« ហាយឈីស » សម្លេងកណ្តាស់របស់នាយតូចរូបស្រស់ដែលកំពុងតែក្តៅខ្លួនព្រោះតែត្រូវទឹកសំណើមកាលពីយប់មិញ ប៉ុន្នឹងល្មមគេឈឺហើយ ដោយសារតែពេញមួយយប់គេគេងហាលខ្យល់ហាលភ្លៀងទៅហើយ ។
Tae ចងចញ្ចើមធ្វើមុខម៉ីងម៉ំាងៗបន្តិចនៅពេលដែលសិស្សគ្រប់គ្នាដែលកំពុងតែនៅក្នុងថ្នាក់ស្រាប់តែងាកមកមើលគេគ្រប់គ្នាហើយក្នុងនោះក៏មាន Jungkook ម្នាក់ដែរ ។
ដោយសារតែខ្ជិលចាប់អារម្មណ៍ច្រើននាយតូចក៏ឈានជើងដើរចូលបម្រុងនិងទៅអង្គុយក្នុងតុ តែ Jungkook ក៏ទម្លាក់កាតាបមកមួយទំហឹងបែបមិនចង់ឱ្យគេអង្គុយជាមួយនោះទេ ។
« ចេញ » ពាក្យនិងទៀតហើយ កាលពីយប់មិញគេដេញខ្លួនចេញពីក្នុងបន្ទប់ម្តងហើយ ឥឡូវគេចង់ដេញមិនឱ្យអង្គុយជាមួយទៀត ។ Tae ព្រិចភ្នែកតិចៗដើម្បីទប់ទឹកភ្នែកមិនឱ្យហូរចុះមករួចទើបក្រឡេកមុខឆ្វេងស្តាំដើម្បីរកមើលកន្លែងអង្គុយវិញ ។
« Tae អាចអង្គុយនៅទីនេះបាន » នាយតូចងាកមុខមកមើលប្រភពសម្លេងដែលអង្គុយតុនៅពីមុខរបស់ Jungkook ទើបគេភ្ញាក់ព្រើតភ្លាមៗតែម្តង ប្រុសម្នាក់នេះរៀននៅទីនេះដែរ?? មុននេះគេមិនបានចាប់អារម្មណ៍ទេថាប្រុសដែលនិយាយជាមួយខ្លួននៅខាងក្រោមអម្បាញ់មិញ ឥឡូវកំពុងតែនៅទីនេះ ។
« លោក?? រៀននៅថ្នាក់នេះដែលមែនទេ?? » Tae ញញឹមដាក់គេបន្តិចបែបគួរសម មិនទាន់ហ៊ានដាក់ខ្លួនអង្គុយក្បែរគេនោះទេ ព្រោរាងខ្លាចចិត្តគេ ហើយម្យ៉ាងពួកគេមិនទាន់ស្គាល់គ្នាបានច្បាស់នោះទេ ។
« អឹម!! ខ្ញុំទើបតែផ្ទេរមកព្រឹកនេះទេ បើមិនស្អប់ខ្ពើមខ្ញុំពួកយើងអាចធ្វើជាមិត្តនិងគ្នាបានទេ?? » Fega សកដៃហុចទៅនាយតូចព្រមជាមួយនិងស្នាមញញឹមជាប់ ដំបូង Tae ក៏រាងអេះអុញមិនហ៊ានចាប់ដៃជាមួយគេនោះទេ តែដោយសារខ្លាចចិត្ត ទើបគេហ៊ានតបវិញ...
« បា...បាទ..រីករាយណាស់ដែលបានស្គាល់ » Tae សកដៃទៅចាប់ដៃជាមួយគេបន្តិចរួចក៏ប្រញាប់ដកចេញវិញយ៉ាងលឿន របៀបមនុស្សខ្លាចៗអីបែបនិង ។
« អង្គុយទីនេះហើយ » Tae ដាក់កាតាបចុះទៅលើតុនោះយឺតៗ តែមិនទាន់ហ៊ានដាក់ខ្លួនអង្គុយនោះទេ ។
VOUS LISEZ
💗 ជំពប់ស្នេហ៍ 🔐
Roman d'amourយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎
