اعذروني ع الاخطأ الإملائيه ❤️❤️❤️
واعذروني عالتقصير والتأخير بس ربي أعلم ب نفسيتي ماهي زي اول ادعو شغفي يرجع زي قبل ونفسيتي تتحسن
______________
صباح يوم جديد
عند هديل كان من اسوء الصباحات ماعرفت تنام كويس دخل عندها الدكتور طالعته يطرف عين: شنو تبي
الدكتور: بصفتي دكتورك جاي اتأكد من حالتك
هديل لفت: مايحتاج اكتب لي خروج وتسوي فيني خير
الدكتور: حالتك ماتسمح لنا أن نكتب لك خروج
هديل: ليه وش فيها حالتي لا يكون مريضه بمرض ماله علاج
الدكتور: لا بس نحس عقلك مو تمام
هديل: يعني مجنونه
الدكتور وهو يقلب بالاوراق: يمكن شوي
هديل: شوق موجوده؟
الدكتور: البنت الي كانت معك؟ ايوا وفي رجال معاها جالسين برا
هديل: ناديهم لي
الدكتور: تمام وطلع نادى شوق ومشعل ودخلو وشوق ركضت وحضنت هديل: كذا تسوين فيني حرام عليكِ
هديل: خلاص انا اسفه مابعيدها
شوق: جد لا تعيديها بغيتي توقفي قلبي
هديل ضحكت: عاد ماتوصل اني أوقف قلبك
شوق: اي بيوقف من الحب
هديل بمزح: اكذبيها على غيري، مشعل
مشعل التفت لهديل: امري
هديل: بنرجع فرنسا
مشعل: نعم بعد الي صار لا وألف لا
هديل: لييهه بعدين البوديقارد معانا
مشعل: خطر عليكم اذا انتي ماتخافين ع نفسك ف شوق تخاف عليك وانا تهمني شوق
هديل: اجل بخلي شوق هنا وانا بسافر
مشعل: سفر ممنوع بعدين نواف تارك ان انا مسؤول عنك انتِ وهي فترة غيابه وقلت ممنوع
هديل: طيب ممكن تخلي الدكتور زفت ذا يكتب لي خروج لان لاعت كبدي من المستشفى
مشعل: حاضر وراح يكتب لها خروج وهي وشوق قعدو يسولفو
عند تالا وخالد صحت تالا قبل خالد وهي شايله هم اولا خطف لويا والي للان ماكلمتها وهاجر الي طلعت حامل واحمد الي قاعد يدمر مستقبلها وكان خوفها الاكبر انو الدور يجي ع خالد لفت ع خالد وهي تتأمله باست راسه وصحي ع بوستها واحضنها وابتسم: اشبها الحلوه تتحرش فيني وانا نايم
تالا ابتسمت: ابد جمالك ماخلاني اتهنى في نومتي قلت اخذ لي شوي
خالد: فداكك كلي ياحلوتي
عند لويا صحت من النوم وهي مصدعه لقت هاجر جنبها قامت دخلت الحمام "أكرم الله القارئين" قضت حاجتها وتوضت وصلت ودعت ربها وقامت تشوف جوالها لقت ٢٠مكالمه فائته من شهد وتالا ورقم غريب استغربت ودقت ع الرقم الغريب وصلها صوت: الوو
لويا: مين؟ داق علي اكثر من مره
.. : لويا؟ كيفك اليوم
لويا عرفته من صوته وكشرت: هذا انت؟ مو قلت لك مابي اشوفك
.. : بس مو قاعده تشوفيني قاعده تسمعين صوتي بس
لويا: حتى صوتك يجيب لي الغثيان افهم ياعلي انا كرهتك بعد امس
علي بضيق: حرام تسوين فيني كذا
لويا: تستاهل فمان الله لاعاد تحاول توصل لي وقفلت وجلست بالأرض تدمع
عند شهد وعبدالله
صحي عبدالله قبل شهد ويطالع فيها وهي بحضنه وتنهد وهو يكلم نفسه: لو صحيت وهي بهاذي الوضعيه احتمال تقوم الغرفه علي وماتخلي سبه ماتسبني فيها بعدها عن حضنه ورجع المخدات على وضعها وحاول يرجع ينام ماقدر وحس بحركة شهد الي قامت ورفعت شعرها وراحت للحمام فتح عيونه وابتسم: لو متأخر شوي كمان كان شفت دراما جديده وضحك
عند ممدوح واحمد طبعا ممدوح كان منجلد جلد العافيه وماقال ل اهله انها من شهد عشان الهيبه
ام ممدوح بضيق: جعل يدينه الكسر شوف وش مسوي فيك
احمد بقهر: اخ بس لو تقول لي منهو ذا الي مسوي فيك كذا كان خليته يبوس رجلينك
ممدوح: قلت لك يبا مشكله صغيره بيننا حنا العيال لا تكبرها
ام ممدوح: بس مايسوى كل هذا مشكله صغيره
ممدوح: معليه يمه تعرفين لما العيال يتزاعلون يصير كذا واسوء
احمد: الا ماسمعت ياممدوح
ممدوح: وش
احمد: شهد وتالا طلعو يعرفون بعض اخ يا القهر الي ماوصلت له انا وصلت له شهد وبوقت قصير وانا لي سنين بحاول اوصل لهم
ممدوح مسوي متفاجئ مع انه شافهم مع بعض: اماا عاد وش ناوي عليه الحين
احمد بخبث: اصبر علي انت وشوف ابوك وش بيسوي
ممدوح: علمني تحمست بعدين يبا انت واعدني مايصير شي لشهد الا بعلمي
احمد توه يتذكر: ترا شهد ملكت
ممدوح انصدم لانه ماكان يدري: نعمم وبمينن
احمد: لسه مادريت لكنها ملكت
ممدوح انقهر وكان في كاسه جنبه رماها وانكسرت: نعمم هي لي كيف تمللكك على غيري وانا موجود يمين بالله لايكون موته على يديي
احمد: هي للان بس مملكه لكن شكلها ماتحبه لسه الورقه بيدك بس اصبر علي اجيبها لك
ممدوح بعصبيه: يبا ابيها يعني ابيها
احمد: مافي شي يغلى عليك
ام ممدوح بضيق: يايمه في مليون وحده غيرها ايش معنى هي
ممدوح بعصبيه: الي عندي قلته مافي كلام غيره ولو سمحتو اطلعو ابي ارتاح
ام ممدوح خرجت وهي متضايقه واحمد لف على ولده بحده: احترم امك ياولد ولاعاد ترفع صوتك عليها لااقص لسانك وخرج وممدوح قمط العافيه بعدها تذكر أن شهد ملكت رجع له القهر ومسك الجوال واتصل ع رقم ورد عليه: الوو اسمع....
عند هديل وشوق
دخل مشعل والدكتور وراه: السلام عليكم
هديل وشوق: وعليكم السلام ورحمة الله وبركاته
الدكتور: استاذه هديل سمعت انك تبين تخرجين
هديل: يب يب ابي اطلع لوسمحت وعلى مسؤوليتي كمان
الدكتور: اشبك مستعجله طيب خليني اكمل كلامي
هديل: لاني مابي اسمع تفاهات
الدكتور تجاهل كلامها: بكتب لك خروج بشرط تلتزمي بادويتك وترتاحي ولا ترهقي نفسك
هديل: اكتب الخروج وانت ساكت
الدكتور وجهه نظره ل مشعل: لو ماتلتزم بالكلام الي قلته راح ترجع تتعب والحين بكتب لها خروج
مشعل: يعطيك العافيه ماقصرت يادكتور
الدكتور: شغلي هذا
عند شهد خرجت من الحمام ولقت عبدالله ع نفسه وضعه تنهدت وربطت شعرها واخذت شنطه وخرجت عبدالله فتح عيونه ودخل الحمام وغسل وجهه ع السريع وخرج جري يشوف وين بتروح ومالقاها وراح عند امه باس راسها: صباح الخير يمه
ام عبدالله: صباح النور يابعد الدنيا
عبدالله: يمه وين اختفت شهد
ام عبدالله: ورا الشقه مكان مادري وشهو يمكن تلقاها هناك
عبدالله: تمام شكرا
ام عبدالله: ما حتفطر
عبدالله: راح ارجع وراح ورا الشقه ولقى المكان ودخل وكان هدوء دخل جوا لقاها تتمرن وعرقها يصب وقفت وهي تتنفس بصعوبه لما شافته: وش جابك
عبدالله عقد حواجبه: جاي ب كوني دكتورك انتي غبيه عندك ربو وقلب وتتمرنين بالضغط ذا
شهد اخذت مويه وشربتها: والله هذا شي بكيفي يعني محد يتدخل
عبدالله: قرب لها وهو ياخذ المويه وشرب منها: لا مو بكيفك حبيبتي
شهد: مومن الذوق ولا الاحترام انك تاخذ مويه شخص ثاني وتشربها وبدون استئذان
عبدالله قرب ل اذنها: مو احد غريب زوجتي ومشي من جنبها
شهد كشرت كرهت انه بكل مره يقول زوجتي: وش رأيك نتواجه
عبدالله: موافق بس بشرط الي يفوز يطلب الي يبيه من الثاني
شهد: طيب موافقه لو انا الي فزت ماعاد تتدخل فيني
عبدالله: تم ولو انا فزت راح احدد زواجنا
شهد فكرت شوي بعدها: موافقه يلا نبدأ
عبدالله شال التيشيرت: يلا
شهد: ايش يعني تشيل التيشيرت
عبدالله بابتسامه: يمكن تنغرمين بعضلاتي
شهد وهي تهاجم: تخسي
عبداله صدها: اوه طلعتي مو هينه
شهد هاجمته للمره الثانيه وسدحته ع الارض: يسموني المقاتله شهد
عبدالله واخيرا دافع عن نفسه ولوى يدها وصار ظهرها ملاصق لصدره: تقولين لي مقاتله
شهد رفست رجله وطاح وبسرعه حطت رجل ع يده ويدها ع رقبته: ماعجبتك
عبدالله ابتسم ويحركه غير متوقعه طيحها على صدره وقلب الطاوله وصار هو فوقها وقيد يدينها الثنين: انتي اكثر وحده تدري ان كل شي منك يعجبني
شهد صارت تتنفس بقوه: قوم عني
عبدالله: استسلمي وبقوم
شهد: والله ماستسلم وحاولت تقلبه برجولها بس قيد رجولها
عبدالله بابتسامته: مافي مفر
شهد عقدت حواجبها: مابستسلم
عبدالله: نقعد كذا طول الليل؟ ماعندي مشكله وطالع بعيونها الي تطالع فيه وصار قلبه يدق وصار يكلم نفسه لا ياعبدالله لا تضعف هنا أنفاسه بدأت تزيد: منتي ناويه تستسلمي
شهد: لا
عبدالله: اي شي بيصير انتي المسؤوله عنه
شهد استغربت: مثل ايش
عبدالله: ان يغمى علي مثلا
شهد: ليه يغمى عليك لهدرجه جمالي مأثر فيك
عبدالله ضحك: اييه الثقه الي نبيها
شهد: ورا ماتفكني
عبدالله: قولي انك استسلمتي وبفكك
شهد: وانا مابقوله
عبدالله وهو يطالع بعيونها وشفايفها ويتأمل شكلها المرهق والعرق بجبهتها يصب تنهد: انتي تجيبي لنفسك كل شي تدرين صح؟
شهد: ماجبت شي لنفسي للان
عبدالله ابتسم وهو يطالع بشفايفها ويقرب وهي حست ب الي بيسويه: استسلمت قوم قوم
عبدالله قام بسرعه وهو يمسح وجهه ويتنفس بعمق: كويس استسلمتي
شهد طالعته بحقد: كريهه
عبدالله ابتسم بين أنفاسه السريعه: شكرا
شهد: متى بتخليه اليوم المشؤوم
عبدالله وهو يلبس تيشرته: انا راح اختاره واعلمك سيو وخرج وشهد ضربت رجلها بالأرض بعصبيه: كيف مثل هالشخص يهزمنييي انا أقوى أووفف لو أن ماجا في بالي شي كان صملت و مافاز
عند هاجر صحت من النوم وهي تحس بتعب حطت يدها ع بطنها: ماراح اسمح تتاذى وصدقني ابوك راح يندم ندم على الي سواه وانا ماراح اتخلى عنك
دخلت لويا وهي تكلم نفسها: انهبلتي تتكلمين مع نفسك
هاجر ابتسمت: ماكلم نفسي اكلم الي بداخلي
لويا تحاول تستوعب: مين؟ طلعتي ملبوسه احاا
هاجر وهي تطالع ببطنها: لا اكلم شهوده الحلوه
لويا جلست جنبها وهي مصدومه : وش تخربطين
هاجر: اي انا حامل
لويا: من متى ومن مين وكيف وليش
هاجر: من حسين ومتى تقريبا شهر وكيف وليش، قدر الله وما شاء فعل
لويا عقدت حواجبها: ب الحرام!
هاجر عصبت: جعل لسانك القص استغفر الله تزوجنا ب المحكمه
لويا بضيق: والله مادري وش اقول
هاجر: اطلعي برا لا تقولين شي لويا التزمت الصمت وطلعت
في الصاله ام عبدالله جهزت الفطور والكل تجمع وصارو يفطرو بهدوء الا شهد شوي وتكسر الصحن
تالا عقدت حواجبها: شفيك انتِ صدعتيني تراك
شهد: خلك بصحنك وانطمي
تالا: الي اعرفه تصحين والأخلاق تمام اليوم أخلاقك مو تمام
عبدالله كتم ضحكته لأنه عارف ان هو السبب وشهد طالعته بحقد: لما الواحد يصبح ع وجيهه شينه هذي تكون الأخلاق عبدالله غص باكله وصار يكح وأمه عطته مويه: بسم الله عليك يمه وخالد يضحك ع الصامت وتالت كاتمه الضحكه والبقيه بعالم اخر
شهد: بسم الله عليك كل بشويش
عبدالله طالعها بابتسامه: تخافين علي ياقلبي
شهد كشرت: اعقب
ام عبدالله: الله يهديكم هذا وانتو لسه ماصرتو في سقف واحد بتتذابحون خوفي بكرا تجوني كل واحد مغرق بدمه
تالا وهي تضحك: لا تستبعديها حطيها ب الاحتمالات انا مدري كيف فكرتو تزوجوهم
عبدالله بروقان: على طاري الزواج يايمه متى افضل وقت نحدده لزواجنا
ام عبدالله: ليه قررتو تحددون؟
عبدالله: ايه متى تحسين الافضل شهرين ولا ثلاث
شهد شهقت: وشو ثلاث خير يالطيب ممدا اجهز اصلا
ام عبدالله: ماعليه يابنتي البنات كثار يساعدونك
شهد سكتت بغيض وبصوت واطي: كريه يربيي
هاجر وهي تطالع بشهد: احس افضل ثلاث نكون مخلصين كل شي بس شرط أن انتو العيال تجهزون الكوشه وتجهيزات العرس بشكل عام
عبدالله ابتسم: انا موافق ها ياحلو موافق ولا
شهد طالعته: على اساس لو اعترضت بتسمع لي؟
عبدالله: ممكن
شهد: اجل خلها بعد سنه
عبدالله فكر شوي: على خشمي
شهد ابتسمت: صدق؟
عبدالله ابتسم لابتسامتها: اي صدق الي تبينه تم يلا انا بروح الدوام تبون شي
شهد قامت: انا شبعت ممكن اجي معك عشان بروح اشوف هديل
عبدالله: هديل جايه مايحتاج تروحين بس لو هذي حجه عشان تكونين معاي ماعندي مشكله
شهد: تافهه اوفف
عبدالله ضحك ومشي وشهد وراه حست بحيا لان ماقد اتشكرت رجل بحياتها: عبدالله
عبدالله لف لها وقلبه تلخبط من منادتها والنبره: لب.. هلا
شهد بخجل: شكرا
عبدالله استلطف شكلها وهي مستحيه لا وتشكره: على وش
شهد: على انك وافقت ان الزواج يكون بعد سنه رغم انك قادر تخليه باقرب وقت
عبدالله ابتسم وبقلبه طاير من الفرح ووده انه يرقص ويبوس نفسه يوم وافق على كلامها: انتي لو تقولين لي اطلع للسماء نزل لي نجمه بانزلها لك
شهد بابتسامه: لا يازق صدق اشكرك لو غيرك مستحيل يوافق
عبدالله: هذاك قلتيه غيري لكن تذكري ان انا عبدالله الي مستحيل يرفض لشهد طلب الا لو كان يضرها قرب وباس جبينها: استودعتك الله وطلع وشهد واقفه مكانها ومشاعر تجيها ومشاعر تروح وقلبها يقول تخونين نواف ياشهد وحست بألم وتنهدت ورجعت الصاله تساعدهم وبالها مو معاها مع مشاعرها المتضاربه بسبب عبدالله ونواف
عند هاجر كان جالسه ب الكرسي وتفكر بحل وجلست جنبها تالا وضمت يدين هاجر ليدينها: بوش يفكر الحلو
هاجر: الطفل الي ببطني من وش بيعاني
تالا تنهدت: ترا انا زعلانه وجدا لكن ماقدرت اقلب عليك زيهم عشان الي ببطنك وكلنا نغلط لكن غلطك كان كبير مهما كان الشخص وكثر ماتحبيه المفروض ماتعطينه كل هذي الثقه وخاصه لرجل ممكن انه يبيعك مقابل شي تافهه هذا شوفيه وين ارضه وين سماه محد يدري وحتى لو جا وقال إن الولد ذا مو ولده تتوقعي تقدري تثبتي عكس ذا؟ طبعا لا والمجتمع ماراح يرحمك وانتي ادرى لكن نحنا معك وراح نقويك ومانسمح ل احد ياذيك انتي او الي ببطنك وزعل البنات ماراح يطول ولا تظنين اني راضيه عليك انا ابدا مو راضيه لكن لازم وحده تكون واعيه
هاجر ودموعها يتساقطون: ادري اني غلطت والله لكن مشاعري هي الي حكمت علي وادري مهما كان المفروض اني ماخلي مشاعري تتحكم فيني لكن غلطت وانا اسفه والله مقدر اشوفكم زعلانين مني كذا
تالا حضنتها وهي حاسه بحزن لحالتها: خلاص لا تبكين مو زين وراح يرضون البنات مستحيل يطولو بالزعل
هاجر بعدت عنها وهي تمسح دموعها: متى لاني اشتقت لشهد مو قاعده تطالع فيني حتى
تالا: معليش حبيبتي انتي تدرين ان شهد اكثر وحده تاذت بحياتها والحين انصدمت ب أقرب الناس لها لا تلوميها بس صدقيني قلبها طيب راح تسامحك
هاجر: طيب
تالا: يلا قومي غسلي وجهك وتعالي الصاله كلهم هناك وشوي بيوصلو البنات
هاجر قامت للحمام وتالا راحت الصاله وجلست جنب شهد السرحانه: شعنده الحلو سرحان بمين تفكر اكيد عبدالله
شهد تنرفزت: اوفف كل شي تربطوه ب عبدالله انتو ياربيي
تالا ضحكت: اشبك عصبتي طيب امزح معك بس وش شاغلك
شهد تنهدت: هاجر والي ببطنها
تالا: انتي زعلانه وبتفكري فيها
شهد لفت كل جسمها لتالا: انتي عارفه لو درا اخوها وش بيصير؟ يمكن يذبحها بدون مايفكر
تالا: معليه نحلها لو نسافر احنا وهي يكون احسن
شهد: كنت افكر بهالشي بس ماراح نرجع الين تولد بكذا يتأجل احمد واخاف يرجع ياذينا
تالا تفكر: مالنا الا ناس تسافر معها وتسوي الشغل وناس تجلس تراقب احمد وتحركاته
شهد: تدرين اني ماراح اقدر اخليها وحدها صح؟
ضحكت تالا: خلاص انتي وهي وشوق تسافرو وانا وهديل ولويا نجلس هنا نراقب احمد وبعلمك بكل صغيره وكبيره
شهد: السالفه مو هنا السالفه مين بيقنع عبدالله والبقيه
تالا: انتي صاحيه تبين تروحين وحدك بدون رجال
شهد عصبت: بلا غباء مشعل معنا حيكون
تالا: اوف هديلي أعصابك نسيت خلاص طيب حاولي تقنعيه استعطفيه استخدمي ذكائك
شهد: كيف استعطفه
تالا تفكر: امممممممممممم لقيتها تعاليي اعلمك وصارت تعلمها وكل شوي تعترض شهد الين اتفقو ع شي ووافقو كلهم وقررو يطبقوه بعده بيومين تكون هديل أحسنت والأجواء تعدلت
انتهى
________&&&&§§§§§
ادري انكم زعلانين علي وحيلل مو شوي بس انا جدا اسفه لكن تعرفون ان ابوي توفى والموضوع أثر على نفسيا وفقدت الشغف وكنت احارب الاكتئاب واحاول بقد مااقدر اكتب لكن كل ماجيت اكتب القى ذهني مشتت وانا ماأحب اكتب لكم شي يكون مشي حالك وللأسف ان في اشياء واجد حذفتها من الروايه يعني نهاية الروايه ماراح تكون نفس الي خططت لها والله ان لما بداتها كنت متحمسه لدرجه النهايه كانت جاهزه بس بسبب الأشياء الي صارت لي تغيرت اشياء كثيره لاني بحاول انهيها بس بإذن الله لو تحسنت نفسيتي وحسيت نفسي جاهزه راح افاجئكم بعمل جبار ولوفيوو
