#إقتباس_٣
••••••••••••••••••••••••
_هاااااه اجولك ايه يا ولد عمى ، لقد خذلني الرفاق والعائلة والشخص الذِي أحبهُ و أم فتحي وأم جُمعة وعم عبدهُ و أبنهُ سُمعة!
قالها ....إثر تحدثه بالهاتف وهو يصعد درج منزله متجه نحو غرفته بالدور العلوى ،ليجدها مفتوحه
وأكثر من خمسه أطفال بداخلها ..
الفراش غير مرتب ، أحذيته يرتدونها ، ملابسه خارج الخزانه منها مُلقى على الأرض ومنها على الأريكة !
الاوراق...الكتب الخاصه بدراسته ،كل شئ مُبعثر
كل شئ بحالة يرثى لها!!
وفى صرخه منه ..
_يابوووووووى ،أجفل يا ....إجفل دلوك خلينى أشوف الحزون دا
أغلق ...مكالمته الهاتفيه ، وأمسك بحذاءه وهو يهرول وراء الصغار ويضربهم وبصوته العالِ
_ياشيماااااء، ياشيمااااء يا أمل ياولاء يا عُلا يا مُنى ياسَميحه يا سناااء!! يا أومااااااى
صعدت الأم على صوته وصوت الصِغار يفروا هاربين من إمامه قائلة ب إنزعاج
_إيا فيه يا...، بتزعج ليه يا ولدى
_دلوك يا أمى دا بيت ولا حضانه ؟
_بيت يا ولدى
_ودى اوضتى ولا كيدز إيريا !!
تعجبت الأم من كلمات.... الأخيرة وقالت بدون فهم منها
_جصدك ايه؟
_يا أمى،انا مش جايل أوضتى تتجفل طول م بناتك وعيالهم هنا
_ماكانت مجفولة يا ولدى
_ولمّا هى مجفولة ، الزريبة دى مين عملها؟ شايفه الهدوم ! شايفه الورق والكتب
والله لو ورقة ضاعت ل ألقحهم واحد ورا التانى من الشباك وأمهاتهم تتلجاهم من تحت جولتوا ايه؟
حاولت الأم أن تقوم بتهدئته وأردفت إليه
_طب بس إهدى ، دلوك هجول لواحدة من بنات أخواتك تنضف لك الاوضة تانى
هما چايين يا ولدى يسلموا عليك لما عرفوا أنك ف أچازة من الكلية
كادت الدماء تحترق بعروقه وهو ينظر يميناً ويساراً على اشياءه المبعثرة وغرفته هكذا وأردف
_مش عايز حد يا أمى يسلم عليا ،انا هروح لكل واحدة منهم لحد عنديها وأسلم عليها
تذكر.... شيئا ً فهرول ناحية خزانته وبحث عن شئ ولم يجده، بحث جيداً ومن ثم قال غاضباً
_امى !! كان فيه كيس هنا شايل فيه حچات ليا
نظرت الأم ناحية الخزانه وقالت بقلة حيله
_حاچه تبع دروسك يا ولدى ؟ شوفه هنا ولا هنا
غضب....وقال بعصبيه على وشك ان تنفجر
_والله الكيس دا بالذات مايكون ضاع ، لأدخل عيال بناتك ال25طفل الل تحت هدخلهم الفرن واشويهم على نار هادية
صعدت "مِسك" الإبنة الكُبرى لأكبر شقيقه فى شقيقات...ومعها كيس بلاستيكى وتضحك بخبث واضح قائله
_بتدور عالكيس دا ياخال ؟!
عادت دقات قلب.... إلى هدوئها بعد الخفقان ،وأمسك الكيس منها على الفور وقال وهو يحملق بها
_لاجتيه فين يا مِسك
قالت مسك وهى تتصنع عدم المعرفه
_واحد من العيال كان ماسكه ، فيه كشكول سلك مكتوب فيه أشعار وصورة..
وضع ....يده على فمها اغلقه وهى تضحك فقالت له والدته
_كتمت بنت أختك ليه يا واد ؟
أبتسم.... خائفاً وقال
_خلاص يا أماه ، أبعتى بس حد من البنات ينضف المقلايه الل إحنا فيها دى
_طاب يا ولدى
هبطت والدته بينما ....على فعلته يغلق فم مسك وهى تضحك ومن ثم تركها
فقالت هى
_هى دى مش صورة ...
أمسك...شعرها بقوة وقال
_لو نطجتى هولع فالضفيرة دى ! سامعه؟
_متخافش يا خال ،سرك فبييير
_طب يلا غورى ،ولا نضفى الاوضه مكان الجرود الل كانو هنا
وضعت مسك يدها بمنتصف جسدها وقالت بدهاء
_هو السكوت دا ياخال مالوش تمن؟!
ضيق ....عينيه واقترب منها قائلا ً
_بتستغلى خالك يا مسك؟ كلبة فعلاً كلبه ...بس جدعة مسك من غير استغلال
مش هتجول حاچه لحد من الل شافتها
تراقصت مسك برأسها وقالت ب تحدِ
_لاه ،هجوول عادى
هنا أخرج ....ورقة ماليه ووضعها فى يدها بعد أن قام بقضم أصابعها بأسنانه
ودفعها إلى الأمام قائلا
_خُدى وغورى ...حَرق أبو الل چابك
_تسلم يا خال ،وكُل م أعوز مش هجول لابوى واچيلك
_إمشى!
سرعان م هرولت من أمامه ، ووقف.... حائرا ً ينظر إلى كيس اشياءه المخفية عن الأعين
ويتمتم فى نفسه ..
_كد الوزغه وبتساومنى ، وشوية جرود جلابولى الأوضه ...منكم له كُل واحدة چيبالى ٧ ×٧ ب ٤٨
وسأخبر الله بكل شئ..
____________
الإقتباس الثااااالث 👀
أيام قليلة جداً ان شاء الله ونعلن عن العنوان وميعاد اول فصولها ..🌼
تفاعل كتيييير عالاقتباس نقرب ميعاد الرواية وننزلها وننبسط ونبل الشربات 💃💃
عرفونى مين هيتابع ويقرا من خلال التفاعل عالاقتباس دا عشان بعدها هعمل حاجه كدا للى هيقرا ويتابع بسسس وأنا نبهت أهو ..
#نور_إسماعيل..💙👑
