اعذروني على الأخطأ الإملائيه 🤍
_________
ف منتصف الليل
عند تالا وخالد( بما ان كان فيني نوم ووقفت عندهم)
صحت تالا بانزعاج: خالد
خالد بنعاس: همم
تالا وهي مغمضه ولسه حاضنته: روح غرفتك
خالد ضحك بداخله تبيني اروح غرفتي وهي متمسكه فيني كذا دفن وجهه بشعرها: نامي
بالغرفه الي جنبهم والي كانت فيها لويا
كانت تكلم نفسها: الحين انا لو نزلت تحت وصادفت احد وش بيصير للا يع فشله شكلي بروح عند تالا واصحيها وقامت لغرفه تالا الي جنبها وجت بتفتحها مافتحت استغربت: تالا ماتقفل غرفتها بالمفتاح غريبه خليني ادق وجت بتدق
..: لا تتعبي يدينك وتدقي خالد عندها بالغرفه
لويا طيرت عيونها: وش يسوي عندها بالغرفه قليل الادبب لا ومقفلين بالمفتاح وانت شعرفك
..: كنت ابي خالد ضروري ودورته بغرفته مو موجود وهذا يعني انه عندها
لويا: وليه ماتدق عليه ياغبي
ببرود: ومين قال اني مادقيت
لويا بتوتر: تصبح على خير دخلت غرفتها: كل ماشفته حسيت قلبي بيطلع اف ليه كل شوي طالع بوجهي بعدين ذا وش مطلعه لجناح البنات اف ياربي وشدخلني انا نطت: لايكون جاي يشوف وحده من البنات يع ايش دخلني انا اف غبيه خليني انام وبكرا اتخاصم وراحت انسدحت ع سريرها وهي تفكر
عند شهد كانت نايمه وصحت ع بكاء نواف كشرت: ياخي خلني انااام جلست بتعب وهي تحاول تنيمه سكت وصار يلعب حطته ع السرير ورجعت بتنام بس رجع يبكيي جلست: يامزعج شالته وهي تفكر: صح عبدالله قالي انه مسؤول عنه معاي خلني اوديه له وارجع انام وقامت وطلعت من غرفتها سمعت كلام لويا وعلي ضحكت ومشت وجا قدامها: وش تسوين
شهد بنرفزه: خلصت من لويا وجيتني معنينك حارس ولا كيف
علي ببرود: وليه ماتبيني اكون حارس ف مزرعتي
شهد ناظرته باستحقار وجت بتمشي بس اعترض طريقها: الا صح هذا ولد مين
شهد: قد قلته ولد صحبتي
علي: لو تمشي على الكل مامشت علي وانا عارف وش سالفتك انتي
شهد بنرفزه: شي مايخصك لا تدخل فيه وطنشته ومشت لغرفه عبدالله ودقت الباب بقوه فتح لها وهو محيوس: ايش صاير
شهد لفت باحراج: وقح البس بالاول
عبدالله بنوم: وانتي خليتي لي مجال البس دقيتي ع الباب كأنو في حد لاحقك
شهد: روح البس عشان نتكلم
عبدالله دخل ولبس اي تيشرت قدامه: تفضلي انسه ازعاج
شهد كشرت: انسه ازعاج؟
عبدالله: يب انسه ازعاج ولا وش رأيك؟ في احد يجي ل احد ثاني الساعه ٢بالليل!!!
شهد: عاد ازعجني ذا النتفه وقلت اجيبه لك واروح ارتاح
عبدالله طير عيونه وناظر لنواف ألصغير الي يضحك: ونعم انا مانام
شهد بترجي: انت قلت انك مسؤول عنه معاي تكفى عبدالله ابي انامم
عبدالله تذكى انه قبل نهاية الحفله قال لها لو تبين اي مساعده تخص نواف تعاليلي اعتبريني المسؤول عنه معاكِ: خلاص هاتيه وروحي نامي
شهد نطت بفرحه وحطت نواف الصغير بحضنه: شكرا شكراا
عبدالله طلعت منه ابتسامه لاارادي وهو يشوفها مبسوطه: يلا عاد عطيتك وجهه روحي نامي
شهد: تصبح على خير يابطلي (قالتها بالانجليزي) وطلعت لغرفتها وخلت عبدالله يطير من الفرحه وصار يبوس نواف: ياخي انت نعمه جيتنا من السماء من يوم جيت وحياتي بدأت تتحسن وعلاقتي ب شهد بدت تتطور يازينك يازينك وصار يلعبه ويبوسه لين تعب ونام ونواف الصغير بحضنه ونامو ثنينهم
صباح يوم جديد وأجواء جديده مليئه بالامطار الغزيره والغيوم اللطيفه
صحت شهد وطلعت جت بتروح لغرفه تالا لقت اريج بطريقها ولويا طالعه: صباحح الروقانن
لويا بضحكه: صباح الرومنسيه في ثنين بالغرفه الي قدامي مقفلين على بعضهم من امس الليل
شهد طيرت عيونها: وشش مين هما
لويا مسكت يد اريج ومشت: تالا وخالد
شهد وهي ماشيه وراها: تالا نومها صاير ثقيل عاد
لويا بغمزه: او يمكن سهرو لما الصبح عشان كذا نايمين للحين، بالقوه اقنعت هالبزر انو تالا تعبانه وماتقدر تقوم
ضهد تثاوبت: بروح اشوف نواف وعبدالله مسكين شكله سهر معاه
لويا توجهة للمطبخ وعلى حظها كان موجود علي وامه وابوه والجد وام عبدالله وابو عبدالله دخلت بخجل: صباح الخير
الكل رد: صباح النور
اريج: ابا نفس الحليب الي تسويه تالا
لويا ناظرتها: لا تتشرطين
اريج بزعل: تسوين لي ولا اروح أصحي تالا
لويا بتصريفه: لا يقلبي بسوي لك لكن مقدر اسوي نفس حق تالا معرف كيف تسويه
ام خالد باستغراب: ليه وينها تالا بالعاده ماتتاخر بالنوم
لويا توهقت: بصراحه ياخالتي تالا أمس تعبت من المشي والرقص وكذا وتدرين انها طاحت ع رجلها يمكن نايمه للحين من التعب ماحبيت ازعجها
اريج: ايوا غرفتها مقفله يمكن تعبانه ماتبي احد يزعجها
ام خالد باستغراب: اها ولفت ل علي وابو خالد: انتو شفتو خالد وهو طالع شي؟
علي كتم ضحكته: لا يمه ماطلع لمكان اليوم
ابو خالد: ولا انا شفته من امس الليل وجواله مرمي بغرفته
ام خالد بخوف: ياويلي على ولدي مادري وين بروح عند تالا يمكن قال لها شي
لويا طيرت عيونها بس اكتفت بالسكوت ماتبي تتوهق اكثر وعلي مبتسم ويناظرها عطته نظره الي خير تناظر رفع اصبعه وأشر لها بمعنى(طالعه حلوه) انحرجت ولفت تسوي الحليب لاريج
عند شهد
دقت الباب اكثر من مره ماحد فتح ولا رد وقررت تدخل وفكت الباب كانت بارده على دافيه وفي نور خفيف شغال عند السرير شافتهم كانو لطيفيين عبدالله نايم وشعره طايح على وجهه وبحضنه نواف الصغير الي صحي وجالس يتحرك ارتسمت ابتسامه بوجهها وهي تطالعهم وراحت عندهم بشويش وجت بتشيل نواف ع الخفيف بس يده عارضتها ومسك يدها وبدون مايفتح عيونه: وش تبين ياشهد
شهد باستغراب كيف عرفها وبهمس: باخذ نواف وانت ارتاح
عبدالله فتح عيونه وهو يطالع بوجهها الي كان قريب لان كانت بتشيل نواف وركز بعيونها: مرتاح وهو معاي عادي
شهد انحرجت من قربهم: أترك يدي طيب
عبدالله ترك يدها ورجع غمض عيونه: انا بجيبه روحي
شهد: لا باخذه لغرفتي وبغير له واروشه
عبدالله: خلاص تمام خذيه دام كذا
شهد اخذت نواف وطلعت بسرعه وحطت يدها ع خدها: اوفف ليه انحرجت من نظرته ماتوصل هو بس كان يتكلم طبيعي انا غبيه وجت بتمشي عارض طريقها نواف: وين رايحه
شهد: غرفتي
نواف وهو يتأملها: امم زعلانه؟
شهد تذكرت الكف: لا عادي ليه ازعل
نواف: ياكذابه محد يعرفك كثري
شهد حبست ابتسامتها: لا جد مو زعلانه بالبدايه زعلت ايوا بس بعدين فكرت فيها وراح الزعل
نواف انحنى لوجهها: ومن قلبك؟
شهد: ايوا بمشي وخر
نواف ابتسم وبعد لها عن الطريق وهي مشت لغرفتها
عند خالد وتالا كانو نايمين وصحت تالا على دق الباب جلست تستوعب الي بحضنها وشهقت: رحت فيهاا ياماميي وبصوت عالي: ميننن عالباب
ام خالد: هذه انا يايمه
تالا عرفتها وبنفسها اي والله رحت فيها: جالسه اتروش ياعمتي بغيتي شي
ام خالد: اي كنت بسالك عن خالد شفتيه ولا كلمتيه شي
تالا ناظرت بخالد الي نايم جنبها: لا آخر مره شفته نهاية الحفل
ام خالد بقلق: ياويلي على ولدي مادري وينه
تالا: شوي وبجي ياعمتي معليك لا تخافي اكيد انه بمكان ماهو بطفل
ام خالد: ان شاء الله استعجلي عشان تفطرين وراحت وتالا تنهدت وناظرت بخالد بحقد وجت بترميه من السرير بس ماسوتها ورجعت انسدحت وصار وجهها مقابل وجهه وجلست تتأمله استوعبت انه بدون تيشرت وانحرجت لكن كملت تأملها جتها رغبه تلمس وجهها والعضلات الخفيفه مدت يدها لوجهه ومررتها ووقفت ع خده وكملت لين شفايفه وانحرجت وبعدت يدها ورجعت مدتها ومررتها من على صدره لين بطنه بعدت يدها وانسدحت ع ظهرها وتنهدت وهي تكلم نفسها: وش قاعده اسوي انا وترد على نفسها: عادي زوجي وحلالي وشو امنع نفسي عنه هذا الي ناقص بعد ورجعت على نفس وضعيتها قبل وجلست تطالع بتفاصيل وجهه الصغيره والكبيره وابتسمت ابتسامه خفيفه: ما لاحظت وسامته إلا الحين اممم وقربت وجهها من وجهه وحطت يدها ع خده وقربت اكثر وباست راسه ونزلت لخشمه وباسته ونزلت لخده وعطته بوسه رقيقه وجت قدام شفايفه وبعدت ماتبي تكمل لكن يده كانت اسرع ومسكها ورجع قربها: كملي طيب
تالا باحراج: و.و.ش اكمل
خالد وهو للحين مغمض عيونه: البوسات لا تصيرين بخيله
تالا باحراج وهي تحاول تفلت منه: ياقليل الادب اتركني وابعد
خالد فتح عيونه وهو مبتسم: انتي الي قربتي مو انا
تالا: خالدد خلاص اتركني عيب
خالد ضحك: وش العيب زوج وزوجته
تالا وقفت الحركه: امك تدور عليك ترا
خالد: عارف سمعتها
تالا طيرت عيونها يعني عارف كل شي سوته: صاحي من اول وماتقوم
خالد بروقان: كان عاجبني الوضع
تالا رجعت تبي تفك نفسها منه: وصخخ اتركني
خالد ثبتها وقرب من وجهها: مو الين اخذ بوستي الاخيره
تالا بتوتر وقلبها طبول: ايت بوسه مافي بوسه اخيره واولى
خالد: الا مرر اصبعه على راسها وعيونها: هنا الاولى ومررها على خشمها: هنا الثانيه ومررها ع خدها: هنا الثالثه و مرر على شفايفها وبهدوء: وهنا
تالا ماكانت قادره ترد حست قلبها بيطلع لو نطقت بحرف وانقذها الباب لما دق ودفته وهو كتم غيضه هذي ثاني مره يخربون عليه وتالا كتمت ضحكتها على شكله وهو مقهور ودفن وجهه بالمخده: مينن
..: هذي انا شهد
تالا بتوتر وهي تحس ريقها نشف: ه.ل.ا. شهد
شهد باستغراب: وش فيه صوتك
تالا اخذت نفس وزفرته: ولاشي بغيتي شي
شهد: ايوا ام خالد تقول انزلي وترا عارفه انو خالد عندك بالغرفه لذا انزلو وخلصونا الحرمه متوتره
تالا نطت للباب وفتحته بسرعه: وشوو كيف تعرفين
شهد كتمت ضحكتها: لويا وعلي كمان يعرفون
تالا مسكت راسها: انفضحتت كله بسببك ياخالد
شهد: يلا يلا بسرعه انزلو قبل لاافضحكم منجد واقول ان خالد كان بغرفتك من امس
تالا: بروح اخذ شور واجيكم جهزيلي قهوتي ياقلبي انتي
شهد وهي ماشيه: من عيونيي
خالد: وانا طيب
تالا طلعت لنفسها ملابس واخذت منشفتها: على غرفتك
خالد قام اخذ تيشرته ولبسه على السريع: والطريق طيب
تالا بتفكير: بدق ع شهد تجيب اريج ونفهمها انك كنت بغرفتها وماحسيت بالوقت
خالد ابتسم: حلو يلا سريع
تالا اخذت الجوال ودقت ع شهد
عند شهد كانت جالسه تسوي قهوه لتالا على حسب طلبها والكل موجود تقريبا الا خالد وتالا دق جوالها ردت: نعم خير توو راجعه من عندك
تالا ضحكت: ياختي توحشيني بسرعه وش اسوي
شهد ابتسمت: اخلصي وش عندك
تالا: جيبي اريج وتعالي لغرفتي
شهد: طيب يا الام الحنونه وقفلت لفت عليها ام خالد: وش فيها
شهد بتصريفه: تسال عن اريج شربت حليبها وبعدها قالت جيبيها بلبسها لبس ثقيل لانو اليوم برد أكثر وشكلو بينزل امطار
اريج نطت لعند شهد: خذيني
شهد ضحكت: يلا وحده تقوم تنتبه للقهوه ذي وراحت
هديل قامت: انا بنتبه لها ذول مايفلحون بالقهوه
هاجر بصدمه: خيرر انا افلح
هديل: انتي توكك صغيره
هاجر طيرت عيونها: نعم صغيره وانا اكبر من شوق
شوق ضحكت: وانا شكو شكوو
هاجر مدت لسانها لها: محد قلك تصيري اصغر وحده
لويا بمقاطعه: بس انا وهي نفس العمر
هاجر عطتها نظره: اسكتي يالباعوصه
لويا وشوق ضحكو
هديل: خلاص سحبت كلمتي كلكم بزوره مايصير تمسكو شي بتحرقوننا
ام خالد بحب: الا والله ان كلكم سنعات
لويا باحراج: لا انا طالعه من السنع
هاجر ضحكت: وذي تطبخ بيض تصير مستانسه وينها وين السنع
ام عبدالله: على عساس انتي الي فالحه
هاجر ضحكت: شدعوه خالتي تراني اتفنن لك بالطبخ
ام عبدالله بصدمه: جد تعرفين تطبخين
هاجر ابتسمت: ايوا تعلمت الطبخ بعمر صغير لانه مافي حد ساكن بالبيت الا انا واخوي
ام عبدالله: الله يحفظك يابنتي
لويا: حتى انا ساكنه ببيت ابوي لوحدي بس مع ذلك معرف اطبخ
كان كلامها على نزله تالا وردت عليها: ايواا لانو انا تعلمت اطبخ وكنت دايم اطبخ لكم ولنا
ام خالد: صح النوم
تالا بابتسامه راحت وباست راسها وراس الكبار: صباح الخير، وين قهوتي شهد قالت انها سوت لي؟
هاجر: الناس تصحى من النوم تفطر تالا تقوم تشرب قهوه
شوق: ماشفتي هديل شكلك تصبح وتمسي ع القهوه
هاجر: عندي شهد تصبح وتمسي ع الهواش
شهد: تراني جيت لا تحشون
تالا اخذت قهوتها: عمتي ترا خالد لقيته بغرفه أريج نايم
ام خالد: وليه اريج ماتقول
تالا: عاد انتي ماسالتيها وانا علمتها انها ماتتكلم اذا ماحد سالها
ام خالد ارتاحت مع انو شكت ب ان خالد كان مع تالا: اها زين وينه الحين
تالا: راح لغرفته يبدل ويجي، بنات امشو الحديقه جالسه تنزل قطرات مطر والجو خنفشاري
ليلى بحماس: فاتكمم الصبح نزل مطر قوي
تالا تسلك: والحين بينزل كمان تعالو
شادن بقهر وهمس ل ليلى: مابي اروح معاهم
نواف قام: تعالو شباب حتى احنا نبي نشوف الجو الخنفشاري
شادن قامت وبحب: خلاص بروح
ليلى ضحكت: متخلفه وراحو الشباب والبنات للحديقه شهد اول ماشافت المطر قامت تنط وتركض: الللههه
عبدالله ضحك: لا تمرضي بس
شهد بحماس و وناسه: يالله متى اخر مره انبسطت بالمطر
عبدالله صار يتأملها بكل حب وكأنها طفله عانت بحياتها كثير وابسط شي يمكن يخليها تستانس
نواف كأن يطالع ب شهد وهو مبسوط انها مبسوطه ولاحظ عبدالله كيف يناظرها حاول يشيل اي شي جا فباله وجلس يطالع عبدالله بصمت وماقدر يتحمل يناظرها كذا لف وبعد عنهم
تالا جلست تحت شجره وجلست تناظرهم وهي مبسوطه وتطلع يدها شوي وتدخلها جا عندها خالد: ليه متخبيه هنا
تالا بوناسه: المطر حلو
خالد قرب منها: حلو وتتخبين عنه؟
تالا توترت بس حاولت ماتبين: اخاف امرض
خالد ناظر حولينه مافي احد يطالعهم ومافي حد يمهم مسك يدها وراح ورا الشجره وصار ظهرها ع الشجره ةهو قدامها حاوطها والمطر يبللهم: وش رايك اكمل لك لوين تنتهي البوسات
تالا بتوتر: لا شكرا، بعد عني الحين احد يجي يشوفنا
خالد: محد يشوفنا كلهم مشغولين
تالا: اقصد احد من الكبار
خالد بذوبان وهو يبعد شعرها الي بدا يطيح ع وجهها من المطر: اشش مرر يده على راسها وباسه وطالع بعيونها المتوتره وغمضت عيونها باسهم ولاعاد فتحتهم ابتسم لحركتها وياس خدها اليمين وانتقل وباس خدها اليسار ارتجفت اكثر: خ.ا.ل.د
خالد بهمس: عيونه سكتت ومانطقت جلس يتاملها كانت ترجف وعيونها مغمضه وشفايفها يرجفو والمطر مبللها ابتسم وحضنها: خلاص اهدي
تالا عضت شفايفها بمحاولة تهدئة نفسها وهي حاسه أطرافها اتجمدت من التوتر والمطر وتمسكت فيه وبرجفه: ب.ب.ر.د
خالد تنهد وهو يقاوم رغبته ف انه يكمل: تبين ندخل؟
تالا هزت راسها ب لا وتمسكت فيه اكثر لين حست انها هدأت وبعدت عنه بسرعه وركضت بعيد وهو اسند نفسه ع الشجره وحط يده جهه قلبه: اخخ قلبي مو قادر اني اصبر نفسي على بعدها ، الله يصبرني بس
عند تالا ركضت لعند اقرب وحده الي كانت هديل وسندت نفسها عليها وهي تحاول تأخذ نفس وهديل خافت: بسم تالا فيك شي
تالا هزت رأسها ب لا وحست برعشه وهي تتذكر الموقف وغمضت عيونها تطرد الموضوع واخذت نفس طويل وزفرته وهديل مستغربه حالها: انتي بخير
تالا استجمعت نفسها اخيرا: بخير بخير
هديل: اجل ابعدي خلني اشوف الفلم الهندي الي قاعد يصير
تالا باستغراب: اي فلم هندي
هديل أشرت ع شهد: وشهد هي الفلم هندي
تالا طالعت بشهد وانفجرت ضحك كانت ترقص وتركض ومره تنط زي الاطفال وتضحك وتلعب بالمويه: وشبها ذي انهبلت
هديل بابتسامه: ماعليكِ من المجنونه هذه شوفي شادن وشوفي نواف وشوفي عبدالله
تالا ناظرت ب عبدالله ماكان يبعد عن شهد كثير ومتكتف ويناظرها بابتسامه وهي مرات تركض حوله نظرته ذكرتها بنظره خالد اقشعر جسمها وانصدمت من الاحتمال الي جا فبالها ناظرت ب ليلى لقتها مقهوره تطالع ب شهد وتحاول تقلد حركاتها عشان تلفت انتباهه عبدالله ضحكت وطالعت بالي جنب ليلى تحاول تلفت نظر نواف وكان معصب و واضح متضايق استغربت: وش فيه نواف
هديل باستمتاع: بسبب نظرات عبدالله ل شهد
تالا ضحكت: صادقه فلم هندي
هديل: وهناك ثنين ثنائين مسوين فلم تركي
تالا طالعت بالمكان الي تقصده هديل لقت حسين مع هاجر وشوق مع مشعل ابتسمت
هديل: وانتي وش عندك بعيده عن خطيبك قلنا حنا عزابين
تالا انتبهت ل لويا الي بتاكل احد بعيونها وتناظر بحقد شافت علي واقف مع لمياء وهي منحرجه ويتكلمو ضحكت قاطتعتها هديل: جالسه اتكلم
تالا ناظرتها: وش تقولين
هديل: اقولك ليه تاركه خطيبك بالاجواء الرومنسيه هذي
تالا توترت لما تذكرت الي صار: عاد انا مو فاسقه الحيا مثل ذول اقول شوفي لويا واضحكي هديل ناظرت ب لويا ونفس الشي ماتت ضحك: والله وطحتي ومحد سمى عليكِ
تالا بابتسامه: صادقه
جاهم خالد: انا وحيد ممكن انضم لكم
توترت تالا وهديل لاحظت توترها: ايوا تفضل خطيبتك هنا خذ راحتك
خالد أبتسم: عفوا زوجتي مو خطيبتي
هديل ضحكت: اوكيي زوجتك لكن كأنه زوجتك ماتبي تكون متواجد
خالد بابتسامه وهو عارف ليه: شكله كذا
تالا بصوت يالله ينسمع: لا عادي
جتهم شهد وهي تركض ومسكت يدين تالا وصارت تدور معاها: الاجواء تجنن بموتتت مستانسه
تالا: يابنتي دوختينيي تركتها شهد فجاه وكانت بتطيح على ورا بس مسكها خالد: تبين تكسرين زوجتي انتي
شهد غطت عيونها بطفوليه: عيب عيب
تالا طيرت عيونها: وش العيب
شهد بفس الطفوليه: حركاتكم عيب
تالا بعدت عن حضن خالد الي كان ماسكها: تقولين لنا عيب وماتشوفين ذوليك شيسوو
شهد بعدت يدها عن عيونها: بس انا ماني جنبهم انا جنبكم
تالا: برفسك رفسه تطيرك لسابع السماء
شهد ضحكت: يالقاسيه
هديل: تكفينن شهد شوفي لويا عايشه حاله حب وغيره
شهد لفت ل لويا وماتت ضحك: وش هالنظراتت لو تقتل كان قتلت احد
هديل وهي تضحك: شوفيها تناظر ذاك الي مع البنت
خالد ابتسم: اخوي طلع عنده معجبات
هديل ناظرته: اخوك؟
خالد: اي اخوي شكلك ماتدرين
هديل: لا بس ماشوفه كثير متواجد توقعته عم لكم ولا خال ولا قريبكم زي شادن وهكذا
خالد: لا ذا اخوي
هديل: تصدق حاسه اني قد شايفته بمكان بس مااتذكر وكل ماجيت اتذكر راسي يوجعني
تالا ناظرتها باستغراب: غريبه يمكن شفتيه بطفولتك
هديل حضنت نفسها: بردت اف ذول مايبون يدخلون
شهد وهي ترجف: اسحبو عليهم امشو وربي برد وصارت تركض بتدخل بس طخخ ضربت ب عبدالله وطاحت رفعت راسها بتهاوش بس سكتت ومد لها يده وساعدها تقوم وهي ترجف: وين نوافي؟
عبدالله بهدوء: مع امي
شهد: تمام ودخلت جوا ودخلو وراها هديل وتالا وهم يرجفو
ام عبدالله وهي تضحك: وش يطلعكم دامكم مو قد هالبرد
شهد وهي ترجف وتضحك: وناسه عاد ومقدر افوتها
تالا: صادقه يجنن الجو بس لو يخف المطر بيصير احلى
هديل بحماس: ونروح نجلس ونشرب تحت المطر اوهه لما كنتي ف فرنسا ف بيتنا كان فيه بلكونه كل ماجا مطر طلعت وجلست واشرب قهوتي ومع منظر المطر يوهه وكان عندي جلسه خاصه هناك ذيك المرجيحه الي تكون زي السرير
شهد باستهبال: سرير نفر واحد ولا نفرين
تالا ضحكت من سماجتها: اقول بنات وش رايكم نروح نتسوق بخاطري اروح المول
خالد: خلاص تم بوصلكم
اكتفت بانها تبتسم وراحت غرفتها وغيرت لبسها وطلعت
ام خالد: خيرر ليه طالعه وشعرك مبلول
خالد الي راح غير بسرعه وطلع مع طلعتها ناظرها باعجاب تعجبه بكل حالاتها: صادقه امي تبين تمرضين
تالا: لا محمرض ماعليكم متعوده
خالد كان بيده منشفته ينشف شعره حطها على راسها: قدامي نشفي شعرك وعن العناد
تالا نشفت شعرها باحراج لانو هذي منشفته بعد ماخلصت رفعت المنشفه عن شعرها وطاح على وجهها وصارت تبعدها وكل هذا تحت أنظار خالد المتأمله قطع عليه تأمله امه الي دقته: استح على وجهك شوي وبتاكل البنت بنظراتك
خالد بذوبان: ياامي والله انها حلوه ودي اكلها مو بس بنظراتي شوفي كيف تبعد الشعر وتنشفه وحركاتها اخ قلبي
ام خالد: تزوجو وخلاص وترا ماخفت علي حركات انك تنام عندها متعمد وهي مسكينه ع نياتها
خالد طير عيونه: وش قصدك يمه
ام خالد: قصدي انه بطل هالعاده بالاخير انت رجال وهي بنت ماشاءالله جميله اذا انا وانا حرمه كل ماشفتها ذكرت ربي كيف وانت رجال وزوجها مابتقدر تمسك نفسك عنها
خالد تنهد: صح لكن جالس احاول ومحاولاتي جالسه تنجح لكن هاليومين زي منتي شايفه هي احلوت وماقدر اقاومها غصب ابي انيمها بحضني او اكون قريب منها
ام خالد ضحكت على كلام ولدها: خلاص طيب تزوجو
خالد: ودي بس هي ماتبي
ام خالد: خلاص بكلمها ومايصير خاطرك الا طيب
خالد بفرحه: صدق يمه؟
ام خالد: ايوا صدق وناظرت للي دخلت: لا بارك الله ف ابليسكم وش فيكم ماتنشفو شعوركم
شهد وهي تضحك: عاديي ايزيي
ام خالد بعصبيه: اي من تمرضن قولي ايزي
تالا كتمت ضحكتها وشهد رجعت للغرفه واخذت منشفه وحطتها ع راسها باهمال وام خالد عطتها نظره: هذا اسمه تنشيف شعر؟
شهد: اي
ام خالد تنهدت: الله يهديك
خالد: ها جاهزين؟
شهد: اي جاهزين
هديل وهي نازله: والي برا
تالا وهي تلبس عباتها: سهله نطلع بدونهم
هديل: حرامم
شهد: خلي الحرام ينفعك امشي تالا
هديل ضحكت: تتركون رفيقة دربكم افا ماهقيتها
شهد: اوف يعني كذا بحس بتأنيب الضمير؟ امشو لا ينطو علينا
ام عبدالله: انتبهو لنفسكم حبيباتي
البنات باصوات متفرغه: حاضر،تمامم،اوكي
خالد: يلا امشو وطلعو وركبو السياره واكيد خالد وتالا قدام وشهد وهديل ورا
خالد ناظر لتالا ماكانت متحجبه ومخليه الطرحه ع اكتافها رفع نفسو وعدل لها الطرحه وصارت متحجبه زين: لو ماتغطين وجهك ع الاقل تحجبي كانت حاسه قلبها بيطلع من قربه لدرجه ماعرفت ترد واكتفت بهز راسها ومشو للمول ونزلو خالد عطا تالا بطاقه: خذي الي تبينه وماعليك حكون بالكوفي الي هنا
تالا كانت بتعترض بس راح ميلة فمها وناظرت للبطاقه الي بيدها وحطتها بشنطتها ومشت مع البقيه
شهد بغمزه: رومنسيات يعدل لك حجابك ونظرات ويعطيك بطاقته والخافي اعظم
تالا انحرجت: كليزق اف شهد
هديل: الله يرزقنا اقصد يرزقني لأنو ذي عندها نواف نسيت
شهد: اعع المنحرف
تالا بخبث: المنحرف الي تحبينه
شهد: انكتمو وبخبث: وش رأيكم ندخل ذا المحل وأشرت ع محل بجايم للمتزوجين
تالا باستغراب: لمين
هديل فهمت شهد: لك تراك مملكه وممكن ب اي وقت يتحدد الزواج خلينا نبدأ نجهز لك
تالا: بس انا مابا اتزوج الى أن يتمسك احمد
شهد بقهر: اي خليه معلق لين ياخذ من ذولي الي يدورو حوله عاد هو رجال يبي حرمه مايبي يضيع شبابه
تالا بزعل: لو يحبني ميحط عينه ع غيري
هديل: بس هي صادقه الرجال لهم صبر محدود يا انو بالحرام او بالحلال ياكثر البنات الي حوله يأخذ له وحده تملي له فراغ
شهد سحبتهم: امشو خلونا ندخل وناخذ لها كم شي دخلو غصب وتالا منحرجه ومقهوره من انو يأخذ غيرها جتهم وحده: تفضلو حبايبي
شهد تنحنحت: عندنا عروسه توها بتتزوج نبغى لها لبس وكذا
الحرمه: اي تفضلو هون في كتير اشكال للعروسات الجدد ومسكت واحد هاد بحسو بيلبق إلها كتير
شهد بإعجاب: صادقهه حتى انا احسه بيطلع جنان عليها وأخذته ودورت وأخذت كم شي وتالا تحاول توقفهاا وهي سافهتها وهديل تضحك خرجو من المحل ووجهه تالا مقلب ازرق على احمر دق رقمها قفلت بوجهه الي دق
شهد بضحكه: اوف اوف كل ذا زعل وحيا
تالا عطتها نظره ومشت وهي ماشيه طلع قدامها خالد نزلت راسها وتعدته علطول وهو مستغرب وجو شهد وهديل وهما يضحكو وقفهم: شفيها تالا
شهد: ابد احرجناها وعصبناها
خالد: وش سويتو لها
شهد: أبد تكلمنا عن زواجها وتأخيرها له ورحنا محل للبنات المتزوجات
خالد استغرب: وزعلت من كذا بس؟
هديل: الصدق في حاجه ثانيه قلناها هي الي زعلتها زعلها مو عن تاخير زواجها
خالد: ايش قلتو
شهد بضحك: مالي دخل هي الي قالته
هديل بصدمه: ياكذابه انتي بداتي وانا كملت
خالد بنفاذ صبر: وش قلتو طيب
شهد: قلنا انو كل مااخرت زواجكم انت بتمل وتصير تدور ع بنت غيرها ويمكن تتزوجها وهديل قالت انو لو مالقيت الاهتمام والي تبيه منها بتدور عليه عند غيرها وانو حولك كثير تاخذ لك وحده تملي فراغك
خالد بصدمه: حرامم عليكم عبيتو راسها علي
هديل ضحكت: حبينا نسهل لك الموضوع وشهد سمعتك لما كنت تتكلم مع امك
خالد حبس ابتسامته: امشو امشو لا يصير لها شي وهي لوحدها مشو كلهم ولقوها واقفه عند السياره شهد ناظرتها بصدمه: خير وش موقفك هنا
تالا بصوت خفيف وماتطالع خالد: بنرجع البيت
هديل بصدمه وضحكه: ليشش ماخذنا شي
تالا: احسن يلا نروح خالد ابتسم وفك الباب ودخلت وهوا دخل وشهد وهديل دخلو وهم يضحكو بصدمه ووصلو للمزرعه ونزلت تالا اول وحده ودخلت شهد بقهر: خير البزر زعلت ورجعتنا عشان تردها
هديل ضحكت: عاد الي قلناه مو قليل هذا وهي تو تبدأ تعترف بمشاعرها
خالد بتركيز: مشاعر ايش
هديل توهقت وشهد انقذتها: مالك دخل ونزلو وخالد يفكر بالي قالوه ومبسوط لانو زعلها من الموضوع يثبت أنها تغار دخل للمزرعه وراح للمكان الي متجمعين فيه وماكانت موجوده جلس عند الشباب
حسين بقهر: تطلعو وتتركونا اجل هاا
خالد ابتسم: كنتو عايشين قصص حب ماحبينا نخرب عليكم
لويا بقهر: وانا كنت لوحدي مسكينه تركتوني
شهد: شفناك مشغوله بتمخيخ الناس قلنا نتركك تاخذي راحتك
لويا مدت بوزها وسكتت
عند تالا
كانت تفكر بالي قالوه البنات ومتضايقه جلست ع السرير وهي مخططه تكلم ام خالد وجدها وتقول لهم يحددو الزواج دخلت ام خالد عندها: سلام عليكم
تالا فزت: وعليكم السلام هلا عمتي كنت بجيك الحين
ام خالد وهي تجلس وتجلسها: ماعليه جيتك انا
تالا جلست: وش بغيتي
ام خالد: انا يابنتي جيت اكلمك على زواجكم انتي وخالد
تالا ابتسمت: وانا كنت جايه اكلمك بالموضوع
ام خالد بفرحه بانت بعيونها: ها يايمه وش كنت بتقولين عن الموضوع
تالا باحراج: كنت بقول انو تحددو الزواج خلاص وبحجز الفستان والكوفيره واخذ بس الاشياء المهمه والباقي اكمله بعد الزواج
ام خالد قامت بفرحه: هذي الساعه المباركه الحين ببشرهم
تالا وقفتها: بس ياعمتي مابي زواج كبير وحوسه ابغاه بالمزرعه هنا وماينعزمو الا الاهل
ام خالد: الي يريحك يابنتي يصير الحين ببشر جدك وابو خالد وخالد وعمانك وعماتك تالا كانت بتطلع معاها بس حست انو بيصير احراج ف كنسلت وانسدحت بسريرها وهي تفكر بالقرار الي اخذته
عند ام خالد طلعت والفرحه مو سايعتها
ابو خالد باستهبال: علامك ياام خالد البسمه شاقه وجهك وكأن مرت ولدك حامل
ام خالد بفرحه: قريب بإذن الله تالا قالتلي نحدد الزواج خلاص
خالد ناظرها بصدمه: منجدك يمه؟
ام خالد بابتسامه: اي صدق تو مكلمتني وقالت بتحجز الفستان والكوفيره ألحين وتأخذ بس الاشياء المهمه والباقي تكمله بعدين وقالت ماتبي زواج كبير بنسويه بالمزرعة ومابنعزم الا الاهل
خالد حس بفرحه مو شايلته حس انه وده يطيرر راح لامه وباس راسها ويدينها وخدودها: الله يسعدك يايمه كثر ماسعدتيني بهالخبر
وبعد التباريك
شهد بضحكه: المفروض لنا نصيب من الدعاوي الحلوه هذي بالاخير الفضل يرجع لنا بعد الله طبعا
خالد لف عليهم بفرحه: ياشيخه اطلبو الي تبونه وتبشرون والله ان يجيكم
شهد ضحكت: ابد والله بس ادعي لنا
هديل: اي والله مانبي غير الدعاء
خالد: الله يوفقكم ويحقق لكم مبتغاكم صدق ماراح انسى هالمعروف الي سويتوه
ام خالد باستغراب: شسوو اصلا استغربت انها تكلمت من نفسها
شهد ماتت ضحك وهديل قالت لهم الي سووه
ام عبدالله: ياويلي على بنتي جننتوها
ام خالد ضحكت: عاد مانفع معاها الا هالطريقه
ام عبدالله ضحكت: اي ماعرفنا لها
الجد قاطعهم: طيب تبوني احدد الزواج ولا تحددونه انتو ي ام خالد وخالد؟
خالد بحماس: يبه شرايك بعد اسبوع بمأ انه ماتبي اشياء كثيره هي
ام خالد طيرت عيونها: خير يالمفشوح
شهد بصدمه: صدق مفشوح
خالد ضحك: شدعوه
الجد: وهو صادق مالها داعي نطولها والبنت جهزت وقررت كل شي ودام ماهو زواج ياكبره نقدر نخلص باسبوع واقل كمان
هاجر بصدمه: مومنجدكمم
لويا لا تقل عنهم: وحنا متى يمدي نجهز
الجد بضحكه: على اساس انتو العروسه كله فستان وكعب وتحجزو كوفيره وتزين البيت سهل امره بجيب عمال يزينو البيت وانتهى
شوق: صح جدي صادق مايبي لها نطولها وهي قصيره وتغير رايها
لويا: اي وربي ذي مزاجيه درجه اولى ماعندها مشكله تغير رايها
شهد: اقتنعت
خالد قام: بروح ابشر العيال واكلم العمال يبدأون يجهزون
لويا بهمس للبنات: نصاب اقص ايدي اذا ماكان رايح لغرفتها
شهد بضحكه: خليه خليه يعبر عن فرحته
شوق بحلمانيه: دحين بيىزح لها ويدخل ويشيلها ويدور فيها وهي تضحك وينزلها ويحضنها و..
قاطعتها هديل بضربه على كتفها: تحسبين تالا خفيفه مثلك بتطرده هذا لو كانت صاحيه اصلا
شوق بوزت وتحسست مكان الكف: اف يكلبه يوجع
لويا: يايي يوجع اقول عن الدلع
شهد ضحكت من قلبها: اطفاالل
لويا: وانتي بطلي ضحك وع وع
هديل بصدمه: هذي مين مزعلهاا
شهد وهي تضحك: نسيتي المنظر الي كان بالصبح
هديل وهي تتذكر: اي منظر
شهد وهي تغمز: ذاك تحت المطر
هديل تذكرت: اوههه
شهد: ايواا ذا الي زعلها
هديل صارت تضحك مع شهد وشوق مستغربه ولويا معصبه
عند خالد الي صدق راح غرفه تالا وعلى حظه كانت نايمه دخل الغرفه وسكر الباب وبتافاف: ياليلل حظي وهيا مالقت تنام الا بذا الوقت قرب جنبها وجلس على ركبته جنب السرير وقدام وجهها ابتسم وبعد خصلات الشعر المتناثرة على وجهها وتنهد: متى يحن قلبك علي وترحميني رفع يده لشعرها وصار يمسح فيه: يارب انك تقدرني اسعدها واعوضها عن كل مُر مرت فيه قرب لها وباس راسها وقام طلع يكلم العيال والعملل زي ماقال
عند تالا كانت صاحيه بس مسويه نفسها نايمه عدلت سدحتها وانسدحت ع بطنها وحضنت المخده وهي مبتسمه: جعلني اسعدهه يارب تحلى قرار اخذته كانت مبسوطه لدرجه ودها تروح وتحضنه بس مسويه ثقيله ورجعت تغمض عيونها لعل وعسى ترجع تنام
خلونا نختصر هالاسبوع ماصار فيه أي أحداث البنات انشغلو بتجهيز تالا وأنفسهم والعنايه وماصارو يشوفون العيال والعيال انشغلو بتجهيز المزرعه وتنظيم والحجوزات ومايخلى عن ترتيبهم لانفسهم
خلونا نجي ليوم زواج تالا=خالد
البنات صحو من صباح الله خير وشيكو ع تجهيزات وعلطول راحو للمشغل يجهزون أنفسهم وعالعصر وصلو المزرعه يأشرفو ع البوفيه ويستقبلو المعازيم الي بداو يجون وذي الاشياء
هاجر بتعب: افف تعبت يبناتت
هديل: هذا وباقي تونا بالعصر كيف لو جا المغرب
شهد وهي تركض: يبنات قلتو للكوفيره تتواجد هنا عالساعه ٥ عشان تعدل لنا؟
لويا بطفش: ياحبكم للمبالغه الحين كلنا جاهزين وش له الكوفيره الثانيه وتعديل اف
شهد طنشتها: الي فاضيه تدق عليها وتتأكد انا بروح الجهه الثانيه حقت الرجال اتأكد اذا كل شي جاهز وبرجع
هاجر وهي تضحك: كأنها ام العروس
هديل: الحمدلله ان تالا عندها صحبه زي شهد
هاجر بمزح: الحمدلله انها صحبتنا كلنا
هديل ابتسمت: صادقه ماتخلي شي ينقص مننا
لويا بملل: بدال درامتكم هذي دقو ع الكوفيره لا تجي تاكلكم
هديل ضحكت: اي والله ووحده فيكم تروح تشيك ع الضيوف والثانيه ع الدي جي وانتشرو البنات
يلا بحاول قد مااقدر اني اوصف لكم فساتينهم لانو مالي خلق ادور فساتين واحطها
هديل كانت لابسه فستان ناعم لاابعد درجه ولايق لملامحها ماسك من عند الصدر لين الخصر ومن تحت منسدل بشكل لطيف بدون اكمام لونه ازرق سماوي وشعرها مسويتو ويفي وفاتحته ومظفرته من جنب بشكل لطيف ومسويه مكياج ناعم
هاجر لابسه فستان اسود ماسك طويل ومن عند الساق اليمنى مفتوح باكمام بيدها اليسار ويدها اليمنى بدون اكمام ورافعه شعرها بشكل فخم ومنزله خصلات من قدام ومن ورا وصار كانها رابطته باهمال وبشكل فخم وحاطه مكياج خفيف وناعم بنفس الوقت مبرز ملامحها الطفوليه
شوق لابسه فستان ابيض طوويل وماسك وبدون اكمام ومطلعها فنانه ومسويه شعرها ستريت ومرجعه شعرها الي قدام على ورا ومطلعه خصلات بسرطه بس ومكياجها هادئ
شهد
كانت لابسه فستان بنك غامق مفتوح من عند الساق وطويل وباكمام طويله وماسك من عند الصدر لين الخصر ومن تحت طالع كانو مموج مطلع تفاصيل جسمها ومخليها جذابه وشعرها خلته ويفي ع الخفيف وخلتو مفتوح بس مرجعه شعرها الي قدام لورا ومطلعه خصلات(قريبه لتسريحة شوق بس تسريحتها انعم) مسويه مكياج ناعم ويبرز ملامحها الجميله
بكذا انتهينا ف وصفهم
عند شهد ب جهه الرجال كانت تشوف الترتيب والي ناقص والي زايد وتكلم العاملات وتقول لهم شيسوون
دخل من الباب وهو مستعجل: اوفف متاخر يارب محد وصل وكان يركض وهو يطالع بجواله بيتصل باحد بس طاح جواله وصدم بالبنت الي قدامه وكانت بتطيح لكنه مسكها وماقدر يتوازن وطاحو ثنينهم وصار فوقها: اا.. انقطع كلامه وانفاسه والي حوله حس انه مو قادر يتنفس وهو يطالعها وهما قريبين لوجيهه بعض كذا ماقدر ينطق بحرف
شهد بعصبيه دفته: اعمى انت خبل ماتشوف!!"وبغبنه" افف عبدالله شوف الحين تسريحتي انعدمت
عبدالله بتعلثم وتوتر: ا.ن.ا اس.ف اخذ نفس طويل وزفره' لا جد اسف ماكنت منتبه كنت خايف احد وصل قبلي وكنت بتصل ع العيال وماناظرت قدامي
شهد بنرفزه: زينن دامك جيت شةف ايش الي ناقص وكلم العاملات عالباقي انا رايحه لا يجي احد
عبدالله يبي يتكلم يبي يعصب زي كل مره ترفع صوته عليه بس حس انه مو قادر ورد عليها بهدوء: تمام روحي راحت وهيا مستغربه هدوئه بالعاده يرفع صوته اذا رفعت صوتها تنهدت: يارب ان الكوفيره وصلت عشان تعدل لي التسريحه ناظرت باطن يدها كان ينزف تنهدت: اف وانا من قالي استند ع باطن يدي كان طحت وخلاص، لا ااذا ماستندت ع يدي كان الفستان انشق او انعدم وذبحته تنهدت مره ثانيه ودخلت عند البنات شافت انو بدأو المعازيم يوصلو راحت عند هديل: ها بشري قولي ان الكوفيره وصلت
هديل طالعتها: اشبه شعرك خرب ويدك تنزف
شهد بضيق: اسكتي والي يرحم والديك وصلت الكوفيره لا
هديل باستغراب: ايوا بغرفه التجهيز حقنا موجوده
شهد مشت لغرفه التجيهز ورجعت عدلت تسريحتها وخلتها انعم من قبل وعدلت الميكب وحطت لاصق جروح ع يدها بعد ماعقمتها
عند هديل
جتها هاجر وهي مستغربه: اشبها
هديل رفعت كتوفها: والله مدري جت وشعرها حايس ويدها تنزف وسالت عن الكوفيره وراحت
هاجر: تلقينها طاحت وهي تركض
هديل بحماس: الحين بتدخل العروسه ع غرفتها تعالي نشوفها وراحو سحبو معاهم لويا لغرفه العروسه وكانت تالا قدها وصلت وكانت ملكه جمال مااقدر اوصفها لكن كانت جميله جميله بمعنى الكلمه هديل فتحت عيونها بصدمه: بسم الله ماشاءالله تبارك الرحمن لا اله الا الله سبحان الخالق
هاجر لا تقل عنها: ماشاءالله تالا خفت عليكِ
لويا بفخر: هذي صحبتي اكيد ماخذه من جمالي اشبكم منصدمين
هاجر باستهبال: الله يعين خالد اليوم الله يرحمه
تالا بتوتر وتفرك يدينها ببعض وطنشت كلام هاجر: جد حلوه؟
هديل وهي تسمي قربت عليها وحصنتها: الله يحميكِ تجنننين
تالا بتوتر لكنها فرحت بوجودهم: الله لا يحرمني منكم
دخلت شهد باستهبال: هلا هلا بالعروسه الحلوه ماشاءالله تبارك الرحمن الله يحميك ويحفظك وش هالحلاوه اسم الله لو عندي ولد كان خطبتك له
تالا ضحكت وحست بالطمأنينة: عندك نواف الصغير تخطبيني له
شهد بنفس الاستهبال: لا نواف حجز بنتك مو انتي اخاف اخطبك لنواف يذبحني خالد
تالا ضحكت وهي تحس التوتر خف وباعجاب: شهد طالعه خقهه
شهد بغرور: اكيد مو انا اخت العروس
لويا بقهر: وحنا صارلنا ساعه نمدح ماقلتي ولا كلمه لنا جت شهد غطت علينا يعني
هديل بمقاطعه: لوسمحتي انا وشوق الي مدحنا انتي مدحتي نفسك
تالا بحب لهم: كلكم طالعين تخققونن
شهد باستهبال: بس انا غيرر
تالا ضحكت وشهد قربت لها وحصنتها: حصني نفسك بعد وانا بروح اشيك تحت وراجعه لك، لااا ليه الدموع الحينن
تالا دمعت عيونها: الله يخليكم لي كنت متوقعه بيوم زواجي بكون وحيده لا ام ولا اب ولا اخ لكن انتو سديتو هالفراغ معرف كيف اعبر لكم عن فرحتي
شهد مسحت دموع تالا: بتخربي الميكب يالبكايه بعدين لو ما وقفت معك اوقف مع مين ياليلل بكو البكايات الباقين
هديل ضحكت وهي تطالع لويا الي تمسح دموعها ويرجعو ينزلو وشوق تشاهق: الحمدلله اننا خلصنا مثبت المكياج بوجيهنا ولا كأنو قلبو مهرجين
لويا ضربت كتف هديل: مين قال اني ابكي بس دخل بعيني حاجه ودمعت
شهد ضحكت: الا الكرامه يلا عاد بدون بكي انزلو قدامي نرقص ونهيص ونجيب اكل ونجي نبلع مع تالا
تالا: لا مالي نفس كلو وتعالولي
شهد مسكت خدودها: حياتي الي مالو نفسو دخيلوو القمر
هديل وهي تضحك: قلبتيها بزر امشي بس نزلو تحت ورقصو لين قالو بس واكلو شوي ورجعو عند تالا وطردتهم ام خالد بس تالا قالت خلي شهد عندي ووافقت
تالا بتوتر: شهد خايفه
شهد وهي تهديها: مافي شي يخوف اهدي كله توتر ماعليكِ
تالا وهي تفرك يدينها ببعض: مدري مدري
دخلت ام خالد وبحنيه: حبيبتي الحين بيزفونك ام عبدالله وشهد وبعدها ينزف خالد وتتصورو وتطلعو للفندق
شهد قامت وتالا معاها ومسكت يدها وضغطت عليها عشان تطمنها وتالا ابتسمت لها بتوتر وزفوها على انغام هادئه وراحو جنب الكوشه اللطيفه الي اختارها خالد وصممها بالمكان مع انها كانت رافضه جلست فيها بتوتر وشهد وام عبدالله بعدو وبعدها انزف خالد وعينه عليه ويسمي بداخله ويذكر الله ماقدر يشيل عيونه منها وصل عندها وهيا وقفت باس جبينها وطول ف البوسه وبعد عنها وذكر الله وحصنها بينه وبين نفسه وبهمس: اللهم اني استودعتك ياها من كل عين ومن كل شر نزلت راسها باحراج ومسك يدها وهوا مبتسم ويطالعها جلسو: مبروك
تالا بهمس يالله ينسمع: الله يبارك فيك مبروك لك بعد اكتفى بانه يبتسم لها ابتسامه حلوه وهي ابتسمت بتوتر وحيا وجو يباركون لهم وبعد التباريك دخلو غرفه التصوير اخذت نفس وزفرته
خالد كان مبتسم وهوا يطالعها: لهدرجه متوتره
تالا بتوتر وحيا مختلط اول مره تحسه وهوا معاها ومهي قادره تتكلم جتهم المصوره: بسم الله ماشاءالله ئمر ئمر
تالا ابتسمت لها: شكرا
المصوره: هللأ بنبدأ تصوير عندكو إقتراحات ولا اقولكم من عندي
تالا سكتت خالد جاوب: بكيفك
المصوره بابتسامه: ئرب الها وحط ايديك ع خصرها وانتي حطي ايديكِ ع رئبتو خالد قرب لها وحاوط خصرخا بيدينه وهوا حاسس برجفتها وهيا بدورها حطت يدينها ع رقبتو وتتحاشى تناظره
المصوره: هلأ طالعو بعيون بعض وإنتا استاذ ئرب إلها اكتر وميل راسك وكأنك بتبوسها
تالا انصدمت: لاا
خالد سوا الي قالته المصوره وجس برجفتها وقعدت تشتت عيونها وكان حاسس بنبضات قلبها لانو كان مايفصل بينهم شي
المصوره بانزعاج: انستي ناظريه
تالا أنجبرت تنتدره وتشك صورتهم: هلأ بدي تلفي وإنتا تحضنها من ورا وتئرب راسك من رقبتها سوا الي قالته وتالا بنفسها تقول ياارض انشقي وابلعيني وكانت مغمضه عيونها وتشك ثورتهم: كتيرر لزيزين
خالد بعد عن تالا بابتسامه وهوا مبسوط: خلاص كذا ولا في زياده
تالا نطت: لا يكفي ثنين
خالد حبس ضحكته: خلاص بنادي امي ونادى امه وجلسو يصورو معاها ودخلت ام عبدالله وام نايف وتصورو وبعدها طلع هو ودخلو البنات وتصورو معاها
وجا وقت الروحه البنات كلهم صارو يبكون الا شهد والامهلت يدمعو وتالا مو اقل منهم ركبت السياره وكملت صياح
خالد بضيق: خلاص تالا والله بنرجع لهم لا تعورين قلبي
تالا بشهقات: كنت ابي امي وابوي معاي ذا اليوم
خالد قلبه عوره ووقف وتقدم عندها وحضنها: انا امك وانا ابوك وانا اخوك وانا سندك وكل الي تبينه بس دموعك لا ينزلو
تالا تمسكت فيه ووقفت بكي وهدأت: خلاص وقفتنا بالشارع غلط
خالد ابتسم وبعد عنها ورجع يسوق: فدا دامه لك
تالا اكتفت بابتسامه خفيفه ووصلوا الفندق ساعدها تنزل بسبب الفستان ودخلو جناحهم وهنا بدأت تتوتر اكثر: ااء شنطتي وصلت؟
خالد: أيوا شنطه وحده وصلت
تالا بتوتر: بروح اغير الفستان وامسح الميكب
خالد هز راسه: تمام وانا بعد بغير هنا بالصاله انتي ادخلي الغرفه
تالا دخلت الغرفه بتوتر جلست ع السرير واخذت نفس وزفرته وعادت الحركه أكثر من مرا وقامت لشنطتها فكتها وانصدمت: ايشش داا وجلست تدور وتدور نزلو دموعها: هذي حركات لويا وشوق وربيي بكت بقهر: كيف البس ذا اللبس قدامه الله لايلعنكم
جلست تبكي بقهر لمده ساعه ودق الباب خالد بخوف: فيك شي تالا؟ تراني بدخل
تالا بصوت مبحوح من البكي: مافيني شي بغير وبجي واخذت استر قميص نوم لقته مع انو ماكان ساتر وراحت الحمام شالت المكياج واخذت شور ولبسته وهي تناظر لنفسها بالمرايخ بقهر: افف ياربيي وش اسوي اخذت نفس وزفرته: خلاص تالا هو زوجك وعادي الموضوع غسلت وجهها اكثر من مرا لعل وعسى ينخفي اثار البكاء لان ماكان لها خلق تسوي شي بوجهها حطت من كريماتها ولوشناتها وطلعت له وهي منحرجه قام: تاخ... ضاعت الحروف لما شاف شكلها وسكت وقعد يتأملها وهي وقفت مكانها ماتدري ترجع للغرفه ولا تكمل لعنده حست انها بتبكي بس مسكت نفسها قرب لها وبهدوء: طالعه تجنننين
تالا انحرجت اكثر ونزلت راسها وتناثر شعرها مسك ذقنها ورفع راسها وباس جبينها: الله يحميكِ
تالا ماتحملت وبكت وخالد خاف عليها: بسم الله عليكِ شفيك قلت شي غلط؟؟
تالا ببكي هزت راسها ب لا وهي تشاهق: لويا وشوق الكلبات حطو لي ذا اللبس الفاسق
ماحكيكم عن خالد الي خوفه تبدل لضحكه مكتومه وبحنيه: ليه ماعجبك؟
تالا هزت راسها بقهر: لااا ماعمري طلعت زي كذا قدام احد بس ماعندي لبس ثاني
خالد ابتسم وهو ماسك ضحكته: طبب انا مو اي حد انا زوجك
تالا بكت زياده: ماابيي
خالد حضنها: ولا يهمك مابطالع فيكِ ولا بسوي لك شي وش قلت انا الا دموعك
تالا تمسكت فيه: وعد؟
خالد شد عليها: وعد
تالا ببراءه: تحس رجولي ماتشيلني تعبانه من الكعب
خالد شالها بخفه: ولا يهمك الاميره تالا موجود خالد لخدمتك دايم
تالا ابتسمت له بحب وحطت راسها ع صدره ماتبي يكشفها ما خفت هالابتسامه على خالد وكان من داخله مبسوط ولو بيده وزع الوناسه الي فيه على كل الكوكب سدحها عالسرير: ماتبين تاكلين؟ سمعت انك مو ماكله من امس
تالا: ماكنت مشتهيه
خالد: بجيب الاكل هنا وبناكل مع بعض تمام؟
تالا ابتسمت: تمام
خالد راح طلب لهم اكل ووصل خلال ساعه وصارو ياكلو وخلصو وشال الاكل ووداه المطبخ ورجع وجلس يسولف يحاول يكسر الحاجز الي بينهم لكن دق جواله رد وهو مبتسم: الوه تلاشت ابتسامته: كيفف وشلونن ومتى وطاح منه الجوال وتالا خافت واخذت الجوال بيد ترجف: الوو ش.شصاير
..: صاحب الرقم انصاب وهوا بين الحياه والموت وكانت معاه بنت وهيا بالعنايه المركزه حنا اتصلنا ع اهل البنت لكن مالقينا شي بجوال الولد اخر رقم اتصل به ذا الرقم طالعت بالرقم ولقته رقم نواف حست جسمها كله تخدر
خلونا نرجع ل بعد ماطلعو تالا وخالد من المزرعه..
عند شهد
طبعا كلهم غيرو من فساتينهم لفساتين هادئه وناعمه وفستان شهد كان شووي عاري من الاكتاف ف حطت شال ع أكتافها جتها شادن: ممكن نتكلم
شهد بحسن نيه: ايوا اكيد
شادن: تعالي معاي وراحو جنب باب الشارع وشادن ناظرتها باستحقار: وش يعني لو لبستي لبس فاسق بتغرين نواف ولا عبدالله؟ انتي ماعندك كرامه تتنقلي بين الاصحاب!!
شهد عصبت: نعم اخت شادن تحسبيني مثلك *** كل يوم رجال احترمي نفسك ولاعاد اسمع لك حس لاافضحك عند العيله كلها تراني ساكته عن حركاتك انتي وليلى لا تحسبيني غافله عنكم وهذاني حذرتك
شادن سوت نفسها تبكي: انتي ماتستحين تقولين عن شخص يحبك ذا الكلام ماتخافين ع مشاعره
شهد باستغراب: وش
شادن تكمل بكاء بتمثيل: اي انتي قلتي ان انتي ماتحبين نواف وتحبين عبدالله بس تبين تلعبي ع نواف فتره
شهد ناظرتها بصدمه وجت بتتكلم بس قاطعها الي مسك كتوفها بقوه: وبعصبيه: هالكلام صح ياشهد
شهد ناظرته بصدمه: تصدق كلام هالحقيره؟؟
نواف وهو يهزها: تكلمي قولي الكلام الي سمعته صح ولاا
شهد تجمعت الدموع بعيونها بس قوت نفسها ودفته: انقلع لااشوفك تقرب ولا تكلمني ثاني ومشت بضياع وهي حاسه بكتمه بصدرها وحاسه قلبها يتقطع
طلعت هديل بعصبيه: نواف انت غبيي
نواف مسك راسه واكتفى بالسكوت
هديل بعصبيه مسكت شادن الي كانت بتركض من شعرها: تكلمي يا*** تكلمي لااوديك اطلع بلاويك قدام الكل وافضحك وتراني اسويها يلاا
شادن وهي ترجف: و.و.ش
هديل بعصبيه شدت شعرها أكثر: تكلمي لا اقسم بالله اروح قدام العيله كلها تفضحك واشرشحك
نواف: هديل اتركيها!
شادن تبي تتمسك فيه وبكت: نواف تكفىى فكني منها
هديل شدت يدها ع شعرها وفكت جوالها وورت مقطع لشادن: ها بتتكلمي ولا اعرضه بالشاشه الكبيره الي جوا؟
شادن قمطت: لا بتكلم وناظرت نواف: كل الي قلته كذب بس كنت مقهوره وشفتك جاي فلت انتقم منها
نواف ناظرها بصدمه وركض من الجهه الي ركضت فيه شهد وهديل تركت شادن بقرف وركضت ورا نواف واخيرا وصلو لمكان شهد وكانت جالسه بالارض وحاطه يدها ع صدرها هديل خافت ووصلت قبل نواف: بسم الله شهد خذي نفس
شهد بصوت متقطع: م.ق.د.ر طلعت منها اهه لاارادي: ب.ب.م.و.تت
وصل نواف: وجا يطق خدها: شهد شهد
شهد وهي تحاول تبعده: ب.ع.د
هديل بخوف: مو قادره تتنفس وش نسوي
نواف: اتصلي ع الاسعاف بسرعه وجا بيسوي لها تنفس اصطناعي بس لفت وجهها: ه.د.ي.ل
هديل اتصلت ع الاسعاف بسرعه ولفت لوجهه شهد بخوف وهي تشوفه يقلب ازرق بكت: نواف تصرف تكفى
نواف مسك ووجهها بين يديه غصب وسوا لها تنفس اصطناعي اكثر من مرا لين حس نفسها بدا ينتضم تنفس براحه: رجع لها النفس
شهد اكتفت انها تعطيه نظره اسنحقار وحاولت تقوم بتعب وسندها نواف ودفته وطاحت ع هديل وهديل متضايقه من الوضع لكن نواف يستاهل: تعالي بساعدك الاسعاف بيجي بعد شوي
وقفت سياره سودا كبيره عندهم ونزل منها ٤اشخاص مسلحين هديل خافت ع شهد وتمسكت فيها: مين انتو
الشخص١ وجهه السلاح ل هديل: ابعدي عنها بسرعه
نواف جا بيركض لهم بس طلق عليه رصاصه بكتفه ورجع وجهها لهديل: انا احذرك الدور عليك اتركيها
نواف بصراخ وهو يتألم: ابعدوز عنهمم ياحقراء
الرجال الثاني قرب ل نواف وضربه ابره وطاح ع الارض واغمى عليه والي معاه السلاح: سلميها لايصير لك اسوء منه
هديل ببكي وهي تناظر نواف وتمسكت ب شهد أكثر: ب احلامكمم
شهد وهي بين الوعي ولااوعي: اتركيني هديل روحي عند نواف
عديل بانهيار: مستحيلل جو ٣عندهم وفكو شهد عن هديل بالقوه وركبوها السياره وهديل وقفت قدام السياره ماهتمو وصدموها ومشو ووصل الاسعاف ولقاهم واخذوهم المستشفى وهم مفجوعين
"هذا الي صار"
كل الي جاء ببال تالا انو شهد ونواف الي بالمستشفى وصارت تبكي وخالد صحى من صدمته على بكائها حضنها: حبيبتي اهدي اذا هم بالمستشفى اكيد بينقذوهم خلاص ياروحي اهدي عشان اتصل ع الاهل ونروح حنا كمان
تالا تمسكت ب خالد وصارت تبكي اكثر وهي تتخيل انها تفقد شهد وخالد متضايق وتضايق اكثر من وضعها شدها له اكثر لين حس انها هدأت اخذ الجوال واتصل ع عبدالله ورد عليه وصوته مليان ضيقه: الوو
خالد بضيقه: ها عبدالله وصل لك الخبر؟
عبدالله تنهد: ايوا اتصلو عليا من المستشفى وقالو نواف وهديل بالمستشفى
خالد بصدمه: وشوو
تالت نقزها قلبها وفزت وهي تناظره
عبدالله وهو يكمل: اهدى الحمدلله نواف تخطئ مرحله الخطر بس يبيله يجلس تحت المراقبه ٤٨ساعه لان يقولو بجسمه ماده ماندري وش هي اما هديل ف الحمدلله تخطت الخطر وهيا بغرفه خاصه وجاها كسر برجلها ويدها وجرح برأسها ويقولو لازم تجلس تحت المراقبه لين تصحى ويشوفو اذا في اضرار ثانيه
خالد بضيق: طيب احنا جاين
عبدالله بتحذير: ياويلكم تجون جدي بيزعل خلوكم هذا انا طمنتكم
تالا هزت خالد وهي تدمع: خالد وش صار
خالد تأملها: ماصار شي البنت والولد طلعو نواف وهديل تالا شهقت وخالد يكمل: الحمدلله هما بخير بس نواف لازم يجلس تحت المراقبه ٤٨ساعه يعني يومين بالكثير وهديل بينتظرو انها تصحى ويسوو لها فحوصات ويشوفو ايش الاضرار الثانيه
تالا بقلبها حمدت ربها انو مو شهد: الحمدلله ع سلامتهم، وبضيق لأنها عارفه حب شهد لنواف: ايش حاله شهد اكيد منهاره
خالد باستغراب: ماجاب طاريها عبدالله
تالا نقزها قلبها: مستحيل انها درت إذا كذا
خالد حضنها: ماعليكِ ان شاء الله أنو كلهم بخير استودعيهم ربك
تالا بادلته الحضن وهي ساكته وهو شدها له: ننام؟
تالا بقلق: مابنروح لهم؟
خالد انسدح وتالا بحضنه وغمض عيونه: لا لو نروح مابيدخلونا اصلا وغير كذا جدي محرص اننا مانعرف شي
تالا اكتفت بالسكوت وهي حاسه ان شهد فيها شي دفنت راسها بحضن خالد وهوا حاس انها بحاجته حضنها اكثر وكأنه يطمنها وهي ارتاحت
صباحح يوم جديد
بطلتنا المفقوده فتحت عيونها ببطئ وهي تحس بالدوخه: انا وين ناظرت حولينها وتنهدت: مره ثانيه جت بتقوم بس حست في شي بيدها ناظرت يدها ولقت مغذي بيدها فكته بقوه ونزل دم من يدها وماهتمت تذكرت نواف واخر شي تتذكره وهم يشيلونها بالقوه عن هديل وبعدها اغمى عليها دارت بالغرفه الي هي فيه: ياربي احميهم ياربي احفظهم مابي يصير شي لهم بسببي يااللهه
وجت بتطلع بس شدها كلام الي برا
..: ابيها حيه الى ان اسوي الي ابيه وبعدها نوديها لابوي عايشه او ميته لين وقتها اكتمو ع الموضوع
الشخص الاخر: حاضر طال عمرك أوامر ثانيه؟
..بخبث: وصل الي طلبته امس؟
الشخص الاخر: نعم سيدي ووصلت ايضًا امرأه ان كنت تريد ان تساعدها بهذه الاشياء
ضحك ضحكه مليانه شر وقذاره: طيب تقدر تروح وقول لها تطلع هنا هي والاغراض
الشخص الاخر: حاضر طال عمرك اؤامر ثانيه؟.
..: لا
شهد ارتجفت بداخلها: مين هذا حسته بيدخل دخلت ورا الباب وهوا فتح الباب جت من وراه وضربته ومسكت يدينه ولوتهن وسدحته ع الارض وبقرف: ممدوح؟ انت ماتتوب
ممدوح بابتسامه قذره: هلا بالحلوه اخيرا صحيتي
شهد بقرف: افف ماعندك كرامه انت
ممدوح: لا لين يصير الي براسي
شهد بعدت عنه: ف احلامك هذا
ممدوح بخبث: الا ملابسك حلوه ماقلتلك
شهد ناظرت لبسها كانت لابسه نفس فستان امس وفوقها صار شةي مشقوق حضنت نبسها وبنرفزه: شيل عينك ياحثاله
ممدوح جلس يتفحصها بنظراته المقرفه ودخلت بنت وتوترت: اا سيدي
ممدوح التفت لها: انتي الخبيره الي طلبتها؟
شهد طالعتهم ببرود ولاحظت توتر البنت: ايوا انا هي ممكن ادخل
ممدوح بوقاحه: اي ادخلي لااوصيك زبطيها تزبيط هي من غير تزبيط تهبل شلون مع التزبيط صاروخ شهد عطته نظره خلته يخاف بس سوا نفسه مو مهتم: يلا انا خارج الحين اذا خلصت عطي الحراس خبر وبجي نتعشى مع بعض تمام ياحبي
شهد ناظرته باستهزاء واستنت لين خرج والبنت قفلت الباب وركضت لها: انتي بخير صار لك اي اصابه سوا لك شي الحقير؟
شهد بهدوء: لا
البنت تنهدت براحه: جبت لك لبس غيري واطلعي من النافذه والسواق ينتظرك هناك نفس السواق الي اخذك انتي ونواف ذاك اليوم
شهد: انا شفتك بمكان
البنت: ايوا انا اخت سامي وكنت عند نوره لما جيتي وهيا فهمتني وكنت مراقبه تحركات خالك وممدوح وتحركاتك واول ما شفته خطفك علطول جيت لهنا عشان اخرجك
شهد بعصبيه: تدرين انو هذي خطر ع حياتك كيف تجينن؟؟
البنت بحزن: مابي ولد اخوي يصير يتيم للمره ال٣
شهد شهقت: نوره ماقدرت تنطق الكلمه خنقتها العبره والبنت نزلت دمعتها: ايوا قتلها ابوها
شهد بقهر: الله لا يوفقه
البنت: ماعندنا وقت انتي اطلعي وانا بتصرف
شهد بعصبيه اخذت اللبس وغيرت لبسها وربطت شغرها وجت جنب البنت: امشي معاي
البنت باستغراب: وين
شهد: بنطلع مع بعض والا والله مااطلع من هنا
البنت بضحكه حزينه: قالت لي نوره انك عنيده بس الحين تأكدت
شهد بحزن: الله يرحمها امشي يلا وطلعو بصعوبه وركبو السايق وشهد تضحك والبنت متوتره: اسمعي
شهد بفرحه: هلا
البنت بتوتر: البنت والولد الي كانو معك
شهد راحت الابتسامه وهي تتذكر الي صار لنواف وخافت: اذكر الولد تصاوب بالرصاص وضربوه بابره تكفينن لا تقولين صار شي لهديل بعد
البنت بتوتر وخوف من رده فعلها: ضربوها بالسياره وهربو
شهد بخوف: وكيف حالتهم
البنت تنهدت: البنت حالتها مستقره لكن للحين ماصحت والولد مانقدر نحدد حالته الين تمر ٤٨ساعه
شهد بدها ع قلبها: ودوني للمستشفى الي هم فيها
البنت: شهد هذا خطر لو عرف ممدوح انك هربتي بيدور عند نواف
شهد بقهر: باقتله خله يجي هوا وكلابه
وقفو عند المستشفى: انتبهي لنفسك البنت ابتسمت لها وشهد. بادلتها الابتسامه ونزلت للمستشفى وهي متوتره دخلت وسالت عن نواف وقالو لها وراحت تركض لغرفته وكانت الزيارة ممنوعه وقفت قدام الزجاج ودموعها نزلو لاارادي وصارو شلال دموع مر الدكتور المسؤول عن حالته ورحمها: اذا تبين تدخلين عنده بدخلك بس بدون ازعاج
شهد ناظرته بتوسل: اي تكفى دخلني
الدكتور وافق وعطاها اللبس والكمامه ودخلها راحت جنبه ودموعها يسبقونها مسكت يده: خلاص والله معد ابعدك ومسامحتك لو تصرخ عليا مليون مره بس لا تتركني واصحى وبكت وهي تشاهق: نواف "شهقت" وباست يده وقربت لاذنه: والله احبك ومابي غيرك من هالحياه نزلو دموعها اكثر وباست خدها وانتقلت لراسه وطولت بالبوسه ودموعها ينزلو حست فيه يضغط ع يدخا قامت بفرحه: نواف انت تسمعني وجت بتروح للدكتور بس يده كانت ماسكه يدها وماقدرت تمشي وابتسمت ابتسامه مليانه دموع وفرح: نواف انت بخير صح ماكانت تدري عن العيون المتعلقه بشكلها وانكسرت للمره المليون بسببها (طبعا عبدالله) تنهد بقوه وهو يحس الضيق ياكل قلبه اكل لف وراح نادا الدكتور ودخل الدكتور وهو يناظر بصدمه: هذي معجزهه
شهد بضحكه مليانه فرح وعيونها للحين فيها اثار الدموع: دكتور هو ضغط ع يدي هو ماسك يدي يسمعني
الدكتور تأملها وبنفسه(سبحان الخالق جمالها خارق حتى وهي تبكي) صحي من سرحانه ع صوتها: دكتور تسمعني
الدكتور: اي اسمعك بفحصه ونشوف ايش يطلع وبإذن الله انه معافى
عند تالا وخالد
صحي خالد قبل تالا وكان وجهه مقابل وجهه تالا جلس يتأمل وهو ماتحرك ابتسم ورفع يده لوجهها وبعد خصلات الشعر المتناثرة على وجهها وحس فيها تتحرك وتفتح عيونها ببطئ ورمشت بنعاس: صباح الخير
خالد بابتسامه مز قادر يكتمها: صباح الجمال
تالا جت بتجلس بس يده كانت اسرع منها ومنعتها ناظرته باستغراب: شفيك وضحكت وهؤ تشوف شعرها طاح ع وجهه بسبب انه شده لها: شوف وش سويت بنفسك وبعدت شعرها عن وجهه وهي مبتسمه وشافته مبتسم وارتبكت: وشفيك
خالد: مادري فرحان
تالا بتوتر رجعت شعرها لورا: طيب اتركني عشان نتجهز ونروح للمستشفى
خالد شدها له وصارت يدينها ع صدره: لا ابي اكمل لك عدد البوسات مايصير اتركها
تالا توترت اكثر: لا مايحتاج بقوم وجت بتقوم لكنه منعها وشدها له اكثر: مافي مهرب المره ذي
تالا ارتجفت وحمرت خدودها: خالد
خالد بابتسامه: عيونه
تالا: اتركني
خالد ضحك وتركها: خلاص روحي الايام بيننا طويله
تالا ركضت للحمام على طول وحطت يدها ع قلبها: يمه جريئ وابتسمت بحيا وغطت وجهها وتروشت وتوهقت: ماخذت لبس انا افف وعلت صوتها: خالدد
رد عليها خالد: هلاا
تالا بحيا: نسيت اخذ لبس ممكن تطلعلي وتعطيني
خالد بابتسامه: من عيوني وراح لشنطتها وطلع لها فستان ابيض يوصل نص الساق وباكمام قصير وفيه ولاصق والظهر مفتوحح ووداه لها مدت يدها: هات
باس يدها الممدوه وحط الفستان فيه وعلطول قفلت الباب وهوا ضحك وهيا ناظرت يدها الي باسها وهي تضحك وباستها: احبهه وناظرت الفستان وشهقت: هذا منين جا بعدين مالقى يطلعلي الا ذا تنهدت ودخلت غرفه الملابس الي بالحمام ولبست وحطت المنشفه ع شعرها وطلعت ولقته منسدح ع السرير ومغمض عيونه راحت اخذت الاستشوار واستشورت شعرها وخلته ويفي هادئ وخلته منسدل ع ظهرها عشان يغطي الفتحه وسوت مكياج صباحي هادئ وحطت روج احمر ولفت بتطلع للمطبخ تسوي فطور لقت خالد جالس ويتأملها نزلتها راسها بحيا: انت هنا
خالد لما شافها طلعت راح وتروش ولبس وكل هذا وهيا مو منتبهه بعدها جلس يتأملها ضحك ع سؤالها: لا هناك
تالا بحيا: ااءء بروح اسوي الفطور
خالد قام لعندها بهدوء وحاوط خصرها: ماتدخلين المطبخ بهذي الحلاوه طلبت الفطور ماعليك
تالا بتوتر وخجل: خالد بعد لا تعدم نفسك بالروج
خالد بابتسامه رفع اصبعه لشفايفها ومررها: دامه من هذي الشفايف فدا
تالا بتوتر: خلاص خالد
خالد قرب لها اكثر وبهمس: وش الي خلاص ماسويت شي
تالا سكتت وهي تناظر بعيونه ومايفصل بينهم الا انفاسهم قربها لها اكثر واختلطت انفاسها وباسها وهي غمضت عيونها وهي تبادله قاطع جوهم الرومنسي الي دخل عليهم: بابا طلب مال انت
خالد انخرش وبسرعه بعد عنها وخلاها وراه وتكلم بقهر انه قاطعهم وهذي اول بوسه لهم واول موقف رومنسي يحصل بينهم وتكون هيا مستسلمه: وين الاحترام ماتعرف تدق البابب وين الخصوصيه؟
العامل بخوف: اسف بابا انغ مافي معلوم في مدام هنا اسف مافي عيد والله
خالد كان مقهور: انقلع لابارك الله فيك وبشتكي عليك ماني مخليك
خرج العامل وهو يتحلطم وخالد التفت لتالا الي كانت ذايبه بمكانها ووجهها الوان اشكال ومنزله راسها ابتسم لشكلهاا وتنهد بقهر انو ذاك الهندي خرب عليهم: حبيبتي
تالا بصوت يادوب ينسمع ومنزله راسها: خرج؟
خالد بابتسامه: ايوا مسك ذقنها ورفع راسها ناظرته وانفجرت ضحك لستغرب: شفيكِ
تالا بضحكه ممزوجه بالخجل: ا.ل.ر.و.ج
خالد عرف قصدها وابتسم وهيا راحت اخذت المنديل وصارت تمسح الروج الي طبع بشفايفه لما خلصت: خلصت
خالد مسكها وقرب باس نحرها: تسلمي قلبي ومشي لطاوله الاكل وخلاها مصدومه ولما استوعبت البوسه اتقشعر جسمها ووجهها قلب اشاره مرور
انتهى
_________&&&&&&
