اعذروني ع الاخطأ الإملائيه❤️❤️
___________
عند لويا
كانت تبكي بصوت عالي وعلي يحاول يهديها
علي: الحين انتي ليه تبكين وانا مطلعك من المكان ولاشي صار لك
لويا ببكاء: لأنك حقير وكلب قاعد تخدع العيله كلها وبسببك شوف ايش كان بيصيرلي
علي بضيق: يابنت الحلال قسم بالله مالي دخل باختطافك
لويا بعصبيه: حتى لو مالك دخل كيف تشتغل مع ناس كذا مايخافون الله انت زيهم ماتخاف الله وحقير ودينيي بيتي مابي اسمع منك شي ولا اشوفك وركبت السياره وصفقت الباب وهو جا ركب جنبها بصمت ومشي ووصل للشقه حقهم ونزلت من السياره حط راسه عالدركسون: اوففف وضرب الدركسون بقوه ومشي من المكان ولويا دخلت الشقه وهي منهاره وشفتها ام عبدالله وحضنتها: بسم الله عليكِ يابنتي بسم الله عليكِ شصاير لك
لويا كانت بس تبكي ومهي عارفه تتكلم من الصياح
عند شلتنا الحبيبه وصل لهم خالد وهاجر ركبت ورا وهي تشاهق وشهد نايمه بحضن عبدالله وعبدالله ابتسامتو واصله للسماء
خالد ضحك: انتبه لا ينقطع وجهك من الابتسامه
عبدالله: اسكت لا تخرب علي الجو وسوق
خالد لف لتالا: فين اوديكم طيب
تالا: عالمستشفى
عبدالله باستغراب: مايحتاج مستشفى اقدر افحصها بالبيت
تالا: ماقصدي شهد قصدي الي جنبك
عبدالله طالع ب هاجر الي تبكي بصمت: ليه شصارلها
تالا بضيق ولاحظه خالد بس ماحب يضغط عليها: ودونا المستشفى وبس وانتي خلاص وقفي بكي مو ناقصين تتعبين
عبدالله: خلاص لا ترفعون أصواتكم بتزعجون شهد
تالا: اسكت يالعاشق الولهان لا بالدله على راسك
عبدالله: ايت دله مابه دله جنبك
تالا: اسكت اسكت
عند شوق وهديل
طبعا شوق وصلت عند هديل ورفضو يدخلوها وهي تبكي جا الدكتور واستغرب وجود وحده تصيح: عفوا اختي فيك شي
شوق: ا. خ. ت. ي ج. و وشهقت: اختي جوا ومو راضين يدخلوني
الدكتور استغرب وطالع بالغرفه وعرف غرفة مين: اها ثواني بس ويدخلوك
شوق بفرحه: جد
الدكتور: ايه وراح دخل عند هديل ولقاها صاحيه وتناظر بالفراغ تنحنح: احمم سلام
هديل طالعت فيه وكشرت: قلت مابي اشوف احد
الدكتور: اختك برا
هديل اخذت علبه مويه كانت جنبها ورمتها عليه: ماتفهم انت قلتلك براا
الدكتور طلع وهو يتنهد: ادخلي عندها يااختها وشوف ماصدقت على الله ودخلت عند هديل وعلى طول راحت حضنتها وهي تصيح: يكلبه كذا تخوفيني عليك
هديل بعدتها ببرود: مشعل رد عليك
شوق: لا ليه
هديل ابتسمت ابتسامه باهته: نواف راح
شوق انصدمت: و. ش وش تقولين
هديل: راح وتركنا زي عادته هرب!
شوق: ل. ا ل. ا انتي كذابه تمقلبيني
هديل انسدحت عالسرير ولفت ودموعها بينزلو: اطلعي برا
شوق طلعت برا وهي مصدومه واخذت جوالها دقت ع مشعل وبعد عدة رنات رد: حبيبتي
شوق بغصه: جد الكلام الي سمعته
مشعل الي كان يسوق وقف: وش سمعتي
شوق: ن.ن. نواف هرب
مشعل: وينك فيه انتي الحين
شوق وعيونها امتلت دموع: جاوبني صدق هالكلام
مشعل: وينك بجيك
شوق: بالمستشفى
مشعل خاف: ليه وش فيك
شوق بضيق: هديل تعبت وجابوها المستشفى وجيت اشوفها ومارضو يدخلوني ولما دخلت عندها طردتني
مشعل: ب اي مستشفى انتو
شوق: بمستشفى..
مشعل وهو يحرك السياره: خلاص انا قريب بجيك ونتكلم
شوق قفلت منه وجلست عالكرسي وهي متوتره كم دقيقه ووصل مشعل وصل عندها وهو يلهث انخرشت: شفيك كنت تركض
مشعل وهو يتنفس بسرعه: خفت عليك
شوق: اجلس طيب
مشعل جلس وهو ياخذ نفس طويل ويزفره: كيف صحة هديل
شوق: نفسيتها خرا وقالو انها بخير بس الضغط عندها انخفض وانهيار عصبي من النوع الخفيف بسبب الصدمه وماهي راضيه تقابل احد
مشعل بضيق مسك يدين شوق: انتي قويه صح شوقي
شوق قلبها خفق خوف: ايه
مشعل: حتقفين جنب هديل وتقوينها بإذن الله
شوق: ايش صاير يامشعل خوفتني
مشعل: انا مادري وش بضبط لكن نواف اختفى مادري وين لا أطباء يدرون ولا احد بس اكيد انه هوا الي طلع بنفسه مو احد أجبره او شي
شوق عقدت حواجبها بضيق: كيف يعني كلام هديل صح هو راح وتركنا
مشعل: مانقول ترككم لكن ايوا راح
شوق ضمت شفايفها ببعض وهي تحاول تحبس البكيه وبصوت خفيف: ليش
مشعل ضمها: لا تحبسين البكيه وتتعبين وتتعبيني معاكِ
شوق بكت: ليش سوا كذا
مشعل: ماحد عنده إجابه لذي الاسئله غيره هو
بعد مرور وقت وشوق تبكي بعدت عنه ومسحت دموعها: اسفه خربت لك التيشيرت بدموعي
مشعل ابتسم: يفداك التيشيرت
شوق ابتسمت بس اختفت ابتسامتها وعقدت حواجبها وهي تشوف تالا وهاجر داخلين المستشفى ومعاهم خالد استغربت وقامت لهم ركض: شصار معاكم لقيتو لويا
تالا بضيق: ايوا هيا بالبيت لكن حالتها مو كويسه لارجعنا نفهم منها كيف هديل؟
شوق بضيق: من اسوء لاسوء ليه جاين انتو
تالا ناظرت ب هاجر: لا جلسنا كلنا نتكلم
شوق ناظرت لهاجر الي وجهها احمر وعيونها ذبلت من الدموع وشفايفها يرجفو خافت عليها ومسكته من كتفها لما حست انها دايخه: يابنت انتي بخير
تالا ساعدت شوق وجلسو هاجر: لي ساعه اقولك بطلي صياح متفهمين بزر انتي هذا وانتي بتصيرين ام وتصيحين كذا وش بقيتي للبزر الي داخلك
شوق بققت عيونها وصرخت: هاااا
كل الي بالمستشفى طالعو فيها بانزعاج ووحده دكتوره مرت من جنبهم وبانزعاج: لوسمحتو المكان دا مو للصراخ ولا لامثالكم اطلعو برا او اجلس بادب
تالا انقهرت بس ماقدرت ترد وناظرت شوق: ايه هي حامل ولا تسألين كثير بدخلها عند الدكتوره تفحصها واشوف وش تقول
شوق بضيق: زين انا بتطمن ع هديل
تالا: لاخلصت من هاجر اجي عندكم
شوق هزت راسها بطيب وراحت قدام غرفة هديل
عند شهد وعبدالله بالسياره
طبعا شهد كانت حاطه راسها بحضن عبدالله ونايمه بهدوء وعبدالله يتأملها جته رغبه يمسك شعرها وحط يده بشعرها وصار يلعب فيه كان يحاول يشبع عيونه فيها قرب وباس راسها بوسه طويله وسمع صوتها: هالمره سماح المره الجايه مايردني منك إلا ملك الموت
عبدالله ابتسم وهو لسه وجهه عن راسها وبصوت خفيف: عادي حلالي مو بس اني ابوس راسك
شهد فتحت عيونها وطالعت بعيونها وهي عاقده حواجبها: مو يعني عطيتك وجهه تاخذ راحتك بزياده
عبدالله: ابشري طال عمرك لكن كنت اقولك بس
شهد قامت وجلست: ويننا
عبدالله حط يده تحت ذقنه: بالمستشفى
شهد باستغراب: وليه
عبدالله: مدري تالا تقول عشان هاجر
شهد تذكرت: اها، وين هديل وشوق
عبدالله تذكر: هما بذا المستشفى كمان
شهد: بنزل اشوفهم
عبدالله: نعم
شهد: ابي اروح اتطمن حرام
عبدالله: انتي شايفه شكلك اولا؟
شهد كشرت: اوفف
عبدالله ابتسم: عادي يمكن يطلعو
شهد: طيب انزل انت عشان الجرح الي براسك ولا عاجبك
عبدالله لمس راسه: عاجبني عندك مانع
شهد طالع في المرايه: طز
عبدالله بقق عيونه قبل شوي يازينها: اخخ ياراسي
شهد طالعت فيه: قلتلك انزل
عبدالله بعناد: مابي
شهد: احسن
عبدالله بقلبه والله لااجننك وسوا نفسو داخ وسند راسه عالكنب ومسك راسه وغمض عيونه وشهد خافت عليه بس تكابر وماقدرت تسكت: انت بخير
عبدالله ضل ساكت:..
شهد قربت من عنده: هيي
عبدالله بصوت خفيف: امم
شهد: وش بتخسر لو نزلت
عبدالله لف وجهه لها: تخافين علي؟
شهد: لا بس امك بتخاف عليك
عبدالله بعناد: اجل ماني نازل
شهد كشرت: بزر انت
عبدالله: اي نعم
شهد: طيب يابزر انزل
عبدالله: اعترفي انك تخافين علي وبنزل
شهد: اكذب عليك يعني
عبدالله: قولي!
شهد: طيب اخاف عليك يلا اذلف
عبدالله ضحك ونزل: انتبهي لك
شهد: مابياكلوني الجن
عبدالله: والله المفروض ينخاف عليك من نسمة الهوا وقفل الباب وهيا استغربت: وش الي ينخاف علي من نسمة الهوا انهبل ذا
بعد مرور وقت الكل ركب السياره وهاجر ركبت بمساعدة تالا والضيق بوجهها: خلاص لا تبكين
هاجر بشهقات خفيفه: طيب
تالا ركبت السياره: خذ ياخالد جيب من هالدوا وخالد نزل وشهد تبي تسأل بس تكابر تحس بجرح كبيرر من اقرب صحباتها واخوها بس فكرت تسمع منها اكيد هاجر مابتسوي هالشي ووراه حسين انقهرت: وش فيها وش قالو
تالا بتعب: جسمها ضعيف مرا ومايتحمل الحمل ولازم تنتبه لنفسها والا بتتاذى ولا شي يأثر على نفسيتها لانه بياثر على البيبي
شهد ناظرت لهاجر: لاحول ولا قوة الا بالله حسابنا بالبيت مو هنا
تالا: خلاص ياشهد قفلي الموضوع الحين لا وصلنا تاكل وتأخذ اديتها وترتاح بعدين استجوبيها بالشكل الي تبينه
شهد تنهدت: قلبي ياكلني والله العظيم
هاجر ببكي: والله مالي ذنب
شهد: خلاص انطمي بطلي بكي لا يتأثر الي ببطنك ويطلع لنا بكايه زيك
هاجر ضحكت من بين دموعها: حرام عليكِ طيب يمكن بنت
شهد: بحجزها لنوافي
تالا ابتسمت لانو شهد تحاول تخفف عن هاجر عشان ماتتعب شوي وركبو خالد وعبدالله وصارت هاجر بالنص بين عبدالله وشهد وعبدالله انزعج: وش حطك هنا
هاجر: انااا
عبدالله: لا اناا
هاجر بتعب حطت راسها ع كتف شهد: اها طيب
عبدالله: هيي اكلمك وش مجلسك مكاني
شهد: وش شايف انت البنت تعبانه
عبدالله: وانا بعد تعبان
تالا: حتى شهد تعبانه خلاص انطمو ياتوم وجيري
شهد ضحكت: خذيني عندك بليزز
تالا: مافي مكان الا اذا تبين احطك في حضني
شهد: يلا
تالا: نطي
شهد: يلا يلا امسكيني
خالد بانزعاج: تبوني اسوي حادث شكلكم ياشهد خلك مكانك لاجيتي هنا برميك من الشباك
شهد: وليش ان شاء الله صحبتي قبل لاتصير مرتك تراا
خالد: زوجتي كيف انا اغار
شهد: ترضيها يا تالا
تالا: ابداا كيف ارضى اقولك تعالي ماعليك منه براضيه بعدين
شهد ضحكت: قليلة ذوق تقولينها قدامي
تالا:اعذريني بس الحقيقه واجبه
شهد: كذا كذا ماخذنك منه
خالد: نعمم
شهد: زي ماسمعت
خالد لف لتالا: منجدها
تالا بخوف: طالع الطريق لا نصدم
خالد لف للطريق: صدق الي تقوله
تالا: ايوا بكون معهم هالاسبوع وسيارتك بتضل معاي شف لك سياره ثانيه
خالد: لا نزلتهم نتفاهم ماقدر اتفاهم معك هنا
تالا كتمت الضحكه: حسستني بتحقيق مانقدر تتكلم الا اذا ماكان في احد عشان مايطلع برا
خالد: طيب هو فعلا خصوصيات بين الازواج
تالا: فضحتنا عند العرب
عبدالله: كملو كملو نتعلم منكم يعني تدرون اننا متزوجين حديثًا
شهد لفت له ورفعت حاجب وهو طالع فيها ببراءه: ماقلت شي
تالا كانت تضحك عالخفيف حاسه انو شهد بتهبدها لو نطقت بحرف
وصلو الشقه بعد طول انتظار وطبعا اول وحده نزلت هي شهد وصفقت الباب وراها وعبدالله نزل عشان يتطمن على امه ويطمنها وتركو خالد وتالا بالسياره
شهد اول مادخلت شافت ام عبدالله ابتسمت لها وحضنتها: ليه مانمتي
ام عبدالله: قلقانه عليكم
عبدالله دخل وشافهم حاضنين بعض وانضم لهم وحضنهم الثنين مع بعض وشهد استفزتها الحركه بس سوت نفسها طبيعيه وبعدت: وين لويا
ام عبدالله: نامت بعد مده طويله من البكي
شهد: خل يطيح بيدي الي كان السبب والله لااقطعه باسناني
عبدالله: يامتحوشه باسنانك مره وحده وش مقصره يدينك
شهد: كيفي
عبدالله: عاد يمه استأذن بروح انام وارتاح
ام عبدالله بخوف: في ذا الوقت
عبدالله: ايه خالد برا
خالد وتالا دخلو متشابكين الايادي: وش فيني انا
عبدالله: بنرجع مع بعض
خالد: من قال اني برجع بنام هنا
عبدالله كشر: وصخ تسحب علي
شهد: نامو بالمجلس انت وهو
تالا: ليش ان شاء الله انا ابي اكون مع زوجي
ام عبدالله تثاوبت: انا بروح غرفتي ولحد يزعجني او يزعج لويا وهاجر تفاهمن لوحدكم كلكم متزوجين
شهد بققت عيونها: بنام معك طيبب او خدي عبدالله
ام عبدالله: كل واحد له غرفه شتبين في غرفتي وياويلك ان لقيتك عند باقي البنات كلهن تعبانات
شهد كشرت: وش يعني
ام عبدالله: تعطين المجلس لتالا وخالد او تعطيهم غرفتك
شهد: وعبدالله
ام عبدالله: كيفك زوجك تفاهمي معه وقفلت غرفتها
تالا: ها ناخذ غرفتك
شهد: تخسين انا بنام فيها
تالا توجهة للمجلس وقفلت الباب وشهد احتارت وهي تطالع في عبدالله وواضح انه تعبان انقهرت: امشي معي
عبدالله كان بيبتسم بس مسك ابتسامته ودخلو لغرفه شهد الي كانت تميل للهدوء وطاقه ايجابيه وسريرها كبير حس براحه كبيره: ماشاءالله الغرفه حلوه
شهد: ادري بروح اخذ شور تبي ترتاح ارتاح
عبدالله هز برأسه وشهد اخذت أغراضها ودخلت الحمام وعبدالله يتأمل الغرفه وترتيبها وجلس عالسرير وانسدح بتعب وغفى بدون مايحس وبعد مده خرجت شهد من الحمام"اكرم الله القارئ" لقت عبدالله نايم كانت تنشف شعرها تركته وقربت عنده: اف غبي وشالت عنه الشوز والشرابات والاشياء الي تضايقه وحاولت تعدل سدحته لانه كان ماخذ حيز كبير من السرير وتقلب وهي طاحت وضربت شفتها في جبهتها وقام مخروش وانخرش لما شاف الدم ينزل من شفتها: بسم عليك بسم الله عليك وش صار
شهد وهي تضغط عالجرح: ولاشي ولاشي ارجع ارقد
عبدالله وهو يرفع وجهها وبعد يدها: وش ذا الدم
شهد احمرت خدودها من الموقف المحرج: كنت بعدل لك سدحتك عشان اقدر انام انا بعد بس انت ثقيل يعني فا قلبتك بقوه وماقدرت اتوازن وطحت
عبدالله وهو يمسح الدم وقلبه طبول: سلامتك، توجع؟
شهد: مو كثير
عبدالله: كان صحيتيني عجبك انك تعورتي الحين؟
شهد: كنت تعبان عاد
عبدالله: وليه شعرك كذا
شهد مسكت شعرها: وشبه
عبدالله: مبلول نشفيه
شهد قامت: بنشفه نام انت
عبدالله توه استوعب: بننام في نفس السرير!
شهد: يب
عبدالله: هاا
شهد لفت عليه: ليه ماتبي؟
عبدالله: لا قصدي اي قصدي مابتتضايقين؟
شهد: لا عادي بحط بيننا مخدات
عبدالله: بس انا اتحرك واجد
شهد: مومشكله
عبدالله بينه وبين نفسه: عز الله رحت فيها اليوم ياعبدالله
شهد حست انه مايبي: لو ماتبي ترا عادي قول لي وبفرش لك الأرض لاني ماراح اتخلى عن سريري وبس كنت راحمتك
عبدالله انسدح: والله ماقوم
شهد ابتسمت: غبي
عبدالله ابتسم لابتسامتها: الا صدق هاجر حامل
شهد تذكرت وتضايقت: همم
عبدالله حس في ضيقتها وكان نفسه يضرب نفسه بس ميقدر: اسف
شهد بسرحان: عادي ماقلت شي غلط وقفلت النور وحطت إضاءة خفيفه وقربت للسرير وحطت بينهم مخدات وانسدحت ع ظهرها تفكر في المصيبه الي طاحو فيها وعبدالله يتأملها الين غفت وحس فيها نامت حرك يده قدام عيونها وماتحركت جلس وشال المخدات وماهم بحيث مايصير بينهم حاجز ورجع انسدح بس هي تقلبت لجهته وطاح شعرها ع وجهها مامنع نفسه وقرب وبعد عن وجهها خصلات الشهر الطايحه وهو مبتسم لملامحها وبينه وبين نفسه: ليتك بريئه زي لما تكوني نايمه وليتك زي اليوم كل يوم ماتجرحين بكلمه طاحت عينه على الجرح وحط يده ببطئ على الجرح وباس مكان الجرح وبهمس: جعله فيني ولا فيك ونام وهو مبتسم ومبسوط
وحتى انا مبسوطه وكلنا مبسوطينن
انتهى
_______&&&§§§
يالله انكم تحيههمم قررت انزل لكم البارت ذا رغم انه قصير وماهو بذاك الزود لكن راح اعوضكم بإذن الله قريباً والأحداث بدأت تترابط ومابا اصدمكم مره وحده ف قاعده امهد لكم الطريق ونزلت درجاتي وكنت جدا مبسوطه فيها وقررت اني اخليكم مبسوطين معي في بارت خفيف لطيف جميل مثل هذا اشوفكم في البارت الجاي
احبكمم❤️❤️
