اعذروني ع الاخطاء الإملائيه❤️
_________________
طبعا وصلو وغبرو ملابسهم ولبسو بجايم..الخخ
تجمعوا بالصاله
شهد: بنات ودي بمغامره
هاجر: اخر مره قلتيها خليتيها مشكله مو مغامره
تالا والي كانت اريج نايمه بحضنها: اقول بلا مغامرات بلا هم نامو
شهد: انتي خليكِ ب بنتك يا الام الحنونه
تالا مدت لها لسانها: غيورهه
لويا: انا بدأت اغار!
هاجر: وانا غرت
جمانه بشطحه: وانا بعد
هديل وهي تكلم تالا: كيف متحمله كومه اطفال انا طفل واحد ومااقدر اتحمله(تقصد البنات)
تالا لهديل: والله وانا اختك مخليني مربيه اطفال الله يصبرني
هديل تمثل الحزن: يالله بيطلعو لك الشيب وانتي بعز شبابك
شهد: هييي يالكلب الناطق وش عندك تحرض تالا علينا
هديل شهقت: اناا كلب ناطق
شهد: ايه نعم كلب ناطق افرحي لانك كلب يتكلم باقي الكلاب مايتكلمو
هاجر: بس انتي جالسه تتكلمي
شهد بققت عيونها: نعممم
هاجر بضحكه: اي انتي تقولي الكلاب مايتكلمو لكنك تتكلمي
شهد: دواك عند هذاك لما يكون متواجد تبلعين لسانك بس مايكون موجود تتمردي
تالا بلقافه: ماصرت اشوفهم زي اول نظرات وحركات وحتى هو ماصار ينشب لنا ليكون متهاوشين
شوق بلقافه: منهوو هذا الي تتكلمن عنه
شهد كانت بتتكلم بس نطت عليها هاجر وسكرت فمها: لاااا ماحد يقول
شوق: افا تحبي وماتعلميني هذا انا احب والكل عارف مين احب وتالا تحب خالد وشهد نواف
قاطعتها شهد: نعم نعم مين قال اني احب نواف
هديل بخبث: وليه وجهك قلب
شوق: كل شي مكشووف
شهد:كلوزق مااحب احد انا بعدين مالقيتو تخلوني احب الا نوافووه هالمنحرف
هديل عقدت حواجبها: ليه منحرف
تالا: تقولي عنه منحرف وانتي ياقليلة الحيا لما كنا بفرنسا بستيه! اذا هو منحرف انتي ايش
شهد: يافضيحتي
هديل طيرت عيونها: اوهه السالفه فيها بوسات
شوق نطت: ايش كان شعورك وكيف صار
شهد كشرت: وع ياقليلة الادب انقلعي
هاجر بخبث: الفستان الي كانت لابسته اليوم هو اختاره لها وهي من الوناسه باسته وماستوعبت الا بعد ٤ساعات
انفجرو ضحك شوق وهديل
جلسو طول الليل مابين سوالف وذكريات وضحك ونامو
صحت شهد ع دق الباب واخذت نظره ع البنات كانو كلهم نايمين وبداو يقومو من الصوت راحت وهي شبه نايمه فكت الباب شافت واحد ملثم دخل علطول بققت عيونها: خيرر يا.. سكر فمها: اشش هذا انا
شهد وهي تبعد يده الي بفمها: ها نواف
نواف ابتسم بروقان: صباح الخير يا وجهه الخير
شهد: وش جايبك ذا الوقت وبذا الشكل
نواف: جايب لكم اكل من كل عقلكم وش بتاكلو وتوكم جاين للبيت!
شهد: بيت لويا جنبنا عادي بنروح نطبخ ونجيبه
نواف وهو ماشي للمطبخ: وفرت عليكم وجبت واذا ماتبون باخذه معي
شهد: لالا خله
نواف: زين غيرتي رايك
شهد: بس ليه داخل كذا!
نواف: الشقه مراقبه
شهد رفعت حاجب: من مراقبها
نواف: الي عرفته مراقبه من ٣جهات لكن مين هم ماقدرت اوصل له
شهد طيرت عيونها: ٣ جهات!!! ياساتر
نواف بابتسامه: يراقبو القمر
شهد وهي ماشيه تصحي البنات: خلي عنك القمر وين وحنا وين ودخلت صحت البنات وطلعو وتفاجاو بوجود نواف
شوق بخبث: اوهه وانا اقول ليه الوجهه منور
نواف: من الي وجهه منور
شوق: بعض الناس
قرصتها شهد: انكتمي
جتهم اريج: تلو وين خالد
تالا وهي تسوي قهوه لها وجليب لااريج: خالد فبيت جدو
اريج: بس انتي وخالد تزوجتو امس لازم تنامو معا بعض مو كل واحد ببيت صح خاله شهد!
شهد ضحكت بشر: صح حبيبتي بس تالا شردت من خالد
تالا وجهها احمر: لا حبيبتي انا وهوا لسه ماتزوجنا عشان ننام مع بعض
اريج: تيب لما تتزوجو انا كمان ابنام معاكم طيب
تالا وهي تعطي لاريج الحليب: حاضر من عيوني
شهد: لا اريج حبيبتي مو انتي تبين بيبي صغير؟
اريج بحماس: ايواا ابي نونو صغير
شهد بنفس حماسها: بعدين تالا تجيب نونو صغير يصير ببطنها
اريج: متى
شهد: لما تتزوج خالد ويصيرو ينامو مع بعض
تالا: لا تسمعين لها يااريج
اريج بتفكير: ليه ماتبين تجيبي نونو لي؟
تالا: مو الحين حبيبتي بعديين الحين قولي ل شهد تجيب لك
اريج ناظرت لشهد: صح نواف موجود وانتي موجوده جيبو نونو
شهد طيرت عيونها: هاا لا اقصد النونو مايجي الا مع المتزوجين
نواف: لا مين قال اقدر اجيب نونو الحين بس تدرين كيف اريج
اريج لفت لنواف باستماع وتركيز ونواف يكمل: لازم اعطيها بوسه ويصير ببطنها نونو
اريج بحماس: يلا عطيها بوسه
شهد: هذا كذاب مو كذا يجي النونو
اريج: طيب كيف
شهد ب ورطه: ااء اء الا صح كذا بس مايضبط الا مع المتزوجين
اريج لفت ل تالا: بدق ع خالد يجي
تالا: ليش
اريج: عشان يبوسك ويجي نونو
تالا: لا مو الحين قلت ياروحي
اريج مسكت يد نواف وجرته لعند شهد: بوسها نشوف اذا بيجي نونو
نواف بابتسامه واسعه: ماطلبتي شي
شهد وهي تبعد: لالا وخر
نواف مسكها قبل تبعد وحاوطها بيدينها وقربها له وباسها بوسه لطيفه بخدها وهمس لها: ماكانت النيه هنا بس احترام للموجودين وبعد عنها وهي مصنمه ووجهها احمر نواف ابتسم: شوفي اريج وجهها احمر يعني صار في نونو ببطنها
اريج وهي تنط: هيي هيي بيجي نونو
تالا حابسه الضحكه: خلاص اريج يلا شور؟
اريج راحت لتالا ومسكت يدهل الممدوده: يلا
شهد طلعت من المطبخ للغرفه وشوق وهاجر ميتين ضحك على الموقف والباقي كانو متوزعين غير لويا اللي راحت لابوها راح نواف عشان البنات ياخذو راحتهم وجلسو ياكلو بهدوء لين نطقت اريج: خاله شهد متى بيجي النونو الي ببطنك
شهد الي كانت تاكل غصت: ك.كح وش نونو الي ببطني
اريج: الي حطه خالو نواف ببطنك نسيتي
هديل: اوهه اخوي حط نونو ببطن شهد
اريج بحماس: ايوا ايوا بس شهد ماتبيه
هديل وهي كاتمه الضحك ع وجهه شهد: اهاا ليه ماتبيه حرامم
اريج: مدري بس انا ابيه
هديل: وانا بعد ابيه
اريج التفتت لتالا: حتى تلو تبيه صح تلو؟
تالا: اكيدد ومين مايبي الاطفال
شوق: حتى انا ابيه كلنا نبيه الا هي شهد
هاجر تمثل الحزن: شهد ياقاسيه ليه ماتبيه
اريج بحزن: حرامم
شهد: ياحيوانات فكونني من هرجكم الفاضي
هاجر مكمله تمثل: كلي زين عشان النونو يجي وهو بخير
شهد عطتها ذيك النظره: هيا اشوف وحده تنطق وتجيب السيره ثاني
تالا: افاا لهدرجه
شهد: انطمي
التزمو الصمت لين خلصو الاكل وشالته تالا بمساعدة شهد بعدها اجتمعوا كلعاده
شهد وهي تقطع الصمت: الشقه مراقبه
تالا: يمكن خالد
شهد: هو يمكن خالد يكون من ضمنهم
تالا باستغراب: من ضمنهم؟ ليه كم الي مراقبين
شهد: ٣ ولو قلنا خالد مراقب بقي ٢مين!!
تالا بتفكير: محد عارف بالشقه الا قليل حولت نظرها لاريج الي تلعب: مقدر اخاطر بحياتكم وبحياة اريج لازم نتأكد
شهد: كيف؟
تالا وهي تاخذ الجوال: جاك بيساعدني اكيد
شهد جلست جنب تالا: دقي
تالا دقت ع جاك وبعد عده رنات رد بصوت ناعس: ماذا
تالا: هل انت نام! استيقط هيا
جاك وهو يصحصح: ماذا حدث هل هناك شي
تالا: نعم انا ف شقتي ولكن قال لي شخص ان الشقخ مراقبه من ٣جهات ولا نعلم من هم اظن ان واحد منهم خالد اما البقيه لااعلم لذلك تاكد من هوياتهم واخبرني لاننا جميعا هنا
جاك: حسنا حسنا امهليني ربع ساعه وساتصل بك لكن انتبهو ان تخرجو الى ان اخبركم
تالا: حسنا انتظرك وقفلت منه، قال ربع ساعه وبتصل اقولكم ولحد يطلع من البيت الحين
شهد: يالله الخوف مو عليا ولا عليكِ الخوف عالغنم الي معانا
شوق شهقت: مين الغنم يالبقره
شهد وهي تعددهم: شوق وهاجر وهديل واريج يعني مين غيركم! لويا فبيتهم وجمانه راحت عند قرايبها
هديل ببرود: وانتو الثنين طالعين منها ماعليكم خطر يعني
شهد ابتسمت: نقدر نطلع منها بسهوله بس الحين انتو بتكونو عائق كبير ونقطه ضعف لنا مانقدر نقاتل احد وانتو ماتقدرو تدافعو عن نفسكم لذلك مايمدي ندافع عنكم وندافع غن أنفسنا بكذا راح نتشتت
هديل ابتسمت: مين قال ماعرف ادافع عن نفسي
شوق بحماس: ايوا يوم كنا بالمدرسه هي تقاتلت مع واحد وقح بالمدرسه بسببي
هديل ناظرتها: وبلحظه غفله اتشتت فيكِ وانغدرت!
شهد تنهدت: هذا اللي اتكلم عنه وغير ان معانا طفله
تالا: المهم انو احمد مايعرف معرفتنا ببعض
هديل ناظرتها باستغراب: مين احمد وليه محرصين انه مايعرف انكم تعرفو بعض
تالا: خال شهد ولو عرف ان كلنا نعرف بعض راح يستغل هالشي لصالحه ولو تفكري فيها أضراره لنا اكثر من الاستفاده عشان كذا افضل انه مايعرف
هديل: ترا للحين ماني فاهمه شي وكل ما سالت أجلتو، انا ايش علاقتي بخال شهد وايش علاقتكم فبعض انتي وخال شهد حتى نواف شدخله بالموضوع وليه مغير اسمه من الأساس!!
شهد بهدوء حطت رجل على رجل: خالي انسان حقير بما تعنيه الكلمه ان كانت الكلمه اصغر من أنها توصفه حتى ماهمه شي غير الفلوس لدرجه قتل اخته وزوجها عشان الفلوس والحين يلاحق بنت اخته عشان ياخذ منها الورث
تكمل تالا عنها: وقتل ناس كثيره ومن ضمنهم اهلي لانهم رفضو يعطوه الي يبغاه ذبحهم والحين يلاحقني عشان يكمل الي كان يسويه وبالصدفه اكتشفت ان عنده بنت اخت كانت بتتسبب لدمار مستقبلها وانقذتها
تكمل شهد: ولو عرف أننا ثننينا نعرف بعض راح يقدر يستغل هالشي لانه عارف شخصيااتنا الاثنين ماراح نترك الثانيه تقع بمشكله ومانساعد بعض وبكذا بنقع بنفس الحفره وماراح يكون اي مخرج! اظن وضحت لك الحين القصه الغريبه هذي أما نواف حتى انا مااعرف اشياء كثيره بس الي اعرفه انه هارب من خالي وحتى انتي مهربك لفرنسا وشكله فتح الظرف حقك وعرف انك بفرنسا لكن قبل يعرف عن نواف انا اخذت الظروف كلها لذلك هو عارف انك موجوده وانك تعرفيني وخطفك وخطف مشعل عشان يهددني وانتي لولا انك ذكيه ولا كان بياخذ شوق يهددك فيها والحمدلله اني طلعتكم المهم انه يحسب نواف ميت ويعرف وليد بس للحين مايعرف انه نفسه نواف اخوك وهذا شي زين وكذا وضحت لك الكثير
هديل بتفكير: ليه خبا عليا كل هذا
شهد: تسالينه هو مو انا
هديل ضحكت: شكلي اندمجت كثير
تالا: اقول هاجر وش عندك ساكته
هاجر بدلع: سوالفكم ماتصلحلي
شهد رمت عليها للمخده: مالت
اندق الباب وانقبض قلب تالا وقامت وقامت وراها شهد: لا اصبري
تالا ناظرت شهد بحيره: وش
شهد راحت اخذت هاجر وشوق وهديل واريج لغرفه بعيده شوي: اطلعو من هنا وهي تأشر على الدريشه: بتكون في سياره سودا مظلله اذا مشيتو قدام شوي والمفاتيح بتلقونه تحت الفرشه الي بتطلع قدامكم اول ماتطلعو
هاجر بخوف: وانتي وتالا!
شهد: راح ندبر الموضوع بس انتو اطلعو ماقدر اخليها لوحدها تواجه شي ومانقدر نطلع كلنا لان اكيد انهم عارفين في ناس بالبيت
هديل تراجعت: ماراح تقدرو عليهم لوحدكم
شهد: راح نطلع منها باقل الاصابات بس انتو اطلعو
هديل: ماراح اطلع خلهم يطلعو بكون معاكم
شهد بحده: هذول يعتبرو صغار كيف اامن عليهم لوحدهم
هديل مسكت الجوال وهي تدق: بتصل ع نواف يجي لهم
شهد تنهدت بقله حيله وهي تسمع صوت الباب كل ماله الدق يعلى: تمام بسرعه اطلعو هاجر انتبهي لهم وانتبهي لنفسك وان صار وفي احد بيجي خلي خالد وعبدالله يجون مو اي حد ثاني وقولي لهم يتلثمو ان بيجو وياشوق لو بيجي اخوك المجنون امنعيه يلاا اطلعو وطلعو وراحت شهد لبست من لبس العيال الي عند تالا وهديل زيها وحاولت تخفي معالم الانوثه الواضحه وجو لعند تالا الواقفه ببرود: اتصل جاك
شهد: ايوا؟
هديل ضحكت: يارود دمنا الباب بينكسر فوق راسنا وحنا نسولف
تالا طنشتها: قال انه واحد منهم خالد والثاني احمد بس الثالث حاجب كل شي وماقدر يوصل له بس توصل لمحادثات من عند احمد ولقى انهم تكلمو عني وقالو ان شقتي في ناس فيها بس مو متاكدين اني انا يعني هم مايدرون انو انا الي بالشقه بس شاكين
شهد ابتسمت بخبث: نشتتهم اكثر
تالا بادلتها الابتسامه: فكره وراحت سوت زي شهد وناظرت لهديل: واضح انك بنت
هديل: وش اسوي ماعرفت
تالا راحت لها وعدلتها: كذا نبعد الشبهات
شهد راحت فتحت الباب ولقت رجال خشنت صوتها: خير اخوي
واحد من الرجال: هذا بيت تالا ال..
شهد: ايه نعم
الرجال: مين انتو الي كانو امس بالبيت بنات
شهد بحده: نعم خير تشكك برجولتنا حظرتك
الرجال ارتبك بس مابين لشهد وهذا ماخفى عليها: لا بس الي شفناه امس غير الي نشوفه الحين
شهد بحده اكثر: وانت تراقب!!
الرجال ارتفع ضغطه: لا تعلي صوتك
جت تالا: خير خير مين انت
الرجال عصب: الخير بوجهك وين البنات الي كانو هنا!!
شهد: مافي ولا بنت دخلت هنا او خرجت ملخبط شكلك!
الرجال: ماني ملخبط بعد بدخل
شهد دفته: نعم تبي تدخل بيتي وتسرق يال**
الرجال عصب وهجم على شهد وبدأت المضاربه ودخلت هديل وتضاربو وفي واحد استغفلهم وجاء من ورا هديل وكان بيطعنها شافته تالا وركضت لعنده بسرعه ووقفت قدامه وقدام هديل وجت السكينه ع كتفها تجاهلت الالم ودفته وعطته ذاك البوقس الي خلاه يفقد الذاكره وطاح وحطت يدها ع مكان السكين: ابن الكلبب ورفسته من قلبها
عند شهد كانت عينها ع هديل ماتبيها تتاذى شافت الرجال تكاثرو عليها رفست الي كان قدامها وركضت لعند هديل وهي تركض استغفلهل واحد وكان معاه مسدس وطلق على رجلها ومع ذلك ركضت لعند هديل وخففت الناس عنها وناظرت لتالا بمعنى امشي وتالا هزت راسها بطيب وشهد مسكت يد هديل وركضو الثلاثه لاابعد مكان لان الرجال كانو يتكاثرو وبعدو عنهم بسرعه ودخلو لمحل عبايات وهم يتنهدو واخذو عبايات وغيرو بسرعه وتغطو وطلعو ولا كأنهم سوو شي انفجرت ضحك هديل: يالله منزمات نفسي بالاكشن هذا
شهد ناظرتها بحده: احنا متكسرين من كثر ماصدينا الي كانو يتعرضو لك وانتي تضحكي
هديل بصدمه: كيفف!!
شهد بارهاق وهي حاسه برجلها بداات تتخدر: مدري كم مره تعرضو لك وانتي غافله وحنا صديناهم الحقيرين كل واحد يستغفل وعيني طول الوقت عليكِ خايفه حتى اشك اني ناظرت لتالا مره وحده
تالا ضحكت بتعب: ياختي ماعليك مني حتى انا زيك عيني ع هديل وصديت كم واحد وفي واحد ابن سته وستين كلب الله لا يوفقه طعني بكتفي لما صديته عن هديل
شهد ضحكت: منتي احسن مني انا وانا اركض لهديل ابا اساعدها لانو كانو كثيرين حولها في واحد صوب عليا برجلي
هديل مصدومه: مع كذا ركضتو! بتصل ع نواف يجي يودينا المستشفى
شهد ناظرتها: انتي مجنونه بتودينا بستين داهيه لو رحنا المستشفى بيفتحو تحقيق وغير كذا بيدور خالؤ بالمستشفيات لاننا تصاوبنا وبيقولو له ويبدأ يدور بالمستشفيات وبكذا بيحصلنا
هديل بحيره: وش اسوي طيب
شهد: دقي ع عبدالله او خالد يجي
هديل: ماعندي ارقامهم
تالا: حافظه رقم خالد خذي سجلي ٠٥.......
دقت هديل ع خالد وقالت له يجي بسرعه لمكانهم وبعد كم دقيقه جاء خالد مسرعه وركض لهم: شصاير ماكان واضح اي شي عليهم لان العبايات جديده بس يشوف الدم تحت شهد لان رجلها تنزف: شمهببين هالمره!
شهد بتعب وهي تستند ع خالد: مو وقتك خلينا نركب ووصلنا للبيت قبل يغمى علي من كثر الدم الي فقدته ساعدها تركب السياره وساعد تالا وهديل ركبت اول ماجاء اصلا ووصلو للبيت ودخلت شهد وهي تحس الدنيا تدور عليها ومستنده ع هديل ركضو لهم البنات وهم يصيحو جو بيحضنوهم وقفتهم تالا وهي حاطه يدها ع كتفها: لالا ولا وحده تقرب ورمت حالها ع الكنب بتعب حتى هي نزفت كثير: وين عبدالله بسرعه
ام عبدالله بقلق: مادري طلع من الصبح ولا شفته
خالد وهو رايح جاي يتصل ع عبدالله وعبدالله مايرد دخل نواف بسرعه وهو يجري: وينهمم
شوق بخوف اشرت على البنات ركض نواف لهديل: صارلك شي!! انتي غبيه ليه جلستي هناك
هديل بهدوء: عادي
ناظرتها شهد بحده: مو عادي كنا طول الوقت مشغولين فيكِ
هديل ببرود: ماقلت انشغلو فيني
شهد تنرفزت وصدت جاء لها نواف ونزا لرجلها: توجعك
شهد بعصبيه: لاا جالسه تدغدغني
نواف: تنكتين
شهد سكتت وتالا تضحك
شوق بققت عيونها: لك نفس تضحكي وانتي متبهدله
تالا بتنهيده: متعودينن بس كنت خايفه ع هديل ولا مافي خوف لا علي ولا على شهد
هديل بنرفزه: خير ان شاء الله بزره انا
تالا ببرود: اي بزره توك متعلمه تدافعي عن نفسك ومو بشكل كامل والدليل انك ماكنتي تصدي الي مستغفلينك
هديل تفشلت لان كلامهم صح كان كل تركيزها ع الب قدامها والمفروض انها تركز ع كل الاتجاهات وتكلمت بهدوء: اسفه
شهد ضحكت: تذكرت اول مضاربه لنا مع بعض كانت هاجر معانا وزي اللعبه بيننا
تالا وهي تتذكر: بالاخير فزنا عليهم
هاجر: سببتولي رعب ذاك اليوم
شهد: احمدي ربك مارميتك لهم
دخل عبدلله وهو معصب: ههاااججرر
هاجر بخرشه: سكنهم مساكنهم
عبدلله شاف البنات ارتاح وببرود: وش اصباتكم
شهد وهي تغمض عيونها: ابد كدمات ورصاصه برجلي وطعنه بكتفها
الكل منصدم يتكلمو وكانه شي عادي عبدالله ناظر لهديل باستنكار: وهذي ماجاها شي غرييب!
شهد فتحت عين: دامك عرفت بكل الي صار كيف ماعرفت اننا صدينا اي اذى لها
راح لها وهو متاجهل كلامها ورفع العبايه عن رجلها وتنهد: إصابتك عميقه وفوق ذا فقدتي دم كثير لازم انقلك المستشفى
شهد بعناد: مابي مستشفى رح افحص تالا
عبدلله قام لتالا الي وقفته: اصابتي مهي عميقه لكن فقدت دم كثير وعادي راح انظف الجرح واعقمه واربطه
عبدللله احترم كلامها ورجع لشهد: ياام راس متيبس بتسمعي الكلام ولا استخدم الغصب؟
شهد بنفس العناد: عالجني بالبيت
عبدلله شالها وهي تقاومه: عنادك ذا بيتسبب بموتك
شهد وهي تعض كتفه: نزلنيي
عبدلله: مو كل مره تسلم الجره عضي عضي ماني منزلك
شهد بوجهه بريئ: بليزز عبدلله عالجني بالبيت
عبدالله رفع حاجب: ليه رافضه المستشفى
شهد نزلت راسها: لانه بيلقاني
عبدالله: امري لله بعالجك هنا بس بغرفتي ماتقدري ترقي فوق كل شوي
شهد: موافقه
عبدلله مصدوم من انها وافقت بهالسرعه حطها ع سريره وربط رجلها مكان الرصاصه عشان ماتنزف اكثر: بجيب اغراض من المستشفى وممرضه وبجي ارتاحي
عند تالا الي راحت غرفتها شالت تيشرتها وهي توقف قدام المرايه وتتفحص الجرح تنهدت وراحت للحمام تروشت وطلعت وهي لافه المنشفه ع جسمها وراحت جنب التسريحه وطلعت علبه الاسعافات الاوليه وحطتها ع السرير وجلست وهي تحاول تضمد الجرح اندق الباب: مين
..: هذا انا خالد
تالا ناظرت لشكلها بحيره ماكانت لابسه الا المنشفه وتحاول تضمد جرحها ومهي قادره لانه بكتفها قامت فتحت الباب ودخل خالد: ادري انك ماقدرتي تضمدي الجرح
تالا وهي تصرف عيونها عنه: لكذا فتحت لك ساعدني وجلست بالسرير وهو جنبها وجلس يضمد الجرح وهي تتامل وجهه لاول مره خلص ولف القماش حق الجروح على المكان وهو من اول مرتبك من قربهم وتوتر لما ماشالت عيونها عنه: خلصت
تالا بعدت عيونها وقامت عطته ظهرها: شكرا تقدر تطلع سمعت الباب تقفل عرفت انه طلع تنهدت وطلعت لها بجامه حرير مريحه ولبستها ونامت بارهاق
عند خالد بعد ماطلع من عندها
غمض عيونه وأخذ نفس طويل وهو يكلم نفسه: ياقوه قلبك ياخالد كيف قدرت تكابر وتصبر هالقد اخخ زين ان دقات القلب ماتنسمع ولا كان انكشفت التمثيليه الي سويتها وضحك
جاء له نواف وبصدمه وهو يقلد الأمهات: ياحسرتي وليدي انجن قام يسولف مع نفسه
خالد وهو يتكي على نواف: اخخ الحب يجنن
نواف ضحك: يحليلك تحب
خالد بهيام: مو بس احب انا جنني الحب
نواف: واحد متلبسه ومتعبه الحب وواحد مجننه ومهبله الحب الله يستر من الجاي
خالد باستغراب: منهو الي متلبسه الحب
نواف: خويكم حسين
خالد ضحك: هذا مفضوح امره
نواف رفع حاجب: عساس ان انت المستور
خالد: ع الاقل هي مو عارفه بمشاعري لها عكسه فاضح نفسه عندها
نواف: بهاذي صدقت
خالد وهو يطق صدره: ادري ان كلامي كله صح اعترف مايحتاج تكابر
نواف طير عيونه: هذا صدق نفسه
خالد ضحك: امزح معك ياخي
نواف برفعة خشم: اي احسبب
خالد: امش امش نشوف عبدلله شصار معه لايكون ذبح البنت عاد ذول لو نتكرهم ثانيتين تذابحو
نواف ابتسم وهو من الاساس كان يبي يتطمن عليها: يلا
وراحو لعندهم وزي ما قال خالد عبدالله وجهه احمر من العصبيه وشهد ماتقل عنه وام عبدالله تحاول تهديهم ضحك نواف ومع ضحكته ارتخت ملامح شهد وبانت ابتسامتها الي تحاول تخفيها ونزلت راسها ابتسم بقوه: وش بكم معصبين
عبدلله متنرفز خلقه وتنرفز لما شاف ملامحها ترتخي لما ضحك نواف: مالك دخل
شهد بعناد: هذا الوقح يبي يفحصني بوصاخه
عبدالله طير عيونه: خيرر تراني دكتور مو متحرش
شهد: ماثق فيك
عبدالله بعصبيه: تراك زودتيها بالاول رفضتي المستشفى ونزفتي واجد وغير كذا الرصاصه للحين برجلك لازم نطلعها قبل تسبب لك التهاب
شهد صدت بعصبيه: على جثتي
نواف قرب لها وهو مبتسم: شهودي؟
شهد ارتخت ملامحها: ممم؟
نواف وهو يجلس قدامها ويحط عينه بعينها: ماتبين تتعافين وتواجهين خالك وتحمين تالا وهاجر واريج منه؟
شهد بهدوء هزت راسها ب ايه والباقي مصدومين من تأثير نواف على مزاجها هو ابتسم: زين طيب كيف بتواجهينه وانتي تعبانه كذا وبرجلك رصاصه ماتبين تشيلينها
شهد بوزت: بس مابي يشوفني
نواف مسك يدينها الصغار وضمها ليدينه الضخمه: اعتبريه دكتور زي اي دكتور جاي يعالجك
شهد اخذت نفس وزفرته وهزت راسها بالموافقه: بس خلو تالا تجي
خالد برفض: بس هي نامت الحين من التعب
شهد بعناد: بانتظرها تصحى
نواف تعب من عنادها: بنصحيها
عبدالله كان مقهور لدرجه وده يطعن نواف ويطعنها هي كان حاس بحرقه وحر مع ان الجو ماهو بذيك الرطوبه لكنه احتر لدرجه قام يعرق وهو يضغط ع يده يهدي نفسه وبصوت حاد: خالد رح صحي تالا وخلنا نخلص ابا ارتاح
شهد ناظرته بزعل وصدت وهو تنهد ونواف قام لما حس شكله غلط بينهم ودخلت تالا وهي تفرك عيونها وتمثل العصبيه: انتي بس علميني مين مسلطك علي؟
شهد غصب عنها ضحكت: محد قالك تسرقين قلبي
تالا ابتسمت ابتسامه هاديه وهي تجلس جنب شهد بعد ماشافت ضحكتها ناظرت لعبدالله الي واضح بينفجر همست: هذا وش بلاه بيولع فينا
شهد بنفس همسها: اسكتي بقولك بعدين والله ماني فاهمته هالعبدالله كل ماقلت زان خربها
تالا ضحكت: افاا ولد عمتي مين مزعلك
عبدالله بنرفزه: انكتمي لااسمع حس احد
شهد دفنت وجهها بحضن تالا بعد ما عبدالله كشف عن رجلها وبدأ يشتغل والممرضه جنبه بعد ماخلص قام وشبك الكيس الي فيه الدم والي باليالله حصله وتنهد وهو يناظرها غفت وكلم الممرضه: هذي الادويا الي لازم تستخدمها وكتبت لك كل شي بالورقه ان خلصت علبه الدم هذي حطي لها المغذي وانتبهي لها والتفت لتالا الي جنبها بدأت تغفى هزها ع الخفيف وبهمس: تالا
تالا فزت: ها خلصت
عبدالله بنفس همسه مايبيها تقوم: ايه قومي لغرفتك نامي
تالا هزت راسها ب لا: بجلس عندها يمكن تحتاج شي او تقوم متألمه
عبدالله ابتسم على صحبتهم مع انهم مايعرفو بعض الا قريب بس الي يشوفهم يقول يعرفو بعض من صغرهم: براحتك بس تمددي ونامي وارتاحي ان قامت مب مخليتك نايمه
تالا ابتسمت وهي تناظر شهد النايمه بعمق: فدا والله
عبدالله خطف نظره لها ومشي: تصبحين على خير
تالا بهمس وهي تتمدد متجهزه للنوم: تلاقي الخير ومانتظرت كثير حتى تسلل النوم لعيونها ونامت
مر اليوم كله وهم نايمين قامت شهد مره واخذت الادويا وقومت تالا وقالت لها تروح غرفتها وتالا راحت ونامت بغرفتها وشهد رجعت نامت من التعب
عند هديل وشوق كانو بشقه نواف الصغيره الي كانت عباره عن غرفه نوم ومكتب ومطبخ وصاله كبيره وحمام الله يكرمكم
هديل وهي منسدحه ع الكنبه: يالله مع اني منزمانن اتمنى اجي للسعوديه بس الحين مشتاقه لفرنسا!
شوق وهي الثانيه منسدحه: وانا زيكك وربي احس ماني متعوده ع الأجواء هنا خلينا نكلم نواف نرجع عشان دراستنل
هديل جلست: مجنونه انتي نرجع بعد الي صار والله انه مايوافق
دخل نواف على اخر كلمه: وش للي مابوافق عليه
شوق جلست احترام له: اقول ان نرجع لفرنسا نكمل دراستنا
نواف ببرود: تكملن دراستكن بالشرقيه
هديل كانت متوقعه الرد: وأوراقنا؟ واصلا وين المدرسه اللي تدخلنا بنص الترم!!
نواف: تأجلون هالترم والترم الثاني تسجلن والصيفي تكملو اللي فاتكن مهي صعبه
هديل بتفكير: صح فكره زينه واصلا بما ان هالسنه اخر سنه لي ف خليني استفيد بسجل بمعهد للتصميم
نواف باهتمام: ماشاءالله اختي مصممه؟
هديل: يب شكثر احب التصميم يوهه جننت شوق كل شوي مخربه شي ومخليته شكل ثاني
شوق بضحكه: صدق تعبتني
نواف حول نظره لشوق: وانتي وش رايك بالقرار للي اخذته؟
شوق بزعل مصطنع: زعلانه اكيد هذه بتتخرج وانا باقي كنت باخذ الصيفي عشان السنه الجايه بس ادرس ترم واحد
نواف ابتسم: تبشرين بها راح اسحب اوراقك واحطك بمدرسه تخليك تخلصي حق السنه الجايه وحق هالسنه مره وحده بس ها قدها!
شوق ابتسمت بفرح: اكيدد اهم شي افتك من المدرسه وأتخرج
نواف: حاضر كم شوق عندي؟
شوق نطت عنده وهي تبوسه بخده وبدلع: وحده مانبي غيرها
نواف ابتسم وهو يتذكر شهد: صح يلا خذو غرفتي تفداكم والسرير كبير تقدرو تاخذو راحتكم انا بطلع لواحد خويي وبكرا بسجلك ياشوق وانتي ياهديل عندي لك معهد يمدحونه الكل باخذك تشوفينه وان ناسبك نسجلك
شوق باستغراب: بالرياض؟
نواف: ايه
شوق بنفس الاستغراب: وشو بنجلس بالرياض هونت عن الشرقيه؟
نواف ابتسم: ابيكم قدام عيني اخاف اوديكم الشرقيه ويلقاكم احمد واتوهق ف الافضل تكونو قدام عيني وان صار شي منا ولا منا ولا حسيت ب اي شي باقدر اتصرف ويكفي شهد وتالا هنا ينتبهو لكم
هديل وهي تغمز له: تبينا قدام عيونك ولا عشان بعض الناس
نواف ضحك لتلميح اخته الواضح: اكيد انتو اولى
شوق تقلد هديل وهي تغمز: عليناا هالحركات
نواف رمى عليهم المخده وهو يضحك: استحو على وجيهكم
هديل وهي ترمي المخده الثانيه: انت استحي بالاول
شوق ترمي المخده: اييهه يالعاشق بعد تنتظر اعترف وريحنا
نواف يرجع يرمي المخدات عليهم: ايه احبها بس مو وقته هالحب
وقامت حرب المخدات بينهم لين وقفت هديل: هييه ليكون بنجلس بذا الشقه تكفى قول لا
ابتسم نواف: طبعا لا اخذت شقه كبيره وجالس اشتغل عليه واثث غرفكم وغرفتي لأن بنكون بنفس الشقه ومهي بعيده عن هنا ولا بعيده عن مدرستك ياشوق
هديل تنهدت براحه: زين خفت قلت ذا استخف بيجلسنا بهالشقه الكئيبه
نواف ضربها بالمخده: كئيبه بعينك تسبين شقتي عيني عينك ترا مارضى عليها
وقامت حرب المخدات مرا ثانيه لين شرد نواف وهو ميت ضحك ماقد ضحك من قلبه منزمان تنهد بسعاده تغمره: الله يديم هالشعور ياارب وراح لبيت صاحبه طق الباب وفتح له وشعره منكش: اعوذ بالله الناس تفتح الباب تلقى وجيهه زينه انا افتح الباب القى العفريت بنفسه قدام وجهي
نواف ضحك على تشبيهه صاحبه: ياخي قل تفضل اقلط ياحي الله شي من علوم الرجال لعنبوك ماتعرف ترحب انت
صاحبه وهو يستهبل: هلا هلا حي الله من جانا نورتنا والله اقلط اقلط بنام اقصد تقهوى
نواف ضحك أكثر: قم ابعد ودخل جوا: في حد عندك
خويه وهو يتثاوب: اقولك بنام تقول في حد عندك صاحي انت
نواف دخل الصاله: اذلف نام ادري البيت بيتي مايحتاج نفس السيناريو تعيده
خويه وهو يطالع بجواله الي بيده: زين حفظت السيناريو تصبح على خير ودخل غرفته ونام
( هذا اقرب صاحب لنواف ومتعودين ع بعض حيل ويمونو على بعض وكل واحد يدرعم عالثاني عادي وثنينهم ساكنين جنب بعض وكلهم ساكنين لوحدهم ومرا ذا يجي ينام عند ذا ومرا ذا يعني وقت الحاجه والضروره زي الحين)
مر اليوم بهدوء نص نايم ونص ماقدر ينام من التفكير والبعض يخطط لاشياء خبيثه والشيطان مصدوم من الخبث الي يصير
_________$$$$
مدري ليه حاسه هالبارت اكثر بارت باردد يمكن لاني كاتبته بدون اي مشاعر وبكل برود وانا ممرا زعلانه فهالبرود لكن ماباليد حيله
المهم ماعليكم باذن الله راح يكونو البارتات الجايه اكثر مشاعر وحلاوه وحيعجبكم أن شاء الله لاني بحط كل مشاعري المتبقيه فيهم وراح اكون مبسوطه لو تكتبولي الشي الي تلاحظونه ولو تنصحوني كمان بكون سعيده❤️❤️
محبتكم التشوكلت مها❤️❤️
