اعذروني على الاخطأ الاملائيه 🤍🤍
_______
عند تالا جت للصاله وهي مبوزه: فريت بالدنيا وللان مالقيت شهد وينها
شوق بتفكيو: يا برا بالحديقه يا مدري
تالا ابتسمت لها: زين يا مدري وراحت تدور عليها بالحديقه وشافت المطر ينزل وهي سادحه ع العشب راحت جنبها: قومي قومي نسولف
شهد فتحت عيونها وقامت وشعرها طاح على وجهها وبعدته وحطت راسها بحضن تالا: خلينا هنا نسولف
تالا: وان بردنا ومرضنا
شهد: انا متعوده اما انتي موجود خالد يتكفل فيكِ
تالا صارت تمسح على شعر شهد المبلول: حكيني شصار معك لما رحتي بيت خالك
شهد رفعت عيونها لها بصدمه: شدراك
تالا تنهدت: تعلميني بتفكيرك خلاص صرت حافظتك ياستي
شهد ابتسمت: الله لا يحرمني منك
تالا باست راس شهد: ولا منك والحين يلا
شهد: ابد دخلت واخذت الدوا وانا طالعه كنت بنقفط وساعدني عبدالله وتهاوشنا وسكتت ماكملت
تالا: احسك بتقولين شي كملي
شهد غمضت عيونها: عرض علي الزواج
تالا طيرت عيوتها: كيفف
شهد جلست و حكتها كيف عرض عليها الزواج والي صار لما رجعت البيت وتنهدت: ماعرف شسوي ضايعه
تالا بهدوء: كلنا عارفين انو عبدالله بحبك واكيد انه مابيضرك وتصرفه يدل على ذا الشي كان قادر يستغل الوضع ويهددك بس لا عطاك الخيار وقالك حتى لو تبين الطلاق مستعد
شهد عضت شفتها: لا تقولين يحبني مايحبني انتو تتوهمون مادري من وين تجيبون هالسوالف الله يهديكم
تالا: انتي الي الله يهديك
شهد بحماس وهي تغير السالفه: حكيني شصار بينك وبين خالد والي خلاك ترضخي له
تالا احمر وجهها: عيب يابنت خصوصيات
شهد: ماقلتلك تحكيني عن التفاصيل بس قوليلي السبب
تالا قالت لها: وبس
شهد: والله خالد طلع خطير ومو هين
تالا ابتسمت بحب: ياحبي له بس
شهد صارت ترجف من البرد وملابسها كلها ملتصقه فيها: خلينا ندخل خلاص بردت
تالا طالعت بالفستات كان لاصق فيها ومبين كل شي تنهدت: شوفي دحين وش البس
شهد: تعالي غيري بغرفتي وخذي الي تبينه
تالا وافقتها الراي وقامو مع بعض وتالا نزلت الحجاب على جسمها وهم ماشي صادفو عبدالله وتالا تخبت ورا شهد وعبدالله اكتفى يطالع بعيون شهد الي ماقدر يفسر نظراتها وبينه وبين نفسه: وش يدور ببالك ياشهد
شهد بهدوء: وراي تالا ابعد عن الطريق عبداللع اكتفى بانه يمشي عن الطريق تالا طلعت من ورا شهد باستغراب: الحين كنتو واقفين طول ذا الوقت بدون ولا حرف؟
شهد هزت راسها ببرود ومشت لغرفتها وتالا وراها: بما انها غرفتي بسبقك
تالا ببرد: افف بسرعع بردانه
شهد: عبال اطلع طلعي لك لبس
تالا وقفت قدام الدولاب: اذا طلعتي ومالقيتي اعرفي اني بغرفتي او بغرفة خالد لانو الكريمات وذا ماجبتهم من الغرفه
شهد: طيب ودخلت الحمام جلست تحت الدش بملابسها وغمضت عيونها ولأول مره مو نواف الي يجي بتفكيرها انما عبدالله مر طيفه بذاكرتها كشرت وفتحت عيونها وراحت وقفت قدام المرايه وهي تتأمل ملامحها الي بدأت تذبل وعيونها الي اكتساها الحزن تحسست وجهها اهملت نفسها حيلل شالت عبدالله وكل شي عن بالها فصخت اللبس وصارت تتروش وحطت لها من الماسكات الي عندها والكريمات وبعد ماخلصت طلعت وهي حاسه بانتعاش من بعد ماتكلمت مع تالا والشور دورت ع تالا ومالقتها ضحكت: يوه تأخرت عليها
عند تالا الي طلعت من غرفة شهد وهي بردانه دخلت غرفتها واخذت الروب ودخلت غرفة خالد بسرعه وتنفست وراحت غرفه تبديل الملابس وحطت اللبس الي اخذته وفصخت اللبس الي كان عليها ومبلول ولبست الروب طلعت ولقت خالد قدامها: سكنهم مساكنهم متى جيت
خالد بابتسامه: توي داخل
تالا وقفت قدام المرايه وهي تنشف شعرها خالد استغرب: رجعتي تروشتي
تالا ناظرته من المرايه: لا ذا من المطر
خالد بابتسامه: جالسه بالمطر وماعزمتيني
تالا عطست: لالا كنت مع شهد نتكلم بعدين طلعنا غرفتها وكنت بلبس هناك بس مالقيت مكان وجيت هنا عشان كريماتي ورجعت عطست وخشمها صار احمر
خالد بتأمل: بتمرضي البسي بدال القعده بالروب
تالا وهي تحس عظامها يوجعونهت حطت كريماتهم ماقدرت تحطهم قربت من خالد تدور الدفى: زين بس بتدفى
خالد حطها بحضنه وهي حست بالدفى ونامت ضحك ونشف لها شعرها وجاب لبسها ولبسها بصعوبه وغطاها كويس وشغل التكيف الدافي وخرج يقول للعاملات يجهزون له حاجه دافيه تنشرب على طريقه شاف عبدالله مسكه من يده: تعال معاي وراحو ع طرف وتكتف خالد: وشصار
عبدالله تنهد قاله كل الي صار: يخوي مو عارف اتصرف
خالد بحزن على صاحبه: تحمل ان بعد العسر يسرى
عبدالله مسح وجهه بيده: الله يسهلها والله مرات احس من نظراتها انها كارهتني ومرات ماافهم شعورها حيرتني
خالد: هونها وتهون
بالصاله عند الباقين
لويا كل عاده حاطه يدها ع خدها وتتأمل الجالسين شوق جالسه مع مشعل وهديل تسولف مع عزام عن تخصصها ومخططاتها وكانو منسجمين بنقاشهم وهاجر مانزلت طالعت ب علي الي كان كالعاده ع جواله عضت شفايفها وفيها فضول تعرف ايش في داخل الجوال مخليه منسجم ومايفارقه كتفت يدينها وهي تطالعه فجاه رفع راسه وناظر فيها ارتبكت وشتت نظرها جا جلس جنبها: لا تحسبيني غافل عن نظراتك
لويا بقهر: كنت سرحانه بس مو فيك وبعدين مانت من نوعي المفضل يعني لا تاخذ مقلب بنفسك
انطلقت ضحكه علي لأنها تقلده: ايه ايه
لويا صدت عنه ورجعت تتأملهم وبينها وبين نفسها تسب علي حست بنظراته عليها لفت عليه: خيرر
علي ابتسم: شفيك منفسه طيب
لويا: بعمرك شفتني غير نفسه
علي: امم ايوا
لويا طيرت عيونها: ويينن ياكذاب
علي ضحك ورجع يطالع بالجوال ولويا انقهرت وقامت لغرفتها
دخل عبدالله الصاله وعلى وجهه ابتسامه بس عيونه تحكي كل ألم بقلبه: هديل شوق عندي لكم بشاره
ثنينهم طالعو فيه وشوق قامت: عن نواف
عبدالله بابتسامته: نواف صحي وتكلم بس جسمه للان مخدر فماندري اذا صحي وراح البنج كله بنعرف
شوق صارت تبكي من الفرحه وهديل تشكر الله وتحمده: الحمدلله لك يارب انك عافيته
مشعل وهو يتأمل شوق الي تبكي: وش له داعي البكي الحين المفروض تفرحي
شوق: هذي دموع الفرح
كانت شهد واقفه ع الدرج سمعت الخبر وفرحت بس فرحتها كانت ناقصه طاحت عينها بعين عبدالله الي كان يطالع فيها لفت وطلعت برا كلمت السواق وعطاها احدى مفاتيح السيارات واخذتها وشحطت بالسياره وطلع صوت كبير ومشت وهي مو عارفه وين رايحه
جوا بالصاله كلهم خافو من الصوت
هديل: مين المتهور الي يسوق السياره كذا
شوق بتفكير: زوجة اخوك
هديل عطتها نظره: ماعندي زوجة اخ لا تفلمين
شوق بصدمه: خير اقصد شهد
هديل: عارفه انك تقصديها بس مهي زوجة اخوي للحين مافي شي رسمي وماادري اخوي كفو ويقدر يتحملها ويعذرها ولا لا
شوق اكتفت بالصمت وصار هدوء وقطعت الهدوء هديل: بنروح له الحين عشان لو صحي نكرن بجنبه
عبدالله بضيق: يلا انا رايح بوصلكم بطريقي
ثنينهم قامو وتجهزو وطلعو مع عبدالله للمستشفى ومشعل وعزام طلعو يخلصو بعض الاشغال ومابقى بالبيت الا علي ولويا وتالا وخالد
عند خالد دخل الغرفه لقى تالا على نفس الحاله الي تركها فيه حط شاي الزنجبيل الي سوته العامله ع الطاوله الي جنب السرير وجلس جنب تالا وبعد خصلات شعرها عن وجهها وهمس لها: قلبي يلا قومي
تالا بانزعاج: حبيبي اتركني انام لا تصير مزعج
خالد ابتسم على كلمتها: ياعيون حبيبك بس قومي شوي وارجعي نامي
تالا فتحت عيونها وهي منزعجه بعدين استوعبت وشهقت: مين لبسني
خالد بضحكه: انا
تالا وجهها اشارة مرور: مييين سمح لك
خالد: انا سمحت لنفسي وعطاها الكوب: اشربي ذا عشان حلقك مايلتهب وماتتعبي
تالا كشرت: وع ريحته خايسه بعدين لاعاد تعيدها وتلبسني
خالد: يعني تبيني اخليك بالروب؟
تالا: لا صحيني انا البس
خالد ضحك: ياخي زوجك مو واحد غريبب
تالا مدت لسانها واخذت الكوب وصارت تشرب بشويش شربت نص الكاسه ورجعتها له: خلاص مقدر اكمل غصبت نفسي بما فيه الكفايه
خالد صار يشرب من نفس المكان: خلاص شطوره اهم شي شربتي
تالا: ليه تشرب من بعدي!
خالد رفع حاجب: وليه مااشرب
تالا وجهها احمر: مو حلو
خالد ابتسم: عادي هي جت على اشرب من بعدك
تالا: وش يعني
خالد: سلااامتك
تالا بوزت: لا تستهبل
خالد: عاد انتي ماتفهمي بسرعه انا وش ذنبي
تالا حطت يدها ع خدها: تشرح لي
خالد: طيب قصدي اني بستك بفمك و... ماخلته يكمل وحطت يدينها ع فمه: خلاص خلاص فهمت
خالد ضحك وبعدت يدينها عن فمه: شفتي لو شرحت سويتي كذا ولو ماشرحت قلتي اشرح
تالا: عاد انت جيبها بشكل اوضح بدون شرح
خالد: زين زين وكمل شرب وهي انسدحت وتغطت شال الغطا: وين وين
تالا: بردانه بتدفى وانام
خالد: مافي نومه لازم نطلع للفندق ناخذ اغراضنا قبل يرموها بالشارع ونروح نرتبهم بالشقه
تالا: اف طيب وحده من العاملات قلها تجي معانا تساعدني بالترتيب
خالد: ولا يهمك بكلم امي تقول للعاملات وتجي وحده
تالا قامت وباست خده: الله لا يحرمني منك
خالد ابتسم: الحين انا زوجك ولا اخوك
تالا ياستغراب: زوجي
خالد: زين ليه تبوسيني من خدي
تالا ضحكت وباست راسه: زين
خالد كشر: لا عاد وقربها له وباسها بشفايفها وبعد وهي مغمضه عيونها ضحك: كذا زين
تالا بوزت: لا مو زين
خالد: قومي قومي اتجهزي بكلم امي واجيك
تالا هزت راسها وهي مبتسمه: واريج بتجي معانااا
خالد: تمام وطلع وشاف البيت هادى استغرب وشاف علي جالس لوحده: وين خلق ربي؟
علي بلا مبالاه: طلعو
خالد باستغراب: وين
علي: لعند نواف يقولو انه صحي وتكلم لكن رجع نام بسبب البنج
خالد فرح: الحمدلله بس وش مخليك لوحدك هنا
علي: ماحب اطلع وش يعني
خالد: زين زين في احد موجود ولا الكل طلع
علي بتفكير: اظن موجوده ام لسان
خالد باستغراب: مين ذي
علي: لويا
خالد ضحك: افا ليه ام لسان
علي بابتسامه: لانه ماحد سلم من لسانها
خالد ضحك: الله يرجك بروح عند امي اذلف وراح جناح امه ودق الباب وفتحت امه وهي ترحب فيه: ياهلا بوليدي
خالد باس راس امه: هلا يمه شخبارك
ام خالد: الحمدلله طيبه انت كيف حالك وكيف زوجتك
خالد: والله الحمدلله يسرك الحال جايك يمه بقولك خلي وحده من الخدم تجي معانا تساعدنا بالترتيب
ام خالد بابتسامه: مو على اساس امس يترتب
خالد ضحك وحط يده على راسه: المفروض بس ماكان في وقت
ام خالد تغمز له: اي اي ماكان في وقت مشغووليين
خالد ضحك: خلاص عاد
ام خالد وهي تدعي: الله يوفقكم يارب ويجعلني اشوف عيالكم
خالد ابتسم: امين يارب
ام خالد: عاد نبي نشوف عيالكم بسرعه شد حيلك
خالد وهو يضحك: وتقولين عني جريئ وماستحي
ام خالد: اييه هذي الدنيا وانا امك ماندري متى الله ياخذ امانته ولازم اقولك عشان ما تتاخرو وتجيبو لي حفيد اضمه قبل لا ربي ياخذ امانته
خالد: الله يطول بعمرك يمه وش هالكلام
ام خالد: يايمه هذي سنة الحياه
خالد تضايق: حتى ولو بس مايصير تقولين كذا جعل عمرك طويل
ام خالد: وشو يعني لو عمري طويل ابغى اشوف عيالك يكبرو ويلعبو قدام عيني
خالد: ولا يهمك بتشوفينهم الحين بروح اخذ لي كم غرض من الغرفه ونطلع قولي للعامله توقف عند السياره لين نجي وطلع من عندها وهي راحت تكلم العاملات
عند شهد كانت تمشي بلا اي وجهه وشافت سياره تلاحقها تنهدت: ماراح يفكني شره الين اموته وضيعتهم ماكان لها خلق مشاكل فكرت تروح المستشفى عند نواف بس خوفها كان أكبر منها وصارت تكلم نفسها: من متى انا اخاف وخوفي يطغى كنت عايشه باسوء حالاتي بدون خوف اصلا الخوف يخاف مني ودارت بالسياره وراحت المستشفى تنهدت لما شافت سياره عبدالله موجوده: ياربيي وانا لازم بكل مكان اصادفه
رجعت تكلم نفسها: هذا لو تزوجنا وش بيصير شكلي بخنقه واكون السبب في موته دقيقه وانا كيف اقول لو تزوجنا ولسه ماقررت والموضوع بيدي ياربيي ايش هذاا مسكت رأسها بقوه: اطلع اطلع الله ياخذك ودخلت المستشفى وعلى غرفة نواف لقت شوق وهديل جوا الغرفه ترددت تدخل ولالا سمت بالله ودخلت وهي تشوفه يتكلم رجف قلبها وكل شي فيها ناظر فيها وابتسم: اهلين يالعنيده
شهد ابتسمت بين خوفها وترددها جلست جنبه: كيفك الحين؟
نواف حرك يده: امم تمام بعض الشي جسمي احسه ثقيل بس
شهد مسكت يده: ان شاء الله تقوم بالسلامه وترجع بصحه وعافيه
نواف بابتسامه حلوه: الله يسمع منك
شهد بعدت يدها عن يده ودخل عبدالله بدون مايناظر مين موجود: الحمدلله حالتك مستقره وبدأت تدريجيًا ترجع لك صحتك و.. عقد حواجبه ورفع عيونه ل نواف ونواف فهم عليه: خلاص عبدالله بعدين نتكلم بالموضوع الثاني
عبدالله انتبه لشهد اخيرا وعيونها كانت معلقه عليه ارتبك كانت أول مره تناظره كذا: عن اذنكم بس اطلعو شوي بتكلم مع نواف
طلعو هديل وشوق بدون كلام و شهد عقدت حواجبها وعينها على عبدالله: شنو بينك وبينه
نواف باستغراب وهو يناظر شهد الي تناظر عبدالله ومستغوب ان عينها مانزلت عن عبدالله من يوم دخل: كلام رجال
شهد شالت عينها عن عبدالله وناظرت نواف: وش مخبين
نواف اتوتر: ولاشي
عبدالله بضيق: شهد اطلعي
شهد بعناد: ماني طالعه تكلمو قدامي
نواف: شهد بلا حركات اطفال واطلعي
شهد حطت رجل على رجل وهي سافهتهم: يلا تكلمو
نواف بدأ يعصب ورفع صوته: شههدد قللتت ااططلعيي
شهد طنشت وعينها ع عبدالله الي يقلب بالاوراق ورفع راسه لما صرخ نواف: نواف بدون صراخ
نواف بعصبيه: ماتشوف حركاتها البزره
شهد ناظرته: نعم
نواف وهو يطالعها بحده: برا لاانادي الأمن يطلعك
شهد انصدمت من اسلوبه وطلعت من الغرفه وصفقت الباب وراها وعبداللع متضايق: ماكان المفروض تقسى عليها
نواف ببرود: لازم تتعود
عبدالله بنرفزه: مو بهالشكل
نواف ناظره بعصبيه: وشو اخليها تنهار لما اموت واتركها؟؟ افضل حل ان يطيب خاطرها مني وقتها انهيارها حيكون اخف
عبدالله: فكر بنفسك
نواف بضيق: قول حالتي
عبدالله: خلال فتره الي كنت بالمستشفى وبسبب الماده الي دخلت جسمك المرض انتشر وصار ماله علاج
نواف غمض عيونه: طيب اطلع برا
عبدالله: لا تسوي بنفسك كذا عطي نفسك فرصه
نواف: اي فرصه وانا مابقيلي شي من الدنيا؟ حتى حبي الوحيد مقدر اتهنى فيه وبعد صمت طويلل تكلم نواف: عبدالله
عبدالله بحزن على صاحبه: هلا
نواف: الي قلتلي ياه للحين ملزم على رأيك
عبدالله: انا قلتلها الكلام عشان اخفف عنها
نواف ضحك بسخريه: مشكله الحب يبان بالعيون ماتقدر تخبي حبك لها واضح للكل
عبدالله نزل راسه: حتى ولو هي تحبك
نواف: راح تقدر تنسيها وانا راح اختفي من حياتكم
عبدالله رفع راسه بصدمه: واخواتك! تستهبل انت ووجهك
نواف وهو يناظر السماء من الشباك: ماراح اختفي الين أمن ع مستقبلهم مابغى يحزنو علي اذا مت اموت بعيد أفضل
عبدالله عصب: لا صدق ماعاد براسك عقل
نواف ابتسم بألم: راح اكلم شهد وتزوجها بس اصبر عليها تراها عنيده حيلل
عبدالله: ماقدر يانواف
نواف: هذا آخر طلب اطلبه منك اعتبرها وصيه ونفذها تكفى
عبدالله: بس هي ماتبيني
نواف: راح تتقبلك
سكت عبدالله وطلع من الغرفه وشاف شهد واقفه ع جنب وتهز رجلها و معصبه تأملها لبضع من الدقايق ومشي لغرفته المخصصه له وهو يفكر بكلام نواف قاطعت تفكيره وفتحت الباب بقوه ناظرها ورفع حاجب وتكتف دخلت وهي معصبه: بتقول وش مخبين ولا
عبدالله ببرود: وش بتسوين إذا ماقلت
شهد بعصبيه: بقتلك
عبدالله بنفس بروده: اقتليني اشوف
شهد راحت مسكته من رقبته بتخنقه: لا تنرفززننيي
عبدالله ابتسم ومسكها من خصرها وصار شبه حاضنها: يلا اقتليني كانت وجيههم قريبه من بعض وشهد توترت من مسكته وتلاشت عصبيتها وانحرجت بعدت يدها وهي تحاول تبعد يدينه عن خصرها: اتركني ياكلب
عبدالله مستانس: انتي جيتيني
شهد بعصبيه مخلوطه بالاحراج: ماني قاعده استهبل اتركنييي واللااا
عبدالله شد عليها: والا؟
شهد رفسته: اتركني
عبدالله رغم الالم بس ماتخلى عن عناده: كملي والا وش بتسوين دخلت وحده من الممرضات وقطعت عليهم وتركها: وش في سيلين؟
سيلين الممرضه: استاز كنت عم جيب لك هاي الاوراق بس شكلك مشغول بتركك
عبدالله بنرفزه وببرود: اتمنى المره الجايه تدقين الباب
سيلين باحراج وخوف: حاضر انا اسفه وطلعت
شهد ناظرته باحتقار: عجبك الاحراج إلى سببته للبنت
عبدالله: يعني بتقنعيني انك مانحرجتي زيها واكثر؟
شهد ببرود ظاهري: طبعا لا
عبدالله بابتسامه: وجهك يقول غير كذا
شهد: مالك دخل بوجهي وقول وش عندكم انت ونواف
عبدالله ببرود: شي خاص فيه اساليه لا تسأليني هذي خصوصيات مقدر اتكلم فيها لمين ماكان
شهد تنرفزت وطلعت وصفقت الباب وعبدالله ابتسم: ورانا مشوار طويل معك ياشهد بس لازم اقنع نواف مايروح تنهد وجلس عالكرسي حقه وصار يشوف الأوراق ويشتغل
عند شهد طلعت من الغرفه معصبه ومرت من جنب باب غرفة نواف وطنشتها بس شدها كلام شوق: كيف تقدر تتخلى عنها بهالسهوله
نواف ببرود: وين المشكله؟ تراه حق من حقوقي اني ابي زوجه مامر عليها أحد قبلي حتى لو بنظره
نزلت دموعها وصارت تمسحها بعنف ويرجعو ينزلو
هديل بهدوء: قلتها قبل وبرجع اقولها محد يستاهل شهد الا عبدالله لا انت ولا غيرك يستاهلوها
نواف ناظر ب هديل وهو متضايق بس متلبس قناع البرود: ماهمني عبدالله أو غيره ياخذها المهم انا مابيها من بعد إلى عرفته بعدين اصلا انا ابي زوجتي محجبه وتحشم نفسها> قالها وهو يتألم
هديل عصبت: ماهي لعبه بيدك ومااسمح لك تغلط عليها لا تطيح من عيني أكثر يانواف
شهد كانت منهاره بكى وحاطه يدها ع فمها تكتم شهقاتها وحست شي لزج ع يدها ناظرت يدها دم خافت وتحسست خشمها إلى كان ينزف حست نفسها بينقطع قامت بصعوبه وهي تمشي لغرفة عبدالله وتحاول تأخذ نفس بس قبل توصل للباب طاحت ع الارض ولحسن حظها عبدالله طلع ومعاه أوراق بس شاف شهد طايحه ع الارض والدم رمى الأوراق وركض لها حط رأسها بحضنه وصار يطق خدها بشويش: شهد شهد قومي شاف النفس عندها ضعيف ماعرف شيسوي مافي احد قريب منه اخذ نفس وسوا لها تنفس ورجعت تتنفس وفتحت عيونها ابتسم: الحمدلله
فتحت عيونها ببطى وهي تشوف الدنيا مغبشه وجسمها تحسه ثقيل طالعت بالي قدامها: ع. ع. ب. د. الله
عبدالله: اشش لا تتكلمين وشالها بين يدينه وهو مستغرب صايره خفيفه حيل راح لأقرب غرفه وكلم الممرضه وهو كان بيطلع يجيب كم غرض بس مسكت يده ودموها ينزلو: لا تتركني
عبدالله قلبه عوره ورجع مسك يدها بيدينه الثنين: ولا بعمري راح اتركك ولف ع الممرضه وطلب منها الأشياء وهو جلس جنبها وهو يشوف دموعها ينزلو وقلبه يوجعه مليون مره عليها صار يمسح آثار الدم إلى بوجهها ولما خلص مسح دموعها بيدينه: خلاص عاد تعبتي عيونك وتعبتيني معك
شهد كانت مغمضه عيونها وكلام نواف يتردد بإذنها كانت محتاجه اي احد جنبها ومالقت الا عبدالله ضغطت ع يده وجت الممرضه وركب لها الأكسجين وحط لها المغدي وجلس جنبها لين حس انها نامت وخر يدينه عن يدها بشويش وقام وهو يهمس للممرضه: إذا صحت علطول ناديني ولو سوت اي حركه ناديني لا تطلعين من عندها لو ايش مايصير ولو في شي طارئ ولازم تطلعي كلميني أو حطي ممرضه غيرك ووصيها زي ماوصيتك
الممرضه وهي مصدومه من اهتمام عبدالله ب بنت: حاضر استاذ
طلع عبدالله وهو يفكر ايش الي وصلها لذي الحاله فكر يدخل عند نواف ويسأله بس تراجع ودخل مكتبه وهو يشتغل وعقله مو معاه ماكان مرتاح ابدا قام وصار يشيك ع المريضين ولما تأكد من حالتهم كلهم دخل عند شهد ولقى ممرض بدال الممرضه عقد حواجبه وهو يشوفه يتأملها عصب بس مسك نفسه: وينها الممرضه
الممرض استوعب ووقف: ناداها الدكتور ناصر وراحت له
عبدالله وهو لسه عاقد حواجبه: انا قلتلها تحط ممرضه وش الي جابك
الممرض: هي شافتني بوجهها وقالتلي
عبدالله وهو يحاول بقد مايقدر يمسك نفسه: زين اطلع
الممرض وهو يطالع بشهد: ليهه
عبدالله انفجر: عيب عليك تطالع بزوجتي كذا هياا براا لايصير شي مايعجبك
الممرض خاف وانصدم وطلع بسرعه وشاف الممرض الأولى قدامه: تعالي تعالي نسرينن
نسرين الممرضه: شفيك كأنك مقروص شصاير
الممرض: تدرين مين الي جوا؟؟
نسرين بزعل: لا بس اهتمام دكتور عبدالله فيها مراا غريب هوا ولا عمره عطى بنت وجهه
الممرض: اخ عليها جمال ونعومه بنت اللذين حظه عبدالله فيها
نسرين بعدم استيعاب: وش تقول انت
الممرض: هذي زوجته مدري خطيبته لأنه قال لي عيب تطالع بزوجتي كذا وهاوشني بغى يقتلني
نسرين وهي مصدومه: متى وشلون اف ياحظهاا
الممرض بهميان: الا ياحظه
نروح عند خالد وتالا
تالا تعطس: اف حسبي الله على ابليس ياشهد
خالد وهو يضحك: تستاهلين
تالا بدلع: تدري شقالت لما قلتلها بنمرض
خالد كان يدور اوراق بس لما سمعها تتدلع وقف وهو يطالع فيها: وشقالت
تالا بنفس الدلع وتلعب بخصلات شعرها: قالتلي انا متعوده وانتي ماعليك موجود خالد يتكفل فيك
خالد ابتسم: وش افهم من دلعك الحين
تالا مدت بوزها: مايصير اتدلع يعني
خالد: الا يصير بس عاد انا مامسك نفسي
تالا: اف قليل ادب مايتعدل
خالد ضحك عليها ولقى اوراقه: ها جاهزين
تالا: يب جاهزين يلا نروح وراحو غرفة أريج وأخذو شنطتها وتالا شالتها وهي مبسوطه: ماما بنعيش انا وانتي وبابا بس صح
تالا ابتسمت: مع اني مو راضيه تناديه بابا بس ايوا
خالد رفع حاجب: وليه أن شاء الله
تالا مدت لسانها: كذا مزاج
أريج صارت تضحك وخالد طالع فيها: عاجبك كلام ماما
أريج باعتراض: لاا عيب والف عيب بعد مايصير
هنا خالد انفجر ضحك وتالا ماسكه ضحكتها: طيب ياماما ناديه بابا عادي
اريج: هوا بابا اصلا حتى لو مارضيتي
تالا بصدمه: من بدايتها واقفه معاه ضدي
اريج: لأنك ماتبين تجيبي لي نونو وهوا قال بيجيب
تالا: اي بيجيبه بلوثوب
خالد: لا حبيبتي بنجيبه انا وانتِ مع بعض
تالا بوزت: اصه عيب عليك تخرب بنتي
اريج: بس هو قال الصدق ماكذب كيف بيجيبه لوحدو بيتزوج غيرك يعني
تالا ماده بوزها: وانتي اسكتي
وصلو السياره لقو عاملين بدال الوحده تكلمت تالا: ياحبي لعمتي الله يجزاها خير كأنها عارفه اني تعبانه
خالد: اركبي السياره وانتي ساكت
تالا: ركبنا وي
خالد بابتسامه: بابا أريج ليه ماتروحين ورا
أريج سمعت كلامه وركبت ورا ومشت السياره واريح اندمجت وهي تطالع الاشجار والسيارات
خالد ناظر باريج لقاها مشغوله وهي تطالع الشباك مسك يد تالا وباسها: احسك بعيده رغم انك قريبه
تالا: خالدد بلا حركاتك أريج معانا
خالد: مشغوله بالشباك عاجبتها المناظر اخذ يدها وحطها على خده: الحين احسك قريبه
تالا قربت منه ومسكت يده بيدها الثانيه وتطالع فيه: ليه تحسني بعيده وانا قريبه
خالد بابتسامه وهو يطالع بالشارع ويسوق بيد وحده: لاني ماكنت قادر امسكك
تالا ضحكت بنعومه: ياحياتي لهدرجه
خالد: وأكثر بعد
وحده من العاملات بخوف: بابا خالد انتا انتبه سيارات انا مافي يبغى موت
خالد انفجر ضحك: اسكتي اسكتي محد بيموت قبل يومه خليني استمتع بذي اللحظات إلى مالقاها الا بالسنه مره
تالا سحبت يدينها: خلاص خلاص انتبه لسواقتك إذا رجعنا البيت كمل رمنسيتك
خالد رفع حاجبه: متأكده اكمل رومنسيتي بالبيت وماحتشردين
تالا: يب
خالد: وش يضمن لي انك مابتشردي
تالا بتفكير: اممممم قربت ولفت العاملات وأشرت لهم يغمضو وهم غمضو نزلت لثمتها وباسته بوسه طويله بخده وبعدت ولفت اللثمه: خلاص هذي تكفي لين بعدين نتفاهم
خالد الابتسامه كانت شاقه وجهه: ياربي متى نوصل تالا ضحكت بإحراج ووصلو الفندق ونزل وخلص الإجراءات وقال لهم يرسلو أغراضهم الشقه وعطاهم العنوان ورجع للسياره ومشى تالا حطت يدها ع خدها وهي تطالع فيه وبكل نقطه فيه بالمعنى الحرفي تفصفصه ماحست بالوقت وهو يمر وصلو وهي ماهي داريه اشر العاملات ينزلو مع أريج للبيت وهو ناظر لتالا إلى سرحانه فيه استغرب سكوتها التزم الصمت وهو يناظر عيونها إلى سحرته ابتسم: لهدرجه انا حلو
تالا قامت من سرحانها: ماخذ مقلب بنفسك
خالد ضحك: ايهه لدرجه انك سرحتي بجمالي وماحسيتي اننا وصلنا
تالا طالعت حوالينها وانحرجت: ماحسيت بالوقت
خالد قرب منها وبصوت أقرب للهمس ويطالع بعيونها: لهدرجه تحبيني؟
تالا قلبها بدأ يدق من قربه ومن سؤاله بلعت ريقها: خالد دحين احد يشوفونها بعد خليني انزل
خالد نزل اللثمه عنها: جاوبيني طيب
تالا بلعت ريقها وهي ترجع لورا وصارت تطالع بمكان ثاني: يوهه ياثقل دمك خلاص خلينا ندخل
خالد ابتسم ورجع لورا وقفل السياره: هيا وريني كيف تنزلي بعدين مين يشوفنا ترانا جوا البيت بس هذا موقف السياره ومحد يدخله
تالا بارتباك: قد جاوبتك وقلتلك عن الي بقلبي لك
خالد: وشو حرام اسمعها منك ثاني
تالا: لا بس مو وقته
خالد: أجل متى وقته
تالا من الارتباك وقلبها كان يدق مره لدرجه تحسه بيطلع غمضت عيونها بقوه: ايه
خالد وهو مبتسم ويطالع فيها وهي مغمضه: شنو ايه
تالا بصوت صغير: احبك
خالد يستهبل: يوهه صوتك بعيد مااسمعك
تالت فتحت عيونها ونظرته وقربت لااذنه وبصوت هامس وبكل رقه: احبك ولو في كلمه أعمق من كلمة احبك قلتها لك ومدت يدها وفتحت الباب وهربت وهو متخدر دخلت البيت بأسرع ماعندها وهي تتنفس بقوه: اوهه على شوي كنت بموت
أريج بخوف: ماما فيك شي
تالا ابتسمت لااريج وهي تتنفس: لا حبيبي مافيني شي بس ركضت
أريج: مين كان يلحقك
تالا جلست بالارض ونزلت اللثمه والطرحه وكان باقي العبايه: أمم خالد
أريج كشرت: اكيد كان بيخليك تجيبي النونو وانتي شردتي
تالا ضحكت: اخخ لا حبيبتي بيجي النونو بس مو الحين بعدين حتى انا ابي نونو صغير
أريج بفرحه: صدق
تالا هزت رأسها: بس يبيله وقت النونو مو يجي بسرعه عشان كذا
أريج بفرحه: أهم شي يجي
جا خالد وبدون أي مقدمات شال تالا وهي صرخت وتمسكت فيه: شفيكك
خالد وهو يكلم أريج: حبيبتي غرفتك جاهزه وكلمت العامله تحط اغراضك وترتيبها حنا اغراضنا مطولين على مايوصلو إذا تبين تنامي نامي وحنا بننام طيب
أريج وهي تضحك: تيب اصلا كنت بقولكم ابي انام
تالا مطيره عيونها: هيييهه نزلنيي شفييه
خالد طنشها: قولي العامله تسويلك اكل وكلي بعدها نامي تمام ياقلبي
أريج تضحك: تيب
خالد مشي الغرفه وتالا لسه تصرخ قفل الباب: ماتعبتي وانتي تصرخي
تالا بوزت: نزلني
خالد: عشان تشردين لا يابابا
تالا بوجهه بريئ: قلتلك مابشرد
خالد لف وجهه: كذابه قرب للسرير وحطها وهو محاوطها توترت: انا انا مافيني نوم بروح لشهد اقصد لاريج بنومها وانت نام
خالد وهو يتاملها: ومين قلك بننام
تالا بارتباك واحراج: أن. ت احم انت قلت بننام و. والوقت لسههه بدري قلبها بدأ يدق
خالد: مافي خروج من هالغرفه ومابتنامين
تالا طيرت عيونها ورفعت نفسها: هيبه ليهه
صارت وجيههم قريبه من بعض خالد وهو يهمس لاذنها: بشوف قديش تحبيني
تالا خفق قلبها من همسه ورجعت على وراها بس هو مسكها ورفعها ثاني: افاا خايفه مني
تالا وهي تطالع فيه وروقانه: لا ليش اخاف
خالد: قاعده تتحاشيني شدراني عاد
تالا بعدت عيونها عنه لا تضعف: يوهه يثقل دمك
خالد بهدوء: ناظريني
تالا وهي رافضه تناظره: مابيي
خالد جا قدامها: لييهه
تالا غمضت عيونها ولفت للجهه الثانيه: بس كذا مابي اطالع فيك
خالد ابتسم وباس خدها وشاف وجهها يقلب احمر ضحك: ياحبي لك ياشيخه
تالا فتحت عيونها ببطئ: خالد بلا ق... قاطعها ببوسها نستها الدنيا بالي فيها عاشو هاللحظات بدون تفكير
نرجع عند شهد
صحت والدنيا مغبشه ومو بوعيها ونطقت: نواف
عبدالله فز فعندها وسمع الاسم إلى قاعده تقوله تأكد انه هو السبب كتم عصبيته وجلس جنبها: كيفك الحين
شهد بضياع: شصار لي
عبدالله: هلكتي نفسك بالبكي لين طحتي
شهد: عبدالله انا موافقه على عرضك
عبدالله مانصدم كان متوقع: تمام بكلم امي تكلم جدي و..
قاطعته شهد: بس ماراح يتم الزواج الا اذا انا قلت
عبدالله بضيق: طيب نملك والله يكتب الي فيه الخير
حط يده ع رأسها وانلسع من الحراره: حرارتك مرتفعه
شهد وهي مغمضه وبهدوء: طبيعي بتكون مرتفعه كنت جالسه بالمطر لوقت طويل
عبدالله تذكر: بجيب لك اكل في ببالك شي تبينه ولا
شهد كسرت ولفت وجهها: مابي اكل
عبدالله وهو يقوم: انا مااخذ رأيك انا اعطيك خبر
شهد ناظرت فيه لين طلع وتنهدت وغمضت عيونها واستسلمت لدموعها وهي مقهوره ماكانت تبكي قد كذا مرت باشياء أكبر ومابكت شلون تبكي الحين على شخص مايستاهلها دعت ربها يسهل لها الطريق إلى اختارته وهي خايفه من العواقب قطع تفكيرها عبدالله إلى دخل بصينيه فيها فواكهه وشوربه مسحت دموعها بسرعه وكانت بترفع نفسها بس يدها كانت أسرع ورفعها وضبطت الجلسه وقرب الصينيه: يلا كلي الشوربه اولا بعدها الفواكه جسمك تعبان خافي الله في نفسك
شهد ناظرته ببرود: لا تأخذ دور الزوج الحنون من بدايتها
عبدالله تضايق بس مابين لها: حاليا هنا انا مو زوجك ولاشي انا دكتورك وبس
شهد وهي تشرب من الشوربه: ايه كل مرضاك تعاملهم كذا
عبدالله بتفكير: يب العيدين تعاملهم كذا وفي كثير مرضى يجون يكون عندهم مرض نفسي أو عقلي ف لازم تعاملهم بذي الطريقه وأكثر بس
شهد انصدمت والتزمت السكوت وماقدرت تكمل الشوربه: خلاص شبعت
عبدالله: كلي من الفواكه
شهد أخذت كم لقمه ووقفت: خلااص
عبدالله ضحك: زين بعطيك دوا للحرارة ونامي ارتاحي عشان نطلع
شهد ببرود: ونواف متى يطلع
عبدالله: لازم يضل هنا لين نتأكد انه تشافى كليًا ومابيكون له تأثير ثاني
شهد لفت وجهها وعبدالله طلع الدوا وعطاها وشربته وطلع من عندها لعند نواف ودخل بسرعه: بنات اتركونا لوحدنا شوي
البنات طلعو وعبدالله كان معصب: وش قايل لشهد
نواف باستغراب ومعالم الضيقه مرسومه بوجهه: لسه ماقلت لها شي
عبدالله جلس ومسك راسه: أجل شلون حالتها سأت وتعبت حيل ودحين تقول انها موافقه انها تتزوجني
نواف بصدمه: شنوو لايكون سمعتني وانا اتكلم مع اخواتي
عبدالله رفع راسه: وش قلت لاخواتها
نواف قاله: ماتوقعت بتسمع
عبدالله بعصبيه يحاول يكبتها: انتت غبي ماتدري اي كلمه بتأثر ع نفسيتها بهذا الوقت ماعمرها كانت ضعيفه بس الزمان وانت صرتو ضدها صدق انك مايستاهلها حتى لو كان ذا لمصلحتها كنت قادر تصلح الشي الخربان بدون ماتكسر كل شي
نواف نزل راسه بضيق: عبدالله افهمني
عبدالله: كيف تبيني افهمك وانت السبب بكل اللامها حيجي يوم وتندم على كل شي سويته وطلع وصفق الباب وراه ونواف يحس بسكاكين بصدره اخذ جواله واتصل على كذا مكان ودخلو إخوانه تصنع الابتسامه والبرود: حي الله
هديل: الله يحبك ها متى بتطلع
شوق بطفش: اي والله طفشنا وحنا مترزين بمزرعة الناس نبي نستقل بمكان خلاص
نواف بابتسامه: خلاص شقتكم جاهزه واغراضكم جاهزه كمان كل شي جديد تقدرو تنقلو له وبعد ياشوق سجلتك بالمدرسه وقبلوك من الأسبوع الجاي تبدأي تداومي وانتي ياهديل سجلتك بالمعرض إلى قلتلك عليه
شوق باسته بفرحه: الله لا يحرمنا منك
هديل تعلقت عيونها بنواف تحس انه في شي مو طبيعي: وانت متى بتطلع من المستشفى
نواف وهو يسترخي: يقولو يومين او اقل بيخرجوني بس يتأكدو من حالتي
شوق وهي حاضنته: افف مطولين طيب بنجلس عندك لين تطلع
نواف بابتسامه وراها الف معنى: لا يابابا لازم تروح ترتبو شقتكم وتشوفو العامله والسواق وتتفاهمو معاهم وكل وحده تشوف غرفتها وتشوف ايش ناقصها وتكلم السواق وهوا تحت أمركم كلشي يجيكم
شوق بابتسامه: ياعيني ياعيني مدلعنا
نواف: من يومي مدلعكم
هديل نزلت رأسها قلبها ماكان مرتاح: بنجلس لوحدك فالمستشفى
نواف: عادي ياكثر خلق الله بالمستشفى حتى عبدالله موجود
هديل: عبدالله بيطلع اكيد
نواف تذكر شهد وتردد يقولهم والا: احم شهد هنا بالمستشفى
هديل وشوق شهقو: شنوو
نواف: اهدوو هي بخير الحين ماستفسرت عن حالتها كثير روحو لها شوفوا واطلع مع بعض انا برتاح بنام تعبتوني لقلقلق
هديل قامت بسرعه وشوق باست خده: انتبه لنفسك وطلعت يدورو ع عبدالله شافو ممرضه واقفه عند غرفته: لوسمحتي
الممرضه: هلا اختي
هديل: تعرفين وين عبدالله
الممرض بتكشيره: ايه يعرفه بنت من اول مادخلت هو كل شوي عندها
هديل: وين الغرفه لايني وورتهم ودخلو بدون سابق إنذار حتى عبدالله انفجع وقام: سكنهم مساكنهم
هديل بخوف وهي تطالع بشهد إلى نايمه بس ارتاحت شوي لأن وجهها ماكان مرا تعبان> يحليلها ماتدري ان السبب عبدالله واهتمامه ولا كان حالتها حاله: كيفها
عبدالله وهو يطالع بوجهها وأثار البكي: احسن من قبل بس المفروض من بعد اليوم ماتتعرض ل اي ضغط نفسي ولا تكتم
هديل جلست جنب شهد بالسرير ومسكن يدها ونلسعت من الحراره: جسمها يغلي
عبدالله نزل راسه باحراج: لازم احد يروشها ماتقدر لوحدها وخفت اساعدها وتقوم الدنيا علي
هديل ابتسمت ونزلت العبايه وعبدالله قام واستأذن شالت الحجاب وشألت المغذي بشويش عن يدها وهي صحت بس تحس انها ماتقدر تتحرك شتسوون
هديل: نروشك شوفي جسمك كيف يغلي
شهد غمضت عيونها وهديل وشوق ساعدوا وراحو للحمام إلى بالنجاح وحطوها بالمويه البارده وشهقت: يمااا
شوق كانت واقفه ورا الباب ماتت ضحك وشوي طلعو وشهد ترجف شوق: يوه خوافه شهد
شهد عطرها نظره اسكتها وهديل تفكر: مافي شي انشف شعرك فيه
شهد سحبت الشرشف حق سرير المستشفى وتغطت: بردد
هديل: بروح عند عبدالله اشوف عندهم مناشف وراحت عند عبدالله: عبوود
عبدالله رفع حاجب: نعم
هديل: البنت بتموت برد في مناشف انشف شعرها
عبدالله قام بخوف: اي في وراح اخذ كم منشفه ومشى مع هديل للجناح شافها متغطيه بالشرشف كان بيضحك بس مسك نفسه راح جنبها ومسك يدها كانت زي الثلج وهيا لما حست بيده الدافي قربت منه ودفنت وجهها بحضنه كانت عارفه انو هذا عبدالله محد يستخدم هالعطر الا هو
عبدالله انصدم من حركتها بس استوعب انها من البرد سوت كذا شغل التكيف الدافي ومسك يدينها بيديه وهو يدفيها وحس أن البرود خفت وهيا بعدت عنه وخشمها وعيونها كانو محمرين هديل كانت تتأملهم بسكوت بس شافت وجهه شهد خافت: بسم الله شفيك
شهد كانت بتتكلم بس عطست وانطلقت ضحكتها: تالا عطتني عين دقوو عليها الكلبه
هديل ارتاحت كثير منزمان ماشافتها تبتسم أو تضحك ولو أن تالا قدامها الان كان بأسرها لأنها السبب بضحكتها دقت على رقم تالا لفته مقفل استغربت: مقفل
شهد دورت جوالها ولقته دقت ع رقم تالا طلع مقفل دقت ع رقم خالد كان يرن ومحد يرد وقطع الخط ورجعت دقت
نروح عند تالا وخالد
كانت حاطه رأسها بحضنه وهي منحرجه وهو مبسوط كانت بتقوم بس رجعها: وين وينن
تالا بصوت خافت: بقوم اخذ شور والبس وانزل
خالد ضحك: لهدرجه مستحيه مني حتى ماتناظرين بوجهي
تالا غطت وجهها بيدينها: خلاص عااد
خالد حضنها: ياحبي لك ولخجلك
تالا بادلته الحضن: اييهه اسرق قلبي بكلامك المعسول
خالد ضحك: مو يحق لي
تالا بابتسامه: يحق لك
خالد بتنهيده: اهخ بس
تالا رفعت رأسها لوجهه: شفيك
خالد وهو يطالع بوجهها: ياختي احبك احبكك
تالا باحراج: وانا بعد
خالد: انتي بعد شنوو
تالا بهمس: احبك
خالد: ياويل قلبيي
قطع عليهم صوت الجوال خالد: يالييل حتى ف اليوم الوحيد الي ابي انفرد فيك لوحدي يتصلو ليه ماقالت جوالي وارتحت
تالا ضحكت خالد: لالا لازم اقفله الان قطع الاتصال ورجع يرن تالا بتفكير: يمكن في شي مهم
خالد بابتسامه: مافي شي اهم منك ومن هاليوم
تالا نزلت رأسها باحراج وأخذ الجوال بيقفله بس لمح اسم شهد: هذي شهد
تالا فزت: اكيد فيها شي
خالد عطاها الجوال وهيا ردت:الوو
شهد: ياقليلة الأدب والأصل يالي ماتستحي مقفله جوالك ولي ساعه اتصل هنا محد يرد
تالا ارتاحت ورجعت رأسها بحضن خالد وهو يلعب بشعرها وشوي يبوسها بخدها ورقبتها تكلمت بصوت أقرب للهمس: شصاير
شهد مستغربه نبره صوتها: انتي الي شصاير
تالا باحراج عطته نظره إلى اهجد: ولاشي نقلنا الشقه وقاعدين نرتب ومشغولين ومانتبهت لجوالي انه خلص الشاحن خالد ناظر فيها وهو كاتم الضحكه على كذبتها وهي تتوعده طنش و رجع يبوسها
شهد: أمم كنت بقولك انا بالمستشفى
تالا ودها تصفق خالد مو وقته: اييه نواف صحي
شهد تأثرت من طاريه بس طنشت: وكمان تعبت شوي ياكلبه عطيتيني عين جتني سخونه وعطاس
تالا بصوت باليالله يطلع: شدخلني
شهد بضحكه: شكلك مشغوله خليني اتركك وبكرا نتفاهم
تالا: انتبهي لنفسك ياروحي
شهد بحب لذي الانسانه: وانتي بعد وقولي ل خالد يخفف العيار شوي
تالا انحرجت: قليلة ادب
شهد: يلا يلا بايي
قفلت منها ورمت الجوال ومسكن يدين خالد وصارت فوقه: ماتتركك حركاتك
خالد وهو مستمتع وبروقان: لا وعاجبتني جلستك ترا
تالا انتبهت أن الشرف ماصار يعطيها زين نزلت من فوقه بسرعه: قليل ادب
خالد وهو يضحك: تراي زوجك والله زوجك
تالا مبوزه: بحرمك مني ومن حضني بصير انام عند اريج
خالد حط يده ع خده وهو يناظرها: على كذا النونو إلى يبونه امي واريج ماراح يجي
تالا باستغراب: ليه عمتي قايله لك شي
خالد قالها إلى قالته امه: عاد مادري شفيهم الناس الا والا نجيب طفل
تالا وهي تفكر وعيونها دمعت: بس انا ماقدر احمل بالوقت الحالي وأحمد للحين مااتمسك انت شفت إلى قاعد يصير مع شهد وهديل اخاف احمل ويصير شي مو متوقع ونفقده
خالد سحبها لحضنه: انا مااطالب بطفل الحين ولا اغصبك بعدين هما عندهم بس كلام ويبون يضغطو علينا ولو تمسكنا براينا محد يقدر علينا
تالا تمسكت بخالد: مابغى احرم امك من أنها تشوف احفادها اخاف كلامها يكون صحيح
خالد وهو يمسح على شعرها: لا حبيبتي متى ماحسيتي نفسك مرتاحه للموضوع وقتها انا جاهز
تالا بأست صدره: الله لا يحرمني منك
خالد بابتسامه: ولا منك
شرايكم نروح عند هاجر إلى كانت جالسه بالغرفه وتفرك يدينها ببعض: ماكان المفروض اني أوافق كان لازم اتمسك برأيي دحين ايش اقول اشهد عطت وجهها بيديها دق جوالها ردت الطرف الثاني: ها جاهزه
هاجر بخوف وشوي وتبكي: حسين انا خايفه
حسين وهو يطمنها: حبيبتي انا ابي احط اسم لعلاقتنا وهذا مو حرام
هاجر نزلت دموعها: بس نقدر نخلي الموضوع بيننا حنا الاهل بدون مانخبي عليهم
حسين بهدوء: راح يرفضو ويسوو دراما وانا رافض هذا الشي تفهميني ياقلبي انتي
هاجر مسحت دموعها: طيب
حسين: جهزتي ولا لسه
هاجر وهي تطالع بالفستان المعلق بالدولاب باحراج: لسه
حسين: بسرعه تجهزي تراني مشتااق حيلل لي كم عنك
هاجر بوزت: انت تركتني
حسين تنهد: اجبرتيني ماقدر اكون متواجد بمكان انتي فيه ومقدر المسك براحتي احس بتأنيب ضمير
هاجر بحب: لهدرجه تحبني
حسين: وأكثر مما تتصورين
هاجر بدون ماتفكر بالعواقب: نص ساعه واكون جاهزه
حسين: تمام نص ساعه وراح اكون عند الباب
قفلت منه ولبست الفستان الناعم إلى بدون اكمام ولونه احمر حطت لها مكياج خفيف وبرزت عيونها وبرائتها فتحت شعرها وهي محتاره ايش تسوي فيه بالاخير خلته ويفي ورفعته عشان مايزعجني ابتسمت برضى عن شكلها تعطرت وأخذت العبايه ولبسها وتحجبت وعطت وجهها ورجعت تعطرت واتصلت ع حسين وقال لها تطلع وطلعت له وركبت السياره وهي متوتره ابتسم: من العطر إلى لفحني اقدر اقول انك صرتي ملكة جمال باناقتك وصلو للمحكمه وملك عليها نزل اللثمه عن وجهها وانبهر من شكلها بأس رأسها بوسه طويله: ورجع لها اللثمه هي كانت خايفه ومتوتره شبك يده بيدها كأنه يطمنها ووصلو للفندق إلى كان حاجزه نزلو ودخلو الجناح حقهم نزلت عبايتها وهي متوتره وحسين جلس ع الكنبه وهو يتأملها: احلويتي
هاجر بحيا: عيونك الحلوه
حسين تعالي اجلسي جنبي
هاجر قربت وجلست جنبه وهي متوتره ومستحيه حسين لفحته ريحة عطرها: جنني هالعطر هاجر اكتفت بالصمت وتفرك يدينها ببعض حسين شاف قد ايش هي متوتره مسك يدينها: لا تتوترين الحين انا زوجك وانتي زوجتي مافي شي يخوفنا هاجر هزت رأسها وحسين ابتسم: وش تبين تاكلين
هاجر بصوت خفيفف: مابغى اكل
حسين: ولا انا وشمالها تمسكت فيه بخوف: وين
حسين: لغرفتنا خلاص عاد مقدر اصبر
هاجر تمسكت فيه بخوف ونزلو دموعها وهو مسح دموعها: ليه الدموع
هاجر ببكي: مافي شي
حسين سكت شوي مسح دموعها وأخذ يبوسها بكل مكان وهي دموعها ينزلو
نرجع عند لويا إلى كانت طفشانه تذكرت نواف راحت أخذته من ام عبدالله وصارت تلعبه: وي ياحلوك كلهم سحبو علي الا انت وي ماتدري قد ايش احبك وصارت تبوسه وتدغدغه وهو يضحك دخل على للصاله وشافها ابتسم: السلام عليكم
لويا: وعليكم السلام يلا نوافي قول وعليكم السلام
علي ضحك: لسه عمره ثلاث شهور وبينه ينطق
لويا: لا بس أعلمه هالكتكوت
علي: شكلك تحبين الاطفال
لويا: اي بس مو الكبار
علي ضحك: الكبار مين
لويا: زي أريج ومن عمر سنتين مزعجين يصيرو
علي حط يده ع خده: وش بتسوي لو جبتي طفل وصار عمره زي أريج
لويا بتفكير: ارميه عند ابوه
علي ابتسم: يمكن ابوه مشغول
لويا: معليه امسكه لين يجي ابوه وارميه واحط راسي وانام
علي انطلقت صحكته: والله صدق الله يعين اطفالك
لويا: هم جو هالدنيا متحمسين
علي: القاك بكرا ترفضين احد يمسكهم غيرك وتخافين عليهم من نسمة الهوا
لويا: عاد على حسب ابوهم
علي رفع حاجب واتكى ع الكرسي: ماعليك ابوهم زي العسل
لويا رفعت عيونها له: وش عرفك بابوهم
علي غمز لها: سر المهنه
لويا ارتبكت ورجعت تلعب نواف وفجاه صار يصيح شألته وهي تحاول تسكته بس مارضي يسكت قام علي بهدوء جلس جنبها وأخذ نواف منها وهو يحاول يسكته ولويا تطبطب ع ظهره شوي سكت وصار يضحك استغربو ثنينهم وعلي يطالع بوجهه شافه يطالع بمكان ويضحك ثنينهم طالعو لقو شهد
لويا: وانا اقول شعنده القرد صار يضحك اثاري شايف امه
علي وهو يعطي نواف لشهد: امسكي ولدك البكاي
شهد شالته: وي بعد عمري مو بكاي صح مامي وي فديت الي يضحكون فديت المشتاقينن نواف شاف عبدالله وصار ينط عبدالله قرب وهو مبتسم وسأل نواف: هلا بالبطل كانت يده متعلقه بالطرحه حقت شهد
لويا ضحكت: يبغى أمه وبنفس الوقت يبي ابوه
شهد طالعتها بمعنى ايش في ولويا سكتت بعد ماستوعبت إلى قالته
هديل رمت نفسها ع الكنب: افف تعبت
عبدالله وهو ينبهها: كلي وخذي ادويتك وارتاح بذلتي جهد كبير ولو تبين ترجعي المستشفى حاضرين
شوق: بس عندنا نقل
عبدالله برفض: مو الحين أن طابت هديل بالكامل انا بنفسي انقلكم واشرف عليكم لين يطلع نواف
هديل بخوف: ليه هو مطول
عبدالله بتفكير: على حسب قاطعته شهد وهي تشيل نواف عنه ناظر فيها: خذي ادويتك وارتاحي بكلم امي وهي بتجيك اكتفت بهز رأسها ودخلت غرفتها وشالت العبايه والطرحه وهي تفكر هل أخذت القرار الصح حطت نواف ع السرير وراحت لدولابها أخذت لها بجامه مريحه وبجامه لنواف واغراضه وجات جنبه وهي مبتسمه وتلعبه وغيرت له لبسه وقامت تغير لبسها اندق الباب: قاعده البس دقيقه خلصت لبس وفتحت الباب لقت ام عبدالله ودخلت: اوهه نواف اليوم مبسوط ويضحك ماعد يبكي
شهد بابتسامه جلست بالسرير: استريحي
ام عبدالله جلست جنبها وشهد شالت نواف ورضاعته وصارت ترضعه وتحاول تنيمه وناظرت ب ام عبدالله تنتظرها تتكلم: سمي
ام عبدالله: كلمني عبدالله وقالي كل شي وانا موافقه بس مستحيل أوافق انك تكونين زوجه بالاسم انا ابغى احفاد
شهد ببرود: زوجيه الثانيه تجيب لكم احفاد
ام عبدالله بزعل: بس انا ابي الأحفاد منك مو من غيرك انا بعذرك الان ومابغصبك راضيه في إلى قلتيه بس فكري يابنتي بتكوني معلقه طول عمرك مابتحتاجي حنان رجال ماتبغي طفل؟
شهد ناظرت ب نواف الي بحضنها: موجود نواف
ام عبدالله: مهما كان الطفل إلى يكون من دمك غير
شهد تنهدت: نشوف الايام ايش مخبيه بس مااوعدك وكنت بقولك مانبغى ملكه كبيره تكون بيننا وبس والناس نقول لهم اننا ملكنا مع خالد وتالا عشان يسكتون ومعد يتكلمو عن الي صار
ام عبدالله بضيق مهما كان ذا ولدها الوحيد واكيد تبغى تفرح فيه بس كلام شهد صح: ابشري يايمه ولا تطولين بالزواج لأن الناس بتبدأ تتكلم لو عرفو انكم مملكين ومو مسوين زواج والي صار انتشر بيقولو ماخذين راحتهم وهم مملكين وييطلعن كلام طالع نازل
شهد تنهدت: الله يكتب الي فيه الخير بس عجلو عالملكه عشان يسكتون
ام عبدالله مسحت على شعر شهد: ولا يهمك خلال هالاسبوع كل شي بيكون تمام
شهد ابتسمت بذبول: ومابغى العقوبه تجي للزواج لاهي ولا بنتها
ام عبدالله: موضي؟ ولا يهمك وش بعد
شهد باست رأس ام عبدالله: رضاكِ يايمه
ام عبدالله فرحت من داخلها: راضيه ياروحي يلا الحي بجيب لك اكل وكلي وخذي دواك ونامي
شهد هزت رأسها وحطت نواف بسريره وباسته وانسدحت وهي تفكر بانانيتها وشوي جت ام عبدالله َجلست معاها لين خلصت الاكل وأخذت الدوا بعدها طلعت وشهد متضايقه ماتبغى تكسر بخاطرها صارت بحسبة امها تنهدت وهي تفكر بالموضوع اكثر
انتهى
__________&&&&§
