السلام عليكم اتمنى تستمعو💛💛
حطيت طاقتي وضغطت ع نفسي وهذا الي طلع معاي مع انه ماكان ودي اضغط ع نفسي كثير بس لعيونكم يهون وفي كم وحده جوني عالخاص وعطوني طاقه ايجابيه والحمدلله ماتاخرت زي دايم واتمنى يعجبكم وتقدرون تجون لحسابي بالانستا تسالو عن الروايه او تستفسرو وتتعمقو يعني وتعرفون متى انزل لكم وكذا هذا هو(li3x7) وايلافيوو لكم كلكمم💛💛
اعذروني ع الأخطاء الإملائية💛
_____________
صباح يوم جديد طبعا عقلي قالي ابدا من عند هديل وشوق لان البارت الي فات ماجو فيه كثير
كانت منسدحه تفكر بس هالمره بغير شي تفكر بعزام الي زعلان منها ومقاطعها تنهدت وقامت تجهزت للمدرسه وراحت دورت ع شوق لقتها تفطر: صباح الخير
شوق بابتسامه: صباح النوورر تعالي كلي
هديل ابتسمت بهدوء: بالعافيه حبيبتي مابي اكل الحين
شوق: اف صايره ماتاكلين ترا
هديل: عادي خلصي عشان نطلع يلا
شوق: خلصت اصلا امشي وراحو ولحسن حظهم صادفو عزام عند الباب تكلمت شوق معاه: صباح الخير عزام
عزام: صباح النور ومشي وشوق راحت لفصلها
هديل تاملته شوي ثم راحت له: ممكن نتكلم؟
عزام بدون مايناظرها: لا
هديل: ماطلبت رايك بنتكلم وافقت أو لا
عزام ناظرها ورفع حاجب: نعم
هديل تكتفت: زي ماسمعت
عزام تكتفت زيها: اي أخت هديل وش تبين تتكلمي عنه!!
هديل: ليه تتجنبني؟ وليه زعلان اصلا
عزام: مافي سبب وماني زعلان خلصتي؟ يلا رايح
هديل مسكت يده: ماخلصت بعدين مو بكيفك تصير تتجنبني وقت ماتبي وتكلمني وقت ماتبي ماتمشيني بمزاجك
عزام ببرود: متى مشيتك بمزاجي؟ راجعي نفسك بعدين تكلمي
هديل بدأت تتنرفز: خير حسستني قاتله لك حدا
عزام قرب من وجهها: شوفي وابحثي يمكن سويتي شي من هنا ولا هنا
هديل توترت وبلعت ريقها: انا متاكده اني ماسويت شي غلط بحقك بس ااس.ف.ه
عزام ابتسم: مايحتاج تعتذرين
هديل بعدت عنه كم خطوه: يعني خلاص بترجع زي قبل معاي؟
عزام ضحك: ايوا
هديل ابتسمت ومدت يدها: صافيه لبن؟
عزام مسك يدها: قشطه ياعسل امشي نروح الفصل ومشو للفصل وكانت كاتي جالسه عالكرسي وحاطه رجل ع رجل هديل راحت بهدوء لمقعدها وجلس جنبها الكريه ذاك(دقيقه لازم اختار له اسم مصختها وأنا أقول الكريهه😭😭): هلا بالزين عسى ماشر ماصرت اشوفك
هديل ناظرته من فوق لتحت واستحقرته: تعرفني اعرفك عشان تشوفني؟
..: اوب اوب الحلوه لسانها طويل بس معليه يعجبوني الي كذا معاكِ ياسر
هديل: ماتشرفت وممكن تقوم من جنبي لاني بصراحه ابي اركز ومقدر وانت جنبي
ياسر حط يده تحت ذقنه: اي من جمالي ماتركزين
هديل ضحكت بسخريه: اي واضح الجمال ينقط منك
ياسر: كانك تسخرين مني؟
هديل بصدمه مصتنعه: اوفف قفطتني تصدق
ياسر تنرفز من اسلوبها وقام وهي ابتسمت بانتصار(تعجبنيي قسم بالله)
نروح لشلة المجانين
صحت هاجر اول وحده وشافتهم نايمين جلست تتقلب وقامت اخذت شور وجلست تدور ع شي تلبسه ولبست تيشرت ابيض باكمام قصير ومفتوح من عند البطن ولقينز اسود وفتحت شعرها استشورته وخلته استريت واخذت قبعه ورديه ولبستها(مدري شتسمونها بس انا عن نفسي اسميها قبعه واذا ماعرفتو روحو ابحثو) واخذت نظاره شمسيه ولبستها ورشت من عطرها المفضل وخرجت تتمشى بالفندق لانه كبير وراحت قسم المطاعم وجلست تفطر وشافت حسين من بعيد حاولت تغطي وجهها ليشوفها بس جاء واحد: افاا ليه الحلو جالس لوحده كذا يصير نفطر معاه وغمز لها تضايقت هاجر بس طنشته وشافت حسين جاي من بعيد وشكله معصب وجاء عطى الولد الي تغزل فيها بوقس وقامت بصراحه مسكته:وقف
حسين ناظرها بعصبيه والولد شرد ناظره ورجع ناظرها وتنهد وشال الجاكيت الي عليه ولبسها وهي ساكته وهادئه وطبعا الجاكيت طويل وصار مغطي نصها ونزل راسه عند اذنها وانفاسه تضرب ع خدها: لاعاد تتطلعي بهذا الشكل
هاجر حست بشقعريره من قربه ومن انفاسه ومن همسه ومانطقت بحرف ضلت متجمده بمكانها حسين بعد عنها وشاف وجهها الي قلب الوان وهي متجمده ما قدر يمسك ابتسامته غصب عنه ابتسم: ماودك تجلسين؟
هاجر اخيرا استوعبت وجلست بهدوء وكملت فطورها بهدوء قطع الهدوء حسين: افا حتى مافي عزومه شي
هاجر كانت سرحانه مو معاه بس صحت على يده تلمس خدها فزت: ها
حسين بابتسامه: صارلي ساعه اتكلم وين وصلتي؟
هاجر: ولا مكان
حسين حط يده ع خده وجلس يناظرها: امم طيب
هاجر توترت من نظراته ونزلت راسها: ليه تطالعني
حسين: حرام اطالعك؟
هاجر: لا بس لا تطالعني كذا لاني اتوتر
حسين خطرت بباله فكره وجلس يناظر وحده: شوفي هذي شرايك فيها اوف ياان عليها جسم طرب
هاجر ناظرت الي يتكلم عنها وتنرفزت بس ماعلقت جلست بهدوئها
حسين: شوفي شوفي شكلها خقت علي
هاجر زقت معاها: باللهي شرايك تقوم عندها وتفطر معاها وتروح معاها الغرفه بعد
حسين يسوي نفسه يفكر وهو حابس الضحكه: تصدقي فكره مو شينه
هاجر طرطعت: لا يشيخخ واناا مزهريه هناا صح
حسين ناظرها بنظره تدوخ وبهمس: تغارين
هاجر ضاعت بعيونه ونبرته: ها
حسين بنفس النظره مع ابتسامه: تغارين؟
هاجر ماعرفت شتقول فااكتفت بالسكوت شوي جت نفس البنت الي كان يتغزل فيها عتدهم ولصقت جسمها بحسين عاد ماحكيكم عن هاجر قامت بسرعه بعدتها وجلست جنب حسين وحشرت نفسها بحضنه: نعم خير وش تبين
البنت اللبنانيه عصبت وش تبي ذي تتدخل وبدلعها الماصخ قدام حسين: شوبك دخلتي هيك انا جايه ئبلك
هاجر بدلع: امم اتوقع اني كنت جالسه معاه من اول وهو حبيبي وانتي جايه تتدخلي مب انا
حسين عاجبه الوضع وهي بحضنو وغيرتها ودلعها وريحتها الي ماقدر الا يدفن راسو برقبتها ويستنشقه وهي مو حاسه بسبب اللبنانيه
اللبنانيه تنرفزت وراحت وهاجر جت بتقوم بس حسين شدها ودفن راسه برقبتها اكثر وقلبها بدا يدق من قربه وغمضت عيونها بقوه لما حست بالبوسه الي انطبعت برقبتها وبعد عنها وناظر وجهها الي صار احمر بقوه ضحك بصوت عالي وهي فتحت عيونها ببطئ وناظرته وقامت بسرعه وشردت للغرفه وحطت يدها ع مكان البوسه تلقائيا وابتسمت بحيا وغطت وجهها وقامت تصرخ عالخفيف
عند حسين كان يضحك بعدين طلب له فطور واكل وقام راح لغرفة العيال وصار يزعجهم لين قام الكل الا خالد وراح له: خالد ياكلب الكل قام الا انت يابني خلصني وقوم
خالد قام: قمت ياولد قمت ازعجتنا على ذا الصبح
حسين بروقان: واحلى صبح
خالد وش ذا ريحة عطر نساء وقرب لحسين وشمه وغمز: ياعينيي ريحتك عطر نسائي
حسين شم نفسه وتذكر الي صار وابتسم: اهه بس من النساء قوومم وقام خالد وهو يضحك
عند البنات قامو كلهم واخذو شور وجلسو كلهم بسرير واحد عشان يتكلمو
شهد: شرايك تالا نبدا بهاجر والا جمانه
جمانه: انا اقول تبدو فهاجر احسن لانو سالفتي شوي طويله
شهد: بصراحه اقنعتيني بس برضو ترا انا مو من النوع الي ينسى بسرعه ولفت لهاجر السرحانه اوهه هجوره ماعرفتك
هاجر فزت: وشو
شهد وهي تغمز: تحبين من ورانا
تالا وهي تعزز: اي تحسبين حركاتك مو مكشوفه
هاجر احمر وجهها: عن وش تتكلمو
شهد ضحكت: وجهها عطانا الاجابه اقول اسدحي السالفه لااسدحك هنا
هاجر: خف علينا ياعنيف انت وقامت قالت لهم السالفه كلهاا من طئ طئ للسلام عليكم( مدري هو صح ولا بس اهم شي المعنى مفهوم)
شهد بحماس: اوهه ياعيني ياعيني طلع اخوي يحب صحبتي وانا اخر من يعلم
هاجر بطفش: يختي اي حب اي خرابيط تستهبلين قبل فتره هو قايل انه بدا ينعجب بوحده ومدري ايش وشكلها من صحبات ذيك نسيت اسمها اتوقع ليلى
شهد ضحكت من قلبها: وربي انك غبيهه اخوي مو من النوع الي ينجذب لذيك النوعيه
تالا ضحكت: كل ذي الحركات وماعرفتي هو بمين معجب؟
هاجر سكتت شوي تفكر بكلام شهد وتالا بعدين استثنته: لالا مااتوقع
جمانه: قايز انا هنا ترا
هاجر ضحكت: صح امسكوها تحقيق واتركوني بحالي
شهد: ابشري يلا جمونه بتقولين السالفه والا تبين استخدم العنف
جمانه بضحكه: لا تكفين جسمي مكسر بما فيه الكفايه لا تزيديه
هاجر تأملهم: انتو طقيتو ميانه بهالسرعه متى امداكم
جمانه: ابد شهد جوي وأنا جوها وهذي كل السالفه
هاجر: احساسي يقول بينسحب علي اتس اوكيي
جمانه: طيب خلوني اقول لكم سالفتي ياطويلين العمر انا جمانه عمري ٢٣ اكبركم يالبزران ههههه
شهد: ان ماتكلمتي زين قسم بالله ان اعطيك كف بيعدل ملامح وجهك
جمانه: اوف اوف واضح معانا جون سينا خليني اكمل طيب
هاجر بشطحه: تصدقي احسب عمرك ١٨ او ١٩ ابدا مو باين ٢٣ ماشاءالله
جمانه: حبيبتي والله مدري تمدحين ولا تسبين بس شكرا
شهد بعصبيه: بتتكلمين ولا كيف
جمانه: طيب بكمل بسم الله اكلتيني وي
تالا ضحكت لان شهد بسرعه تعصب: كملي
جمانه: انا من كنت صغيره ماعرفت اهلي ولاشي كان في وحده حرمه الله يذكرها بالخير هي الي رضعتني وربتني وكبرت بين يدينها(وناظرت شهد) محد يعرف هالحرمه الا انتي
شهد جتها قشعريره: كملي
جمانه: هالحرمه جتني مره ووصتني على بنتها وهذي كانت اخر مره شفتها فيها وبالصدفه شفت احمد بالبيت الي كنت فيه(وتبدلت ملامحها لحقد) وتبعته لمكتبه وسمعت اشياء كثيره منها انو انقتلو الحرمه الي ربتني وزوجها..وسكتت
شهد حست القصه مألوفه لها: كملي ليه سكتي
جمانه ناظرت شهد بغصه: شهد انتي اختي بالرضاعه امك الي ربتني وكبرتني ووصتني عليكِ صح مااعرف عيلتي لكن اعرف عائلة ابوكِ واعرف امك ويكفي وصيتها
شهد مابكت كلعاده وببرود خارجي: ايوا كملي
جمانه: ذاك اليوم لما عرفت عن كل شي احد حراس احمد شافني وقال ل احمد الكلام ومن هنا بدا تعذيبي وحبسي وكل ماعاندت كل ما زادو العذاب ابتسمت بألم وكذا مره حاولت اهرب لكنهم كانو يمسكوني لاني مااعرف فين اروح بس الحمدلله ربي ارسلك لي عشان تطلعيني من ذاك المكان
شهد حضنتها وضحكت كتلطيف للجو: طلع عندي اخت مين باقي ماصار اخو او اخت لي بالرضاع وضحكو كلهم وغيرو النكد الى ضحك وفرفشه وطلبو اكل وماطلعو من الغرفه
عند العيال كل واحد كان منسدح يفكر عبدالله كان حاس بفراغ كبير وشوق لشوفة شهد كان مستغرب من ذا الشهور لكن ماقدر يتجاهله: عيال شرايكم نروح عند البنات
خالد ابتسم: شكل الشوق عندك اشتغل
حسين عجبته الفكره: اي خل نروح طفشنا وربي وكلهم قامو لغرفة البنات ودقو وكلعاده فتحت هاجر وطلع بوجهها حسبت وصفقت الباب بوجهه وشردت هو من الصدمه ماقدر ينطق ورجعت فتحت الباب تالا وهي تضحك: هلاا شباب وش تبون
حسين استوعب: ابد طفشانين قلنا نجيكم
تالا: حياكم تفضلو ودخلو واستغربو وجود جمانه
حسين باستغراب: هذي من
شهد: صاحبتي
حسين رفع حاجب وهو يناظر جمانه من فوق لتحت: صاحبتك اجل من متى لك صحبات هنا
جمانه ناظرته بتمعن: انت حسين
حسين: اي معك الوسيم حسين شخصيا و.. ماكمل كلامه لانه حس بالي حضنته وانصدم اكثر لما حس بارتجافها الي يوحي انها تبكي ما قدر ينطق بحرف
شهد مسكتهم وودهم الغرفه عشان يتكلمو براحه وهاجر تاكلها الغيره
خالد راح لتالا: من هذي مو علينا هالحركات معروفه
تالا ناظرته: ابد امس كان عندنا مهمه طارئه وشفناها عند احمد وخذيناها وباقي القصه اسال حسين لانو مالي خلق اتعمق
خالد ابتسم: زين لا تتعبي نفسك حبيبتي يعدين استوعب وش قال وناظر لتالا الي صدت عنه بسرعه وشاف طرف خدها محمر ابتسم من قلب وطلعو حسين وجمانه بس شهد مو معاهم
هاجر باستغراب: فين شهد
شهد: هذهي شهد وشتبين
هاجر باستهزاء: ابد واحشتني بعد تسبدي الي باعتني
شهد بدت تغني: الي باعنا خسر دلعنا
هاجر ضحكت: كليزق المفروض تراضينيي
شهد بروقان: المراضاه بجهه وأنا بجهه الا وين ابو خشم
حسين بلقافه: منهو
شهد: عبدالله
حسين: كان معانا معرف فين راح فجاء
دخل عبدالله: جالس اشم اسمي اشتقتولي شكلكم
شهد: تصدق ممرااا فقدتك ياخي
عبدالله انصدم هذي شهد؟؟: انتي وش شاربه
شهد بروقانها: مو شاربه شي بس نسبة الروقان عندي مرتفع اليوم
عبدالله بابتسامه:ةعسى دومم
وبدو يسولفو وشوي يتهاوشو وعلى ذا الحال طبعا هاجر تتجنب تناظر حسين الا اذا كان مشغول بشي تتامله واذا حست انه خلص تبعد نظرها عنه وتتجنب الكلام معاه
نروح عند كناري الحب شوق ومشعل
كانو جالسين بالكافتيريا ساكتين قطع هذا السكوت مشعل بسؤاله: مافي احد يقرب لكم تعرفونه؟
شوق بحيا: الا في وليد بس ان بالسعوديه مو هنا
مشغل: وش يقرب لكم ذا
شوق: مدري من يوم جيت لهنا وانا معرف عن احد شي الا هديل ووليد الي بين فتره وفتره يدق علينا ويتطمن بس ماعمري شفته
مشعل بنفسه: ذا لغز مو حياة: اوكيي وبرومنسيه: لو بطلب يدك من حكلم
شوق نزلت راسها بحيا: تكلم هديل وهي تقول لوليد ونشوف
مشعل بحب: نشووف ياقلبي نشوف بعد وش ورانا غير نشوف وننتظر
شوق ناظرته بحب: الصبر زين
مشعل حط يده فوق يدها: اصبر لعيون شوق كم عندي من شوق انا
شوق بضحكه خجوله: وحده وماودنا بثانيه
مشعل ابتسم لها بحب قاطع رومنسيتهم دخول عزام: اخصص ماعرفتك يروميو
مشعل شال يده عن يد شوق وتنح: احم شعرفك انت يابني اجلس اجلس خربت علي
هديل جت وهي تضحك: شوف الخيانه لقيتي مشعل قمتي ماتدورين علي حتى الي لقى احبابه نسى اصحابه اجل الله يالدنيا
شوق مستحيه وماردت ورد مشعل بدالها: احمم دحين صار لها حبيب وحركات وشتبي فيك
هديل: افا بس افا والله لعلم شهد تادبك
مشعل ضحك: عادي حسين موجود من يعصب هي تعصب وتقلب عليه وانا اتفرج واضحك
هديل: اما حسين عصبي مو باين عليه ابداً
مشعل: اييهه ياما تحت السواهي دواهي
هديل ضحكت: اي حش حش وانا بعلمهم
مشعل بضحكه: افا اخت زوجتي وتغدري بي
عزام: هلوو نحن هنا شكلكم نسيتونا
مشعل ناظر لشوق: وهو يتنسى القمر
شوق استحت زياده وردت هديل بضحكه: خف على اختي ماهي متعوده ع هالحركات شوي شوي ياولد
مشعل: ياحبي لها هالبنت
هديل ابتسمت لان حب شوق واضح بعيون مشعل ودعت ربي يسعدهم: اقول بس عن الهذره الزايده وجيبولي اكل جيعاننهه
شوق رفعت راسها وبانفعال: اي زين قلتي جيعانه لان كنت بحشر الاكل بفمك تحشير يكلبه صايره ماتاكلين شوفي كيف صرتي ذبلانه والله ان ماسمع كلامك بعد اليوم واحشر الاكل بفمك غصب
هديل ابتسمت: كانك تحمستي ترا مشعل للحين جالس ماراح
شوق شهقت وناظرت مشعل وقامت بسرعه وهديل صارت تضحك هي وعزام وقام وراها مشعل
عزام تامل هديل: صدق صايره ماتاكلين شوفي بهالكم يوم نحفتي وذبلتي وحط يده ع خدها وضحك: بيروحو الخدود
هديل ابتسمت: معليه كم يوم ثانيه وارجع زي قبل واحسن ويرجعو الخدود يمتلو
عزام ابتسم: اي شاطره عشان مااساعد شوق بتحشير الاكل بفمك
هديل ضحكت: افاا تتعاونو عليا
عزام وهو يقوم: اذا فيها صحتك طبعاا
انتهى
_______________$$$$$$
اتمنى ان عجبكمم وطلعت بنتيجه حلوه وباذن الله حرجع اكتب وانزل لكم زي قبل بس احتاج بعض الوقت فاعذروني🥺🥺💛💛
