ដំណើរបោះជំហានឱ្យញាប់ៗស្អេកដែលកំពុងតែរត់សម្តៅចុះពីលើថ្នាក់រៀនមកកាន់ខាងក្រោមវិញ គេងាកមុខឆ្វេងស្តាំៗសម្លឹងរកមើល នាយតូច ដែលបាត់ស្រមោលឱ្យឈឹងតាំងពីចេញលេងឥឡូវចូលរៀនឡើងស្ងាត់អស់ទៅហើយនៅមិនឃើញគេចូលថ្នាក់វិញទៀត តើគេទៅណា??
« ចង្រៃយ៍!!! » អ្នកកម្លោះ ច្រត់ចង្កេះទាត់ខ្យល់មួយទំហឹងជើងជេរប្រទិចចេញមកតិចៗដើម្បីឱ្យធូរថយអារម្មណ៍តានតឹងខ្លះ ចាប់គិតរកនឹកថា Tae អាចនិងទៅណា?? គេច្បាស់ជានៅក្នុងសាលាមួយនេះព្រោះកាតាប ទូរស័ព្ទ លុយអ្វីគឺនៅលើថ្នាក់ទាំងអស់បែបនេះគេអាចទៅណាបាន??
« Jung ឯងមិនចូលរៀនទេហ្ហេស?? » Jay បោះជំហានដើរមករកគេព្រមជាមួយនិង Jimin ឃើញពីចម្ងាយព្រាលៗដូចជាប្រហែលៗថាជាមិត្តភក្តិទើបបបួលគ្នាដើរមកមើលហើយក៏ត្រូវមែន មិត្តគេនិងឯងឮល្បីពេញសាលាជាមួយនិងរឿងពណ៌សក់ថ្មីរបស់គេពីមាត់មួយទៅម៉ាត់មួយមិនដាច់សោះ ។
« ពួកឯងមកល្អហើយ មានឃើញ Tae ឬអត់? » មិនបានតបហើយ Jungkook ក៏ត្បកសំណួរទៅសួរពួកគេវិញ ក្រែងលោរគេបានឃើញ Tae បើមិនអញ្ចឹងក៏ Tae ប្រាប់ពួកគេដែលថាទៅណា ។
« ក្រែង Tae រៀនជាមួយឯងតើមិនអញ្ចឹង? »
« គេគេចពីយើងតាំងពីចេញលេង ឥឡូវចូលរៀនហើយនៅតែមិនឃើញគេមកវិញទៀត យើងបារម្ភសឹងស្លាប់ទៅហើយ Tae មិនទៅគេចម៉ោងរៀនទេ គេច្បាស់ជាមានបញ្ហាអ្វីមិនខានទេ »
« នៅមាត់ទឹកអីឯងមើលរួចឬនៅ?? »
« សព្វអស់ហើយ »
« ចុះនៅអាងហែលទឹក?? »
« ហ្ហើយ!! ត្រូវហើយអាងហែលទឹក អរគុណច្រើនណា៎ យើងទៅរកមើលសិន » អ្នកកម្លោះ ញញឹមចេញមកបន្តិចលើកដៃទៅទះស្មារបស់សម្លាញ់បន្តិច ហើយក៏ស្ទុះរត់ទៅយ៉ាងលឿនដោយមាន Jimin និង Jay រត់តាមពីក្រោយ ។
« Tae?? »
« Jung ខាងនេះ » នាយតូច ងើបខ្លួនចេញពីក្នុងទឹកមកវិញលើកដៃក្រវីទៅវិញទៅមកបង្ហាញគេឱ្យឃើញ ញញឹមទៅកាន់គេទាំងភ្នែកស្រវាំងមើលមិនច្បាស់ឡើយ ព្រោះច្រមុជទឹកយូរហើយនៅមានបញ្ហាភ្នែកស្រាប់ទៀត ។
YOU ARE READING
💗 ជំពប់ស្នេហ៍ 🔐
Romanceយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎
