صباح او مساء الخير كيفكم ياحباني اتمنى البارت ينال على اعجابكم❤️❤️
اعذروني على الاخطأ الإملائيه ❤️
اعذروني على التأخير ❤️❤️😢
___________
بعد مرور يومين وشهد كانت جدا لطيفه مع عبدالله وهو مستغرب لطفها معاه وحاسس ان في شي بس ساكت ويسايرها
هاجر تحسنت نفسيتها وبدأو البنات يتقبلو الموضوع وللان الموضوع ماطلع من بينهم
شوق في محاولة انها تخلي الضحكه والبسمه ترد لوجهه هديل الي مو راضيه ترجع طبيعيه طول وقتها سرحانه او نايمه نادرا تقعد مع البنات او تضحك معاهم
تالا وخالد والبقيه لاجديد
نبدأ يوم جديد
تالا وشهد كانو جالسين بجنب بعض وشوق جنبهم وقاعدين يخططو
شوق وهي تعارضهم: طيب لو مثلا انا صدق حملت بالشهور ذي وش بنسوي
شهد: نقول انك تأخرتي بالولاده وجبتي تؤام
شوق: ماني مرتاحه بس طيب
شهد: اعرفي اننا قاعدين بنسوي هالشي لمصلحة هاجر والا ولا وحده فينا كان رضت
شوق: طيب موبس انا المتزوجه حتى تالا
شهد: تالا حتنكشف بسرعه انتي ناسيه ان اهل زوجها راح يسوو سيم وجيم
شوق: تمام تمام الحين عليك تقنعي مشعل وعبدالله والباقي ربي ييسرها
دخلو العيال على نهايه كلامها وطبعا نط لهم عبدالله: بوش تقنعونا
شهد بتردد: بنسافر
عبدالله عقد حواجبه كان متوقع يبون شي بس مو سفر: وين وليش ومين الي بيسافر
شهد: اممم انا وشوق وزوجها وهاجر
مشعل: زوجها يصير اخوك واظن اسمه مشعل
شهد ضحكت: طيب يازوجها
عبدالله قعد ساكت فتره ورجع تكلم: كم بتقعدون
شهد بهدوء: ثمان شهور او ممكن اكثر راح نرجع قبل عرسنا ب شهرين أو ثلاث ونجهز للزواج
عبدالله ماعجبه لانو مابيقدر يسيطر ع مشاعرها: لا
شهد قامت مسكت يده: تكفى عبدالله الموضوع يستاهل صدقني
عبدالله: وش الموضوع
شهد نزلت رأسها وبصوت واطي: مانبي احد يدري عن حمل هاجر عشان كذا بنسافر الين تولد ونقول ان الطفل طفل شوق
مشعل عقد حواجبه: نعم وش قلتي
شهد غمضت عيونها وهي تحاول تتكلم طبيعي: بنقول ان الطفل طفل شوق
مشعل: وانا وزوجتي ايش ذنبنا ب غلط حسين عشان نتحمله
شهد عصبت: لو ان مالك ذنب كان جبته كان قدرت تسكت ال.... قبل مايسوى هالغلطه حتى انا مالي ذنب لكني بتحمل الذنب هذا وانت بتتحمله زي ماانا اتحمل
مشعل: اذا انا لي ذنب شوق وش ذنبها
شهد تحاول تهدي نفسها: مالها ذنب بعدين انا عرضت عليها الفكره وهي وافقت وان كأنك ماتبي انقلع تالا حتتحمل المسؤوليه لكن ماراح تتدخل ب اي شي راح نساويه سوًا كان خطر او لا وراحت وهي بقمة عصبيتها
تالا: الله يهديك يامشعل الموضوع ماكان يستحق الصريخ وانك ترفع ضغطها كذا وهي ماتتحمل شي الا وانفجر شكرا شوق ماقصرتي لكن انا الي باروح مع هاجر واتحمل المسؤوليه
شوق جت بتتكلم بس تالا راحت وكلهم راحو مابقى الا هي ومشعل لفت له: عجبك الي صار
مشعل: انتي مستوعبه الي قالته
شوق: بس انا موافقه
مشعل: موافقه انك تكونين حامل اسم بس مو حقيقه
شوق: ترا بيقولو للناس انا الحامل ويمكن واحنا هناك صدق احمل ومايحتاج الدراما الي سويتها قبل شوي الله يهديك وراحت وتركته وهي متضايقه بسبب هديل والي صار زاد عليها حست بلوعه ركضت للحمام واستفرغت كل شي اكلته وبعد ماخلصت غسلت وجهها وضحكت: شكلي بحمل وهو ماصار شي راحت غرفه هديل وانسدحت جنبها ونامت وهديل مستغربه لأنها للان مادرت عن شي
عند شهد الي كانت جالسه بغرفتها وبقمة العصبيه دخلت عندها تالا وهي مبتسمه: هاي ياحلو
شهد ماردت عليها وتالا جلست جنبها: فكيها يختي انو ايش فيها عادي بعدين من البدايه قلت انا الي بروح ماهو انتِ
شهد بعد سكوت طويل: بعجل زواجي انا وعبدالله ونروح معها
تالا: والله لو انك دجاجه تحملين وتولدين بهالسرعه بعدين انا اعرفك مابتخليه يلمسك فا بطبيعة الحال مستحيل تحملين بعكس انا وخالد ممكن احمل بعدين اذا بعدت وحملت راح يكون أفضل من اني احمل هنا واقعد خايفه على حملي وحتى اريج تحتاج فتره تبعد عن كل شي بيكون افضل للجميع ومافي احسن منك يعرف احمد ويقدر ينجز ويدمره تبين توقفين بالنص دحين؟ انا راح اكون متواصله معك دايم وهاجر بتكون بعيوني لا تخافين عليها
شهد بضيقه: طيب
تالا: يعني موافقه
شهد بحده: انتي شايفه انو في حل غير ذا اصلا
تالا ضحكت: طيب افرديلي وجهك وبعدين لا تخافين بآخر شهرين تجين انتي عندنا وتقعدين الين تولد عشان نقضي لزواجكم الي مادري شلون حددتوه وانتو كذا ووانتِ منتي متقبله عبدالله من الاساس
شهد تذكرت وعقدت حواجبها: اسكتي بس
تالا: ليه
شهد: تخيلي دخل معي ب تحدي وفاز وكان شرطه انو يتحدد الزواج زين انه وافق يكون بعد سنه والا هو كان يبيه أقرب اصلا
تالا ماتت ضحك وشهد عصبت وصارت تقرصها: كلبه تتشمتين
تالا وهي تضحك: اح يغبيه قاعده تعوريني
شهد: تستاهلين عشان معد تتشمتين علي
تالا: صدق والله محد قدر عليك غير عبدالله
شهد وهي تنسدح: اطلعي من غرفتي لاافصل عليك
تالا: معليك لا فصلتي شبكتك
شهد اخدت المخده الي جنبها ورمتها على وجه تالا: اطلعي ياسخييفهه
تالا طلعت وهي تضحك وراحت تقول لهاجر بعدها خالد عشان يتجهزو
بعد يومين
شوق كانت زعلانه من مشاري وزعلت منه اكثر لما عرفت انو الخطه كلها تغيرت وماكانت تكلمه مقاطعته وهو يحاول انه يكلمها بكل مره وهي تصده
وهديل درت بكل شي وزعلت بس بعدين تقبلت الأمر الواقع وصارت تدور على نواف بكل مكان
شهد كانت عازله نفسها عن الجميع وانشغلت بذي اليومين تراقب احمد وتحركاته ومستغربه انه هاجد بعد الي سوته ب ممدوح تالا متحمسه للسفر لأنها مقرره تحمل وهي هناك وماقالت لخالد انها تبي تحمل تبي تقول له اذا راحو
نروح عند ممدوح
كان جالس بسريره ويهز رجله وماسك الجوال ينتظر اتصال وجاه الاتصال وفز ورد: ها وش صار معك
المتصل: ولاشي مافي ردت فعل
ممدوح بعصبيه وصراخ: شلون يعني ولاشي انتم اصلا مامنكم فايده ولا عمركم نجحتو بشي وقفل بوجهه ورمى الجوال بسريره: اذا مانجح هو انا بنجح
دخلت امه وهي خايفه عليه: شفيك يابني ليه تصرخ صوتك واصل للجيران
ممدوح: مالي خلقك يمه روحي
ام ممدوح: اكيد السبب الي ماتتسمى شهد يابني لي كم اقول لك تراها ماتنفع لك لو تبي أنقي لك أجمل وأفضل البنات
ممدوح: الموضوع هذا منتهيين منه مابي اتكلم فيه
ام ممدوح خرجت وهي زعلانه وممدوح رجع يفكر بخطه جديده
في بيت شهد
كان يوم سفرهم
تالا وهي تشيل اخر شنطه: اوف اخاف بعد احتاج شي
خالد: عادي ترا مو رايحين صحراء تقدرين تاخذين الي تبينه من هناك
تالا طنشته: هاجر حبيبتي كل شي جهزتيه
هاجر هزت راسها بالاجابه وطالعت ب شهد وهي تنتظر الاشاره وابتسمت لها شهد وراحت حضنتها وفرغت كل شي بحضنها وشهد كانت جدا حزينه: خلاص البكي مو زين لك
شوق وهي تحضن تالا: عاد مانوصيكم على بعض
تالا ضحكت: معليك وبسنعها اجيبها لكم وهي سنعه
شهد بعدت عن هاجر وحضرت تالا: استودعتك الله انتبهي لنفسك ولهاجر ولو صار اي شي لا يردك الا لسانك حتى لو ذا الزفت زعلك كلميني اقرب طياره اكسر راسه
تالا ضحكت وهي تطالع ب خالد الي فتح عيونه: من عيوني ونفس الكلام لك وعاد خفي على البشر لا تجيبي لهم الجلطه يكفيهم الي فيهم وبعد خففي من طلعاتك الفجائيه ولا تخاطرين واجد و اي تطور لا تنسين تعلميني عليه لو ماعلمتيني وشفتك بادفنك بارضك
شهد وهي تضحك: كل هذا وش بقيتي اجل
تالا لفت على خالد: لسه بخاطري اشياء واجد لكن بسكت يلا حبيبي نمشي
خالد وهو يهمس لها: كل ذا الاهتمام لشهد عطيني شوي منه
تالا قرصته: يلا بنات انتبهو لنفسكم حتوحشوني مراا وطلعو تالا وهاجر وخالد وشهد تنهدت تنهيده طويله وشوق كانت جنبها حضنتها: شدعوه رايحين مكان آمن ومعاهم خالد
تالا: ماني مرتاحه
هديل وهي تجلس: مشي الحياه على قدها لا تزودينها ب حزنك كمليها زي ماهي
شهد بسخريه: شكرا عطيتيني حافز عشان اكمل باقي ايامي
هديل ضحكت: اذا هذي البدايه ينعاف تاليها
شهد: حتقعدو معي بالشقه صح؟
هديل: وشقتنا
شهد: مشعل وشوق يقعدو فيها مو اصلا مايبون عرس
شوق قعدت جنب هديل: لا مابي بقعد معاكم خلي مشعل يقعد وحده
شهد: انتي وهو لسا متخاصمين
شوق: تكفين لا تلوميني للان مقهوره
شهد: عشان خاطري سامحيه
شوق تنهدت: والله حازه بخاطري للان ماكان ودي ذا الي يصير بس ايش اسوي صار الي صار
شهد: هذا انتي قلتيه صار الي صار عديها يختي
شوق: حاضر يختي هوا انا بقدر أرفض لك طلب
شهد: تسلميلي يختيي
هديل ضحكت: شكل وجودي ماله داعي
شهد: شدعوه الا له داعي
هديل تنهدت: الا انتي وش مخططه
شهد حطت رجل على رجل وارخت ظهرها: اطبخ على نار هاديه الين اشب حريق
هديل عقدت حواجبها: وش قصدك اشرحي
شوق: ناويه تحرقي بيت خالك ولا ايه يابت
شهد: تفهموها بالايام الجايه وقامت يلا بطرد عبدالله من الشقه عشان ناخذ راحتنا
شوق ضحكت: مستقعده للولد انتي
شهد وهي ماشيه: شقتي وابا اخذ راحتي وي وراحت بغرفتها لأن عبدالله دخل يرتاح بها لقته طالع توه من الحمام ولاف منشفه على خصره بلعت ريقها وطلعت قفلت الباب على طول ومشت ووجهها إشارة مرور استغربو البنات رجعوها: وشفيك ليكون عبدالله سوا بك شي
شهد اخذت نفس وزفزته وغطت وجهها: لا كان يبدل ملابسه البنات فطسو ضحك الين عصبت شهد ورمت عليهم الخداديات: مايضحك ياتافهااتت
هديل وهي تمسك نفسها من الضحك: مادري كيف بصارحك انك لما تتزوجينه بتشوفين اخس من كذا
شهد رمت المخده على وجهه هديل وبكل قوه وهي تصرخ عليها: ااسسككتتيي ودخل عبدالله على صراخها: سلامات صراخك وصل للشارع الثاني
شهد التزمت الصمت ونزلت راسها وانتثر شعرها على وجهها وعبدالله ابتسم لانه بالعاده ماتسكت له: اي شهد جيتي للغرفه وش بغيتي
شهد بدون ماترفع عيونها: كنت ابي شي من الغرفه بس خلاص لقيته
عبدالله كتم ضحكته: اها طيب انا خارج تبون شي يابنات
كلهم معدا شهد: لا سلامتك ابتسم عبدالله وطلع وتارك قلبه عند شهد
شهد بعد مادرت ان عبدالله طلع رجعت تكفخ هديل وشوق الي قعدو يضحكون عليها ويقلدوها ونزلت لويا على صراخهم وضحكهم ووجهها ذبلان: وش صاير
شوق: حيو بالمكتئبه
لويا وهي تكشر: الله لا يحيك
شوق: افاا
شهد وهي تنسدح ع الارض وتتنفس بسرعه: اوهه تعبت اهلا لويا انضمي لنا بالتكفيخ
لويا وهي تمشي للمطبخ: بسويلي شاي تبون
شهد وهي تجلس: سويلي ق..
قاطعتها لويا: قلت شاي
شهد وهي تتافاف: خلاص سوي للكل اوف
هديل ضحكت: كيف بنعيش مع بعض وكل وحده شخصيتها كوم
شهد جلست: عادي زي اي عايله بعدين ياكثر الناس الي شخصياتهم شرق وغرب رغم ذالك عايشين مع بعض اقلها حنا شخصياتنا متقاربه ونفهم بعض والأهم مشاكلنا مشتركه
شوق: بدأ الراديو يتفلسف كله من قعدتك على اللاب هذا، لازم اعلم عبدالله يكسره
شهد: عشان اكسر راسك وراسه
شوق: يفصخ تيشرته وتنطمين
شهد رمت عليها المخده: زففتت
نروح للسياره المتوجهه للمطار كانت هاجر تشاهق وتالا تحاول تسكتها وهي حزينه على فراق البنات بس مصبرها وجود خالد: ياللييلل متى بتبطلين
هاجر: خلاص رجعوني مابي اسافر
تالا عصبت: اقول بلا حركات أطفال واهجدي تراك بتصيرين أم
خالد ضحك: واحلووهه المعصب حلوهه
تالا طالعت فيه وصدت للمرايه وهي تتنهد وتدعي ربي يحفظ شهد لأنها تدري انها متهوره
بعد مرور ٨شهور من يوم سافرو تالا وخالد وهاجر(ناخذ لفه على حياة كل أبطالنا)
نبدأ من عند هاجر كان الحمل متعبها بشكل كانت تتنوم بالمستشفى بالايام وقالو جسمها مايتحمل الحمل ولكنها أصرت تكمل للنهايه والحين هي كملت ٨شهور وباقي لها شهر وتولد
