اعذروني على الاخطاء الإملائيه🖤🖤.
__________
شهد دخلت للمدرسه وانصدمت: ذا قصر ولا مدرسهه! ماشاءالله بسم الله فين كان مكتب المدير اوف شكلي ضيعت(طبعا تكلم نفسها) غبي غبي ياريي
جا صوت من وراها: تكلم نفسك؟؟
شهد لفت بسرعه وبلعت ريقها: بسم الله لو سمحت تقدر تدليني لغرفة المدير
الولد ابتسم: ايوا وصارو يمشو ووصلو لغرفة المدير وودت اوراقها واخذت مفتاح غرفتها الي قالو لها انه كل غرفه فيه غرفتين ومطبخ يعني فيه شريك لها ف الغرفه!!! تنهدت ومشت للغرفه فتحت الغرفه هدوء: همم شكله مو موجود راحت دخلت غرفة لقتها مكركبه كشرت وجت بتطلع طلع بوجهها واحد شهقت ناظرها ببرود: مين انت؟
شهد بتوتر بس تخفيه: ااء احم شريكك ف السكن
ناظرها من فوق لتحت ودفها ودخل غرفته وقفلها وهي راحت دخلت الغرفه الثانيه وحطت يدها ع قلبها تهديه: هذي من بدايتها ياشهد وش بيصير بالأيام الجايه اذا هذي البدايه!!! الله يستر وراحت رتبت غرفتها وضبطت كل شي وغيرت لبسها و طلعت تكتشف المدرسه وصارت تتمشى فيها وتناظر كل مكان فيه وبعد ما تعبت رجعت لغرفتها وقفت قدام الباب سمعت اصوات ثانيه وازعاج ابتسمت بانزعاج ودخلت وعم الهدوء عطت الكل نظره وراحت لغرفتها
واحد من الجالسين: اوفف كل ذا الجمال عندنا ف المدرسه احح حظكك مشاري معاك بالغرفه
مشاري: مغرور
نفس الولد: حسيت من نظرته
مشاري: اسكت يا مهند لا يسمعك الحين مانعرفه باقي ترا
مهند بتكشيره: اوفف قسم انه جميل وجع
مشاري ضحك: اوصص بس
مهند: اقول نواف شفيك هاجد من اول
نواف: مدري احس اني مشبهه عليه أو كاني شايفه
مهند بحماس: اما شفته
نواف كشر: اسكت جالس احاول اتذكر
نروح عند تالا الي صحت بكسل وبعدين فزت: يماا اختي نسيتها ونزلت تحت وهي تتسحب ماتبي احد يشوفها بذا الشكل دخلت المطبخ لقت حرمه تعلثمت: ااء احم
الحرمه ناظرتها وابتسمت: هلا بنتي تبين شي
تالا بتوتر حكت شعرها: ااءء خاله ابي كاسه حليب وكاسه قهوه
الحرمه: انا عمتك زوجت عمك ابو خالد
تالا رمشت: اهه انتي ام خالد
ام خالد:تعرفتي عليه
تالا وهي تحك شعرها: لا بس امس ساعدني وقالي اسمه
ام خالد بابتسامه حنيه: اها كويس روحي غرفتك جهزي نفسك وبيجونك الحليب والقهوه
تالا وهي تهز راسها: لا ابي اخذ القهوه والحليب واروح اصحي اريج بديها الحليب لانها متعوده ع ذا الشي
ام خالد نادت الخدامه وبعد ماخلصت اخذت الاشياء وراحت غرفت اريج وقفلت المكيف وصارت تصحيها وشالتها روشتها ولبستها وخلتها تشرب الحليب وقالت تنزل تحت وهي راحت غرفتها محتاره وش تلبس: انا ملابس بنات ماعندي وش السواة!!
شوي واندق الباب فزت : يما مابي احد يشوفني كذا لالا ^وبصوت عالي^ ميننن
..: اناا ممكن ادخل؟
تالا توترت بس بعد ما سمعت صوت بنت قالت بينها وبين نفسها: مافيه حل غير هالبنت وبصوت تسمعه البنت: ادخلي دخلت البنت بهدوء وابتسمت: هايي
تالا رمشت: ها هلا دقيقه مين انتي ماشفتك امس تحت!!
البنت ضحكت: انا فرح كنت نايمه محد قومني شكلي منسيه
تالا جلست على السرير: اها
فرح جلست جنبها: شفيك احسك محتاسه ومو عارفه وش تسوين
تالا ناظرتها بعيون بريئه: متورطه
فرح ضحكت: بوش
تالا انسدحت اول بنت تحس بالراحه تجاهها: ماعندي لبس غير لبس العيال وأشياء احس مقدر اطلع كذا
فرح: بجيب لك لبس من عندي دقيقه وراحت جابت لها فستان تالا بوزت: فستان
فرح ضحكت: شكلك منتي من محبين الفساتين
تالا: لاوالله من زمانن مالبست
فرح عطتها: البسي وانزلي
تالا اخذته ولبسته ووقفت قدام المرايه: احس شكلي غلط^وضحكت^ لمت شعرها بشباصه ميلة فمها وبعدين نزلت تحت تحولت النظرات لها وحست بشي يتعلق برجلها ناظرت وابتسمت لاريج الي تعلقت برجلها وشالتها: هلا بالحلوهه حقتي
اريج باعجاب: اول مرا اشوفك تلبسي فستان
تالا ضحكت: عجبتك
اريج بابتسامه: مرااا
راحت جلست واريج بحضنها تضايقت الكل يناظرها وتكلمت ببرود: ترا مني قطعه للبيع كلكم تناظرو كذا!!
ليلى بقرف: مدري وش عاجبهم فيك
ام نايف: بنت احترمي نفسك وش ذالكلام
لمياء وهي تايدها: كلامها صح
نزلت فرح وهي تناظر الجو المتكهرب راحت جلست جنب تالا وصارت تسولف بحماس وتتعرف عليها وتالا وضعية البارده وردودها مختصره وتجاوب على قد السؤال(هي كذا بس مع اريج ولويا تكون على طبيعتها بس اذا كان غيرهم تتكلم ببرود) نزل نايف وهو واضح صاحي من النوم شاف تالا ركض لعندها: الله انتي باقي عندنا
تالا ابتسمت له: تباني اروح؟
نايف يهز راسه: لالالا
تالا ضحكت
فرح بتكشيره: غش طول الوقت اسولف معك وتسلكين وحتى ابتسامه ماعطيتيني وجاء ذا الخبل يخليك تبتسمي وتضحكي بعد لالا زعلتت
تالا ضحكت عنها غصب: متاكده انه انتي بتتزوجين؟
فرح: يب وانتي معزومه
تالا: مااحب الزواجات
فرح: هالشي مو بكيفك ااصلا بتجين يعني بتجين ودي اشوف شكلك بالمكياج والفستان يماا بتصيري ملكة جمال
تالا تناظر بهدوء
نايف بشطحه: متاكده انك من عيلتنا
تالا ابتسمت: ليه
نايف وهو يحك راسه: كل بنات كوع انتي ماشاءالله ملكة جمال شوي وجت مخده طايره براسه من فرح: ياحيوااانن شقصدك
نايف وهو يضحك: ماامزح وربي كلكم عادينن والبعض احم خلني ساكت بس شوفي تالا اه لو اني كبرها تزوجتها
تالا اول مرا تستحي: ااءء بروح افطر
فرح ضحكت لانه باين الحرج بوجهها: اوكيهه وراحت تالا فرح لفت على نايف: احرجتها
معاذ: نايف صريح بزياده بس ماشاءالله انتو كيف تتكلمو معاها بالراحة وانا مقدر انطق بكلمه مع اني ودي اتكلم معاها
نايف بفخر: سر المهنه كيف بس ياخيي وربي انها تدخل القلب مع ان برودها يقهر بس واضح مخبيه طيبتها
معاذ بلا مباله: مدري وذا ناشب لاريج ها خالد نزوجك لها موافق
خالد ناظره بضحكه: اتزوج بزر؟
معاذ: مدري فيك لاصق فيها
خالد وهو يبوس اريج: عسلل وش اسوي
اريج كشرت: لا تبوثني تذا
خالد وهو يرجع يبوسها: يحلوكك
دخلت تالا وشافت خالد كيف يلاعب اريج ويبوسها ماتدري ليه ابتسمت وهي تناظره فجاء حست ب احد يدق كتفها بقوه لدرجه شوي ويخلع كتفها: احح وشذا
ليلى بحقد: شفيك تناظريه كذا
تالا برفعة حاجب: وانتي شدخلك
ليلى: لي دخل
تالا تكتفت ببرود: مالك دخل واذا تفهميها كذا م ا ل ك د خ ل
ليلى كشرت بحقد: وجع
تالا ابتسمت بسخريه: بزره ومشت عنها جلست جنب فرح: في ناس صارت ماتحبني
اريج ناظرتها ورمشت: مين مايحبك
تالا مبوزه: وحده اسمها اريج صارت ماتكلمني ولا تجي عندي
اريج وهي تحاول تفك نفسها من خالد وهو ماسكها:فكني
خالد بعماد: لا
اريج تجمعت الدموع بعيونها: ابا اروح عند ماما
خالد باستغراب: مين مام.. قاطعته تالا وهي تشيل اريج: عيون ماما انتي لا تبكين كنت امزحح والله
اريج ناظرتها ومسكت وجهها: مادعبتي(زعلتي) مني؟
تالا ضحكت: ماازعل من قمري الا قمري مو جيعان؟
اريج هزت راسها: لا اكلت
تالا مسكت خشم اريج: حبيبي الي اكلو تعالي نروح فوق نلعب زي كل يوم؟
اريج هزت راسها: ايه و طلعو فوق ونظرات خالد معلقه باخر مكان
عند شهد الي دخلت اخذت شور ولبست وخلت شعرها مبلول(طبعا ماقصت شعرها حطت بروكه طبعا بسبب تهديدات هاجر ماقصته ولا كانت بتقصع) لبست البروكه بسرعه بتروح اول درس لها طلعت لقت الكل متجمع تافافت بداخلها: يع مالي خلق ل احد وجت بتمشي احد وقف قدامها رفعت راسها له وعقدت حواجبها: نعم
..: ليه انت مغرور
شهد: اوف انقلع ماني ناقص
..: مهند مهند اوهه انت هنا
مهند بابتسامه: اي مشاري انا هنا احاول نتكلم مع المغرور
مشاري وقف لثواني يناظرها وهي توترت: بمشي ممكن؟
مهند: لاا اول شي اسمك
شهد ابتسمت غصب لطفولة مهند: فهد
مهند بلم بابتسامتها وهي مرت من عنده بسرعه لقت واحد ثاني طنشت ومشت طلعت برا تدور على الفصل حقها ومالقته وقفت بالنص وهي تكلم نفسها: غبييي ضعت مرا ثانيه وصارت تلتفت لعل وعسى تلقى احد يساعدها شافت آخر واحد شافته بالغرفه واقف بعيد يناظرها كشرت: وع انا ناقصه بس شسوي لازم اساله راحت عنده: ااءء احم لوسمحت
نواف وهو يسوي نفسه مايشوفها: ها هلا
شهد والتوتر مو قادره تخفيه: ابغى اعرف فين هالفصل وورته الورقه
ابتسم نواف: معاي بالفصل امشي وراحو للفصل دخلت وهي منزله راسها رفعت راسها شافت خوي اخو هاجر انصدمت ورجعتو نزلتو راسها: شجابه ذا
الاستاذ: لوسمحت انتا جديد؟
شهد رفعة راسها للاستاذ: ا.ايه جديد
الاستاذ: عرف عن نفسك
شهد ميلة فمها: فهد ال...
الاستاذ: تقدر تروح يا فهد تجلس ف اي مكان تبغاه شهد ناظرت الكل يأشر لها تجلس جنبه الا خوي مراد ف راحت جلست جنبه مع انها مهي مرتاحه وخلصو الدروس الممله^ ع قولت شهد^ و طلعت برا وهي تتمشى وفجاء حست ب احد يمشي وراها بالاول قالت يمكن تخيلات بس لا مو تخيلات حاسه فيه حست فيه يقرب وانحطت يد على كتفها ك ردة فعل مسكته من يده ولفته وشالته طيحته على الارض(يارب فهمتوو ياربب) الكل شهقق من قوتها هي من شافت وجهه شهقت: يماا اسفه اقصد اسف اسف
الولد قام: اخخخ ظهري انكسر
شهد وهي تحاول انها ماتضحك: اسفف حسين انت عارف اني مااحب احد يجي من وراي بهذا الشكل فتستاهل الي جاك
حسين وهو يناظرها بحقد: اي اضحك اصحك وش وراك انت الي كاسر ظهري
شهد ماقدرت وصارت تضحك بقوه والكل يطالع لها
حسين مسك فمها وبهمس: اوص اوص بتفضحينا
شهد سكتت ولما تذكرت شكله رجعت تضحك عالكاتم لانه ماسك فمها فجاء حست انها تطير: يمااا لااا نزلنييييييي
حسين بعناد: قلت لك تسكتي بس ماسكتتي تستاهلي
شهد عضته على كتفه وهو نزلها بقوه: احح مفترس
شهد بقوه: تستاهل وراحت على غرفتها وهو طبعا جاء وراها: ففهدد ياافففهههدد يااككلللبب لا تتججااهل
شهد دخلت الجناح وقفلته بقوه بوجهه ومالاحظت الي بالجناح وصارت تضحك وفجاء سكتت لما شافتهم كلهم يطالعو فتحت الباب وجت بتطلع صفقت راسها بصدر حسين: اح جدار
حسين وهو متكتف يناظرها: قول ماشاءالله
شهد بطفش: تفففووو ماشاءالله
حسين وهو يمسح وجهه: يععع
شهد بضحكه: قطرات العسل تنزل عليك سبحان الله
حسين ناظرها بنظره ناريه وهي حطت رجلها اركضض يامديرر وصارت تركض بالجناح كله وهي تضحك بالأخير تفركشت وطاحت على وجهها: ااايييييي راااسسيي حسين ياكلب كله منك
حسين بصدمه: وش دخلني
شهد قامت ناظرته بحقد: انت مين قام تلحقني كلب ماكان طحت لو ماجلست تطارد وراحت لغرفتها وقفلتها بقوه وحسين واقف مكانه مبلم
مهند وهو ماسك الضحكه: ترا راح
حسين استوعب اخيرا وجلس بتعب: اوفف انسان مجنون
مهند بفضول: دايم انتو كذا مع بعض
حسين بيأس: مع الاسف يعني هذا ولاشي واستوعب: مين انتو
مشاري: انا شريك فهد بالغرفه
نواف: وحنا خوياه
حسين: اوه الله يعينكم فهد انسان نارر عصبي ومتقلب مزاج
نواف ابتسم: ومغرور
حسين ضحك: مو غرور بس ما يحب يختلط
ستوب (حسين هو اخو شهد الثاني الي قلته اول دايم هو وشهد مناقره وهواش وطبعا كل واحد فيهم عصبي واذا اجتمعو يصيرو نار وزيت اجتمعو وطبعا يحبو يعاندو بعض بس طبعا مايتخلو عن بعض) طلعت لهم شهد فجاء: يا انت
حسين ناظر العيال ورجع ناظرها: انا؟
شهد: يب
حسين: ذا الي تكلميه عنده اسم
شهد ببرود: مااعرفه
حسين: وش تبي
شهد أشرت على الغرفه: امشي بتكلم معاك ودخلت جوا
حسين قام: ادعولي
مهند ومشاري وهم يضحكو: الله يوفقك روح وراح دخل جوا لقاها جالسه بالسرير وبهدوء: شجابك هنا؟
حسين: الي جابك
شهد بقلة صبر: انتتت لو خالي عرف انك بذي المدرسه بيجي بباله ذا المكان وراح يشك فيه انت غبي ماتفكر حمارر!!!!
حسين بانفعال: شسوي خفت عليك وماقدرت افكر بشي ثاني
شهد وهي تصفق بسخريه: ماشاءالله وتخاطر بحياتك على حسابي اهنيك الصراحه
حسين بعصبيه: يعني هذا جزاي اني خايف عليك وجاي احميك !!!!!
شهد بصراخ: لا ترفع صوتك عليي
حسين بنفس النبره: لالا تعالي اصفقينيي بعد تعالي
شهد: برااا اطلعع اطلع حسين طلع بعصبيه وصفق الباب وراه بقوه وطلع من الجناح كله
مهند وهو يناظر باب غرفة شهد: واضح انهم الاثنين معصبين الله يستر
مشاري: اقول برا انت وهو على غرفكم ابي انامم وطلعو الكل كلن لغرفته
بفرنسا بعد ماخلصو دراسه شوق وهديل تجمعو بالكفتيريا
هديل بتعب: اوف راسي صدع
شوق بقهر: انا صدعت من واحد ناشب لي بالمحاظره الا والا يبي يتعرف
هديل: اسحبي عليه
شوق وهي تقوم: اصلا ذا الي بيصير وش تبين اطلب لك
هديل: ماابغى شي
شوق: بروح أخذ لي قهوه واجي راحت تاخذ قهوه وشافت بطريقها الي ناشب لها هديل لاحظت تضايق شوق قامت راحت عندها: شفيك
شوق بضيق: هذا الي قلت لك عنه
هديل لفت تناظره من فوق لتحت: شمحسب نفسك جاي تغازل ولا تتعلم انت؟
الولد بلم لما شاف هديل وسكت
هديل ببرود: اكلت القطوه لسانك
الولد ابتسم: لا بس شكلك..
هديل باستغراب لفت لشوق بخوف: شوق شكلي فيه شي
الولد ضحك بقوه: لاوالله مافي احلى منك جمالك خلاني اسكت
هديل بطفش: انقلع عن وجهي لو عصبت ماراح يكون من صالحك ابدا
الولد صار يقرب منها هي كشرت: لا تقرب الولد ماتكلم وصار يقرب اكثر علطول بدون اي مقدمات عطته بوقس وبعده مسكت يدها ولوتها: ها باقي بتقرب؟
دخل واحد جديد الجامعه بهاللحظه وشاف الهوشه وقف يناظرهم
الولد بألم وابتسامه بعد: حلوه وقويه
هديل شدت على يده بقوه: وانت وقح
الولد حس بيده بتنكسر: اهه يدي خلاص خلاص اسف
هديل رمته عند شوق: اذا شفتك مقرب لها او عندها صدقني كسر يدك بيكون اهون وراحت رجعت جلست الشخص الي دخل ضحك بقوهه وهو يناظر شوق الي تناظر هديل بصدمه شوق ناظرته وكشرت اخذت قهوتها وجلست عند هديل: يازق من فين لك هالقوه
هديل ضحكت وحطت رجلينها فوق بعض: ابداً كلها كم حركه تعلمتها للضروره مثل هذي الحالات
شوق ابتسمت: اهلينن معاي مقاتله وانا مدري
هديل رجعت ضحكت: اسكتي الله يعافيك قال مقاتله وانا لو شفت صرصور راحت الهيبه ذي
جاء لعندهم نفس الولد الي كان يغازل ومعاه خوياه هديل ناظرته من فوق لتحت: اوه في ناس ماتعلمت من غلطها
الشخص الي دخل الجامعه شاف الولد يروح لخوياه وبعدها قامو كلهم للبنات تكتف وصار يناظرهم بهدوء
الولد بابتسامه: مو مروان الي ينضرب من بنت والي ابغاه باخذه
هديل قامت بسرعه وهي تشوف اثنين يمسكو شوق ومروان يمسكها من ورا غمضت عيونها ورفسته على ورا بسرعه وعطته بقس وجت بتساعد شوق لقت واحد ساعدها ارتاحت وانصدمت وهي تشوف شوق تضمه
شوق كانو ماسكينها اثنين وهي مو عارفه وش تسوي غمضت عيونها مستسلمه للي بيصير حست ب احد يساعدها وحسبتها هديل وضمتها لين سمعت شهقت هديل فتحت عيونها وفكته بسرعه: اسفه مانتبهت
الشخص اكتفى انه ابتسم وسمع احد يناديه: مشعل مشعل وش تسوي هنا صار لي ساعه ادورك مشعل وهو يمشي: في هوشه صارت وجذبتني وحبيت اساعد
الولد وخو واقف: اوه اما المشاكل وهديل
هديل ناظرته وضحكت: تعود عزام تراني مشكلجيه
شوق ومشعل بنفس الوقت: تعرفون بعض وناظرو بعض وشوق استحت
هديل ناظرتهم: معاي بالفصل واليوم اخذت مكانه
عزام وهو يضحك: والكل انصدم اني اكلم احد غيرك ههاي
شوق: اقول اجلسو شوفو الكل يناظر لنا شكلنا غلط وجلسو كلهم مع بعض يسولفو
(نسيت اعرفكم على عزام امسورييي)
طبعا شخصيه مهمه عزام يدرس بفرنسا هذي ثالث سنه له طبعا انسان ما همه شي ومايحب يختلط ب احد حاله حال نفسه ومايحب المشاكل وما عنده أصدقاء غير مشعل الي تعرف عليه بالمدرسة ونادرا تشوفه يمزح اغلب وقته جدي(جدي ولا عمي اممززح كملو😭😭) ^لو لاحظتو يعني انا مو قاعده اوصف لكم اشكالهم لأن مافيني حيل اتخيلهم واوصف ف تخيلوهم زي ما تبغون بس طبعا الكل حلوين مافي احد مو حلوو خخخ^
عند تالا الي كانت تلعب مع اريج لين دق جوالها وردت وجت بتطلع شافت شكلها تافافت: مالي خلق اغير بطلع كذا واخذت عبايتها ولبستها وطلعت بسرعة البرق والكل يناديها وخالد طلع وراها بسرعه وصار يلحقها وصلت لمكان و وقفت وخالد وقف وراها بس بعيد بشوي ونزلت هي بدون ماتقفل سيارتها وهو نزل وقفل سيارته قرب عشان يسمعهم
تالا بالانجليزي: ماذا حدث هل وصلت لشي مهم؟؟
..: نعم ان بنت اخيه الذي قتله هربت وبعد تحريات لقد علمت انها بمدرسة فتيان لكِ تهرب منه اظن انها عرفت عنه ولذا هربت منه وانه يبحث عنه
تالا بتفكير: ب اي مدرسه هي الان؟
...: بمدرسة ال...
تالا بالعربي: لازم القاها ماراح اسمح يعيشها مثلي
..: عفوا؟
تالا بالانجليزي: جدها اخطفها افعل شي اريد انا اراها واكلمها
...: حسنا سوف ارسل لكِ رساله
تالا وهي ماشيه لسيارتها وسرحانه ركبت السياره وهي تكلم نفسها: لازم القاها مابسمح تتعيش مثلي لازم اساعدها
...: تبين مساعده؟
شهقت تالا وهي تشوف خالد: اوف خرعتني "وبهدوء" من متى انت هنا؟
خالد بابتسامه هادئه: لاحقك من طلعتي وسمعت كل شي وابي تفسير
تالا ببرود: ماراح افسر شي
خالد حجزها بالكرسي بيدينه وهي غمضت عيونها بقوه: بعددد
خالد بهدوء وهو يناظرها: بتتكلمين ولا؟
تالا فتحت عيونها بقوه وببرود: ولا وش
خالد رفع حاجب: منتي خايفه
تالا بابتسامه سخريه: ليه بخاف مثلا
خالد قرب من وجهها وسرح فيه بدون مايحس صار يناظر ملامحها ويتعمق فيه بعد عنها بسرعه وكأنه منلسع: قوليلي عشان اساعدك
تالا: ب اي صفه
خالد بثقه: ب صفه اني محقق سري ماكان ودي اقولك بس عشان تعلميني
تالا ناظرته هو بيساعدها ويساعد المسكينه الي ماتدري عنها صارت تعلمه: اخويا وانا انخطفنا من واحد بسبب انه يبغى يهدد بابا عشان املاكه"تنهدت" بس عرفو انه بابا مات وماما عندها بنت ثانيه صارو يهددو ماما يقولو لها تجي لعندكم وتاخذ الاملاك وتحوله وعذبونا بس العذاب الأكبر كان ل نايف وبعد عذاب ماما رفضت على ما عرفت وبعدها رموني قدام بيتنا وماما كانت بذاك اليوم هي وزوجت جارنا طلعو لشي ماادري وشهو وماتو بحادث وبعدها بكم يوم وصلني خبر انه قتل اخوي وقبل كم يوم وصلني كلام ان اريج الجايه لو ماسويت الي رفضته ماما والحين عرفت ان بنت اخته هربت من عندهم وهي بمدرسة عيال وابي اقابلها مابيها تعيش زيي واضح توها وعرف ببلاوي خالها وانه قاتل امها وابوها وهي الوحيده الي بتقدر تساعدني واساعدها الحين
خالد وهو حاس انها حابسه البكيه: راح اساعدك واطلعها من المدرسه
تالا ناظرته بنظرة امل: صدق
خالد ابتسم: ايوا
تالا نزلت منها دمعه وخالد مسحها على طول: ليه الدموع
تالا: خايفه على لويا لانها بتكون بخطر بهذا الوقت
خالد باستغراب: مين ذي بعد
تالا ابتسمت: صديقتي هي يتيمه بس أبوها موجود
خالد: وش اسم ابوها
تالا: محمد ال...
خالد ابتسم: شغال معانا بالشركه اذا تبين بنته تجي لبيتنا وتكون معك
تالا بتردد: ماراح يرفضو؟
خالد هز راسه: جدي ماراح يرفض لانه يبي يعوضك ويبيك تسامحيه
تالا بصدق: انا مسامحته
خالد ناظرها: طيب ماعلمتيه
تالا بتوتر:ماعلمته عشان خفت يتغير
خالد ضحك: طيب خلينا نروح نجيب صحبتك ونروح للبيت الحين واروح اشوف موضوع البنت الثانيه قولي لذا الي يشتغل عندك انه مايسوي شي اخاف يسوي للبنت شي وتنجلط
تالا اول مرا تضحك لشخص غير اريج ونايف وأرسلت رساله لجاك الي يشتغل عندها له من يوم مات نايف ومحد يعرف عنه حتى خال شهد راحو جابو لويا الي فرحت بشوفة تالا وراحو للقصر وتالا متوتره دخلو كلهم مع بعض بس لويا كانت قدام وخالد وتالا جنب بعض وتالا منزله راسها دخلو جوا جا لها عمها ابو نايف معصب: انتي وين طالعه بذا الوقت ولوحدك وبدون حجاب والعبايه طايره!!!
تالا نزلت عليها القوه بشكل غريب: والله هذا شي يخصني اتحجب مااتحجب اطلع بدون عبايه ولا بعبايه محد له خص اوك ووقت اطلع بعد!!
عمها سكت لما شاف خالد معاها
ليلى بلقافه: ومين ذي الي معاك وجايه مع خالد ليه
تالا عطتها اكبر طاف ومسكت يد لويا وراحت لغرفة جدها وعلمته وطبعا وافق وعلمته انها مسامحته وطلعت عطت الكل نظره استفزازيه شافت اريج جالسه بحضن خالد راحت لها: اريج مو كانك طول الوقت مع العملاق ذا؟
اريج ضحكت: لانه حلو
تالا فتحت عيونها على وسعها: ياقليلة الأدب تتغزلين فيه
اريج ببراءه: شثوي انتي حلوه وهو حلو مدلي مع مين اكون
تالا ضحكت غصب عنها وشالتها: خليك معه شوي ومعي شوي وانتي احلى مننا ترا
اريج بفرحه: صدق
تالا وهي تهز راسها: يب يب انتي مراا حلوه
اريج شافت لويا نطت: بويياااا
لويا كشرت: بويا بعينك لويا ل و ي ا انطقي
اريج ببراءه: بويا
لويا صفقت جبهتها: كل ماشفتيني لعبتي باسمي اقول تالا اختك فين تودي الحروف
تالا: تاكلها يعني شرايك
لويا: مالت عليك
خالد همس لتالا: بطلع لمدرسة البنت وبجيبها واذا رفضت ف برجع واخذك معاي مافي غير ذا الحل مانقدر نجيبها بالغصب ومشي
تالا تنهدت
لويا نطت عندها وهي تغمز: اوه ذا الحبيب اجل
تالا صفقتها على كتفها: استحي على وجهك يبنت
لويا ضحكت
فرح جت لهم: عندنا ضيوف الله
لويا طالعتها: ضيوف ثقال
فرح بضحكه: أطلق ثقل لو انه انتم
لويا ابتسمت: ياعمريي انتي
فرح: يااروحي انتي
لويا: ياقلببي انتي
تالا: بس بس انتي وياها وععع تحسبونا بشات تعب قلبي؟
لويا ضحكت: ايه
فرح: ياخي حبيتها هالبنت
لويا: وانا حبيتك
فرح: تعالي بسحب على خطيبي ونتزوج
تالا فتحت عيونها على وسعها: ووششش استغفرالله استخفو فرح ولويا يضحكو على تالا وهي ساكته
فرح: احسك قويه
لويا ناظرت لتالا بعدين فرح: ذي
فرح: ايه
لويا بضحكه: قويه بكل شي الا الظلمه هنا تموت رعبب
فرح: اوف كل ذي الهيبه بالاخير تخافي من الظلمه افا بس افا
تالا ضحكت: مع الاسف يعني الا فرح متى ملكتك عشان يمدينا نجهز شي لا تورطيني
فرح بابتسامه غبيه: الويكند
تالا بلمت لفتره بعدين صرخت بقوه الكل ناظرها
لويا بهمس لفرح: جاك الموت ياتارك الصلاه
تالا بعصبيه: تستهبلينن ماعندي شي جاهز وقلت لك ماعندي لبس حتى الي علي اخذته منك حرااممم عليك تسوين يني كذا
فرح ضحكت: ماعليك عندي فستان اخذته قبل فتره لانه عجبني البسيه
تالا ارتاحت: وانتي لويا
لويا: وانا وش
تالا: وش تلبسين
لويا: ل ايش
تالا بهدوء: اديك كف تفهمين
لويا بنفس الفهاوه: مامزح شفيك
تالا كشرت: ياحماره وش تلبسين بملكة فرح
لويا ناظرت لفرح: اما ذالبزر بيتزوج
فرح شهقت: من البزر يالورعه
لويا: انتي
فرح كشرت: انتي البزر
لويا: لا انتي
تالا: اص وش بتلبسي
لويا: عندي فستان مناسب بلبسه
تالا غمضت عيونها: مصدعه
فرح: اطلعي فوق نامي
تالا: لا بستنى خبر من خالد وغفت بدون ماتحس
عند شهد
بعد ماهدت طلعت من الغرفه وطنشت الكل وطلعت لبرا شافت حسين جالس مع واحد صارت تناظره وصارت تتمشى لعل وعسى يروح الطفش فجاء وقف عندها شخص ناظرته جت بتمشي من الجهه الثانيه جاء لجهه الثانيه: نعم يا اخ تبي شي
الشخص: يس ابي تجي معاي>>عرفتوه خالد
شهد ببرود: ب اي حق اجي معاك
خالد بنفسه: نفس تالا الله يستر: بتكلم معك بشي
شهد ابتسممت بسخريه: سبحان الله ومشت عنه
خالد يكلم نفسه: اخخ نسخ لصق اسلوب واخلاق الله يستر راح رجع للبيت دخل الصاله شاف الكل يسولف الا هي مغمضه عيونها واضح نايمه راح عندها بسرعه: تالا قومي
تالا فزت بحكم ان نومها خفيف: ها
خالد: البسي عباتك وخذي عبايه زايده وامشي
ليلى سمعتهم: نعم فين رايحين
خالد ناظرها: مالك دخل تفشلت ليلى وتالا راحت اخذت عباية لويا وخالد مااستناها تتكلم ومسك يدها وصار يجرها يبي يخلص من الموضوع بسرعه فكت يدها منه: هي هي هدي ركبت السياره قال لها السالفه وطلع لها لبس من عنده وقال لها تلبس ورا والسياره مظلله ف اوك لبست بسرعه الثوب حطت يدها على شعرها وتكلمت: شعري
عطاها كاب لبسته ووصلو ونزلت دخلو مع بعض كل الانظار لها توترت وصارت تدور بعيونها اخيرا لقتها جالس لوحدها راحت لها بسرعه مسكت يدها وصارت تجرها: امشي
شهد بصدمه: هي هي مين انت ووشتبي
تالا طلعتها برا وتنهدت: الحمدالله شافت واحد جاء عندهم: لوسمحت فين ماخذه!!
شهد: هي فك يدي ياوقح
تالا ضحكت وبصوتها الطبيعي: تصحيح وقحه^ مين انت بعد
حسين: انا حسين
شهد: خالد تفاهم معه وفصخت الكاب وتناثر شعرها: قاصه شعرك؟
شهد باقي منصدمه هزت راسها ب"لا" تالا ضحكت على صدمتها وشالت البروكه من راسها وتناثر شعر شهد وركبو السياره مع بعض وهم مو منتبهين للي كان مار وشافهم حركت تالا السياره مسرعه
خالد بيأس: سحبت علي بنت اللذين
حسين: امشي لسيارتي بسرعه مافي وقت المكان مراقب يمكن يجي وراهم
خالد فهم عليه وجاء بيركب السياره
..: خالد من ذول البنات ومين ذا ووش السالفه
خالد: عبدالله بعدين اعلمك تعالل بسرعهه وصارو يلحقوهم
شهد أخيرا استوعبت: فين رايحين
تالا وهي تسوق وتشوف سيارة حسين وراهم وفي سياره ثانيه تلاحقهم: صحبتك يمكن تكون بخطر واحنا بنسوي شووي مغامره عشان خالك واضح كان مراقب المكان الي كنتي فيه زين جيت بالوقت المناسب وابتسمت بانتصار وهي تضيعهم كلهم وراحت لبيت هاجر وعلطول بدون اي مقدمات اخذتها وسط صراخ مراد وسحبت عليه ركبت السياره وشافت سياره ثانيه: زي ماتوقعت استعدو بنات وقت المغامره الحين وصارت تروح مكان شوي مهجور وثلاث سيارات كانت وراهم وقفت ولقت سيارة ثانيه جات: حلو توقيتكم بنات مين يعرف يقاتل
شهد: انا
تالا ناظرت لهاجر: انتي؟
هاجر هزت راسها بخوف: معرف
تالا ناظرت لشهد: بتكون نقطه غلط بالمكان وش نسوي^طبعا تالا قالت كل شي لشهد وهما ماشين^
شهد ناظرت هاجر بحيره: انزلو كلكم هاجر خليك وراي او ورا تالا نزلو من السياره كلهم جنب بعض شهد ميلة فمها: ماتوقعت خالي يكون بالغباء ذا مرسل بس خمس؟ يحسبني وحدي خخ ناظرت تالا ابدي وصارو يتضاربو وشوي سمعو صراخ هاجر وقفو الاثنين
شهد صفقت يدها بجبهتها: غبيه قلت خلك وراي وورا تالا وضربت برجلها بجبهة الي كان ماسك هاجر وطاح على الارض وواحد ثاني كان جاء صفقته برقبته على رجلها ومسكت هاجر وراها وتنهدت: لو بعدتي بنحرك وكملو مضاربه لين انحاشو الكل هاجر ضحكت وتالا تضحك جلسو بالارض كلهم وشوي جت سيارة حسين نزلو بخوف الارض دم
خالد بصدمه: وش صاير هنا
حسين مو مصدوم تعود: وش صار لكم اصابات
شهد: طعنه وحده بخصري وهاجر انجرحت رقبتها لانها غبيه قلت خلك وراي ولا ورا تالا بس ما سمعت كلامي اما تالا جت سليمه بس التوا بسيط برجلها
خالد وعبدالله بحالة الصدمه
حسين: قومو نروح للمستشفى
شهد وهي حاسه بدوخه: تعال شيلني وش فايدتك اخوي على الفاضي
هاجر ناظرتها: مو توك الي كنتي تقاتلي لو اني مااعرفك كان قلت انك ولد مب بنت ماشاءالله انتي وتالا
تالا وشهد ضحكو حسين جاء شال شهد وحطها بالسياره بحكم ان الجرح الي بخصرها نزف كثير وراحو المستشفى وعالجوهخ وكله عالقصر ومعهم هاجر تالا كانت ساندتها هاجر وشهد شايلها حسين حطها ع الكنبه وجت تالا جنبها الكل يناظرهم بصدمه هاجر جلست بعيد عنهم جنب لويا
الجد: وش ذي الحاله يابنت
تالا أشرت بيدها ل خالد
خالد ضحك: صرت ناقل كلام
تالا: اريج نامت؟
لويا: ايه انتي وش صار معك نفس السالفه
تالا هزت راسها
لويا تناظر شهد: وذي مين
خالد: بعدين بعدين الحين الاثنين تعبانين من البنج والي سووه مب هين
هاجر ضحكت: شهد وحصلت وحده بجنونها الله يستر من الجاي
شهد اكتفت انها ضحكت
تالا غمضت عيونها هي من الاول دايخه وفيها النوم وزاد عليها التعب وغفت خالد جاء شالها: بوديها غرفتها واجي
شهد: وانا بنت البطه السودا اخوي شكله نساني
حسين ضحك: لاوالله مانسيتك بس مااعرف البيت وين بوديك
عبدالله راح شالها: خلاص بوديها غرفه فاضيه ارتاح انت احسك اكثر واحد تعب فينا حنا العيال من ضغط
شهد كشرت: نزلني
عبدالله: لا
شهد عطته بوقس ببطنه وطيحها: اهه وشذاا يد بنت
شهد تضحك رغم الالم: اهه خصري ليه ترميني قلت نزل اوبب دم
حسين بيأس: والله مااخذك المستشفى
عبدالله رجع شالها بس المرا ذي مسك يديها: ماعليك انا بصلح جرحها
شهد ترافس بالهوا: نزل ياورع مابي تشيلني حسينن يكلبب
حسين يضحك: احسن
عند خالد ودا تالا غرفتها شغل المكيف ووطى التكيف غطاها شاف ملامحها كشرت وفجاء صارت عاديه وبعدها بدت الدموع تنزل من عيونها مسح دموعها فتحت عيونها: اطلع برا
خالد: انتي بخير؟
تالا رجعت غمضت عيونها ايه اطلع برا خالد طلع وقلبه ياكله عليها
عند شهد الي باقي تحاول يخليه ينزلها اخيرا وصل لغرفه وحطها ع السرير واخذ علبة الإسعافات الأولية وجاء بيبعد التيشرت وقفته: ياقليل الأدب وش ذا
عبدالله شوي ويفقد صبره ثبت يدينها بيد وحده ووخر التيشرت عن الجرح: خليك هيه ببعد يدي عن يدينك هي وجهها احمرر هو مايناظرها فماشاف بعد يده عن يدينها وغطت وجهها وهو خلص جرحها ناظرها شافها حاطه يدها على وجهها بس باين الاحمرار ابتسم على شكلها اللطيف: خلصت
نزلت التيشرت: شكرا ب.س ابي لبس
عبدالله: الحين بتجي فرح تجيب لك
ونزل تحت للصاله شاف خالد نازل وهو مو على بعضه مر من جنبه: راح اعرف السالفه ونزل: بنات روحو ودو لبس لهم مدري تالا نايمه ولا لا بس شهد صاحيه ودو لها لبس وخلوها ترتاح قامو هاجر ولويا وفرح ودو لبس للشهد وراحو عند تالا لقوها صاحيه ودو لها لبس ولويا نامت عند تالا لانها ماتعرف احد بالبيت وتخاف وهاجر عند شهد نفس سبب لويا
دقيقه دقيقه بعرفكم ع شخصيتنا الجديده ^عبدالله^
تتذكرون عمت تالا الي قلت عندها ولد واحد؟ يس هذا هو عبدالله انسان مايعصب الا نادراا بس اذا عصب تنطبق عليه مقولة(اتق شر الحليم اذا غضب) يقلب الدنيا فوق تحت ماتقدر تفرق بين جديته ومزحه ابداً
>>معلومه ترا ذا واحد من الابطال تتوقعو البطل بتاع منو؟؟
انتهى
_____________////
نزلت لكم بارتين تشوفو كيف انا لطيفه معاكم؟ فديتني من فين لي زيي😔🖤؟
اتمنى انه تعجبكم الروايه ايلافيوو♥️♥️
