اسفه ع ذا التاخير كله مع ان ماعندي عذر قوي لكن اعذروني لان نفسيتي كان لها دور كبيرر ب اني اتأخر كل ذا الوقت بحاول ارجع اكتب زي اول ونرجع لنفس النظام كل ويكند بارت أو بارتين ان شاء الله🖤🖤
اخليكم مع البارت
اعذروني على الاخطاء الإملائيه🖤🖤.
___________
يوم جديد واشياء جديده وأحداث جديده وحلوه باذن الله♥️♥️
نبدأ من فرنسا
كانت منسدحه تفكر بكل شي لين وكيف عرفت كاتي عن السر الي حتى شوق ماتعرفه وصدعت قامت اخذت شور وخرجت تتمشى واخيرا راحت للحديقه جلست لوحدها تناظر للبزارين يلعبو ابتسمت وهي تناظرهم حست ب احد يجلس جنبها ناظرته: مراد؟
مراد بابتسامه: اهلين بالحلوه وش ذي الصدفه؟
هديل وهي تناظر قدام: ليه ماداومت
مراد فرك يدينه ببعض: لأن امس ماكان لي خلق اداوم ف سحبتها نومه واليوم بعد مالي خلق ودوبي صحيت وخرجت اتمشى..انتي بعد ماداومتي؟
هديل سكتت شوي: يب هربت من شوق قبل تصحى
مراد باستغراب وهو يناظرها: ليه؟ ليكون كاتي هي السبب
هديل: مع الاسف يعني الشي الي مستغربه منه كيف عرفت كل ذي الأشياء
مراد باقي مستغرب: وش عرفت
هديل تنهدت: ولاشي بكرا حتسمع اصلا
مراد: ابي اسمع منك
هديل: مالي خلق اتكلم الحين
مراد ابتسم: براحتك لكن مابسمع من احد غيرك اتفقنا؟
هديل ابتسمت: ان شاء الله اذا زان مزاجي بعلمك
مراد ناظر قدامه وحط يده على يد هديل وهي سحبتها
نرجع لبيت هديل
شوق صحت وكلعاده اخذت شور ولبست وتجهزت وراحت تدور هديل ومالقتها راحت لسوهانا: سوهانا شفتي هديل؟
سوهانا: ايوا خرجت قبل نص ساعه تقريبا
شوق باستغراب: لوين؟ المدرسه
سوهانا: والله مااعرف فين خرجت بالضبط لكنها خرجت
شوق ابتسمت: تمام انا بعد بروح يمكن انها بالمدرسه
سوهانا: افطري بالاول
شوق وهي مستعجله: لالا ابي الحق وطلعت بسرعه وراحت للمدرسه تركض ودخلت تدور مالقت جلست بتعب ع اقرب كرسي: فين راحتت
وتحد من وراها بالفرنسي: على من تبحثين
فزت شوق بخوف: ها على اختي
..: هل تقصدين هديل؟
شوق باستغراب: تعرفها؟
ابتسم جاكسون: نعم انها زميلتي بالفصل بالامس لم تأتي والليله أيضا لم تاتي
شوق تنهدت بتعب: يليللل منها
جاء عندهم مشعل: شفيك شوق؟
شوق جلست بتعب: هديل لما صحيت قالت لي المربيه انها طلعت من اول حسبتها داومت لكن لما جيت مالقيتها
مشعل جلس جنبها: لا تخافين مهي صغيره تعرف وش تسوي و وين تروح
شوق: ادري بس مو من عوايدها تخرج بدون ماتقولي او بدوني
مشعل: خلاص مو مشكله هدي
نتركهم شوي ونروح للسعوديه(الحب)
عند شهد فالغرفه كانت واقفه قدام المرايه تتفحص لبسها>>عبدالله سبب لها ازمه وهي تكلم نفسها: الحين لبسي فيه شي غلط؟ ياربيي اخاف انزل ويسويلي سالفه المعتوهه و الله مع نفسه بنزل واتجاهله وراحت عند الباب اخذت نفس طويل وزفرته وخرجت
عند تالا بالغرفه كانت بالحوسه ملابس بكل مكان وهي جالسه بينهم وتدور شي تلبسه امس كله مانزلت ولا شافت احد غير الأمهات وشهد ومستحيه من خالد بسبب الي صار واخيراا لقت لبس مناسب لبسته وقفت قدام المرايه: امم اخلي شعري مفتوح؟ ولا اربطه؟ لا لا الاحسن اربطه وربطته وخرجت وشافت شهد وهي نازله ونزلو مع بعض وهم يسولفو وشهد شافت هاجر وفرحت وركضت حضنتنها: وححششتتيييننييي يدبهه
هاجر وهي تضحك: اما انا دبه
شهد بعدت عنها: وحشتيني والله كم لي ماشفتك
هاجر وهي تفكر: اممم مدري والله بس شكلك ماشتقتي ل واحد غيري؟
شهد باستغراب: مين
..: افاا من لقى احبابه نسى اصحابه يعنيي؟
شهد وهي تضحك: ححسوون انت اهلي كيف انساك؟
حسين ابتسم بغرور: اي اي كذا زين ماودك تسلمين؟
شهد راحت وحضنته وبعد الرسميات..الخ
حسين: اقولل شهد ودي اكلمك بموضوع
شهد بابتسامه: عادي تكلم
حسين: اممم انا يمكن اسافر
شهد اختفت الابتسامه: وويين
حسين ابتسم: عند مشعل كنت بسالك ودك تجين معي
شهد: اايي اكيد من زمان ماجتمعنا حنا الثلاثه
حسين بثقه: كنت واثق انك بتقولي كذا عشان كذا حجزت لك معاي
شهد حضنته من الفرحه: اللهه معرف اوصف فرحتي متى بنروح؟
حسين: بكرا بالليل تجهزي بمرك
تالا بوزت بطفش: يعني بتتركيني
شهد ابتسمت: لا معليك كلها اسبوع وشوي وبرجع
تالا جلست جنبها وبهمس: وانا وش اسوي بغيابك؟ اف
شهد: تبين تجين معنا
تالا: ودي بس اخاف يطلع موضوع مهم وكلنا مب موجودين
شهد: عادي يبنتي اعتبريها فتره راحه من كل شي يعني اجازه
تالا بتفكير: لازم اشاور جدي
شهد بحماس: تمامم صدقيني بننبسط
تالا لفت لجدها: جدي ابي اطلب منك طلب
الجد ابتسم: امري يااميرتي
تالا ابتسمت: ابي اسافر مع شهد تكفىى جدي بطفش لوحدي
الجد: امم موجودين ليلى ولميا يسلونك اذا تبين
تالا بوزت: لاا جدي تدري انا وليلى ولميا جونا مو نفس بعض تكفى تكفى
الجد ابتسم: تبشرين بس ابي اكلمك بموضوع تعالي معاي
تالا: تمام ^ولفت لشهد وااففقق
شهد صارت تنط من الحماس: اللهه بنسافر وننبسط تالا ابتسمت على طفولة شهد: طيب شهد شوي وبجيك جدي يبيني بموضوع وراحت لعند جدها
عبدالله منقهر من جوا لانه ملاحظ ان شهد متجاهلته تماماً حتى انه ماناظرته بالعاده تسلم على الكل بس الحين ماكلمته ولا عطته اهميه: شهد
شهد مطنشه: ايواا تتذكري آخر مره رحنا مع بعض انا وانتي وكيف تفاجاء مشعل تهقين الحين يتفاجاء كمان كذا؟
هاجر: مدري والله يمكن يتفاجاء أكثر
عبدالله ماسك نفسه لا يقوم عليها: شهد جالس اكلمك
شهد لفت عليه بدون نفس: نعم؟
عبدالله ابتسم غصب من نبرة صوتها: كيفك اليوم؟ وكيف جنبك ان شاء الله مافي الم؟
شهد بدون نفس: بخير ما في الم الحمد الله ^والتفتت لهاجر^ تعاليي معاانناا تتكككففييينننن
هاجر ضحكت: مقدر تعرفين عندي اخ معقد فمااقدر
شهد بوزت: للييهه بروح اذبحه
هاجر: اح تذبحين قلبي ليه
شهد: عشانه زق مو راضي يخليك تروحي معنا
هاجر: امم غير انه مو راضي دراستي وين راحت يستيي!!!
شهد تخصرت: عادي نأجلها ليومم يكون ويكند ماعندك عذر يختي!
هاجر ضحكت: خلاص يبنتي مقدر اروح وه معك تالا وحسين وهناك مشعل وش تبين فينيي؟
عبدالله وهو يتدخل: لازم يكون معكم محرم
شهد ناظرته بنص عين: وش شايف حسين جدار مثلاا!! اخوي معاي الله
عبدالله تورط: يعني اقصد تالا مو حلوه تكون بينكم ومامعها محرم
شهد بطفش: اذا يبي واحد من عمانها يروح عادي
خالد قام من عندهم وعبدالله ما لقى عذر ف بلع لسانه وسكت
عند تالا
الجد: يابنتي صح انو مالك وقت طويل من جيتي هنا وادري بظروفك بس تعرفين انك كبيره وواعيه وتفكرين زين ومستقبلك اهم شي
تالا: اي
الجد: يابنتي في واحد يبيك وعارفيه انك الحين كبيره
تالا مسويه ماتعرف: طيب منهو
الجد: خالد ولد عمك
تالا:...
الجد حط يده على يد تالا: يابنتي الزواج سنة الحياه وانا ماودي اجبرك بس فكري زين واستخيري وتعاليلي واي قرار تاخذيه انا معاكِ
تالا هزت راسها : ان شاء الله
الجد: استنى منك خبر قبل السفر
تالا هوا راسها ب"طيب وقامت بتطلع وعلى طلعتها دخل خالد: اوه اسف ماكنت اعرف انك هنا
تالا اول مشافته تذكرت شصار امس ونزلت راسها وطلعت بسرعه وخالد دخل: جدي شصار
الجد: على وش؟
خالد: على موضوعي
الجد يستهبل: اي موضوع
خالد: خطبتي!
الجد مكمل يلعب باعصابه: اي وشبها؟
خالد: يبهه لا تلعب باعصابي شصار كلمتها؟
الجد ضحك: اي كلمتها وبتعطيني خبر ان شاء الله قبل السفر
خالد ارتاح: تمام جدي طلبتك
الجد: امر
خالد: ابي اسافر معهم
الجد: ليش ان شاء الله
خالد: اخاف يلتهو ببعض وتالا تحس بالغربه
الجد بتفكير: يصير خير اذا وافقت تروح اذا لا بتقعد ويروحو معاذ ونايف
خالد من داخله بيطير من الفرح: ان شاء الله وطلع من المكان
نروح لفرنسا تحديداً مدرسة هديل وشوق
دخل عزام وعيونه تدور على هديل جلس مكانه يستنى مرت ربع ساعه ودخل الأستاذ وهي ماجات "بينه وبين نفسه": ياربي وينها ذي ليكون ماراح تداوم شوي جت كاتي جلست عنده: هاي بيبي
عزام يكلم نفسه: استغفرالله انا ناقص هالبلوه
كاتي: امم مو كانه هديل ماداومت؟
عزام بدون نفس: وانتي شدخلك فيها
كاتي بدلع: احسن خليها لا تداوم
عزام قام: استاذ اريد تغير مكاني
الاستاذ: حسنا بسرعه قام عزام جلس بالمكان الي كانت جالسه فيه هديل وطول الدرس هو يفكر فيها واخيرا خلص وطيرانن لفصل مشعل
ف فصل مشعل وشوق
مشعل: شوق لا تخافين يمكن تكون ف البيت
شوق: ان شاء الله
مشعل: يلااعاد ابتسمي
شوق ابتسمت غصب
مشعل ابتسم: اي كذا احب ابتسامتك
شوق استحت: ااا انا بروح
مشعل: تبين اوصلك؟
شوق: لا السواق بيجي
مشعل: اممم اذا احتجتي شي انا موجود
شوق قامت: تمام دخل عزام وهو يركض
مشعل: بسم الله وشفيك طاير كذا؟
عزام وهو ياخذ نفس: شوق فين هديل
شوق بضيق: ماادري
عزام عصب: كيف ماتدرين
شوق تجمعت الدموع ف عيونها: ما ادري
مشعل وقف قدام عزام: لا ترفع صوتك عليها يكفي الي فيها!!
عزام جلس ع اقرب كرسي وتنهد: اسف انفعلت
شوق هزت راسها: عادي
عزام ابتسم: اما عاد طلعتي دلوعه تبكين اذا احد صارخ عليك
شوق قلب وجهها احمر: مو كذا بس يعني...
مشعل قاطعها: تعالي بوصلك ماراح اكون مرتاح لو طلعتي كذا
عزام: بجي معاكم
مشعل رفع حاجب: اقول اهجد هنا وش تجي
عزام: تكفى بتطمن على هديل
مشعل تنهد: امشي بس بدون ازعاج لوسمحت كلهم راحو لسيارة مشعل وللبيت وصلو ونزلت شوق: شكرا على التوصيل
مشعل ابتسم: ولو واجبنا
عزام: مو كأن هذيك هديل؟
كلهم ناظرو المكان الي يناظره عزام كانت هديل ماشيه مع مراد عزام عصب بس مسك نفسه: مشعل امشي
مشعل: ماتبغى تتكلم معاها؟
عزام بعصبيه: بتمشي ولا كيفف
مشعل: تمامم ريلاكس ماشي ماشي ومشي شوق راحت لعند هديل بسرعه: ياحيوانه انا خايفه عليكِ وافكر باسوء الافكار وبالاخير تطلعي تتمشي مع ذا المعتوه!!!
هديل بهدوء: كنت ابغى اكون لوحدي
شوق: لوحدك ومعاك ذا!!
هديل: شفته صدفه
شوق: ولا كان في ناس كانت خايفه عليك وبكل برود تجين مع واحد حيوان زي ذا طيبب ياهديلل سوي الي تبين ولا تاخذي رايي وتقوليلي شي ^وراحت شوق معصبه جوا^
مراد: انا رايح
هديل: طيب وراحت دخلت جوا ولغرفتها وغيرت لبسها وراحت لعند شوق جلست جنبها: زعلانه؟
شوق:...
هديل: اممم وش يرضيك؟
شوق بعد صمت: كلمي عزام
هديل استغربت: ليه
شوق: كان يدورك وخايف عليك وجابنا مشعل لهنا وشافك مع مراد وعصب وراح
هديل: ليه عصب
شوق: مدري
هديل: لو كلمته حترضين؟
شوق هزت راسها: ايوا
هديل: طيب وقامت اخذت جوالها ودورت على رقم عزام ودقت عليه بعد عدة رنات وصلها صوته: الوو
هديل: احم عزام؟
عزام سكت شوي: نعم
هديل: اممم كيفك
عزام ببرود: بخير والله الحمد
هديل: ليه تكلمني بدون نفس؟
عزام: ابد سلامتك تبين شي بقفل؟
هديل تضايقت: براحتك اشوفك بكرا
عزام: مو مداوم
هديل: ليه؟
عزام: مومهم تبين شي؟
هديل: ...
عزام: الو تسمعيني؟
هديل: اي
عزام: تبين شي
هديل: سلامتك
نظام: مع السلامه وقفل هديل تنهدت ورجعت لعند شوق: كلمته
شوق: اي
هديل: كان يكلمني بدون نفس وببرود
شوق: تستاهلي
هديل كشرت: شسوييت طيب اوفف
شوق: اص اص
هديل ضحكت
نرجع للسعوديه عند تالا وشهد
تالا جا وجلست جنب شهد وهمست لها: تركتك و وجهك كويس رجعت وانتي مكشره شسالفه
شهد بتكشير: هذا الحمار عبدالله ماغيرو مسوي ظريف اخ يختي قاهرنيي
تالا حبست الضحكه: اوف وش مسوي لك؟
شهد جلست تقولها الي سواه وتالا تضحك
شهد بوزت: الشره على الي تقولك مالتت عليكِ
تالا شوي تضحك شوي تسكت: اسفه بس تضحكين
شهد: اسكتي بس بسولف مع هاجر مامنك فايده انتي
تالا: خلاص اسفه بسكت ماعاد بضحك
شهد: ادبب
تالا: اقول اسكتي شوي ودخل خالد مبتسم وجلس
عبدالله: ماشاءالله الله مروق عالاخير
خالد ناظره: ايوا وانت منفس حدك
عبدالله ناظر لشهد الي تضحك: تقهر وهي مطنشه
خالد ناظر للمكان الي يناظره عبدالله وضحك: انت ليه حاط راسك براسها
عبدالله: مدري
خالد ضحك: البنت كرهتك
عبدالله ابتسم: اقول وراك مروق كذا؟
خالد ابتسم: راح اسافر معاهم باذن الله
عبدالله: ي خاين بتسحب علي
خالد: لازم اكون مع زوجة المستقبل
عبدالله: مالت عليك طيب شاورني يمكن اجي
خالد ضحك: لا ياحبيبي تبغى تغث شهد
عبدالله: اوف ياخي لا تتدقق ب كل شي واحجزلي معاك سريعع
خالد بتسليك: يصير خير
عبدالله: اي اي سلك
خالد ضحك: قلنا طيب ياولد الحلال لا تنشب لااسحب عليك
عبدالله ناظر شهد: تسويها اعرفك ف لمصلحتي بسكت
خالد: يكون احسن
دخل عليهم الجد وهم كل واحد ووحده بسالفه وضحك ابتسم بحب للجمعه هذي: اسمعوني
الكل سكت وناظر الجد باهتمام: اليوم بسوي جمعه كبيره وابغاكم تتجهزو خاصة انتي ياتالا لان العزيمه ذي لك انتي وكلكم تتجهزون ^وناظر ام معاذ^ مانبغى مصايب ومشاكل زي كل مره
تالا بخجل اول مره: تعبت نفسك ماكان له داعي كل ذا
الجد: افا بنت الغالي تستاهل اكثر من كذا
تالا اكتفت ب ابتسامه ولفت تكمل سوالف مع هاجر وشهد ^نقدم^
وقت الجمعه:
البنات محشورين ف غرفه عباره عن فوضى
تالا: شههدد ياكلبه وين الكعب الاسود فين وديتيه
شهد بعصبيه: وانا وش يدريني دوريه كان معاكِ مو كل شوي شهد وجعااه
هاجر وهي تضحك: وربي اطفال
شهد ناظرتها بنص عين: جب آخر من يتكلم عن الاطفال انتي
هاجر بوزت: نننن
تالا: يويلي شوي ويوصلو كل المعازيم حنا ماخلصنا حسبي الله ع العدو
هاجر ناظرتها: شدخل العدو
تالا بضحكه: مدري وكمان ورانا سفر بكرا يويليي
شهد لفت لها بعصبيه: بتسكتون ولا الكعب ف عينك انتِ وهي صدعتونيي
تالا ضحكت: شكلك كذا ممرا حلو وذي العصبيه ابدا مو لاايق عليك سوي نفسك ناعمه وتستحين ورقيقه ياحييوانه
شهد ضحكت: كليزق وانطمي وخلصينا خلينا ننزل الله يستر مني متطمنه
تالا خلصت اخيرا: تفائلي يكلبه مو كذا تخليني اخاف وبعدين ترا خلصت تبون ننزل؟
شهد: احلفي وش نستنى اكيد بننزل وراحو نزلو
انتهى
________/_
ادري اني ممررا تاخرت والبارت يعني مو بالشكل الي كنت ابيه لكن ان شاء الله بتكون لي رجعه تعجبكم وان شاء الله عجبكم البارت لوفيوو نفر نفر🖤🖤
