခဲ့သည်။
တိုးတိုး တိုးတိုးပြောနေသော သူနှင့်ထိုလူသားကိုကြည့်၍ အားကျသူများရှိသည်။ ပြစ်တင်သူများ
ရှိသည်။ သူ့ကိုနှမြောသူများရှိသည်။
ထိုလူသားကို ရွံရှာသူများလည်းရှိသည်။
"အင်း..ကိုကို.ဒါဆိုညနေကျောင်းလွှတ်ရင်
က်ုိကို့အခန်းကိုလာခဲ့မယ်နော်...သွားပြီ"
သက်ပြင်းသက်မအားအခုမှထိုလူသားချနိုင်သည်။
သူ(chanyeol)အခုမှမသွားပါက ခဏကြာလျှင်
ဆရာဝင်လာတော့မည်။ ချမ်းသာသည့်သူဋ္ဌေးသား
နှင့်ရည်းစားဖြစ်နေသည်ဟူသောအကြောင်းပြချက်ဖြင့် အခွင့်အရေးတစ်ချို့ကို ထိုလူသားမလိုချင်။ သို့သော်လည်းဘက်ပေါင်းစုံမှရရှိနေစမြဲ။ ဥပမာ...သူနှင့် တွဲနေပြီဟုသတင်းစထွက်သည့်နေက နာမည်ကြီးကုမ္ပဏီတစ်ခုမှ scholar ပေးသည်မျိုး ( ဤတွင်..ထို
scholarအား သူ့ထံမှ chanyeolထံမှ
ရရှိခဲ့ရသည့်အကြောင်းတော့ထိုလူသားမသိခဲ့)
နောက်ထပ်အနေဖြင့် ယခင်ကထိုလူသားကို
နှိမ့်ချခဲ့သောလူတစ်စုကပြန်လည်တောင်းပန်လာခဲ့သည်မျိုး( ဤသည်မှာလည်း သူ၏
(chanyeol၏) ခြိမ်းခြောက်မှုတစ်ရပ်ကြောင့်ဆိုတာကိုလည်းထိုလူသားမသိခဲ့...)
