سلام عليكم ياهلا بالحلوين والله وحشتوني انتو بعد وادري اني مقصره وتجيني رسائلكم واقراها كلها ومبسوطه انو في عدد كبير يتابع الروايه ومتحمس للتكمله وانا بحاول بقد مااقدر اني اكملها بس اعذروني ع التأخير والتقصير لو في اي سؤال تقدرو تجون الانستغرام تبعي (li3x7 ) راح ارد على اي استفسار او سؤال والحين اخليكم مع البارت ان شاء الله يعجبكم🤍🤍.
اعذروني ع الأخطأ الإملائيه♥️
______________
عند الباقيين كان الكل نايم من التعب واليوم المتعب الي مرو فيه الا شهد كانت صاحيه جالسه بالسرير حقها وتفكر ايش تسوي بعد تفكير فزت وهي تكلم نفسها: اكيد الي حطوه بجسمه له شي معاكس ويخليه يتشافى منها وهالشي مابلقاه الا عند خالي! لازم اروح انا قامت وصارت تدور حول نفسها: بس كيف أطلع بدون علم احد وبدون اي احتياط كذا بكون حطيت نفسي بخطر كبير بعد تفكير راحت غرفه عبدالله ودقت الباب حق غرفته فتح بعد مده وعيونه واضح النعس انحرجت: اسفه اني صحيتك
عبدالله بعد ماعرف انها شهد استعدل: هلا شهد في شي؟
شهد: ايه بكلمك بموضوع نواف والإبره الي حطوها بجسمه
عبدالله: ادخلي داخل نتكلم مايصير نتكلم بذا المكان
شهد هزت ب طيب ودخلت غرفته وهي تحس بالاحراج وعبدالله ابتسم لاحراجها: خذي راحتك اعتبريها غرفتك
شهد اخذت نفس وزفرته: امم كنت بقولك اذا خالي عطاه الإبره متعمد يعني اكيد له شي معاكس يقدر يشافيه صح؟
عبدالله بتفكير: اي منطقي بس كيف نتأكد
شهد اعتدلت بجلستها: اي ذا الي اتكلم عنه خالي على غبائه لكنه ذكي اكيد ان معاه الدوا وب أي وقت حيتصل على احد بس مادري على مين بيتصل؟
عبدالله بهدوء: طيب؟ في شي بتقوليه بس مو عارفه تقوليه
شهد بتوتر وهي عارفه الرد ترددت: ا.ن.ا احم انا بروح عند خالي
عبدالله رفع حاجب: نعم؟
شهد بارتباك: انا بروح عند خالي
عبدالله بعصبيه: يكفي نواف بين الحياه والموت هناك وانتي تبين تروحي للموت برجلينك
شهد ميلة فمها: تقدر تتكلم بدون صراخ ترا ولا تبي كل البيت يصحى على صراخك
عبدالله ابتسم على حركتها: بس انا ماصرخت واجد
شهد: اي واضح، اسمع انا ماجيت عندك الا وانا عارفه انك بتساعدني
عبدالله: وانا عارف انك ماجيتيني الا وانتي واثقه فيني بس هذي مخاطره كبيره ياشهد!
شهد بحزن: ياخي افهم مقدر اشوف نواف كذا ومابيدي شي
عبدالله انطعن قلبه: طيب بساعدك بس قبلها نكلم خالد
شهد: جد؟
عبدالله بغصه: ايه جد يلا الحين روحي نامي
شهد حضنته: ماراح انسى لك هالمعروف صدقني
عبدالله بادلها الحضن وتنهد وغمض عيونه: انا دايم بجنبك لو العالم كله وقف ضدك
شهد بعدت وابتسمت بإمتنان: وانا بعد بكون جنبك بكل وقت تحتاجني تمام؟
عبدالله ابتسم: تمام يلا روحي نامي
شهد نطت: باايي وراحت نامت وهي حاسه بالراحه
صباح يوم جديد
عند خالد وتالا
صحي خالد وتثاوب وطالع ب تالا الي نايمه بعمق وكأنها طفله صغيره ابتسم وبعد شعرها عن وجهها وصار يمسح على خدها تحركت وبعدت يده: ماتخلي الواحد ينام
خالد ابتسم: شسوي اذا انتي حلوه
تالا فتحت عيونها: تنام وتتركني انام
خالد: مقدر اقفل عيوني وانتي بجنبي
تالا: اجل بنام بغير غرفه
خالد غمض عيونه: لا خلاص شوفيني نمت
تالا ضحكت: اريج ماسوت حركاتك
خالد فتح عين وحده: الحين تقارنيني ب اريج
تالا: اي
خالد فتح عيونه وسحبها لحضنه: نامي
تالا: بعد ماطيرت من عيوني النوم
خالد باس عيونها: الحين يرجع النوم لعيونك
تالا انحرجت: قليل ادب
خالد ببراءة: وش سويت انا
تالا: صدق قليل ادب وينكر بعد
خالد: الحين عشان بست عيونك صرت قليل ادب؟ اجل لو ابوس مكان ثاني وش تقولين
تالا سحبت نفسها وجلست رفعت شعرها وربطته: بروح اتجهز عشان نروح نمر على شهد ونروح المستشفى
خالد جلس: غيري غيري الموضوع
تالا قامت من السرير: لو اجلس هنا أكثر ماراح تبطل حركات الاطفال عشان كذا بروح وراحت
خالد صار يضحك عليها لانها كانت منحرجه وباين بوجهها بوسط ضحكه دق جواله وكان عبدالله: هلا هلا بالزين كله
عبدالله: شعندك مروق
خالد بروقان: في احد يصبح بوجهه الي يحبه ومايروق؟
عبدالله بحزن: مدري اقول عقبالي ولا الله يعوضني
خالد: يا خوي كل شخص ياخذ نصيبه ماتدري ممكن ربي مخبي لك اشياء انت ماتدري عنها
عبدالله بتنهيده: الله يجيب الي فيه الخير
خالد بمحاولة تغير موده: ايوا ليه متصل اكيد عندك موضوع لدرجه متصل بصباح
عبدالله: ايه صح موضوع يخص شهد
خالد: ياذا الشهد الي نشبت بحياتي تالا مغير تقول شهد وانت معاها
عبدالله ضحك: عاد ايش نسوي
خالد بمزح: وينه الي يقول لو انها آخر وحده على الكون ماحبيتها وبس يتهاوش معاها؟
عبدالله: القدر خلاني احبها المهم لا تضيع الموضوع.... وقال لها موضوع شهد
خالد بتفكير: هذا خطر عليها بس برضو فكره مش بطاله
عبدالله: يعني؟
خالد: شف من ناحية الخطر بيصير خطر مضاعف اذا خالها عرف ان نقطة ضعف شهد نواف هنا بيكون نواف بخطر وهي بخطر وبيستغل الشي ذا
عبدالله: طيب هو كذا كذا وصل له الموضوع وان شهد نقطه ضعفها هو نواف ولا ليش حقن نواف بالابره؟
خالد: ممكن غايته ماكانت كذا وممكن حقن نواف بالابره عشان تروح له
عبدالله: انا صدعت من التفكير
خالد ضحك: محد قلك تفكر انت متعب نفسك
عبدالله: انطم بس
خالد شاف تالا خارجه من الحمام وتنشف شعرها: نتكلم لما اجي عندكم بايي ومانتظر الرد وقفل بوجهه
عبدالله بصدمه: حتى مانتظرني ارد الوصخ وقام طلع لبرا سمع صوت صياح طفل راح لمصدر الصوت لقي نواف يصيح وشهد تحاول تسكته: صباح الخير
شهد بهدوء: صباح النور
عبدالله قرب وشال نواف: شفيه يصيح
شهد: مادري فجاه صار يصيح ومارضي يسكت
عبدالله صار يلعب نواف ونواف صار يضحك بدال البكي
شهد بصدمه: العياار لي ساعه اسكته سكت معاك بكم دقيقه
عبدالله بثقه: كان مشتاق لي
شهد ضحكت: وتقولها بثقه بعد
عبدالله: وانا صادق شوفيه كيف سكت لما عرف اني شلته
شهد ضحكت وفجاه نواف بكي وشهد تضحك: هاته هاته وشالته وسكت وصار يمسك شعرها بيديه الصغار: والحين اشتاق لي
عبدالله ابتسم: لالا طلع عيار صدق
طلعت ام عبدالله وهي مبتسمه: يالله صباح الخير وش الصباح الحلو ذا
عبدالله راح باس راس امه: صباح النور يمه هذي حلاوتك وانتي تحسبينها حلاوه الصبح
شهد راحت باست راسها: صباح النور وش الغزل الغريب ذا ياعبدالله
ام عبدالله ضحكت: الله يحفظكم ياعيالي شهد اكتفت بابتسامه ام عبدالله ابتسمت وهي تطالع نواف: ياهلا بالحلو الي محلي البيت بصياحه
شهد ضحكت: ناوي يطربكم بصوته الرائع كل صباح
ام عبدالله شالت نواف: ياحبيبي ليه كنت تصيح
نواف كشر بوجهها وام عبدالله انصدمت وشهد وعبدالله يضحكون: اص انت وهي
شهد وهي تضحك: قلتلكم عياار وشايف نفسه بعد
عبدالله: والله مدري لمين طالع
شهد: ها ها شقصدك
عبدالله: مادري
ام عبدالله: دايم معاكم انتو الثنين صار ياخذ منكم صفات
نواف صاح وشاله عبدالله وحاوب يسكته ماسكت: ياليل البلشه امسكيه انتي يالعياره شالته شهد: حبيب ماما وش فيك اليوم على الصياح بتصحي الخلق كله
ام عبدالله بحب: ياجعلني افرح فيكم
شهد مافهمت قصدها وطنشت وصارت تسكت نواف وسكت وام عبدالله راحت وعبدالله يحاول يستوعب الي قالته امه: شوف العيارر سكت
شهد جلست وحضنت نواف: خلاص عاد لا تزعلون نوفي حبيبي
نواف عجبه الوضع وصار يضحك وعبدالله ضحك من ضحكه: والله ذا الولد لو كبر بيصير داهيه
شهد: تعال اجلس قلي كلمت خالد
عبدالله جلس جنبها وهو يلعب نواف: كلمته وقال انو لو خالك عرف ان نقطه ضعفك هوا نواف وقتها بيستغلها وممكن ياذي نواف
شهد بعصبيه: هو لو ماعرف اني احب نواف ماكان سوا الي سواه من الاساس ماتفكرون انتو؟ هو مايعرف نواف اصلا بس اكيد في احد موصل له الكلام اخ بس لو يطيح بيدي لقطعه وارميه للكلاب الكلب
عبدالله كتم ضحكته من الي قالته وهو يأيدها: ايه وانا بساعدك نقطعه ونرميه للكلاب الكلب
شهد: تتريق انت ووجهك
عبدالله ضحك: مو بس انا شوفي حتى نواف يضحك
شهد مسكت وجهه نواف: تضحك على ماما يالوصخ
جتهم هاجر: يالله صباح خير وش هالصياح الي قومنا فيه ذا البزر
شهد: ابد شافكم مابتصحون قال يصحيكم بنفسه وفعلا الكل صحي بفضل الصياح والنياح الي سواه
هاجر جلست وهي تفرك راسها: لاوالله ماخذت منه الا الصداع
شهد: لو مر يوم بدون ماتكوني مصدعه فيه تعاليلي
هاجر: لا تخليني ارميك من الشباك انتي وبزرك
جا حسين وبدون اي مقدمات باس راس هاجر ومشي وهاجر مصدومه وشهد ضحكت: هيي يالحبيب ترا اختك هنا بعد
حسين: جوعاانن
شهد: ايه جوعان وتجي تبوس راس ذي
حسين بهبال: عشان يروح الصداع
شهد: حتى انا مصدعه لوسمحت
حسين: ماابوس الا رؤوس الناس الحلوه
شهد شهقت: يعني انا مو حلوه يالكلب
حسين: تقدري تقولي
شهد: آه ياخاين اوريكك والايام بيننا يالمصلحجي
حسين ضحك وراح باس راس شهد: ولا يهمك ياسيدة جمال الشرق الأوسط
شهد: ايه ادبب تراك خليت البنت تصنم
حسين طالع بهاجر الي مصنمه ووجهها احمر ضحك: شكلها تبي الثانيه عشان تستوعب
هاجر فزت: ل.ا ل.لا وشردت لغرفتها وشهد وحسين فطسو ضحك
عبدالله: مافي اي احترام لمشاعري
شهد: خذ بوس نوفي يستاهل ترا
عبدالله: لا ذا عيار شايف نفسه
حسين: بروح اكل وانتو تهاوشو
طلعت هديل بمساعدة شوق: مين الي بيتهاوش علموني عشان اعرف اشجع مين
شوق: تلقينهم توم وجيري
هديل ناظرت لشهد وعبدالله ابتسمت وهمست لشوق: تشوفين الحلاوه؟
شوق: اسكتي ترا اخوك يحبها وهي تحبه
هديل: ياختي خليني اتأمل التناسقات وش تبين ياقاتلة اللذات
طلعت لويا: انا جيتت قامت الدنيا مايحتاج تقولو ادري اني نورت المكان
خرج علي مع كلامها وهو مصدع: جاك الراديو يااميي سويلي قهوه تكفين بموت من الصداع
لويا بنرفزه: نعم خير على صباح الله تتهاوش
هديل ضحكت: صار عندنا توم وجيري نسخه مصغره
شوق: لا بس هم اخذو الدور ماتشوفين ماصارو يتضاربو عبدالله وشهد
هديل: ماشفتي شي هذا عشان نفسيه شهد تعبانه والا كان مضارباتهم ماتخلص دور علي ولويا مؤقت بس
لويا جلست جنبهم: سمعتكم تحشون فيني بس بسوي نفسي ماسمعت وياشهد تراهم حشو فيك كمان
شوق شهقت: يالدوده
هديل صارت تضحك: يلا بيجي توم وجيري نسخه جديده
جاهم مشعل: صبااحح الخيررر
جا حسين من وراه وصفق راسه: وجع فقعت طبلة اذني
مشعل: وجع انت
هديل بحماس: توم وجيري النسخه ال٤
شهد: وانتي مغير تحسبي كم توم وجيري عندنا
هديل: عاد الدنيا كذا ايش نسوي يعمري نواف وحشني هاتيه
شهد: صاحيه انتي يدك مجبسه تبين تطيحينه
شوق: عندي سؤالل
شهد: انطقي
شوق: الحين انتو طول الوقت شايلين نواف وقت النوم كيف ينام؟
شهد بطفش: ينام بحضني ابد ما يتعبني
شوق شهقت: ماتخافين تنقلبين عليه
شهد: بزر انا! عبالك اسمي شوق
شوق: نعم وش قصدك انا بزر
شهد: يب واضحه وصريحه عاد
جت بتتكلم بس قاطعتها ام خالد: يابنات وياعيال الاكل جاهز اكتفت انها تعطيها نظره تهديد ومشت وشهد ماتت ضحك على نظرتها
وكلهم دخلو غرفة الاكل ولقو تالا تتكلم مع ام خالد شهد شهقت: متى جيتيي
تالا: قبل شوي شفتكم تتخاصمو ورحت اساعد عماتي
شوق: ايه نسينا انها صارت متزوجه
تالا ضحكت: اي طبعا مااجلس مع بزوره
شهد: ايه هين يقولو مرد الكلب لراعيه ومردك لنا
تالا شهقت وطالعت ب ام عبدالله: عمه تشوفينها تسبني
عبدالله: رحتي عند امي تراها توقف مع شهد بكل شي
ام عبدالله: اوقف مع الحق والحق مع شهد عاد مايصير تسحبين عليهم انتي بداتي تتحملين
شهد مدت لسانها لتالا شوق: الحمدلله والشكر
لويا: والله كلام عبدالله طلع صدق شهد علمينا وش الخلطه وش السر الي خلى خالتي توقف معك ولو انك على غلط
شهد: لانها امي والقرد بعين امه غزال
لويا: الحين انتي تسبين نفسك ولا تمدحينها
شهد ضحكت: اثنين في واحد
شوق باستهبال: مع تايد للغسيل مفيش مستحيل
كلهم: مايضحك
شوق: سلكولي طيب
مشعل: ه ه ه ه انا ضحكت لا يكذبون عليك ويقولو مايضحك
شوق: انا قلت سلكو مو قهقهو
هديل ضحكت: اذا احد عطاك وجهه ماعجبك واذا محد عطاك وجهه ماعجبك
شوق: بالنص
هديل: مالت ساعديني اكل بس
والكل صار يأكلو بهدوء لين صارو ينسحبو واحد ورا الثاني وخلص الجميع الأكل
شهد مسكت تالا على جنب: تلوشش
تالا: هاا
شهد: كلمك خالد؟ قالك شي
تالا بتفكير: اممم لا ليش
شهد بوزت: في موضوع امشي معايا جيبي زوجك وولد عمتك القبيح ذا ومشت
تالا طيرت عيونها: بعلمهه انك قلتي قبيح
شهد بصوت عالي: علميهه
تالا ضحكت وراحت عند خالد وعبدالله: هاي. شباب
خالد: هاي صبايا
عبدالله ضحك: هايات
تالا وهي تضحك: امشو معايا يازوجي وياقبيح
عبدالله انصدم: مين قبيح
تالا: انت
خالد ضحك: اكيد شهد قالته
تالا هزت راسها بالإجابة وهي تضحك وعبدالله ضحك وهو مصدوم وقامو مع بعض لعند شهد: هلا بشلة القبحان ماشاءالله كل واحد اقبح من الثاني
تالا ماتت ضحك: اشببك منفسه طيب
شهد: ايهه من امس قايله لذا انه يكلم خالد وبالاخير تجحفلوني كذا
عبدالله: بس انا علمته
شهد: بس هو ماعلم تالا
خالد ناظر تالا بنص عين: لوميها لا تلوميني ماخلتني اعلمها
تالا انحرجت: كذاابب ماقلي انه يخصك
خالد: ها اعلمهم شسويتي لما كنت بعلمك؟
شهد: لا شكرا لا تعلمني عارفه السبب منك يالوصخ
تالا مسكت ضحكتها وهي تتذكر الي صار
فلااش باكك"
طلعت تالا من الحمام وهي حاطه المنشفه على شعرها وتحاول تنشف ولابسه الروب حق الحمام وخالد كان يكلم بالجوال بس قفل ونط: خلصتي
تالا وقفت قدام المرايه: ايه خلصت
خالد: تبين مساعدات؟
تالا ناظرته من المرايه ورفعت حاجب: لا رح الحمام انت
خالد: ليهه
تالا: لاني بلبس ولأنك لازم تستحم
خالد: حتى انا ابغى البس
تالا: البس وانا شدخلني
خالد: بس عندي موضوع
تالا: تكلم اسمعك انا
خالد قرب منها واخذ المنشفه الي كانت تنشف فيها شعرها: اممم شعرك حلو تدرين
تالا توترت من حركته: احم الله يحلي ايامك ااي وش موضوعك
خالد مسك يدها ولفها لقدام وحاوط خصرها: عندي مواضيع لو اتكلم من هنا لبكرا ماخلصت
تالا بتوتر وخجل: ااء احم خالد راح نتأخر كذا
خالد بعد شعرها عن رقبتها ونزل شووي وبان كتفها من الروب واستنشق ريحتها: اممم ريحة الشي الي استخدمتيه حلو
تالا صنمت وحست ببوسته ع كتفها: خ.خ.ا.ل.د
خالد بهمس: اشش خليني اخذ شوي طاقه
تالا ارتجف جسمها لما باس رقبتها غمضت عيونها بقوه: خاالللدد
خالد استوعب وبعد عنها شوي: احم هلا
تالا وهي ترجف: ر.و.ح. ت.ت.ر.و.ش
خالد مات ضحك وجهها كان احمر ومغمضه عيونها وتتعلثم وحالتها حاله: ترا ماسويت شي كلها بوستين
تالا لفت وجهها باحراج: قليل ادب
خالد: بس جد عندي موضوع
تالا باحراج صرخت: مابغى روحح وكذا راح وهي لبست وهو جا وخرجو
نهاية الفلاش باك"
نكمل حيث وقفنا
شهد: طيب عبدالله ارجع اشرح الموضوع لتالا
تالا بانصات: ايوا
عبدالله قال لها الموضوع: ايوا
تالا: لا
شهد كشرت: ليه
تالا: لانه خطر كبير
شهد: ترا لو ماتساندوني بروح بدون علمكم هذاني قلت
تالا خافت لانها عارفه شهد وعنادها: ياربي
خالد: من وجهة نظري كلام شهد صحيح بعيد عن الخطر هي الوحيده الي قادره تساعد نواف
شهد وهي تأيد خالد: ايه هوا ماحقن نواف عبث هوا عارف اني احبه ولا تنسو ان عندنا حد يوصل له اخبارنا اكيد عرف ان انا معجبه فيه!
تالا مسويه مصدومه: انتي معجبه فيهه
شهد بنرفزه: لا
تالا ضحكت: بس توك قلتيه
شهد: لا بالغلط
تالا وهي تستهبل: اي اي بالغلط بس علميني هو الي بالغلط حب ولا مجرد اعجاب
شهد: اسكتي! عندنا نقاش اهم من هالتفاهات
خالد بس حبس ضحكته: اي هوا ممكن يبغى يستدرجك او ممكن حط فخ ل اخوات نواف!
شهد: فكرت بالاحتمالين
خالد: اي طيب وش عرفتي؟
شهد: على حسب معرفتي ب خالي. اذا كان الاحتمال الاول فهو راح يتأكد اذا عرفت انا الخبر ويستنى اتخطى انهياري بعدها بيتصل، وان كان الاحتمال الثاني فهو حيتصل ب شوق او هديل بس دام هديل سوت حادث فهو حيتصل ب شوق لكن للان هو مااتصل على احد!
خالد: ممكن اتصل
شهد: لا بس ممكن ينتظر خطوه!!
خالد مثل ايش
شهد بتفكير: مااعرف بس انا متاكده انه ينتظر خطوه مننا يبي يكون اذكى
تالا: تمام نعطيه هالخطوه
شهد: تستهبلين تبين نكون اغبى منه ونعطيه الي يبغاه؟
تالا ضحكت بخبث: لا نعطيه إشارة غير صحيحه
شهد ابتسمت: عرفتت
خالد طالع بعبدالله الي سرحان دق كتفه وأشر له بمعنى ركز وعبدالله هز رأسه ب معنى تمام: طيب ايش هي الإشارة
شهد باستهبال: إشارة باتمانن
عبدالله ابتسم: مو وقت الاستهبال
شهد نجهز طعم عشان يبتلعه
تالا: يبدو اننا نحتاج لجمانه ثاني
شهد: او ممكن مانحتاج! انا وانتي نكفي
خالد: هيي هيي شتبين ب حرمتي انتي
شهد رمقته بنظره: حرمة عليك عيشتك
تالا قرصتها وشهد استغفرت: استغفرالله العظيم واتوب اليه، اعوذ بالله
خالد صار يصفق: الحمدلله أسلمت
شهد قرصت تالا وتالا صرخت: احح يوجع يحماره
شهد تقلدها بس بمياعه: احح يوجع يحماره ياييي
خالد حبس ضحكته وعبدالله ضحك وخالد انفجر ضحك وشهد مشت بكبرياء وهم يضحكو عليها
عبدالله وقف ضحك: احم اسيبكم انا
خالد ابتسم لعبدالله وعبدالله راح بس بقو تالا الي تضحك وخالد الي يتأملها سكتت تالا: احم متى راحو
خالد بابتسامه: من شوي
تالا وليه ماقلتلي
خالد: ماحبيت اقاطع جبرات الخاطر اقصدد الضحكات الحلوه
تالا طلعت منها ابتسامه خجوله وبانت غمازتها: احم بمشي انا وقبل لا تخطي خطوه جت اريج وهي تركض ونطت وتعلقت بيد تالا: ماممااا
تالا ابتسمت ونزلت لمستوى اريج: ياعيون ماما
اريج بحزن: تركتيني هنا ورحتي
تالا بوزت واشرت ع خالد: هذا الوحش اخذني
اريج ضحكت: بس هذا مو وحش هذا خالد
تالا: ايه هو اخذني
اريج بحماس: عشان تجيبولي بيبي صح؟ خاله شوق خالتلي امس
تالا طيرت عيونها وانحرجت وبقلبها تتعود شوق: لا حب.
قاطعها خالد: ايوا عشان نجيب لك بيبي صغير يشبه نواف ماتبين؟
اريج بفرح: لا ابي بيبي صغيره بس بنت عشان تلعب معاي
خالك اخذ اريج بحضنه: ولا يهمك بيبي بنت
تالا انحرجت اكثر: اكلتي حبيبي اريج؟
اريج: ايوا اكلت ماما حقت خالد اكلتني
تالا ابتسمت: كثر الله خيرها ماتقصر
خالد بهمس ل اريج: شوفي مامتك ماتبينيي اجيب لك. نونو
اريج بهمس: ليش
خالد بنفس الهمس: للان النونو يدخل بطنها وهيا تخاف بطنها يكبر
اريج: ليه يدخل بطنها
خالد: عشان يكبر شوي هناك
اريج بتفكير: ماما
تالا: عيوني
اريج: انتي ماتبين تجيبين لي نونو عشانك خايفه؟
تالا طيرت عيونها: خايفه من ايش
خالد حبس ضحكته واريج مكمله: عشان بطنك ماتبينه يكبر
تالا باحراج: لا حبيبي بس مو وقته الحين
اريج: بس شوفي خاله شهد عندها
تالا: لعبيه هو لين تجي البيبي الثانيه طيب؟
اريج: تخليني العبه خاله؟
تالا: ايوا اكيد تخليك قولي ماما تقولك خليني العبه
اريج نزلت من حضن خالد وشردت وهنا خالد ضحك وتالا صارت تضربه: قليل ادببب
خالد وهو يضحك: شسويت انا
تالا وهي مكمله تصفق: قليل ادب وقليل حيا وكذاب بعد
خالد يحاول يمسك ضحكته: شسويت طيبب
تالا: وش هالكلام الي قلته لاريج
خالد ضحك: لو ماوقفتي تصفيق ياويلك
تالا: وش بتسوي يعني
خالد: بسوي شي
تالا: مااخاف منك ماتسوي شي
خالد: جد
تالا: اي
خالد حشرها بالزاويه: ها ماقدر اسوي شي؟
تالا: ل.ل.ا خالد بعد عني الحين احد يجي
خالد: مو عساس ماتخافينن
تالا: جد ماخاف بس وخر عيب عليك
خالد ضحك: بس انا ماسويت شي
تالا: وقفتنا كذا غلط وعيب
خالد بعد عنها: طيب ياام الادب والعيب نتفاهمم لما نرجع
تالا هربت علطول
عند ابطالنا البقيه
لويا كانت منسدحه على رجول هاجر وتتصفح الجوال تدور حساب علي(لقافه) وهاجر تطالع ب حسين الي يتكلم مع مشعل ويتناقشو
شوق قاعده جنب هديل وتسولف وتقول لها عن اكتشافاتها الجديده وهديل شكلها مصدعه من الوضع وعلى جالس بالركن لحاله يتصفح جواله
دخلت شهد للصاله وفزت لويا: جابك الله
شهد انخرشت: شتبينن
لويا نطت لعندها: امشي نتحارش او نتضارب او نلعب اي شي حديي طفشانه
كل الانظار تحولة لهم
شوق: اي والله طفشانه وذي مي معطيتني وجهه شرايكم نلعب
هاجر باهتمام: وش نلعب؟ لا تقولو صراحه وتحدي
شوق بحماس: شرايكم ب لعبه الأحرف نقول حرف ونجيب منو اسم وبلاد وجماد
علي: قديمه، شرايكم نطلع؟
شهد: وين
علي: عالبحر
هديل: فكره مش بطاله
دخل عبدالله: وينن
علي: عالبححرر
عبدالله: قدام
مشعل: اذا الحب معاكم انا معاكم واذا مو معاكم الله معاكم
حسين: خخف علينا يالعاشق الولهان ياروميو لنت
عبدالله: طالع منها ياقيس
حسين بفخر: مش زيه ع الاقل
شهد باستهزء: ايه ايه مش زيه
حسين قاطعها: من ستر على مسلم فالدنيا ستر الله عليه ف الاخره
الكل ضحك جت اريج تركض ووقفت قدام شهد وهي تتنفس بصعوبه: خ.ا.له شهد اخذت نفس عميق وزفرته: خاله شهد
شهد ضحكت: هلا ياقلب خاله شهد قولي وش مخليك تركضين لدرجه ينقطع الاكسجين منك
اريج ابتسمت ببراءه: عشان نواف
شهد: وش فيه؟
اريج: العب معو
شهد: بس؟ صاار روحي غرفتي تلقينه مع خاله
اريج ابتسمت بفرح وركضت وشوي دخلت تالا وهي تركض شهد ضحكت: وانتي تبين تلعبي مع نواف صح اعترفي
تالا ناظرتها بعصبيه: كليزق
شهد: من وجهك عرفت ليه تركضين زين زين اقعدي اشربي ماي اعرفي وش مخططين هالملاعق والاشواك
هاجر: وش معنى ملاعق واشواك؟
شهد: ولا يهمك شامبو وبلسم
هاجر: وليه شامبو وبلسم
شهد: ولا يهمك الظفر والاصبع
هاجر طيرت عيونها: خير
شهد: ولا يهمك...
قاطعتها هديل: لا تكملين تكفين خلاص عرفنا انو مانتفارق وجع
شهد: اف تراك جرحتيني
هديل: حطي لصق جروح يابعدي
شهد: جرحتيني مره ثانيه
هديل: حطي لصق جروح ثانيه واذا ماعندك كلميني اعطيك
شهد: ماشش منتي حنونه
تالا ضحكت: دايم تهاوشو احسن من اتوام وجيريات ال٤
شهد: شهاده اعتز فيها وترا انا مش رايح
تالا: وين
شهد: بيروحو البحر
تالا: حلو اختيار موفق
شهد: منتي رايحه
تالا: ماتوقع
شهد: ليه
خالد قاطع حديثهم: لانها بتكون معاي نسيتي انها عروسه
شهد: اوبس نسيت زين زين يخلو لي المكان وأخذ راحتي
هديل ضحكت: يحليلها نست طقة شادن وليلى
شهد بلوعه: ووع وجع معليه بتجاهلهم بتناسى وجودهم
هديل: موفقهه
علي قام: بتروحو بسياره وحده ولا
مشعل: حبيبتي ويايي
شوق: اختي معاي
حسين: شكلي باخذ حبيبتي انا بعد واسحب عليكم
لويا تمثل الحزن: وابقى وحيده اه يالغدره
علي: مين بعد بيروح
نايف: انا
معاذ: وانا
فرح نزلت: هيه وينن رايحين
لويا: البحر وكلهم سحبو علي تسحبين ولا تجين معي وبهمس" مع ذا المنحرف"
فرح: يلا بجي
علي ببرود: يلا بسيارتي معاذ ونايف وفرح "يتعدي انه نسى اسمها" انتي شسمك؟
لويا بصدمه: لويا اسمي
علي بلا مُبالاه تمثيليه: اها طيب ايًا كان بسيارتي تروحون
لويا بقهر: بيننا الو يابنات لا تنسون
وكلن راح بسيارته وعبدالله طلع للمستشفى وخالد وتالا رجعو مكانهم
عند شياطين الانس(طقة شادن)
شادن كانت تعيش حالة اكتئاب
ليلى: شادن شفيكك ترا الحبيب بداله حبيب
لمياء: وهي صادقه تقتلين شبابك ليه
هنادي بهدوء: خلوها
ليلى: نوعيها حنا الي تسويه غلط بعدين كذا كذا حتى لو صحي ماراح يجيك هوا يحب وهيا قدامو وتحبو وش ترتجين؟ دوري لك غيره
ليلى: مافي مثل الحب الاول
شادن قعدت تطالع ليلى بحقد وبقلبها "راح تندمين على كلامك دا وعلى كل شي ادا ماندمتي مايكون اسمي شادن" وقامت من المكان وطلعت لبرا وشافت شهد لابسه تيشرت بدون اكمام ولين البطن وشورت ورابطه جاكيت على خصرها وقاعده تركض رفعت حاجبها: دي كيف قاعده تتمشى هنا على كيفها وبذي الملابس الله لا يبلانا! راحت المطبخ تشرب اي شي شافت العامله: هاي كيفك
العامله: اهلين مدام
شادن باستغراب: المكان هدوء مافي احد؟
العامله: لا مافي مدام كلو يطلع بس مدام شهد يبقى وانتو واستاذ عبدالله دحين يجي كلم انا سوي عشا مال هوا
شادن بتفكير: قلتيلي عبدالله
العامله: ايوا
شادن جتها فكره وبخبث: اسمعيي ميري انت عندك بيبي صح؟
العامله بحزن: ايوا بيبي موجود
شادن: انا يعطي انتي دحين الفين ريال بس ودي عصير بعطيك هوا لشهد
العامله: تمام مدام
شادن راحت غرفتها ركض وهي تكلم نفسها: راح انتقم منك يا ليلى وراح اضمن نواف لنفسي اجل الحبيب بداله حبيب نشوف وش بتسوين انسه ليلى. وأخذت دوا معين ونزلت وحطته بكوب عصير وعطته العامله واخذت دوا ثاني حطته بالاكل حق عبدالله: بكذا تمت نص المهمه وصارت تصفر وتمشي
عند شهد كانت تسمع اغاني وتركض تسوي رياضه وتطرد الطاقه السلبيه جتها العامله وقفت وهي تتنفس وشالت السماعه: هلا قلبي
العامله: انتي واجد يركض اليوم جبت لك عصير ايشربي كويس صحه مال انت
شهد ابتسمت بإمتنان: شكرا وأخذته وشربته: اهه ارتحت جلست عند الأشجار وقفلت الاغاني وقعدت تفكر وفجاه حست بدوخه: بسم الله الرحمن الرحيم شكلو منزمان ماركضت الحين صرت ادوخ قامت وهي حاسه راسها ثقيل تمسكت بحاجه رفعت راسها ونظرها مشوش: ااءء ميين الي قدامي بسم الله شكلي بدأت اهلوس او جني يمااااا
ضحك: لا تهلوشين ولا جني انا عبدالله
شهد بدوخه: ايه صح دقيقه مارحت معاهم
عبدالله بهدوء: لا ايش هالحاله؟
شهد: معرف سويت رياضه وشكلي أرهقت نفسي بزياده
عبدالله شالها وبعصبيه: وانا كم مره منبهك عن اللبس الي زي كذا؟؟
شهد بدوخه: اخ عبدالله مو وقته مافي احد بالبيت هالي اعرفه
عبدالله بعصبيه: كنت راح اسندك بس وقتها حناخذ وقت طويل ولو دخلت فيك لين غرفتك بذا الوضع راح ينشك بوضعنا لازم اوديك غرفتي مشي لين غرفته ودخل وهو معصب نزلها عالسرير وأخذ اي تيشرت طويل عنده ولبسها بالقوه وصار مغطي نصها تنهد: نخلي الهواش لبكرا الحين لازم افحصك
شهد بعصبيه ودوخه: نعم تفحصني
عبدالله بنرفزه: ياليل والتفكير بفحصك انا دكتور بعرف وش هرجتك وش متعبك
شهد: مافي شي بس انا تعبانه ورحت ركضت وسويت رياضه شرايك أكيد اني بتعب زياده
دخلت العامله: ااء استاذ عبدالله اكللك
عبدالله بعصبيه: حطييه واذلفي
العامله خافت وحطته وطلعت
شهد بنرفزه: ياخي لا تصرخ ترا والله تصدع فوق الصداع
عبدالله يحاول يهدي نفسه: طيب بروح اكل واذا رجعت وللان تعبانه بفحصك
شهد: روح
عبدالله راح يأكل وترك شهد ترتاح بسريره
عند خالد وتالا
تالا غيرت لبسها لبجامه وفكت شعرها وجلست قدام التلفزيون وقعدت تقلب فيه لين لقت فلم وقعدت تتابعه ومندمجه وماحست ب خالد الي جلس جنبها وباس خدها وقعد يخرب عليها المسلسل جا إعلان: يامزعج
خالد باس خدها ثاني: مساء الخير
تالا انحرجت: مساء النور
خالد: الحين مانحرجتي من الاولى بتنحرجي من الثانيه
تالا باستغراب: اي اولى؟
خالد: اول ماجيت جلست جنبك بستك بس شكلك مالاحظتي مااش المفروض استغل الفرص الي كذا
تالا باحراج: قليل ادب
خالد ابتسم: اذا كل مابستك قلتي قليل ادب كيف بنجيب البيبي
تالا باحراج اكبر: قلييلل حيا وذوق بعد
خالد ضحك بصوت عالي: ياحلوك ياحلوكك اخ نفسي اقطعك بوس بس بتقولين قليل ادب
تالا: وقحح
خالد: لالا خلص بسكت
تالا: طيب اسكت وتفرج
خالد: بشرط
تالا: شروطك ماتخلص
خالد: لا
تالا: وش شرطك
خالد: بوسيني
تالا: تحب البوس انت
خالد هز راسه تالا: لا وبعد يهز راسه
خالد ضحك: انتي سألتي جاوبتك عادني ماحب البوس من اي احد بس منك
تالا ارسلت له بوسه عن بعد: خلاص بستك
خالد: ماتبين تجين تبوسيني يعني؟
تالا اندمجت مع الفلم وماردت عليه هوا قرب خطف قبله من شفتيها وجلس مؤدب ولا كأنه سوا شي وتالا لفت عليه بصدمه واحراج: ياقليل الابد
خالد مات ضحك على كلجتها: الابد
تالا انحرجت بس تمثا العصبيه: قليل ادب ومايخليني اتابع الفلم زين ترا اروح انام
خالد: اجي معك الغرفه قريبه ترا
تالا: اقفلها بالمفتاح نامم برا
خالد: ماتقدرين بدونيي
تالا لفت وهي مسويه زعلانه بس الحقيقه انها منحرجه وقلبها يخفق
وخالد مبسوطط
_______$$$$&
يالله صباح الخير، يوم وطني سعيد للجميع يارب💚💚
كثره السؤال عن(متى انزل البارت الجديد؟ موعد نزول البارتات) ياحبايبي مااقدر اوعدكم بوقت معين لاني ماراح التزم فيه وخاصة بظل هالظروف الي عندي عاد انا مش مقصره وانتو حماسكم يحمسني اني انزل لكم لكن صدقوني مابي انزل بارت يكون مو بقدركم او مايكون بالشكل الي انتو تبونه او انا ابيه انا لو اقلكم بنزل ف اليوم الفلاني ف انا حنزل لكن مستحيل يكون البارت بالشكل الي ابغاه لان مرات اكتب بدون نفس وانا مااحب هالشي احب اكتب لكم بكل حب واعيش كل المشاعر الي اسردها لكم عشان تعيشونها انتم بعد ويعجبكم البارت لكن لو كتبتها بكل برود هل حتعيشو شي او يعجبكم؟ طبعا لا لذلك انتظرو وماعليكمم قاعده احاول وباذن الله راح اقدر ونختم الروايه الثانيه مع بعض وبالشكل الي انا متمنيه يكون مع كاامل حبي لكمم مها🤍🤍
